భారత జాతీయ క్రికెట్ జట్టు
భారతదేశం తరఫున అంతర్జాతీయ క్రికెట్లో ప్రాతినిధ్యం వహించే జట్టు / From Wikipedia, the free encyclopedia
భారతదేశం తరఫున అంతర్జాతీయ క్రికెట్లో ప్రాతినిధ్యం వహించే జట్టు, భారత క్రికెట్ జట్టు. ఇది భారత క్రికెట్ కంట్రోల్ బోర్డు (BCCI) అజమాయిషీలో ఉంటుంది. ప్రస్తుతం భారత క్రికెట్ జట్టు ప్రపంచంలోనే స్పాన్సర్షిప్ రూపంలో అత్యధిక డబ్బును ఇచ్చే జాతీయ క్రీడాజట్టుగా నిలిచింది.[10] ఈ జట్టును మెన్ ఇన్ బ్లూ అని కూడా అంటారు,[11][12]
మారుపేరు | మెన్ ఇన్ బ్లూ, ఇన్విన్సిబుల్స్ | ||||||||||||
---|---|---|---|---|---|---|---|---|---|---|---|---|---|
అసోసియేషన్ | భారత క్రికెట్ కంట్రోల్ బోర్డు | ||||||||||||
వ్యక్తిగత సమాచారం | |||||||||||||
కెప్టెన్ | రోహిత్ శర్మ | ||||||||||||
కోచ్ | రాహుల్ ద్రవిడ్ | ||||||||||||
చరిత్ర | |||||||||||||
టెస్టు హోదా పొందినది | 1931 | ||||||||||||
అంతర్జాతీయ క్రికెట్ కౌన్సిల్ | |||||||||||||
ICC హోదా | పూర్తి సభ్యత్వం (1926) | ||||||||||||
ICC ప్రాంతం | ACC | ||||||||||||
| |||||||||||||
టెస్టులు | |||||||||||||
మొదటి టెస్టు | v ఇంగ్లాండు లార్డ్స్, లండన్ వద్ద; 25–28 జూన్ 1932 | ||||||||||||
చివరి టెస్టు | v వెస్ట్ ఇండీస్ క్వీన్స్ పార్క్ ఓవల్, పోర్ట్ ఆఫ్ స్పెయిన్వద్ద; 20–24 జూలై 2023 | ||||||||||||
| |||||||||||||
ప్రపంచ టెస్ట్ ఛాంపియన్షిప్ లో పోటీ | 2 (first in 2019–2021) | ||||||||||||
అత్యుత్తమ ఫలితం | |||||||||||||
వన్డేలు | |||||||||||||
తొలి వన్డే | v ఇంగ్లాండు హెడింగ్లీ, లీడ్స్ వద్ద ; 13 జూలై 1974 | ||||||||||||
చివరి వన్డే | v ఆస్ట్రేలియా నరేంద్ర మోదీ స్టేడియం, అహ్మదాబాద్ వద్ద ; 19 నవంబర్ 2023 | ||||||||||||
| |||||||||||||
పాల్గొన్న ప్రపంచ కప్లు | 13 (first in 1975రన్నరప్ (2019–21, 2021–23)) | ||||||||||||
అత్యుత్తమ ఫలితం | ఛాంపియన్స్ (1983, 2011) | ||||||||||||
ట్వంటీ20లు | |||||||||||||
తొలి టి20ఐ | v దక్షిణాఫ్రికావాండరర్స్ స్టేడియం, జోహన్నెస్బర్గ్ వద్ద; 1 డిసెంబర్ 2006 | ||||||||||||
చివరి టి20ఐ | v ఆఫ్ఘనిస్తాన్ జెజియాంగ్ యూనివర్శిటీ ఆఫ్ టెక్నాలజీ క్రికెట్ ఫీల్డ్, హాంగ్జౌ; 7 అక్టోబర్ 2023 | ||||||||||||
| |||||||||||||
ఐసిసి టి20 ప్రపంచ కప్ లో పోటీ | 8 (first in 2007) | ||||||||||||
అత్యుత్తమ ఫలితం | ఛాంపియన్స్ (2007) | ||||||||||||
| |||||||||||||
As of 19 November 2023 |
భారతదేశం మొట్టమొదటి సారిగా 1921లో తొలి క్రికెట్ మ్యాచ్ ఆడింది. కాని అధికారికంగా మొదటి టెస్ట్ మ్యాచ్ 1932, జూన్ 25న ఇంగ్లాండుతో లార్డ్స్లో ఆడి టెస్ట్ మ్యాచ్ ఆడిన ఆరవ దేశంగా స్థానం సంపాదించింది. ప్రారంభం నుంచి విదేశాలలో కన్నా స్వదేశంలోనే మంచి ఫలితాలను రాబట్టుకుంటోంది. ఆస్ట్రేలియా, ఇంగ్లాండు జట్లపై బలహీనమైన ప్రదర్శన కావిస్తోంది. అంతర్జాతీయ క్రికెట్ ప్రారంభించిన తొలి 50 సంవత్సరాలలో మొత్తం 196 టెస్టులు ఆడి కేవలం 35 విజయాలను మాత్రమే నమోదుచేయగలిగింది.[10]
50 సంవత్సరాల అనంతరం సునీల్ గవాస్కర్ రూపంలో ప్రముఖ బ్యాట్స్మెన్, కపిల్ దేవ్ రూపంలో ప్రముఖ బౌలర్లు భారత జట్టులో స్థానం సంపాదించారు. అప్పటినుంచి టెస్టులలోనూ, ఒకరోజు అంతర్జాతీయ క్రికెట్ (వన్డే క్రికెట్) లోనూ భారత జట్టు ప్రదర్శన పూర్వం కంటే బాగుపడింది. 20వ శతాబ్ది చివరి దశకంలో భారత జట్టులో సచిన్ టెండుల్కర్, రాహుల్ ద్రవిడ్, సౌరవ్ గంగూలీ, అనిల్ కుంబ్లే లాంటి ప్రముఖ ఆటగాళ్ళు జట్టులో స్థానం సంపాదించి లెక్కకు మిక్కిలి ప్రపంచ రికార్డులు సృష్టించారు.[13]
భారత జట్టు ఐదు ప్రధాన ఐసిసి టోర్నమెంటులను గెలుచుకుంది. క్రికెట్ ప్రపంచ కప్ను రెండుసార్లు (1983, 2011 ), ఒకసారి T20 ప్రపంచకప్ (2007), ఐసిసి ఛాంపియన్స్ ట్రోఫీని రెండుసార్లు (2002, 2013 ) గెలుచుకుంది. ప్రపంచ కప్లో ఒకసారి (2003), T20 ప్రపంచ కప్లో ఒకసారి (2014), ఛాంపియన్స్ ట్రోఫీలో రెండుసార్లు (2000, 2017) రన్నరప్గా కూడా నిలిచింది. ఈ జట్టు ఐసిసి వరల్డ్ టెస్ట్ ఛాంపియన్షిప్ మొదటి రెండు ఎడిషన్లలో (2021, 2023) ఫైనల్స్లో ఆడింది. వెస్టిండీస్ తర్వాత ప్రపంచ కప్ గెలిచిన రెండవ జట్టు, సొంతగడ్డపై ప్రపంచ కప్ గెలిచిన మొదటి జట్టు (2011) ఇదే.
భారత జట్టు 1984, 1988, 1990-91, 1995, 2010, 2016, 2018, 2023 లో ఎనిమిది సార్లు ఆసియా కప్ను గెలుచుకుంది. మూడుసార్లు (1997, 2004, 2004) రన్నరప్గా నిలిచింది.
ఈ జట్టు 1985 వరల్డ్ ఛాంపియన్షిప్ ఆఫ్ క్రికెట్ను కూడా గెలుచుకుంది, ఫైనల్లో పాకిస్థాన్ను ఓడించింది. ఐసిసి టెస్ట్ ఛాంపియన్షిప్ మ్యాస్ను ఐదుసార్లు, ఐసిసి వన్డే ఛాంపియన్షిప్ షీల్డ్ను ఒకసారి గెలుచుకుంది.
2023 సెప్టెంబరు నాటికి భారత జట్టు, ఐసిసి ర్యాంకింగ్స్లో మొదటి (టెస్టులు, వన్డేలు, T20Iలు) స్థానంలో ఉంది.[14] ఆ విధంగా ఇది, అంతర్జాతీయ క్రికెట్లో అత్యంత విజయవంతమైన జట్లలో ఒకటి.