Pentref bychan yn ardal Ardudwy, Gwynedd yw Pentre Gwynfryn (
ynganiad ). Fe'i lleolir tua milltir i'r dwyrain o Lanbedr wrth gymer Afon Artro ac Afon Cwmnantcol.
 | |
| Math | pentrefan  |
|---|---|
| Daearyddiaeth | |
| Sir | Llanbedr |
| Gwlad |  Cymru |
| Cyfesurynnau | 52.823°N 4.084°W |
| Cod OS | SH596270 |
| Gwleidyddiaeth | |
| AS/au Cymru | Mabon ap Gwynfor (Plaid Cymru) |
| AS/au y DU | Liz Saville Roberts (Plaid Cymru) |
 | |
Saif y pentref gwledig ar ffordd sy'n dringo o Lanbedr i gyfeiriad Cwm Nantcol a bryniau'r Rhinogau. Y fferm pellaf yng nghesail y cwm yw Maesygarnedd, rhyw bum milltir (7 km) i'r dwyrain; dyma gartref John Jones, un o'r gwŷr a arwyddodd warant marwolaeth Siarl I, brenin Lloegr a brawd-yng-nghyfraith Oliver Cromwell.
Cynrychiolir yr ardal hon yn Senedd Cymru gan Mabon ap Gwynfor (Plaid Cymru)[1] ac yn Senedd y DU gan Liz Saville Roberts (Plaid Cymru).[2]
Capel Salem
Daeth Capel Salem ym Mhentre Gwynfryn yn enwog diolch i'r paentiad adnabyddus gan Sydney Curnow Vosper o Siân Owen yn eistedd yn y capel yn ei siôl Gymreig. Cred rhai eu bod yn medru gweld llun y Diafol ym mhlygiadau'r siôl. Mae paentiad Capel Salem i'w gweld heddiw yn Oriel Gelf yr Arglwyddes Lever (Lady Lever Art Gallery) yn Port Sunlight, Cilgwri, Lloegr.
Cofrestrwyd y capel a thŷ'r gofalwr, sy'n sownd iddo, gan Cadw fel Gradd II ar 20 Tachwedd 1966, oherwydd "ei fod yn esiampl ddao o gapel o ganol y 19g, sydd wedi cadw ei gymeriad traddodiadol yn dda a bod iddo lawer o nodweddion gwreiddiol gan gynnwys fanylion gwreiddiol mewnol megis y ffenestri." Rhif Cofrestru Cadw: 4781.[3] Fe'i codwyd yn 1850, a deg mlynedd yn ddiweddarach bu'n rhaid ei ymestyn, gan ei fod yn rhy fach.
Salem gan Sydney Curnow Vosper.
Y rhan honno o'r capel lle peintiwyd y llun enwog o Sian Owen, Tyn y Fawnog a'i siôl.
Capel Salem, Pentre Gwynfryn.
Cyfeiriadau
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
