pentref ym Mhowys, Cymru From Wikipedia, the free encyclopedia
Pentref bychan gwledig yng nghymuned Dwyriw ym Maldwyn, Powys, yw Llanllugan. Gorwedd 4 milltir i'r de-orllewin o bentref Llanfair Caereinion, 8 milltir i'r gogledd o'r Drenewydd. Yn yr Oesoedd Canol roedd yn rhan o gantref Cedewain.
Math | pentrefan ![]() |
---|---|
Daearyddiaeth | |
Sir | Dwyriw ![]() |
Gwlad | ![]() |
Cyfesurynnau | 52.610263°N 3.394069°W ![]() |
Gwleidyddiaeth | |
AC/au | Russell George (Ceidwadwyr) |
AS/au | Craig Williams (Ceidwadwr) |
![]() | |
Nid oes sicrwydd am union ystyr y gair llugan yn enw'r lle. Mae'n bosibl ei fod yn ffurf ar enw'r santes Lluan.
Cynrychiolir yr ardal hon yn Senedd Cymru gan Russell George (Ceidwadwyr)[1] ac yn Senedd y DU gan Craig Williams (Ceidwadwr).[2]
Sefydlwyd lleiandy bychan yn Llanllugan ar ddiwedd y 12g, y cyfeirir ato gan Gerallt Gymro a Dafydd ap Gwilym. Lleiandy Sistersaidd oedd Llanllugan, a sefydlwyd gan Maredudd ap Rhobert rhywbryd rhwng 1170 a 1190.
Ceir Cors Llanllugan ger y pentref. Mae'n Safle o Ddiddordeb Gwyddonol Arbennig.