6. janúar – Múhameð 5. af Kelantan sagði af sér sem konungur Malasíu.
10. janúar – Stjórnarkreppa hófst í Venesúela þegar Juan Guaidó, forseti venesúelska þingsins, lýsti yfir að stjórn Nicolásar Maduro forseta væri ólögmæt og lýsti sjálfan sig forseta til bráðabirgða.
1. febrúar – Donald Trump dró Bandaríkin út úr Samningi um meðaldræg kjarnavopn frá 1987 vegna meintra brota Rússa gegn samningnum. Daginn eftir drógu Rússar sig út úr samningnum.
6. febrúar – Bandarísku samtökin Freedom House breyttu stöðu Ungverjalands í „frjálst að hluta“, sem var í fyrsta sinn sem Evrópusambandsland fékk ekki stöðuna „frjálst“. Serbía fékk sömu stöðu.
7. febrúar – Mótmælin á Haítí 2019: Mótmæli gegn stjórn Jovenel Moïse hófust í mörgum borgum landsins.
26. febrúar – Indverski flugherinn hóf loftárásir á meintar búðir vígamanna í Balakot í Pakistan.
27. febrúar – Donald Trump Bandaríkjaforseti og Kim Jong-un leiðtogi Norður-Kóreu funduðu í Hanoi í Víetnam um hugsanlega afvopnun Norður-Kóreu. Fundinum var slitið næsta dag án samnings.
10. mars – Boeing 737 MAX 8-flugvél á leið frá Addis Ababa í Eþíópíu til Naíróbí í Keníu brotlenti sex mínútum eftir flugtak. Allir um borð, alls 157 manns, létu lífið.
9. apríl – Þingkosningar fóru fram í Ísrael. Kosningarnar skiluðu jafntefli milli Likud-flokksins og Bláhvíta bandalagsins og voru því endurteknar í september sama ár.
10. apríl – Fyrsta staðfesta ljósmyndin af svartholi sem náðst hefur var kynnt.
Omar al-Bashir, forseta Súdans til 30 ára, var steypt af stóli af súdanska hernum eftir langa mótmælaöldu.
Julian Assange var úthýst úr sendiráði Ekvadors í London eftir sjö ára dvöl þar. Lögreglan í London handtók hann síðan.
15. apríl – Eldsvoði hófst í Notre Dame í París. Þak og turnspíra dómkirkjunnar hrundu í eldinum en slökkviliðsmönnum tókst að bjarga burðarvirki og klukkuturnum hennar frá gereyðileggingu.
5. maí – 41 fórst þegar eldur kom upp í Aeroflot flugi 1492 eftir neyðarlendingu á Sjeremetevos-flugvelli í Moskvu.
12. maí – Ómanflóaatvikið 2019: Fjögur flutningaskip voru skemmd nærri höfninni í Fujairah í Sameinuðu arabísku furstadæmunum. Bandaríkjastjórn sakaði Íran um að standa á bak við árásirnar.
Þingkosningar fóru fram í Ástralíu. Ríkisstjórn Frjálslynda flokksins undir forsæti Scotts Morrison vann sigur gegn stjórnarandstöðunni, þvert á væntingar.
19. maí – Vegna banns bandarískra stjórnvalda gat kínverska fyrirtækið Huawei ekki notað Android-stýrikerfið í tæki sín.
20. maí – Meirihluti landa heims samþykkti endurskilgreiningu SI-kerfisins. Mælieiningin kílógramm var endurskilgreind út frá Plancks-fasta.
24. maí – Theresa May, forsætisráðherra Bretlands, tilkynnti að hún hygðist segja af sér eftir að Brexit-samningum hennar við Evrópusambandið hafði þrisvar verið hafnað af breska þinginu.
29. maí – 29 drukknuðu þegar ferðamannaferja lenti í árekstri og sökk í Dóná við Búdapest.
Júní
Theresa May, ásamt Elísabetu Bretadrottningu og Donald Trump Bandaríkjaforseta í minningarathöfn um D-dag 5. júní.
3. júní – Blóðbaðið í Kartúm: Yfir 100 mótmælendur voru drepnir þegar stjórnarhermenn og Janjaweed-hópar réðust á búðir mótmælenda í Kartúm, Súdan.
9. júní – Mótmælin í Hong Kong: Rúmlega milljón manns í Hong Kong mótmæltu fyrirhugaðri löggjöf um framsal glæpamanna til Kína í stærstu mótmælum Hong Kong frá árinu 1997.
9. júní – Sprengigos varð í Sinabung-fjalli á Indónesíu. 7 km hár gosmökkur barst frá eldfjallinu.
17. júlí – Eiturlyfjabaróninn Joaquín "El Chapo" Guzmán var dæmdur í lífstíðarfangelsi og 30 ár að auki.
18. júlí – Brennuárásin á Kyoto Animation: 36 létust þegar maður kveikti í skrifstofum japanska teiknimyndafyrirtækisins Kyoto Animation.
19. júlí – Íranski byltingarvörðurinn hertók breska olíuflutningaskipið Stena Impero í Persaflóa.
21. júlí – 100 hvítklæddir óeirðaseggir sem taldir voru tengjast kínversku mafíunni, réðust á vegfarendur á Yuen Long-lestarstöðinni í Hong Kong vopnaðir kylfum.
Flóðin á Indlandi 2019: Yfir 100 létust í flóðum á Indlandi.
12. ágúst – Alþjóðaflugvellinum í Hong Kong var lokað vegna mótmælaöldunnar.
14. ágúst – Greta Thunberg sigldi af stað yfir Atlantshafið á skútunni Malizia II til að taka þátt í loftslagsráðstefnu Sameinuðu þjóðanna í New York. Hún kom þangað 2 vikum síðar.
16. ágúst – 20 flóttamenn biðu bana í loftárásum Rússa á Hass-flóttamannabúðirnar í Sýrlandi.
18. ágúst – Um 100 manns komu saman í minningarathöfn um jökulinn Ok á Íslandi.
Skógareldarnir í Amasón 2019: Brasilíska geimferðastofnunin sagði frá metfjölda skógarelda í Amasónfrumskóginum.
Giuseppe Conte, forsætisráðherra Ítalíu, sagði af sér til að forðast vantraust.
26. ágúst – Lyfjafyrirtækið Johnson & Johnson var dæmt til að greiða 572 milljónir dala í bætur vegna ópíóíðafaraldursins í Bandaríkjunum.
September
Loftslagsverkfall í Torontó 27. september.
1. september – Fellibylurinn Dorian gekk á land á Bahamaeyjum þar sem 43 fórust.
2. september – 34 fórust þegar köfunarbáturinn MV Conception brann og sökk undan strönd Kaliforníu.
2. september – Íranska baráttukonan Sahar Khodayari kveikti í sér eftir að hafa verið handtekin fyrir að fara á knattspyrnuleik. Hún lést viku síðar.
4. september – Mótmælin í Hong Kong: Carrie Lam, stjórnarformaður Hong Kong, lýsti yfir að umdeilt frumvarp um framsal brotafólks frá Hong Kong til meginlands Kína hefði verið dregið til baka.
10. september – Þingfrestunardeilan í Bretlandi 2019: Boris Johnson frestaði þingfundum þrátt fyrir hávær mótmæli þingmanna.
14. september – Drónaárás var gerð á tvær olíuhreinsistöðvar Aramco í Abqaiq og Khurais í Sádi-Arabíu. Hútífylkingin lýsti ábyrgð á hendur sér.
17. september – Þingkosningar fóru fram í Ísrael í annað skipti á einu ári. Líkt og fyrri kosningar ársins skiluðu kosningarnar hnífjafnri niðurstöðu milli Likud-flokksins og Bláhvíta bandalagsins.
20. september – Alþjóðlegt loftslagsverkfall fór fram um allan heim.
Her Tyrklands hóf innrás á yfirráðasvæði Rojava í Norður-Sýrlandi í kjölfar þess að Donald Trump Bandaríkjaforseti tilkynnti að Bandaríkjaher myndi ekki skipta sér að hernaðaraðgerðum Tyrkja á svæðinu.
Tveir létust í hryðjuverkaárás á sýnagógu í Halle á Þýskalandi á jom kippúr-hátíðinni.
24. október – Lík spænska einræðisherrans Francisco Franco var fjarlægt úr grafarminnismerki í Dal hinna föllnu og endurgreftrað í kirkjugarði í Madríd.
29. október – Saad Hariri, forsætisráðherra Líbanon, sagði af sér vegna fjöldamótmæla í landinu.
Nóvember
Götuvígi við Tækniháskóla Hong Kong.
4. nóvember – LeBarón- og Langford-morðin: Níu Bandaríkjamenn voru myrtir af mexíkósku glæpagengi er þeir óku til brúðkaups rétt sunnan við landamærin.
6. nóvember – Árásin í Fada N'gourma: 37 létust þegar byssumenn réðust á bílalest kanadíska námafyrirtækisins Semafo í Búrkína Fasó.
7. nóvember – Kongóski uppreisnarleiðtoginn Bosco Ntaganda var dæmdur í 30 ára fangelsi fyrir stríðsglæpi og glæpi gegn mannkyni af Alþjóðaglæpadómstólnum.
2. desember – Loftslagsráðstefna Sameinuðu þjóðanna 2019 hófst í Madríd á Spáni þar sem forseti Chile hafði hafnað því að halda ráðstefnuna vegna mótmælanna í landinu.
5. desember – Skriðurnar í Búrúndí 2019: 26 fórust í skriðum í Búrúndí.
30. desember – Yfirvöld í Kína tilkynntu að vísindamaðurinn He Jiankui, sem sagðist hafa skapað fyrstu erfðabreyttu börn heims, hefði verið dæmdur í lífstíðarfangelsi.
30. desember – Lengstu og dýpstu neðansjávargöng heims, Ryfylkegöngin, voru opnuð í Noregi.