2012

Annus 2012 e serie paginarum brevium de annis.

Millennia:	millennium 2 · millennium 3 · millennium 4
Saecula:	saeculum 20 · saeculum 21 · saeculum 22
Anni:	(2010) · 2011 · 2012 · 2013 · 2014 · 2015 · 2016 · 2017 · 2018 · 2019 · 2020 · (2021)

2012 = MMXII. De nostro numerorum Romanorum usu hic legere potes. Ut de numero 2012 legas, vide 2012 (numerus).

Eventa

Mense Ianuario

• 2 Ianuarii - Rei diurnariae sedes Iranicae nuntiant Iraniam fomis nuclearis perticam primam suam confecisse.
• 4 Ianuarii - Birmania diem anniversarium sexagesimum quartum libertatis suae a Britanniis celebrat, incarceratorum poenas mitigans.
• 9 Ianuarii - Britanniarum minister primus David Cameron plebiscitum de Scotiae libertate primo quoque tempore faciendum mavult.
• 11 Ianuarii - Ob cursus errorem nautae Francisci Schettino Costa Concordia italica navis saxis Scoliae Insularum impacta est et naufragium fecit.
• 13 Ianuarii - Naufragium navis ''Costa Concordia'' ante litus Italiae factum est.
• 15 Ianuarii - Yinghuo-1, futurum Sinarum missile primum Martem petens, super Oceano Pacifico australi cadit.
• 16 Ianuarii - Fiducia debitoria Aerarii Europaei Stabilitatis Argentariae de AAA ad AA+ minuitur.
• 18 Ianuarii - Vicipaedia Anglica et alii situs interretiales illo die clausi sunt, proposito interretis determinandi resistentes.
• 21 Ianuarii - Ob securitatem, virologi genus atrius viri influentiae aviariae H5N1 conficiendum intermittunt, quia anxietas fuit de potestate abusus bioterroristici.
• 27 Ianuarii - 170 scriptores pluribus ex gentibus, exempli gratia Nadina Gordimer, Theodoricus Walcott, Antonia Morrison, Wole Soyinka, Marius Vargas Llosa, Iohannes Maxwell Coetzee et Orchanes Pamuk, libertatem diurnariorum Mexicanorum publice petunt, quia diurnarii scribentes de turbis, quae materias obstupefacientes clam commerciantur, ibi ab eis saepe occiduntur.

Mense Februario

• 1 Februarii - Iaponia pecoris volatilis importationem ex tota Australia influentiae aviariae causa vetat. Indonesia, Hongkongum, Singapora et Vietnamia eam ex Victoria Australiae austrooccidentalis vetant.
• 4 Februarii - Res Publica Popularis Sinarum et Rossia Foederis Arabici propositum Syriae regimen condemnans vetant, asserentes etiam adversarios esse noxios. Tunisia agnitionem suam Syriae regiminis removet. Parlamentum Arabicum vult civitates Arabicas rationes cum Syria abrumpere. Diebus recentis plures quam centum homines vi causa Emesae Syriae mediae moriuntur. Manifestationes contra legationes regiminis Syriae in Germania, Britanniis, Australia, Aegypto, Graecia et Kuwaito eveniunt. Duodecim manifestationis participes Londinii deprehenduntur.
• 5 Februarii - Plures quam quingenti homines frigoris causa in Ucraina, Polonia et alibi in Europa moriuntur. Rossia praebitiones gas naturalis minuere debet. Revocantur multi volatus in aëroportu Heathrow in Londinio nivoso, ubi area appulsoria clausa est. Bosnia Hercegovinaque vigilantiae statum edicit.
• 6 Februarii - In Romania praeses ministrorum Aemilius Boc a magistratu se recessit. Pro tempore Cătălin Predoiu magistratum administravit.
• 7 Februarii - Ricardus Santorum in comitiis primariis praesidialibus republicanis in Minnesota, Colorato et Missuria lucrat.
• 9 Februarii - In Romania praeses ministrorum novus Michael Răzvan Ungureanu a parlamento electus est.
• 12 Februarii - Unio Europaea et Res Publica Popularis Sinarum de tributo carbonico ex volando in Unione Europaea pendendo controversiam habent.
• 12 Februarii - Parlamentum Hellenicum rationes parcas a Zona Euronis intra redemptionem novam postulatas accipit.
• 14 Februarii - FIFA Argentinam admoment, ne pediludium cum politicis misceat mutans certaminis primi sui nomen secundum ARA General Belgrano, navem stlattariam intra bellum Falklandense aquis obrutam.
• 17 Februarii - Christianus Wulff a die 30 Iunii 2010 Praeses Foederalis Germaniae propter malum exemplum praesidatu se abdicavit. Successor pro tempore Horatius Seehofer, praeses ministrorum Bavariae factus est.
• 18 Februarii - Papa Benedictus XVI duodeviginti novos cardinales electores (et alios quattuor non electores) creavit.

Mense Martio

• 1 Martii - Nimborum vis effusa aquarum alluviones in Nova Cambria Australi et Victoria Australiae orientalis affert.
• 2 Martii - Turbines Civitates Foederatas Americae afficiunt. Quadraginta homines praecipue in Kentukia et Indiana moriuntur.
• 4 Martii - Vladimirus Putin iterum praeses Russiae electus est.
• 5 Martii - Organizatio Securitati Cooperationique in Europa favendis invenit comitia praesidialia in Rossia in favorem Vladimiri Putin deformata esse.
• 13 Martii - Sinistro casu laophorii viginti octo homines inter quos viginti duo pueri necati sunt in Helvetiae pago Valesia.
• 13 Martii - Scandali inter gentes causa abolentur "Colloquia ante Supplicium", programma televisificum in Re Publica Populari Sinarum emissum, ostendens colloquia cum incarceratis in cella mortis brevi ante supplicium.
• 18 Martii
  • Ioachimus Gauck maxima parte legatorum Concilii Foederalis praeses Germaniae electus est.
  • ʻAhoʻeitu ʻUnuakiʻotonga Tukuʻaho post mortem fratris (vide infra) rex novus Tongae factus est.
• 19 Martii - Tolosae rabbinus scholae Iudaicae, sui duo filii et alius puer necati sunt.
• 20 Martii - Custodia Iurorum Humanorum nuntiat iurorum humanorum violationes graves intra conflictionem inter exercitum Birmanicum et Exercitum Libertati Kachinensi in Civitate Kachinensi Birmaniae septentrionalis evenisse.
• 21 Martii - Syriae exercitus locum habitatum iuxta Emesam Syriae mediae telis ex aëroplano percutit. Quidem 79 homines tota in Syria occiduntur, quorum 42 Emesae. Concilium Salutis Consociationis Nationum sustinet propositum Kofi Annan, legati Consociationis Nationum et Foederis Arabici in Syria, ad vim finiendam hac in civitate. Ministra rerum externarum Civitatum Foederatarum Americae Hilaria Clinton dicit, quod Syriae regimen et praeses Bashar al-Assad aut propositum pacis Consociationis Nationum sequentur, aut compressui et separationi crescenti ab aliis gentibus resistent.
• 22 Martii - In Malii milites seditiosi Amadou Konare succenturione duce praesidem Amadou Toumani Touré deposuerunt. Insequentibus diebus gentes septentrionis una cum Alcaeda partem Malii expugnaverunt necnon Timbuktu urbem occupaverunt.
• 23 Martii - Papa Benedictus XVI visitationem apostolicam in Mexico et Cuba incepit.

Mense Aprili

• 1 Aprilis - Aung San Suu Cii dux opponentium Birmaniae electione libera legata parlamenti Birmaniae electa est.
• 2 Aprilis
  • Praeses Hungariae Paulus Schmitt se a magistratu recessit, postquam notum est, quod totam fere dissertationem suam anno 1992 scriptam alienis fontibus hauserat.
  • Macky Sall successor Abdoulaye Wade novus praeses Senegaliae factus est.
  • Tricesimo die anniversario belli Falklandensis inter Britannias et Argentinam, Argentina actione contra argentarias Civitatum Foederatarum Americae et Britanniarum minatur.
• 3 Aprilis - Barack Obama candidatus democraticus praesidis Civitatum Foederatarum Americae publice nominatus est.
• 5 Aprilis
  • Humbertus Bossi, vir publicus Italicus et factionis Foederis Septemtrionalis dux propter malum exemplum factionis praesidatu se abdicavit.
  • Post mortem Bingu wa Mutharika praesidis Malavii praeses vicaria Joyce Banda eius successor secundum constitutionem pro tempore facta est.
• 6 Aprilis - Dioncounda Traoré, adhuc praeses parlamenti novus praeses Malii nominatus est, postquam antecessor eius Amadou Toumani Touré a magistratu officialiter se recessit et milites seditiosi, qui Touré die 22 Martii deposuerant, etiam se in castris recesserant.
• 8 Aprilis - Scriptor Germanus Gunterius Grass ab Israele persona non grata declaratur, ob suum poema "Quae dicenda sunt" Israelem maledicens.
• 11 Aprilis - Terrae motus magnitudinis 8.6 Indonesiam afficit.
• 12 Aprilis
  • Philippinae navem ad Mare Meridisinense emittunt, ubi una navis Philippinarum et duae naves oceanographicae Rei Publicae Popularis Sinarum iam sunt, intra controversiam de hoc mare.
  • In Guinea Bissaviensi milites seditiosi rerum potiti sunt atque praesidem Raimunum Pereira ceperunt. Ei obiectaverunt, ut Pereira foedus secretum cum Angola fecisset.
• 13 Aprilis - Britanniarum minister primus David Cameron Birmaniam viset et ducem adversariam Aung San Suu Kyi convenit, ut commutationem politicam hac in terra agnoscat.
• 17 Aprilis - Viginti tres scriptores nuntiantur adhuc deesse congressui complectenti unum scriptorem cuiusque civitatis, quae 2012 Olympiis Aestivis Londinii intererit.
• 22 Aprilis - Franciscus Hollande primum ordinem petitionis Praesidatus Rei Publicae Franciae cum suffragii (28,6 %) vicit.
• 22 Aprilis - Manifestationes novae contra regimen Baharinense noctu erumpunt. Vigiles gas lacrimogenum et granatas sopientes contra civiles emittunt.
• 27 Aprilis - Romaniae regimen conservativum, parlamenti fiduciam perdens, solo duobus mensibus post designationem suam cadit. Praeses ministrorum Michael Răzvan Ungureanu a parlamento dimissus est.
• 29 Aprilis - Aliquot fulmina prope ecclesiam Christianam universitatis Bayero in Kano Nigeriae septentrionalis quidem sedecim homines occidunt.

Mense Maio

• 2 Maii - Ministra rerum externarum Civitatum Foederatarum Americae Hilaria Clinton Pekinum viset, contactum faciens cum dissidente Chen Guangcheng.
• 4 Maii - 23 corpora — 14 decapitata et 9 suspensa ex ponte — Novi Laredi Tamauliparum in Mexico septentrionali inveniuntur, intra bellum contra commercium materiarium obstupefacientium.
• 6 Maii
  • In Francia candidatus socialistarum Franciscus Hollande successor Nicolaudis Sarkozy praeses rei publicae electus est.
  • Electione in Slesvico et Holsatia (Germania) habita nec SPD nec CDU maximam partem suffragiorum accepit.
  • In Graecia factiones regnantes, quae electoribus proposuerant Graeciam aeris alieni partem soluturam esse, electione parlamenti habita cladem maximam acceperunt. Factio autem SYRIZA, foedus radicalis sinistrae secunda factio e suffragio evenit. Petitiones clarum exitum non habent, ergo Graeci die 17 Iunii iterum parlamentum eligere debebunt.
• 7 Maii
  • Vladimirus Putin denuo factus est praeses Russiae.
  • Victor Ponta primus minister Romaniae factus est.
• 8 Maii
  • Demetrius Medvedev, adhuc praeses Russiae nunc primus minister factus est.
  • Curia appellationum Neoeboracensis iudicat pornographiam infantilem modo servatam intra telephoni gestabilis memoriam celatam non esse ipsam contra legem, dolo non probato.
• 10 Maii - Quadringenta milia operariorum publicorum in Britanniis contra pensiones deminuendas ad laboris cessationem descendunt. Plures quam triginta milia vigiles omnis ex Britanniis manifestationi contra vigilorum commutationem et rationum deminutionem intersunt, maximae umquam eventae in Anglia Cambriaque.
• 12 Maii - Duo Palaestinenses in carceribus Israeliticis detenti ad mortem prope accedere nuntiantur, postquam alimenta 74 dies reiecerunt.
• 12 Maii - Collegium Europaeum asseret oeconomiam coniunctam Zonae Euronis anno 2012 tribus millesimis decreturam esse, debitis perseverantis et otii importuni causa.
• 13 Maii - Socialis Democratica Factio Germaniae in comitiis in Rhenania Septentrionali — Westfalia Germaniae occidentalis lucratur.
• 14 Maii - Eruditi Universitatis Stanfordiensis in California Civitatum Foederatarum occidentalium oculum bionicum inveniunt.
• 14 Maii - Coreae Meridionalis praeses Lee Myung-bak Birmaniam viset, prima vice post adventum antecursoris eius Chun Doo-hwan, cuius mors ibi anno 1983 a Corea Septentrionale attentata est.
• 15 Maii
  • In Francia Franciscus Hollande praeses nuper electus magistratum iniit, Ioannem Marcum Ayrault novum ministrum primum nominavit.
  • In Graecia denuo populus parlamentum electurus est, quod factiones de foedere regnandi non inter se convenerunt.
  • Eruditi Americani machinam ad electricitatem generandam viris genetice conversis utentem inveniunt. Hoc per inventum generatores minutissimi piezoelectrici ubiquitani creari possent, energiam colligentes quotidianis ex vibraminis, exempli gratia porta claudenda.
• 16 Maii - Panagiotes Picrammenus pro tempore novus praeses ministrorum Graeciae nominatus est successor est Lucas Papademos.
• 19 Maii - Brundisii prope scholam scilicet a mafia puella necata est et multos altros iuvenes vulnerati sunt.
• 20 Maii - Terrae motus magnitudinis 6.0 Italiae regionem Aemiliam et praecipue urbes Ferrariam et Mutinam afficit.
• 24 Maii - Papae Benedicti XVI servus, Paulus Gabriele, comprehensus est quia secrete papae epistulas abstulit et diurnario vendidit.
• 31 Maii - Hibernia populus Unionis Europaeae fisci pactum accepit.

Mense Iunio

• 3 Iunii
  • Lagos in Nigeria propter aeroplani sinistrum casum circiter 150 homines necati sunt
  • Adamantinum reginae Elizabethae iubilaeum eam sexaginta annos reginam celebratur.
• 4 Iunii - Corpus operariorum graviter armatorum aream appulsoriam Aëroportus Tripolitani Gentium occupavit, postulans remissionem ducis eorum qui incerta causa afuerat.
• 14 Iunii - Praeses Argentina Christina Fernández de Kirchner coram Commissione Speciali Consociationis Nationum ad Colonias Liberandas de Falklandia loquitur.
• 15 Iunii
  • Regimen urbis Ankang Sinarum occidentalium se excusat Féng Jiànméi, feminae viginti tres annos natae, quae graviditatis suae mense septimo abortum contra legem pati coacta est.
  • Iudicium Summum Aegypti parlamentum nuper electum dissolvit propter electionem vitiosum.
• 17 Iunii
  • Electione parlamenti in Graecia habita factio conservativa Nea Democratia plurimas legatos habet. Secunda est Syriza, factio, extremae sinistrae.
  • In Francia factio Socialistica praesidis Francisci Hollande suffragio conventus nationalis vicit.
• 20 Iunii
  • In Graecia Antonius Samaras (ND) Primus Minister nominatus est. Foedere regendi coniunctus est cum factione PASOK.
  • Civitatum Foederatarum praeses Barack Obama privilegium exsecutivum erga litteras de operatione "Rapide et Furiose" invocat. Hanc intra operationem licebat propolis tela vendere sodalibus turbarum Mexicanarum, quae materias obstupefacientes clam commerciantur; empotorum persecutio ita facilior esset.
• 22 Iunii - Res Publica Popularis Sinarum petit, ut Philippinae se opinione publica de contentione de Caute Scarborough afficienda abstineant.
• 23 Iunii - Domus institoria Algo Centre in Elliot Lake Ontarii in Canada meridionali ex parte concidit; duae feminae moriuntur.
• 24 Iunii - In Aegypto nuntiatum est Mohametum Mursi esse electum praesidem Rei Publicae.
• 25 Iunii - Iuliani Assange mater dicit filium suum, redactorem principem situs interretialis WikiLeaks nuntios elapsos divulgantis, favore publico sublevari, cum is asylum ab legatione Aequatoriana Londinii petit.
• 27 Iunii - Syriae praeses Bashar al-Assad declarat bellum civile in Syria esse, cum pugnae in Damascum exundant.
• 30 Iunii - In Aegypto Machometus Morsi officium praesidis rei publicae iniit.

Mense Iulio

• 1 Iulii
  • Hispania quae iam Certamen Europaeum Pediludii 2008 vicerat, etiam Certamen Europaeum Pediludii 2012 vicit
  • Manifestationes invitos, praeses Rei Publicae Popularis Sinarum Hu Jintao Liang Zhenying praefectum Hongkongi iurat.
• 4 Iulii - particula boson Higgs (quae a physico britannico Petro Higgs nomen invenunt) inventa sunt, theoria canonica eam maxime requirebat, quia sine ipsa particulae elementariae massam non haberent.
• 5 Iulii - Francia litteras de casu aëroplani ex Urbe Fluminensi ad Parisios volantis medio in Oceano Atlantico divulgat. Series errorum rectorum fuit causa incommodi quod omnes 228 homines in aëroplano occisit.
• 6 Iulii - In Romania Crin Antonescu praeses pro tempore nominatus est, quod Traianus Băsescu praeses a senatu depositus est.
• 9 Iulii - Contentione prope Choix Sinaloae in Mexico occidentali septem sodales turbae, quae materias obstupefacientes clam commerciatur, et quattuor vigiles se defendentes occiduntur.
• 10 Iulii - Strategus Congoensis pristinus Thomas Lubanga vinculis quattuordecannuis a Gentium Curia Criminali punitur. Iste pueros conscribebat et ut milites adhibebat aliterque iura humana violabat intra bellum Ituriense Congi boreoorientalis inter annos 1999 et 2007.
• 18 Iulii - Sex viatores Israelenses teli igniferi fulmine in laophorio in aëroportu Pyrgensi Bulgariae meridionalis occiduntur. Israelis minister primus Beniaminus Netanjahu Iraniam culpat.
• 20 Iulii - Intra exhibitionem primam pelliculae Eques Obscurus Surgit glandium emissor furiosus Iacomus Eagan Holmes in Aurora Colorati in Civitatibus Foederatis occidentalibus duodecim homines occidit et duodesexaginta vulnerat.
• 25 Iulii
  • Commissio privata in Corea Meridionali nuntiat se Coreae Septentrionalis nomen ad Gentium Curiam Criminalem ob captivos et reliquias militum in bello Coreano occisorum in patriam reducendos delaturam esse.
  • Praeses Indiae nuper electus Pranab Kumar Mukherjee officium iniit.
• 26 Iulii - Diurnarium regimen Syriacum favens Al-Watan proelium Beroeae Syriae septentrionalis praeparatum "omnium proeliorum matrem" appellat.
• 27 Iulii
  • Exhortatione secretarii generalis Consociationis Nationum Ban Ki-moon invita, ad novam consensionem universam de armorum venditione custodienda non pervenitur.
  • Olympia Aestiva Londinii coeperunt.
• Iulii - Civitatum Foederatarum Americae magna pars aestatem maxima siccitate et aere calidissimo vivit

Mense Augusto

• 6 Augusti - inter propositum quod Laboratorium Scientificum Martianum (Anglice Mars Science Laboratory) appellatur, prosperum vehiculum in Martia superficie descendit.
• 12 Augusti - Olympia Aestiva Londinii finiebantur.
• 29 Augusti - 2012 Paralympia Aestiva Londinii coeperunt.

Mense Septembri

• mense Septembri - pellicula quae prophetam Machometum vituperat in orbe terrarum controversias et etiam tumultus concitat.
• 9 Septembris - 2012 Paralympia Aestiva Londinii finiebantur.
• 11 Septembris - Ioannes Christophorus Stevens, legatus Americanus in Libya, inter tumultus a pellicula quae Machometum vituperat creatos necatus est.
• 13 Septembris - factiones que Euroni et Unioni Europaeae favent petitiones Batavicae vincunt.
• 16 Septembris - glacies arcticae propter calefactionem globalem superficiem minimam historiae (3.410.000 km2) habent

Mense Octobri

• 4 Octobris - Praesidis Civitatum Foederatarum Americae petitiones: primum singulare certamen televisionis inter Barack Obama et Mitt Romney
• 6 Octobris - Papae Benedicti XVI servus, Paulus Gabriele, duodeviginti carceris mensum damnatus est quia secrete papae epistulas abstulit et diurnario vendidit.
• 7 Octobris - In Venetiola Hugo Chavez praeses iterum electus est et nunc ad usque annum 2019 regnaturus est.
• 8 Octobris - Praemio Nobeliano medicinae Ioanni Gurdon biologo Britannico et medico Iaponico Shinya Yamanaka tributum est.
• 12 Octobris - Praemium Nobelianum Pacis Componendae Unioni Europaeae tributum est.
• 21 Octobris - Fridericus Kuhn primus vir publicus factionis Foederis 90/Viridum praefectus urbis capitis terrae Foederalis Germaniae - Stutgardiae enim - electus est.
• 28 Octobris - Rosarius Crocetta, qui primus Italiae praefectus urbis manifeste homophylophilus fuit, Siciliae praeses electus est.

Mense Novembri

• 6 Novembris - Mitt Romney suffragiis victo, Baracus Obama, iterum Civitatum Foederatarum Americae praeses electus est.
• 11 Novembris - Terrae motus magnitudinis 6.8 Birmaniam afficit.
• 24 Novembris - Papae Benedicti XVI sex novos cardinales creavit

Mense Decembri

• 5 Decembris - Silvius Berlusconi nuntiavit iterum accurate quinques candidatum electionibus Italianis esse
• 7 Decembris
  • Marius Monti, minister primus Italianus nuntiavit se a munere removere voluit. Pro tempore autem magistratum administrare pergebat.
  • Benedictus XVI papa Hildegardem Bingensem abbatissam (1098 - 1179) Doctricem Ecclesiae proclamavit.
• 14 Decembris - iuvenis Adam Lanza apud scholam, ubi mater sua magistra es,t necavit viginti sex homines (viginti scholae discipulos)
• 18 Decembris - Pellicula Zero Dark Thirty a Catharina Bigelow docta, quae mythistorice Usāma bin Lādin requisitum et interfectum depingit, Vasingtoniae primum agitur ^{(CBS News)}
• 26 Decembris - Shinzō Abe iterum primus minister Iaponiae nominatus est.

Nati

Nati huius anni desiderati (additis natis, hanc formulam remove, vide etiam unam fere paginam in categoria Categoria:Nati 2012)

Mortui

Mense Ianuario

Manuel Fraga Iribarne 1922-2012

Etta James 1938-2012

Anscharius Aloisius Scalfaro 1918-2012

• 1
  • Gary Ablett, pedilusor Britannicus; natus est anno 1965.
  • Robertus Anderson, spadae gladiator et histrio Britannicus; natus est anno 1922.
  • Alfredus Battisti, archiepiscopus Italicus; natus est anno 1925.
  • Kiro Gligorov, vir publicus Respublicae Macedonicae; natus est anno 1917.
  • Edgarus Jenkins, rerum politicarum peritus Americanus factionis Democraticae; natus est anno 1933.
• 2 - Ioannes Bargh, Iazensis musicae clavista Canadensis-Britannicus; natus est anno 1935.
• 3
  • Iacobus Franklin Crow, zoologus et geneticae peritus Americanus; natus est anno 1916.
  • Gulielmus Entenmann, pedilusor et postea turmarum pedilusoriarum procurator Germanicus; natus est anno 1943.
  • Iosephus Škvorecký, scriptor Tzechoslovacho-Canadiensis; natus est anno 1924.
• 5 - Friderica Sagor Maas, pellicularum mythistoriarum scriptrix Americana; nata est anno 1900.
• 8 - Alexis Weissenberg, clavilista Francicus oriundus e Bulgaria; natus est anno 1929.
• 9
  • Malam Bacai Sanhá, vir publicus Guineae Bissaviensis; natus est anno 1947.
  • Augustus Gansser, clarus geologus Helveticus; natus est anno 1910.
• 12 - Gulielmus Ioannes Janklow, vir publicus Americanus factionis Republicanae;natus est anno 1939.
• 14 - Paulus Rossi, philosophus Italicus; natus est anno 1923.
• 15
  • Eduardus Derwinski, vir publicus Americanus factionis Republicanae; natus est anno 1926.
  • Manuel Fraga Iribarne, vir publicus Hispanicus; mortuus est anno 1922.
  • Carolus Fruttero, criminalium mythistoriarum scriptor Italicus; natus est anno 1926.
  • Hulett Carlson Smith, rerum politicarum peritus Americanus factionis Democraticae; natus est anno 1918.
• 16 - Gustavus Leonhardt, concentus magister, clavicymbali psaltes et organista Nederlandicus; natus est anno 1928.
• 17 - Philippus Bosmans, presbyter et religiosus catholicus Belgicus Societatis Mariae Montfortanae; natus est anno 1922.
• 18 - Ioannes Carolus Bigazzi, carminum scriptor Italicus; natus est anno 1940.
• 20
  • Etta James, cantrix Americana; nata est anno 1938.
  • Ericus Palmén, scriptor Latinus natione Finnus; natus est anno 1932.
• 21 - Vincentius Consolo, scriptor Italicus; natus est anno 1933.
• 22 - Iosephus Paterno, exercitator harpasti Americani; natus est anno 1926.
• 24
  • Theo Angelopulus, moderator cinematographicus Graecus; natus est anno 1935.
  • Vadim Glowna, histrio Germanicus; natus est anno 1941.
• 26 - Francus Pacini, astrophysicus Italicus; natus est anno 1939.
• 29
  • Anscharius Aloisius Scalfaro, vir publicus Italicus; natus est anno 1918.
  • Camilla Ella Williams, cantrix Americana; nata est anno 1919.
• 31
  • Fridericus Hindermann, Linguarum Romanicarum peritus, Linguae Germanicae Italianaque poeta et diurnarius Helveticus; natus est anno 1921.
  • Antonius Iosephus Bevilacqua, cardinalis et Philadelphiae archiepiscopus Catholicus; natus est anno 1923.

Mense Februario

Whitney Houston 1963-2012

• 1 - Vislava Szymborska, scriptrix Polonica; nata est anno 1923.
• 2 - Nassib Lahoud, rerum politicarum peritus Libani; natus est anno 1944.
• 3
  • Blasius Antonius Gazzara, actor Americanus; natus est anno 1930.
  • Mart Port, architectus et architecturae professor Estonicus; natus est anno 1922.
• 6 - Antonius Tàpies, pictor et sculptor Hispanicus; natus est anno 1923.
• 8 - Ludovicus Albertus Spinetta, musicus Argentinus; natus est anno 1950.
• 11
  • Whitney Houston, actrix atque cantrix Americana; nata est anno 1963.
  • Aharon Davidi, generalis Israelianus; natus est anno 1927.
• 20 - Renatus Dulbecco, biologus Americanus oriundus e Italia; natus est anno 1914.
• 22 - Aentius Sellerio, editor Italicus; natus est anno 1924.
• 25 - Erland Josephson, actor Suecicus; natus est anno 1923.

Mense Martio

Sinuthius III Papa 1923-2012

• 1
  • Lucius Dalla, cantor Italicus; natus est anno 1943.
  • Germanus Mosconi, diurnarius Italicus; natus est anno 1932.
• 3 - Ralph McQuarrie, artifex Americanus; natus est anno 1929.
• 6 - Donaldus Milford Payne, politicorum peritus Americanus factionis Democraticae; natus est anno 1934.
• 7
  • Felicianus Marceau, fabularum scaenicarum et mythistoriarum scriptor Franco-Belgicus; natus est anno 1913.
  • Lucia Mannucci, cantrix et actrix Italica; nata est anno 1920.
• 8 - Simin Daneshvar, scriptrix Persiana; nata est anno 1921.
• 9 - Iosephus Thomas Sánchez, cardinalis Philippinus; natus est anno 1920.
• 10
  • Franciscus Sherwood Rowland, chemicus Americanus; natus est anno 1927.
  • Aentius Mandruzzato, scriptor ac translator poësis Graecae et Latinae; natus est anno 1924.
• 11 - Henricus Adefope, rerum politicarum peritus Nigerianus; natus est anno 1926.
• 13 - Michael Duchaussoy, histrio etiam theatralis Francicus; natus est anno 1938.
• 17
  • Sinuthius III, ab anno 1971 Papa Alexandriae; natus est nomine Nazir Gayed Raphaël anno 1923.
  • Ioannes Demjanjuk, Ucrainus qui inter secundum bellum mundanum Castri carceralis custos fuit; natus anno 1920.
• 18 - Georgius Tupou V, rex Tongae ab anno 2006; natus est anno 1948.
• 21 - Antoninus Guerra, poeta et pellicularum mythistoriarum scriptor Italianus; natus est anno 1920.
• 23
  • Chico Anysio, actor humoristicus pelliculae et televisoris Brasilensis; natus est anno 1931.
  • Abdullahi Yusuf Ahmed, vir publicus Somaliae; natus est anno 1934.
• 24 - Vigor Bovolenta, follis volatilis lusor Italianus; natus est anno 1974.
• 25 - Antonius Tabucchi, mythistoriarum scriptor et litterarum studiosus Italicus; natus est anno 1943.
• 27 - Hadriana Rich, scriptrix poëtria et praeceptrix Americana, quae pro iuribus mulierum pugnavit; nata est anno 1929.

Mense Aprili

Ahmed Ben Bella 1918-2012

• 1
  • Georgius Chinaglia, pedilusor Italianus; natus est anno 1947.
  • Michael de la Madrid Hurtado, vir publicus Mexicanus; natus est anno 1934.
• 3 - Ephraem Basilius Krevey, episcopus eparchialis eparchiae Curitibensis S.ti Ioannis Baptistae Ucrainorum; natus est anno 1928.
• 4 - Claudius Miller, mythistoriarum pro pelliculis scriptor ac moderator cinematographicus Francicus; natus est anno 1942.
• 5 - Bingu wa Mutharika, vir publicus Malavii; natus est anno 1934.
• 7
  • Michael Wallace, televisionis diurnarius Americanus; natus est anno 1918.
  • Ignatius Moussa Daoud, Cardinalis Sanctae Romanae Ecclesiae; natus est anno 1930.
• 9 - Miriam Mafai, diurnaria et rerum politicarum perita Italiana; nata est anno 1926.
• 10 - Barbara Buchholz, musica et compositrix Germanica; nata est anno 1959.
• 11 - Ahmed Ben Bella, vir publicus Agerii; natus est anno 1918.
• 18 - Hillman Curtis, paginarum interretialium delineator, scriptor et moderator cinematographicus Americanus; natus est anno 1961.
• 28 - Matilde Camus, scriptrix et poeta Hispanica; nata est anno 1919.
• 29 - Ericus Charden, cantor Francicus; natus est anno 1942.
• 30 - Thomas Borge, scriptor et rerum politicarum peritus Nicaraguensis; natus est anno 1930.

Mense Maio

Donna Summer 1948-2012

• 1 - Gogó Andreu, histrio, comoedus, musicus et scriptor Argentinus; natus est anno 1919.
• 3 - Georgius Illueca, vir publicus Panamaicus; natus est anno 1918.
• 4 - Adam Yauch, musicus generis Rap americanus; natus est anno 1964.
• 13 - Antonius Nguyên Van Thien, episcopus emeritus Dioeceseos Vinhlongensis in Vietnamia; natus est anno 1906.
• 15
  • Carolus Fuentes, scriptor Mexicanus; natus est anno 1928.
  • Arno Lustiger, rerum gestarum scriptor Germanicus oriundus e Polonia; natus est anno 1924.
• 16 - Norbertus Burger, rerum politicarum peritus Theodiscus factionis SPD et praefectus urbis Coloniae Agrippinae; natus est anno 1932.
• 17 - Donna Summer, cantrix Americana; nata est anno 1948.
• 18 - Theodericus Fischer-Dieskau, cantor Theodiscus; natus est anno 1925.
• 19 - Robertinus Gibb, musicus Britannicus (The Bee Gees); natus est anno 1949.
• 23 - Paulus Fussell, litterarum et societatis rerum gestarum scriptor Americanus; natus est anno 1924.
• 30 - Andreas Fielding Huxley, physiologus Britannicus; natus est anno 1917.

Mense Iunio

Raimundus Bradbury 1920-2012

• 4
  • Eduardus Chil', cantor Russicus, natus est anno 1934.
  • Rudolphus Quezada Torunno, cardinalis, archiepiscopus Guatemalae; natus est anno 1932.
• 5
  • Raimundus Bradbury, auctor Americanus, qui fabulas phantasticas scripsit; natus est anno 1920.
  • Barry Unsworth, scriptor Anglicus; natus est anno 1930.
• 6 - Otto Ineichen, rerum politicarum peritus Helveticus Factionis Liberalis Democraticae (FDP/PRD); natus est anno 1941.
• 7 - Manuel Preciado, pedilusor Hispanicus; natus est anno 1957.
• 11
  • Hector Bianciotti, scriptor Francicus; natus est anno 1930.
  • Anna Rutherford, actrix Americana; nata est anno 1917.
  • Theophilus Stevenson, pugil Cubanus clarissimus; natus est anno 1952.
• 12
  • Ioannes Vuilleumier, scriptor Helveticus fabularum mythistoriarumque; natus est anno 1934.
  • Elinor Ostrom, oeconomiae perita Americana; nata est anno 1933.
• 14 - Gitta Sereny, diurnaria et rerum gestarum scriptrix Hungarica - Britannica; nata est anno 1923.
• 26 - Nora Ephron, moderatrix cinematographica Americana; nata est anno 1941.
• 30 - Yitzhak Shamir, vir publicus Israelianus; natus est anno 1915.

Mense Iulio

Ernestus Borgnine 1917-2012

• 2 - Stephanus Pfürtner, theologus Germanicus; natus est anno 1922.
• 3
  • Sergius Pininfarina, autocinetor Italicus; natus est anno 1926.
  • Andreas Samuel Griffith, histrio et Country/Gospel cantor Americanus; natus est anno 1926.
  • Laura Grimaldi, scriptrix Italiana; nata est anno 1927 vel 1928.
• 5
  • Gerhardus Komrij, scriptor etiam scaenicus et litterarum peritus Nederlandicus; natus est anno 1944.
  • Ruud van Hemert, histrio, pellicularum mythistoriarum scriptor et moderator cinematographicus Nederlandicus; natus est anno 1938.
• 7
  • Mouss Diouf, actor Francicus; natus est anno 1964.
  • Leo Schlumpf, vir publicus Helveticus; natus est anno 1925.
• 8 - Ernestus Borgnine, actor Americanus; natus est anno 1917.
• 22 - Osvaldus Payá, rerum politicarum peritus Cubanus; natus est anno 1952.
• 23 - Sally Ride, astronauta Americana; nata est anno 1951.
• 24
  • Ioannes Atta Mills, praeses Ganae; natus est anno 1944.
  • Chad Everett, histrio Americanus; natus est anno 1936.
• 27 - Carolus-Ludovicus Wagner, vir publicus Germanicus; natus est anno 1930.
• 31 - Gore Vidal, scriptor Americanus; natus est anno 1925.

Mense Augusto

Nialus Armstrong 1930-2012

• 2
  • Bernardus Meier, pedilusor Theodiscus; natus est anno 1972.
  • Michaela Ursuleasa, clavilista Dacoromana; nata est anno 1978.
• 5
  • Michael Daerden, rerum politicarum peritus Belgicus Factionis Socialisticae Belgicae; natus est anno 1949.
  • Rogerius Ricci, fidicularum psaltes Americanus; natus est anno 1918.
  • Ervinus Axer, moderator theatralis Polonicus; natus est anno 1917.
  • Chavela Vargas, cantrix Orae Opulentae; nata est anno 1919.
• 8 - Sancho Gracia, histrio Hispanicus; natus est anno 1936.
• 10 - Carolus Rambaldi, personarum factor Italicus; natus est anno 1925.
• 16 - Abune Paulus, ab anno 1992 Patriarcha Ecclesiae Orthodoxae Aethiopicae; natus est anno 1935.
• 20 - Meles Zenawi, minister primus Aethiopiae; natus est anno 1955.
• 21 - Georgius Leber, vir publicus Germanicus; natus est anno 1920.
• 25 - Nialus Armstrong, astronauta Americanus; natus est anno 1930.
• 28
  • Eva Figes, scriptrix Germano-Anglica; nata est anno 1932.
  • Alfredus Schmidt, philosophus Germanicus; natus est anno 1931.
• 31 - Carolus Maria Martini, cardinalis Italicus; natus est anno 1927.

Mense Septembri

Michael Clarke Duncan 1957-2012

• 3 - Michael Clarke Duncan, histrio Americanus; natus est anno 1957.
• 5 - Christianus Marin, histrio Francicus; natus est anno 1929.
• 11 - Ioannes Christophorus Stevens, legatus Americanus; natus est anno 1960.
• 13 - Otto Stich, vir publicus Helveticus; natus est anno 1927.
• 14 - Robertus Roversi, Mercator, poeta et scriptor Italicus; natus est anno 1923.
• 16 - Fridericus Zimmermann, vir publicus Germanicus; natus est anno 1925.
• 18 - Iacobus Carrillo, rerum politicarum peritus Hispanicus; natus est anno 1915.
• 20 - Fortunatus Baldelli, episcopus et cardinalis Italicus; natus est anno 1935.
• 29
  • Hebe Camargo, ostentatrix televisionis, actrix et cantrix Brasiliensis; nata est anno 1929.
  • Milcolumbus Wicks, vir publicus Britannicus; natus est anno 1947.
• 30 - Barry Commoner, biologus Americanus; natus est anno 1917.

Mense Octobri

Ericus Hobsbawm 1917-2012

• 1
  • Ericus Hobsbawm, scriptor Anglicus, rerum historicarum et politicarum; natus est anno 1917.
  • Theodoricus Bach, histrio, televisionis ductor et comoedus Germanicus; natus est anno 1961.
  • Moyses Sanbar, illustris oeconomiae peritus Israelita; natus est anno 1926.
• 5 - Claudius Pinoteau, moderator cinematographicus Francicus; natus est anno 1925.
• 6 - Chadli Bendjedid, praeses Algeri; natus est anno 1929.
• 8
  • Ivus Michiels, scriptor et moderator cinematographicus Belgicus; natus est anno 1923.
  • Ioannes Tchicai, saxophoni psaltes Danicus; natus est anno 1936.
• 10 - Carola Porta Musa, scriptrix Italica; nata est anno 1902.
• 13
  • Stuart Bell, vir publicus Britannicus; natus est anno 1938.
  • Antonius P. Browne, dissignator partium interiorum Americanus; natus est anno 1941.
• 21 - Georgius McGovern, vir publicus Americanus; natus est anno 1922.
• 27 - Ioannes Guarnerius Henze, compositor Germanicus; natus est anno 1926.
• 31 - Ioannes Reed, vir publicus Americanus et gubernator Cenomannicae; natus est anno 1921.

Mense Novembri

Larry Hagman 1931-2012

Rita Levi-Montalcini 1909-2012

• 1
  • Gae Aulenti, architecta Italiana; nata est anno 1927.
  • Augustinus Garcia Calvo, philologus, philosophus, poeta et scriptor Hispanicus; natus est anno 1926.
• 5 - Elliott Cook Carter, Jr., compositor Americanus; natus est anno 1908.
• 6 - Maximus, patriarcha Bulgariae; natus est anno 1914.
• 9 - Sergius Nikol'skij, mathematicus Russicus; natus est anno 1905.
• 23 - Larry Hagman, histrio Americanus; natus est anno 1931.
• 29 - Nicolaus Schütz, vir publicus Theodiscus et sodalis factionis SPD; natus est anno 1926.

Mense Decembri

• 4 - Besse Cooper; nata est anno 1896.
• 5 - Anscharius Niemeyer, architectus Brasilianus; natus est anno 1907.
• 9 - Patricius Moore, astronomus Anglicus; natus est anno 1923.
• 11 - Galina Visnevskaja, cantrix vocis supranae Russica; nata est anno 1926.
• 17
  • Daniel Inouye, politicorum peritus Americanus; natus est anno 1924.
  • Dina Manfredini; nata est anno 1897.
• 19 - Petrus Struck, vir publicus Theodiscus; natus est anno 1943.
• 24 - Carolus Durning, histrio Americanus; natus est anno 1923.
• 27 - Henricus Carey minor, actor Americanus; natus est anno 1921.
• 30 - Rita Levi-Montalcini, neurologa et neurobiologa Italica; nata est anno 1909.
• 31 - Iacobus Reuter, sacerdos catholicus Societatis Iesu Americanus; natus est anno 1916.

Cultura popularis

Radiophonia

• Series radiophonica My First Planet a BBC Radio primo emissa.

Cinematographia

• 18 Februarii - Pellicula Cesare deve morire praemium primum anno 2012 Internationale Filmfestspiele Berlin vicit.
• 26 Februarii - Academiae Praemiis datis, The Artist (scilicet Latine Artifex) pellicula optima fit.
• 27 Maii - Michael Haneke pellicula Amour gratia Festum Canuae accurate Palmam auream vicit.
• Les adieux à la reine (Francia)
• American Reunion (CFA)
• Astérix et Obélix : Au service de Sa Majesté (Francia)
• The Avengers (CFA)
• Cesare deve morire (Italia)
• L’enfant d’en haut (Helvetia)
• Hotel Transylvania (CFA)
• John Carter (CFA)
• Post Tenebras Lux (Mexicum)
• Prometheus (CFA)

Musica

• Sexy and I Know It - LMFAO
• Call Me Maybe - Carly Rae Jepsen
• Gangnam Style - PSY