En Verono oni proklamis 18 mortopunojn kontraŭ 19 akuzitoj. Savis sin nur Tullio Cianetti, kondamnita je 30 jaroj. Inter la mortokondamnitoj estas Galeazzo Ciano, bofilo de Mussolini.
Estis ekzekutitaj la kvin faŝistestroj mortokondamnitaj en la proceso de Verono. Ili estas Ciano, Gottardi, Pareschi, Marinelli kaj la maljuna marŝalo Emilio De Bono 78-jaraĝa. La cetero sukcesis fuĝi.
12-a de januaro: La aliancanoj bombardadis intense la zonon de Anzio, preparante la estontan elŝipiĝon.
Brita bombardado sur Berlino pere de 891 bombaviadiloj; estis atakita ankaŭ Frankfurto ĉe Odro.
Denove la usonanoj bombardadis la abatejon de Montecassino pere de 229 bombaviadiloj. La germanoj okupis la ruinojn de la abatejo, kio havigis al ili bonegan pozicion por defendo.
La novzelandanoj elŝipiĝis sur la Verdaj insuloj, inter Nov-Irlando kaj Boungaiville.
Aviadiloj de Usono bombardadis la insulon Wake.
16-a de februaro: Granda usona aeratako sur Truk, la ĉefa japana marbazo transmara. Pli ol 250 japanaj aviadiloj estis detruitaj kaj 200 000 tunoj el ŝipoj estis vrakigitaj.
La RAF realigis precizan bombardadon sur la prizono de Amiens, plenplena je prizonuloj de la franca rezistado. Fuĝis 258 prizonuloj sed aliaj 102 mortis kaj la plej parto estis rekaptitaj.
La norvega rezistado vrakigis pramon kiu transportis al Germanio la pezan akvon produktitan en la norvega fabriko de Norsk Hydro. Tio estis grava frapo kontraŭ la germana atomprogramo.
Startis la Granda Semajno kontraŭ la germana aviadilindustrio. La usonanoj bombardadis la industriojn de Leipzig, Bernburg, Tutow, Helmstedt, Brunsvigo ktp., pere de 1008 bombaviadiloj.
La RAF bombardadis Stuttgart pere de 700 bombaviadiloj.
Novaj unuoj de germanaj paraŝutistoj plifortigis la poziciojn de Cassino.
En la Balta Maro, la sovetoj rompis la germanajn defendejojn en la zono de Ĥolm.
La usonanoj bombardadis la aviadilajn industriojn de Oschersleben, Halberstadt, Bernburg, Aschersleben, Gotha kaj Schweinfurt pere de 799 bombaviadiloj.
Eberhard von Breitenbuch klopodis memmortigan atakon kontraŭ Hitler sed li ne sukcesis alproksimiĝi (la atako estis planita de Claus von Stauffenberg).
La USAF bombardadis Munster en Germanio kaj Wizernes en Francio.
La usona aviadilaro bombardadis la marbazon de Toulon pere de pli ol 500 bombaviadiloj.
La papo Pio la 12-a alvokis la militantojn por ke la urbo Romo ne estu detruita.
Okazis bombardado sur Padovo.
La ukraina urbo Uman estis rekonkerita de la sovetoj.
La japanoj okupis Raĥen, en Birmo.
Japana kontraŭatako en Bougainville.
Usonaj trupoj elŝipiĝis en la insuloj de la Admiralteco.
La RAF bombardadis Hamburgon ĵetante preskaŭ 3 000 tunojn el bomboj.
La aliancanoj bombardadis kelkajn celojn en la franca kaj nederlanda marbordoj.
234 usonaj bombaviadiloj atakis Klagenfurton.
Trupoj germanaj okupis la rumanajn naftokampojn.
La lasta judo en Vinico, fifama foto pri masakro de judoj faritaj de germanoj en 1942. La foto estis trovita en albumo de germana soldato post la sovetoj rekuperis la ukrainan urbon Vinico en marto 1944.
La naftoŝipo "ARC Cabimas" survoje el Kartaĥeno al Panamo, protektita de la ŝipo "ARC Caldas", detektis la germanan submarŝipon U-154 en akvoj de Kolombio kaj vrakigis ĝin.
La usonanoj bombardadis Oranienburgon kaj Branderburgon pere de 776 bombaviadiloj.
277 usonaj bombaviadiloj atakis la marbordajn defendejojn de la zono de Kalezo.
La britoj bombardadis pere de 500 bombaviadiloj la fabrikojn Renault en Parizo: mortis 1 383 francaj civiluloj. Estis atakitaj ankaŭ la flughavenojn de Rouen kaj Tergnier.
La USAF bombardadis la flughavenojn kaj fervojajn centrojn de Bruselo, Montignies-sur-Sambre, Thionville, Nancy, Belfort kaj Mulhause per 406 bombaviadiloj.
Ĉirkaŭ 350 usonaj bombaviadiloj atakis Lyon kaj la marbazon de Toulon.
Operaco Rösselsprung fare de la Akso por klopodi elimini Josip Broz Tito kaj lian Altan Stabanaron en Drvar.
La USAF bombardadis la fervojajn centrojn de Strasburgo en Francio kaj Neunkitchen, Saarbrucken, Karlsruhe, Mannheim kaj Ludwigshafen en Germanio per 1126 bombaviadiloj.
La flughavenoj de Avignon, Montpellier, Nimes kaj Marsejlo estis bombarditaj per 700 britaj bombaviadiloj.
La usonanoj elŝipiĝis sur la insulo Biak, en Nova Gvineo.
La USAF bombardadis la aerodromojn de la zono de Bordozo fare de 464 aviadiloj.
La rusoj transpasis la Linion Mannerheim, en Karelio.
En Ĉinio, la usonanoj bombardadis la japanajn bazojn de la zono de la lago Dongting pere de 158 bombaviadiloj kaj ĉasaviadiloj, kio ripetiĝos la venontan jaron.
La USAF bombardadis la lanĉejojn de la V-1 de la marpasejo de Kalezo kaj la industriojn de hidrogenado (sinteza benzino) de Konigsberg, kaj Hamburgo fare de 1548 aviadiloj.
La sovetoj eniris en Finnlando kaj konkeris Viborg.
La RAF bombardadis la rafinejojn de Wesseling kaj Scholven kaj la stokejojn de la flugobomboj V en la okcidental franca marbordo fare de 400 aviadiloj.
La USAF bombardadis la flughavenojn de la zono de invado pere de 692 bombaviadiloj kaj ĉasaviadiloj.
Kapitulaco de la germanaj fortoj de la duoninsulo Contentin.
En la faŝisma Italio oni fondis la organizon de la Nigraj Brigadoj.
La lastaj germanaj unuoj ĉirkaŭitaj en Vitebsk kapitulacis aŭ estis eliminitaj.
Mapo de la Minska Ofensivo: ruĝaj sagoj, la ofensivo de Sovetunio; nigraj sagoj, movoj de Germanio.
1-a de julio: En Leningrado la taglibristino Tanja Saviĉeva mortis pro malsatego 14-jaraĝa. Ŝia taglibro pri la mortoj de ŝiaj familianoj dum la sieĝo famiĝis.
2-a de julio: La flugobomboj V-1-oj plufaras detruojn en Sudorienta Anglio kaj por materiala detruo kaj pro mortigoj.
9-a de julio: Post forta rezistado Caen, Francio, estis liberigita de Britaj trupoj maldekstre de la avanco de Aliancanoj.
Saipano estis deklarita sekura, post la japanoj perdis ĉirkaŭ 30 000 trupojn; lastmomente eĉ nombraj civiluloj memmortigis pro kuraĝigo de japana militistaro.
12-a de julio: Hitler malakceptis la proponon de la General-Marŝalo Walther Model por retiriĝo de germanaj fortoj el Estonio kaj Norda Latvio kaj retiriĝo al la rivero Daugava.
17-a de julio: Marŝalo Rommel estis grave vundita kiam lia aŭto estis frapita el la aero en Francio.
18-a de julio: Generalo Hideki Tojo rezignis kiel ĉefministro de la japana registaro ĉar la malvenkoj de la japanaj militfortoj plue pliiĝis. La imperiestro Hirohito petis la Generalon Kuniaki Koiso formi novan registaron.
20-a de julio: La Atenco de la 20-a de julio 1944 fare de la kolonelo Claus von Stauffenberg malsukcesis mortigi Hitleron. Hitlero estis vizitanta sidejojn en Rastenburg, Orienta Prusio. Reprezalioj okazis kontraŭ la komplotistoj kaj ties familioj, kaj eĉ kontraŭ Rommel.
21-a de julio: Usonaj marsoldatoj surteriĝis sur Gvamo.
22-a de julio: Hitler permesis retiriĝon el la rivero Narva al la Tannenberga defendolinio en la montetoj Sinimäed 20km okcidente el Narva.
24-a de julio: Usonaj marsoldatoj surteriĝis sur Tiniano, lasta el la Marianoj (post Saipano kaj Gvamo); Tiniano estos finfine bazo por B-29 bombaviadiloj, kaj la bazo el kiuj eliros la atombombaj bombaviadiloj.
La koncentrejo Majdanek estis liberigita de sovetaj fortoj, nome la unua de multaj. Sovetunio havis tiam la kontrolon de kelkaj grandaj urboj en Pollando, kiel Lublin.
Usonaj bombaviadiloj erare atakis usonajn trupojn ĉe Saint-Lô, Francio.
En la Leningrada Fronto Narva estis konkerita de sovetoj.
27-a de julio al 10-a de aŭgusto: Bataloj de la Tannenberga Linio. Je la starto de la bataloj estis 25 estonaj kaj 24 nederlandaj, danaj kaj flandraj infanteriaj batalionoj de la germana flanko en la Narva Fronto. La artileriaj fortoj, kaj la tankaj, inĝenieraj kaj aliaj specialaj unuoj estis komponitaj ĉefe de germanoj. La atako fare de soveta armeo estis haltigita, dekoj da miloj da homoj estis mortigitaj de ambaŭ flankoj.
28-a de julio: La Ruĝa Armeo konkeris Brest-Litovsk, nome la simbola loko de la rus-germana pactraktato de la Unua mondmilito.
29-a de julio: Decida tago en la Batalo de Narva, kiam la unuo de la germana armeo "Narwa", inkludis rekrutitajn estonojn por ahltigi la avancon de la soveta Balta Ofensivo dum plia unu kaj duono monatoj.[1]
La Ruĝa Armeo izoligis la Baltajn Landojn el Orienta Prusio per konkero de Kaunas.
La usonanoj kompletigis la konkeron de la insulo Tiniano.
3-a de aŭgusto: Mjiĉina, en norda Birmo, falis en povo de Aliancanoj (usonanoj kaj ĉinoj de Stilwell), post akra defendo fare de japanoj.
4-a de aŭgusto: Florenco estis liberigita fare de Aliancanoj, partikulare de britaj kaj sotdafrikaj trupoj. Antaŭ eliri, la germanoj sub Generalo Albert Kesselring detruis kelkajn historiajn pontojn kaj historie valorajn konstruaĵojn.
Ukrainiaj insurekciantoj mortigis 42 polajn civilulojn en la Masakro de Baligrodo.
7-a de aŭgusto: Unuaj juĝoj de la bombokonspirintoj kontraŭ Hitler startis en tribunalo prezidita de fama juĝisto Roland Freisler.
8-a de aŭgusto: La bombokonspirintoj kontraŭ Hitler estis pendumitaj kaj iliaj korpoj penditaj el viandohokoj. Reprezalioj kontraŭ iliaj familioj pluis.
10-a de aŭgusto: Gvamo estis liberigita de usonaj trupoj; ĉiuj el la Marianoj estis tiam en usonaj manoj. Ili iĝos tuje grava aera kaj mararmea centro kontraŭ la japana ĉeftero.
14-a de aŭgusto: La malsukceso de Aliancanoj fermi la sakon Falaise en Francio montriĝis avantaĝa por la germanoj kiuj fuĝis oriente por eviti la ĉirkaŭon fare de Aliancanoj.
19-a de aŭgusto: La Franca Rezistado startigis ribelon en Parizo, parte inspirita de la alproksimiĝo de Aliancanoj al la rivero Seine.
Per radio-elsendo, Jüri Uluots, fakta ŝtatestro de Estonio, alvokis la estonajn rekrutitojn forpeli la sovetajn armitajn fortojn ĝis oni subskribos pactraktaton kun Germanio.
Polaj skoltoj ludis gravajn rolojn en la Varsovia Ribelo.
20-a de aŭgusto: La Ruĝa Armeo relanĉis sian ofensivon en Rumanion.
25-a de aŭgusto: Parizo estis liberigita; De Gaulle kaj la Libera Francio paradis triumfe laŭ la Champs-Élysées. La germana militistaro malobeis la ordonojn de Hitlero bruligi la urbon. Dume la sudaj Aliancanoj moviĝas el la Riviera, konkeris Grenoble kaj Avignon.
La ribelo en Varsovio pluas; la fortoj de la Ruĝa Armeo estas disponeblaj por anstataŭo kaj plifortigo, sed ŝajne estas malkapablaj fari ion sen ordono de Stalino.
12-a de septembro: Startis la Dua Kebeka Konferenco (kodnome "Oktagono"): Roosevelt kaj Churchill studas militan kunlaboradon en Pacifiko kaj la estontecon de Germanio.[5]
Nancio estis liberigita fare de la Usona Unua Armeo.
20-a de septembro: La registaro de Estonio kaptis la registarajn konstruaĵojn de Toompea el la germanaj fortoj kaj alvokis al Sovetunio por la sendependo de Estonio.[6]
Startis la Dua Konferenco de Dumbarton Oaks: ĝi markos gvidliniojn por Unuiĝintaj Nacioj.
En Belgio, Karolo de Belgio estis deklarita Princo-Regento dum oni prokrastis decidon ĉu la iama reĝo Leopoldo la 3-a rajtos iam reveni al siaj funkcioj post esti akuzita je kunlaboremo.[7]
25-a de septembro: Britaj trupoj estis forpelitaj el Arnhem pro la malsukceso de la Operaco Market Garden. Ĉirkaŭ 6 000 paraŝutistoj estis kaptitaj. Espero de tuja fino de la milito estas malaperintaj.
La Usona 9a Korpuso alvenis en Pacifiko.
26-a de septembro: Unuaj montroj de interna milito en Grekio ĉar la komunismema Naciliberiga Fronto kaj la brit-apogita registaro aspektas nekongrueblaj.
30-a de septembro: La germana soldataro en Kalezo kapitulacis al trupoj de Kanado. Dume, Hitler ankoraŭ pensis, ke ĝi estos la fokuso de la trans-kanala invado.
Marŝalo Rommel, suspektita kiel unu el la "bombokomplotistoj" memmortigis por savi sian familion. Li estis poste entombigita kun plenaj militistaj honoroj.
1-a de novembro: Britaj fortoj okupis Tesalonikon, Grekio, kaj distribuis manĝon en Ateno, kiu estis suferante malsategon.
Startis la Operaco Infatuate, nome Aliancana klopodo por liberigi la alproksimejojn al Antverpeno; amfibiaj surteriĝoj okazis en la insulo Walcheren.
2-a de novembro: Kanadaj trupoj konkeris Zeebrugge en Belgio; Belgio estis tiam entute liberigita.
En la nokto de la 2a al la 3a de novembro 1944 okazis bombardado sur la industriaj areoj de Düsseldorf-Derendorf.
4-a de novembro: Restintaj fortoj de la Akso retiriĝis el la Grekia ĉeftero. Germanaj okupacifortoj restos en kelkaj Grekiaj insuloj ĝis la kapitulaco.
Brita generalo John Dill mortis en Vaŝingtono, kaj estis entombigita en Arlingtona nacia tombejo, la nura eksterlandano kiu ricevis tiun honoron tiam.
23-a de novembro: Metz, en Francio estis konkerita, kaj Strasburgo, en orienta Francio, estis liberigita fare de francaj trupoj.
24-a de novembro: La unuaj bombaviadiloj B-29 devenaj el Tiniano, en Marianoj, atakis Tokjon. La usona ŝipo Intrepid estis frapita de kamikazoj por la tria fojo; other American ships are heavily damaged.
25-a de novembro: Japanoj konkeris Naningon en suda Ĉinio, dum la milito en tiu mondoregiono pluas.
26-a de novembro: La milito en Italio estas haltigita, partle pro fortaj pluvoj.
Heinrich Himmler ordonis ke la kremaciejoj kaj gasĉambroj de Auschwitz II-Birkenau estu dismuntitaj.
3-a de decembro: La Dekemvriana ("Decembraj okazaĵoj") ekis en la ĉefurbo de Grekio, Ateno, inter membroj de la maldekstra Naciliberiga Fronto kaj fortoj de la registaro, apogitaj de britoj. La tumultoj estis limigitaj al Ateno tamen, kaj la cetero de la lando restis relative sentumulta.
16-a de decembro: La Batalo de Ardenoj ekis kiam germanaj fortoj klopodis trarompon en la regiono de Ardenoj. La ĉefa celo de la plano de Hitlero estis la rekonkero de Antverpeno.
17-a de decembro: Malmedia masakro: Trupoj de SS ekzekutis 84 usonajn militprizonulojn en la Ardena ofensivo. La SS-anoj estis kondukita de SS komandanto Joachim Peiper. : La Kobra tajfuno frapis la Trian Floton de Admiralo Halsey; tri destrojeroj estis frapitaj kaj preskaŭ 800 vivoj estis perditaj.
22-a de decembro: La batalo por Bastogne estis siapinte, dum la usonanoj havis malabundan municion.
23-a de decembro: La vetero pliboniĝis super la Ardenoj, kio permesis al Aliancana aviadilaro startigi siajn atakojn kontraŭ la germana ofensivo, nura faktoro kiun Hitler timis en sia planado.
24-a de decembro: Startis usona kontraŭatako ĉe "Ardenoj". : La belga transportoŝipo Leopoldville estis sinkigita ĉe la marbordo de Francio. Pli ol 800 vivoj, ĉefe de tiuj de usonaj servuloj, perdiĝis. : Manĉestero estis atakita de flugobomboj V-1.
26-a de decembro: La sieĝo de Bastogne estis rompita, kaj per tio la Ardena ofensivo montriĝis malsukceso. : Rasaj konfliktoj startis ene de la usona militistaro en Agana, Gvamo.
28-a de decembro: Churchill kaj sia Sekretario pri Eksterlandaj Aferoj Anthony Eden estas en Ateno por klopodo reamikigi la militantajn frakciojn.
Toomas Hiio (2006). Combat in Estonia in 1944. En: Toomas Hiio, Meelis Maripuu, Indrek Paavle (Eld.). Estonia 1940–1945: Reports of the Estonian International Commission for the Investigation of Crimes Against Humanity. Tallinn.
Chronology of Events in 1939–1945 En Webarchive 9a de junio 2007. Estonia 1940–1945. Informo de la Estona Internacia Komitato por la Esplorado de Krimoj kontraŭ la Homaro.