Xogos Olímpicos de 2008

Os Xogos Olímpicos de Pequín 2008 (oficialmente denominados Xogos da XXIX Olimpíada) tiveron lugar na cidade de Pequín, capital da República Popular da China, entre o 8 e o 24 de agosto de 2008, aínda que o torneo de fútbol comezou dous días antes, o 6 de agosto. Ao concluír o evento, leváronse a cabo na mesma cidade os XIII Xogos Paralímpicos, entre o 6 e o 17 de setembro.

Xogos Olímpicos de 2008

Nome oficial	Spiller vun der XXIX. Olympiad
Nome na lingua orixinal	(zh) 第二十九届夏季奥林匹克运动会
Tipo	Xogos Olímpicos de Verán
Mascota	Fuwa (pt)
Composto por	Nado sincronizado nos Jogos Olímpicos de Verão de 2008 Taekwondo nos Jogos Olímpicos de Verão de 2008 Tênis de mesa nos Jogos Olímpicos de Verão de 2008 + ../... 35
Número de participantes	204 10.942
Participantes
Petr Svoboda (pt) , Tomáš Fučík (en) , Liechtenstein nos Jogos Olímpicos de Verão de 2008 (pt) , Ilhas Caimão nos Jogos Olímpicos de Verão de 2008 (pt) , Kiribati nos Jogos Olímpicos de Verão de 2008 (pt) , Nauru nos Jogos Olímpicos de Verão de 2008 (pt) , Palau nos Jogos Olímpicos de Verão de 2008 (pt) , Homare Sawa (pt) , Formiga (pt) , Carli Lloyd, Fabiana da Silva Simões, Malta nos Jogos Olímpicos de Verão de 2008 (pt) , São Cristóvão e Nevis nos Jogos Olímpicos de Verão de 2008 (pt) e Tom Daley
Localización  e  Datas
Eventos olímpicos	302
Localización	Pequín (República Popular da China) 39°54′15″N 116°24′27″L
País	República Popular da China
Intervalo de tempo	8 de agosto de 2008 – 24 de agosto de 2008
Número de edición	29  (2008)
Aberto oficialmente por	Hu Jintao
Xuramento feito por	Zhang Yining (pt) Huang Liping (pt)
Facho acendido por	Li Ning
Outro
Páxina web oficial	olympics.com…
← 2004 2012 →

O evento deportivo contou con 302 probas en 28 deportes^[1] nas que, segundo estimacións, participaron uns 10 500 atletas de 204 países. Ademais de Pequín, algunhas das probas deportivas tiveron lugar noutras cidades da China. O torneo de fútbol tivo lugar nas cidades cidades de Qinhuangdao, Tianjin, Shenyang e Shanghai, namentres as regatas de vela e as probas de hípica efectuáronse no porto de Qingdao e no de Hong Kong, respectivamente.

Os Xogos Olímpicos de Pequín 2008 tiveron un custo que podería superar os 41.000 millóns de dólares, case triplicando o orzamento final do seu antecesor, os Xogos Olímpicos de Atenas 2004, converténdose no evento máis custoso da historia olímpica.^[2] A organización deste evento enfrontou diversos problemas dende a súa elección, o 13 de xullo de 2001, especialmente polos problemas de contaminación atmosférica que enfronta a cidade sede e polas acusacións de violacións aos dereitos humanos que recibiu o réxime chinés por parte importante da comunidade internacional, xerando diversas protestas que afectaron o percorrido do facho olímpico. O goberno da China promocionou os xogos co obxectivo de destacar a importancia e influencias do país no resto do mundo.^[3]

Proceso de candidatura

Aínda que as candidaturas de París e Toronto eran mellores, o COI estaba interesado en que os Xogos se celebrasen na China, o país máis poboado do planeta. Esta decisión foi moi discutida polas violacións da China aos dereitos humanos. Para silenciar estas queixas, elixiuse como lema: Novo Pequín, Grandes Xogos para destacar o troco de ideais do país para o novo milenio.

112º Sesión do Comité Olímpico Internacional 13 de xullo de 2001, Moscova, Rusia
Cidade		País	Votación
	Pequín	China	44	56
	Toronto	Canadá	20	22
	París	Francia	15	18
	Istambul	Turquía	17	9
	Osaka	Xapón	6	-

Sedes e instalacións deportivas

Mapa de localización dos recintos olímpicos en Pequín.

Estadio Nacional (chamado Niño de paxaro), sede principal dos Xogos Olímpicos

Centro Acuático Nacional de Pequín (chamado Cubo de auga).

O Goberno chinés e o Comité Organizador dos Xogos construíron ou renovaron 36 recintos deportivos, así como 59 centros de adestramento.

En Pequín construíronse doce novas instalacións, entre as que sobresae o Estadio Nacional e o Centro Acuático. Dez instalacións existentes renováronse e acondicionáronse para a cita olímpica. Así mesmo erguéronse oito instalacións temporais, que ao final dos Xogos serán retiradas ou reconvertidas. Ademais contarase cun circuíto urbano para o maratón e as probas de marcha, e un circuíto tanto na cidade como nos arredores para as competicións de ciclismo en ruta.

Nas outras cidades sedes remodeláronse catro estadios, mellorouse o Centro Hípico de Hong Kong e acondicionouse o porto de Qingdao para as regatas de vela.

En Pequín

Construcións novas:

• Estadio Nacional – atletismo e fútbol.
• Centro Acuático Nacional – natación, saltos e natación sincronizada.
• Area de Wukesong - baloncesto.
• Pavillón de Tiro de Pequín – tiro de precisión.
• Campo de Tiro de Pequín – tiro ao prato.
• Ximnasio Nacional – ximnasia (artística e trampolín), balonmán.
• Velódromo de Laoshan – ciclismo de pista.
• Parque Olímpico de Remo-Piragüismo de Shunyi – remo e piragüismo (augas tranquilas e slálom).
• Ximnasio da Universidade de Agronomía da China – loita.
• Ximnasio da Universidade de Pequín – tenis de mesa.
• Ximnasio da Universidade de Ciencia e Tecnoloxía de Pequín – judo e taekwondo.
• Ximnasio da Universidade Técnica de Pequín – bádminton e ximnasia rítmica.

Recintos existentes:

• Estadio do Centro Olímpico – fútbol e péntatlon moderno (carreira e hípica).
• Ximnasio do Centro Olímpico – balonmán.
• Estadio dos Traballadores – fútbol.
• Area dos Traballadores - boxeo.
• Pavillón Deportivo da Capital – voleibol.
• Estadio de Sóftbol de Fengtai – sóftbol.
• Piscina Ying Tung – wáter-polo e péntatlon moderno (natación).
• Pista de Ciclismo de Montaña de Laoshan – ciclismo de montaña.
• Ximnasio do Instituto Tecnolóxico – voleibol.
• Ximnasio da Universidade de Beihang – halterofilia.

Recintos temporais:

• Centro de Conferencias do Parque Olímpico – esgrima e péntatlon moderno (esgrima).
• Campo de hóckey do Parque Olímpico – hóckey sobre herba.
• Campo de tiro con arco do Parque Olímpico – tiro con arco.
• Centro Olímpico de Tenis de Pequín – tenis.
• Estadio de Béisbol de Wukesong - béisbol.
• Velódromo de Laoshan – ciclismo (BMX).
• Campo de vóley praia do Parque Chaoyang – voley praia.
• Instalación de tríatlon (Pequín 2008) (Represa das Tumbas da Dinastía Ming) – tríatlon.

Fóra de Pequín

• Centro de Vela Internacional de Qingdao – vela.
• Centro ecuestre olímpico de Hong Kong – hípica.
• Estadio de Shanghai – fútbol.
• Estadio Olímpico de Qinhuangdao – fútbol.
• Estadio Olímpico de Shenyang – fútbol.
• Estadio Olímpico de Tianjin – fútbol.

Calendario

Nos Xogos Olímpicos de Pequín leváronse a cabo 302 competicións en 28 deportes. Na táboa seguinte detállanse os días nos que se efectuaron as competicións de cada deporte, así como o número de finais por día que se celebraron.

Evento	06	07	08	09	10	11	12	13	14	15	16	17	18	19	20	21	22	23	24	TOT
Inauguración
Atletismo										3	4	5	6	5	3	7	6	7	1	47
Bádminton										1	2	2								5
Baloncesto																		1	1	2
Balonmán																		1	1	2
Béisbol																		1		1
Boxeo																		5	6	11
Ciclismo				1	1			2		2	1	1	3	3	1	1	1	1		18
Esgrima				1	1	1	1	1	2	1	1	1								10
Fútbol																	1	1		2
Ximnasia							1	1	1	1		4	4	4				1	1	18
Halterofilia				1	2	2	2	2		2	1	1	1	1						15
Hípica							2		1					1		1	1			6
Hóquei sobre herba																	1	1		2
Judo				2	2	2	2	2	2	2										14
Loita							2	2	3		2	2		2	2	3				18
Natación				4	4	4	4	4	4	4	4	1	1	2	3	2	2	2	1	46
Péntatlon moderno																1	1			2
Piragüismo							2		2								6	6		16
Remo											7	7								14
Softbol																1				1
Taekwondo															2	2	2	2		8
Tenis											2	2								4
Tenis de mesa												1	1				1	1		4
Tiro				2	2	2	2	2	1	1	2	1								15
Tiro con arco					1	1			1	1										4
Tríatlon													1	1						2
Vela											2	1	2	2	2	2				11
Voleibol														1	1			1	1	4
Clausura
Agosto	06	07	08	09	10	11	12	13	14	15	16	17	18	19	20	21	22	23	24	TOT

Galegos nos Xogos

Todos os participantes galegos nos Xogos (14, dos cales dez eran homes e catro mulleres) fixérono dentro do equipo de España. Estes foron os seus nomes:

• Xavier Gómez Noia (tríatlon) 4º
• Iván Raña (tríatlon) 5º
• David Cal (piragüismo)
• Tareixa Portela (piragüismo) 6º na semifinal^[4]
• Sonia Molanes (piragüismo) 4º na semifinal^[5]
• Carlos Pérez Rial (piragüismo)
• David Gómez (atletismo) 25º
• Santiago Pérez (atletismo) 26º
• Alessandra Aguilar (atletismo)
• José Antonio Hermida (ciclismo) 10º
• Tamara Abalde (baloncesto)
• Antón Paz (vela)
• Fernando Echavarri (vela)

Política nos Xogos

Os Xogos Olímpicos de Beixín víronse embazados pola censura e por diversos conflitos políticos. A situación no Tíbet, provincia chinesa onde se reivindica un maior grao de autonomía, provocou unha vaga de solidariedade internacional que chegou a ameazar a presenza dalgúns xefes de estado e de goberno na cerimonia inaugural^[6][7]. Ademais, o percorrido do facho olímpico arredor do mundo tivo que ser alterado, suspendido por veces e protexido con grandes medidas de seguridade en cidades como París, Londres ou San Francisco^[8][9][10].

Para evitar protestas, prohibiuse que se exhibisen nos recintos olímpicos bandeiras de países que non estivesen competindo oficialmente^[11].

A censura gobernamental sobre os contidos de Internet mantívose na China durante o desenvolvemento dos Xogos, incluso para os xornalistas estranxeiros e para a comunidade olímpica^[12]. O día 6 de agosto, dúas xornadas antes do comezo dos xogos, dous cidadáns británicos e dous estadounidenses foron detidos^[13] por penduraren unha pancarta onde se reclamaba liberdade para o Tíbet, a pouca distancia do Estadio Olímpico.

Participantes

No tocante ó número de atletas, 11 883 atletas inscribíronse inicialmente (entre eles, os dous atletas de Brunei), pero só 10 902 atletas participaron efectivamente nos Xogos, excluíndo a lesionados e descualificados. Destes, 6 294 eran homes e 4 608 eran mulleres.

A táboa seguinte amosa ós países participantes nos Xogos Olímpicos de Pequín 2008 e o número de atletas representantes (en corchetes, o número de homes e de mulleres):

Listaxe de nacións participantes
Afganistán, 4 [3/1] Albania, 11 [7/4] Alemaña, 420 [237/183] Andorra, 5 [3/2] Angola, 32 [17/15] Antiga e Barbuda, 5 [4/1] Antillas Neerlandesas, 3 [3/0] Arabia Saudita, 14 [14/0] Alxeria, 56 [34/22] Arxentina, 132 [79/53] Armenia, 25 [23/2] Aruba, 2 [2/0] Australia, 432 [233/199] Austria, 70 [40/30] Azerbaidján, 44 [30/14] Bahamas, 25 [16/9] Bahrain, 14 [11/3] Bangladesh, 5 [3/2] Barbados, 8 [7/1] Bélxica, 94 [77/17] Belize, 4 [3/1] Benín, 5 [3/2] Bermudas, 6 [2/4] Belarús, 177 [93/84] Myanmar, 6 [4/2] Bolivia, 7 [4/3] Bosnia e Hercegovina, 5 [4/1] Botswana, 11 [9/2] Brasil, 268 [139/129] Bulgaria, 70 [43/27] Burkina Faso, 6 [3/3] Burundi, 3 [1/2] Bután, 2 [1/1] Cabo Verde, 2 [1/1] Camboxa, 4 [2/2] Camerún, 32 [25/7] Canadá, 332 [186/146] Chad, 2 [1/1] Chile, 26 [20/6] China, 600 [312/288] Taiwán, 79 [43/36] Chipre, 17 [7/10] Colombia, 67 [43/24] Comores, 3 [2/1] República do Congo, 5 [3/2] Corea do Norte, 58 [21/37] Corea do Sur, 265 [159/106] Costa do Marfil , 21 [19/2] Costa Rica, 8 [6/2] Croacia, 99 [80/19] Cuba, 158 [102/56] Dinamarca, 85 [65/20] Dominica, 2 [2/0] Ecuador, 25 [17/8] Exipto, 100 [74/26] O Salvador, 11 [4/7] Emiratos Árabes Unidos, 8 [6/2] Eritrea, 10 [8/2] Eslovaquia, 57 [35/22] Eslovenia, 61 [40/21] España, 282 [162/120] Estados Unidos, 589 [307/282] Estonia, 47 [34/13] Etiopía, 27 [14/13] Filipinas, 15 [10/5] Finlandia, 57 [31/26] Fiji, 6 [4/2] Francia, 309 [188/121]	Gabón, 4 [2/2] Gambia, 3 [2/1] Xeorxia, 35 [27/8] Ghana, 9 [8/1] Granada, 9 [4/5] Grecia, 152 [82/70] Guam, 6 [4/2] Guatemala, 12 [9/3] Guinea, 5 [2/3] Guinea Ecuatorial, 3 [2/1] Guinea-Bissau, 3 [2/1] Güiana, 4 [2/2] Haití, 7 [3/4] Honduras, 25 [23/2] Hong Kong, 34 [17/17] Hungría, 171 [88/83] India, 53 [31/22] Indonesia, 24 [15/9] Irán, 54 [51/3] Iraq, 4 [3/1] Irlanda, 55 [39/16] Islandia, 27 [20/7] Illas Caimán, 4 [3/1] Illas Cook, 4 [3/1] Illas Marshall, 5 [3/2] Illas Salomón, 3 [1/2] Illas Virxes Británicas, 2 [1/1] Illas Virxes Estadounidenses, 7 [6/1] Israel, 43 [23/20] Italia, 333 [203/130] Xamaica, 50 [23/27] Xapón, 332 [167/165] Xordania, 7 [3/4] Kazakhstán, 130 [60/70] Kenya, 46 [28/18] Kirguizistán, 20 [16/4] Kiribati, 2 [2/0] Kuwait, 8 [8/0] Laos, 4 [2/2] Lesotho, 5 [4/1] Letonia, 47 [29/18] Líbano, 6 [4/2] Liberia, 3 [2/1] Libia, 6 [4/2] Liechtenstein, 2 [2/0] Lituania, 71 [44/27] Luxemburgo, 13 [9/4] Macedonia do Norte, 7 [5/2] Madagascar, 6 [4/2] Malaisia, 32 [18/14] Malawi, 4 [2/2] Maldivas, 4 [2/2] Malí, 17 [3/14] Malta, 6 [3/3] Marrocos, 47 [36/11] Mauricio, 11 [6/5] Mauritania, 2 [1/1] México, 83 [43/40] Micronesia, 5 [3/2] Moldova, 29 [21/8] Mónaco, 5 [4/1] Mongolia, 28 [14/14] Montenegro, 19 [17/2] Mozambique, 4 [2/2] Namibia, 10 [6/4] Nauru, 1 [1/0] Nepal, 8 [4/4] Nicaragua, 6 [3/3]	Níxer, 4 [2/2] Nixeria, 74 [37/37] Noruega, 84 [30/54] Nova Zelandia, 178 [96/82] Omán, 4 [3/1] Países Baixos, 237 [139/98] Paquistán, 21 [19/2] Palau, 5 [3/2] Palestina, 4 [2/2] Panamá, 5 [3/2] Papúa-Nova Guinea, 7 [3/4] Paraguai, 7 [3/4] Perú, 13 [7/6] Polonia, 257 [156/101] Portugal, 77 [51/26] Porto Rico, 22 [17/5] Qatar, 20 [20/0] Reino Unido, 304 [163/141] República Centroafricana, 3 [2/1] República Checa, 134 [75/59] R.D. do Congo, 5 [4/1] República Dominicana, 24 [18/6] Ruanda, 4 [2/2] Romanía, 101 [40/61] Rusia, 454 [231/223] Samoa, 6 [4/2] Samoa Americana, 4 [2/2] Saint Kitts e Nevis, 4 [1/3] San Marino, 4 [2/2] San Vicente e as Granadinas, 2 [1/1] Santa Lucía, 4 [1/3] San Tomé e Príncipe, 3 [2/1] Senegal, 15 [8/7] Serbia, 87 [63/24] Seychelles, 9 [6/3] Serra Leoa, 3 [2/1] Singapur, 25 [11/14] Siria, 7 [6/1] Somalia, 2 [1/1] Sri Lanka, 8 [4/4] Eswatini, 4 [2/2] Suráfrica, 134 [75/59] Sudán, 9 [5/4] Suecia, 123 [50/73] Suíza, 83 [47/36] Suriname, 4 [2/2] Tailandia, 47 [22/25] Tanzania, 9 [7/2] Tadjiikistán, 15 [12/3] Timor Leste, 1 [0/1] Togo, 4 [3/1] Tonga, 3 [2/1] Trinidad e Tobago, 28 [17/11] Tunisia, 26 [14/12] Turkmenistán, 10 [6/4] Turquía, 67 [48/19] Tuvalu, 3 [2/1] Ucraína, 243 [127/116] Uganda, 11 [9/2] Uruguai, 12 [9/3] Uzbekistán, 56 [41/15] Vanuatu, 3 [1/2] Venezuela, 108 [57/51] Vietnam, 13 [7/6] Iemen, 5 [4/1] Djibuti, 2 [1/1] Zambia, 8 [6/2] Zimbabwe, 13 [8/5]

Medalleiro

O estadounidense Michael Phelps (no centro) gañou oito medallas de ouro nas probas de natación, converténdose no deportista que obtivo máis medallas de ouro gañadas nun só evento olímpico e na historia dos Xogos.

Véxase o artigo Medalleiro dos Xogos Olímpicos de Pequín 2008.

Posición	País	Ouro	Prata	Bronce	Total
1	China (CHN)	47	17	26	90
2	Estados Unidos (USA)	31	36	36	103
3	Rusia (RUS)	19	20	23	62
4	Reino Unido (GBR)	18	13	13	44
5	Alemaña (GER)	14	9	13	36
6	Australia (AUS)	12	14	16	42
7	Corea do Sur (KOR)	11	10	7	28
8	Xapón (JAP)	9	6	10	25
9	Italia (ITA)	7	8	10	25
10	Países Baixos (NED)	7	5	4	16

Notas

1. Comité Olímpico Internacional, Programme of the Games of the XXIX Olympiad, Pequín 2008 (4/08/2008)
2. http://www.informador.com.mx/deportes/2008/27104/1/beijing-tendra-los-juegos-olimpicos-mas-caros-de-la-historia.htm Arquivado 04 de marzo de 2016 en Wayback Machine. Pequín terá os Xogos Olímpicos máis caros da historia 4/08/2008
3. China's coming out party Toronto Star 8 de agosto de 2007 http://www.thestar.com/Sports/Olympics/article/242172 Arquivado 24 de agosto de 2008 en Wayback Machine.
4. EFE (2008-08-21). "Portela se queda fuera de la final de K1 500m.". RTVE.es (en castelán). Consultado o 2023-02-07.
5. Las piragüistas españolas Manchón y Molanes se quedan a las puertas de la final
6. Sarkozy threatens boycott of Beijing Olympic Games opening ceremony Arquivado 13 de maio de 2008 en Wayback Machine., The Times
7. Most EU leaders stay away from Olympic ceremony, EUObserver, 8/8/08
8. O facho olímpico percorre París escoltado nun autobús, Vieiros, 7/4/08
9. Tentan apagar o facho olímpico no seu paso por Londres, Vieiros, 6/4/08
10. O COI podería suspender o percorrido do facho olímpico Arquivado 04 de febreiro de 2012 en Wayback Machine., Galicia-e,8/4/08
11. A bandeira galega, prohibida en Beixín, Vieiros, 3/8/08
12. Hundreds of websites still censored at Beijing Olympics Los Angeles Times, 5/8/08
13. Britons held in Beijing protest, BBC, 6/8/08

Véxase tamén

Ligazóns externas

• Web Oficial dos Xogos Olímpicos de 2008