Pentref a chymuned ger Caernarfon, Gwynedd, yw Llandwrog ( ynganiad ). Mae ar yr A499 hanner ffordd rhwng Caernarfon a Chlynnog. Yn ymyl y pentref ceir Parc Glynllifon, hen blasdy mawr sydd bellach yn ganolfan i weithgareddau o bob math. I'r gogledd mae Morfa Dinlle a'i draeth braf a Bae'r Foryd, lle rhed Afon Gwyrfai i'r môr.
![]() | |
Math | cymuned, pentref ![]() |
---|---|
Daearyddiaeth | |
Sir | Gwynedd ![]() |
Gwlad | ![]() |
Cyfesurynnau | 53.07°N 4.32°W ![]() |
Cod SYG | W04000072 ![]() |
Cod OS | SH450560 ![]() |
Gwleidyddiaeth | |
AC/au | Siân Gwenllian (Plaid Cymru) |
AS/au | Hywel Williams (Plaid Cymru) |
![]() | |
Cynrychiolir yr ardal hon yn Senedd Cymru gan Siân Gwenllian (Plaid Cymru)[1] ac yn Senedd y DU gan Hywel Williams (Plaid Cymru).[2]
Mae'r pentref wedi bod yn gartref i Gwmni Recordiau Sain ers iw stiwdio recordio cyntaf agor ar fferm Gwernafalau yn 1975.
Yr eglwys
Mae'r eglwys yn gysegredig i Sant Twrog. Yn ôl traddodiad cafodd ei sefydlu gan y sant yn y 6g. Yn anffodus dydi'r hen eglwys ddim yn sefyll bellach. Codwyd un newydd yn ei lle yn 1860. Cedwir rhai o'r cofebion i Wyniaid a Glyniaid Glynllifon yn yr eglwys newydd; maen nhw i gyd yn perthyn i'r 18g.
Cyfrifiad 2011
Yng nghyfrifiad 2011 roedd y sefyllfa fel a ganlyn:[3][4][5]
Cyfrifiad 2011 | ||||
---|---|---|---|---|
Poblogaeth cymuned Llandwrog (pob oed) (2,539) | 100% | |||
Y nifer dros 3 oed sy'n siarad Cymraeg (Llandwrog) (1,920) | 77.7% | |||
:Y ganran drwy Gymru | 19% | |||
Y nifer sydd wedi'u geni yng Nghymru (Llandwrog) (1910) | 75.2% | |||
:Y ganran drwy Gymru | 73% | |||
Y nifer dros 16 sydd mewn gwaith (Llandwrog) (398) | 36.1% | |||
:Y ganran drwy Gymru | 67.1% |
Enwogion
- John Parry (1775-1846), awdur Rhodd Mam.
- Caio P. Peisley - Brenin Sir Gaernarfon yn y 1200au cynnar.
Atyniadau eraill
- Caer Belan - Caer o'r cyfnod Napoleonaidd ar lan Afon Menai
- Dinas Dinlle - Caer Geltaidd ym Morfa Dinlle ar lan y môr, a gysylltir â Phedair Cainc y Mabinogi.