Haaptsäit/Op engem/Juli

All Dag gëtt op der Haaptsäit eng kleng Lëscht vun deene wichtegsten Evenementer gewisen, déi op deem Dag geschitt sinn. Op dëser Säit sinn d'Schabloune vum Mount Juli.

Juni < < < Juli > > > August

---

1. Juli 1704: Déi éischt Nummer vun der éischter zu Lëtzebuerg gedréckter Zeitung, La Clef du cabinet des princes de l'Europe, kënnt eraus. 1916: Éischte Weltkrich: Ufank vun der Somme-Schluecht, wou den éischten Dag Zéngdausende vu britteschen Zaldoten ëm d'Liewe kommen. 1937: Irland erkläert sech zur Republik. 1967: Den obligatoresche Militärdéngscht gëtt zu Lëtzebuerg ofgeschaaft. 1988: De Centre national de l'audiovisuel zu Diddeleng mécht seng Diere fir de Public op. 1997: Hongkong geet u China zeréck. 2013: Kroatie gëtt den 28. Memberstaat vun der Europäescher Unioun. 2023: Déi aktuell Lëtzebuerger Verfassung trëtt a Kraaft.	2. Juli D'Wisława Szymborska 1778: Doud vum franséische Schrëftsteller a Philosoph Jean-Jacques Rousseau. 1898: Den US-amerikanesche Generol am Zweete Weltkrich Anthony McAuliffe kënnt op d'Welt. 1923: Gebuert vun der polnescher Lyrikerin an Nobelpräisdréiesch Wisława Szymborska. 1925: De kongoleesesche Politiker an éischte Ministerpresident Patrice E. Lumumba gëtt gebuer. 1961: Den amerikanesche Schrëftsteller an Nobelpräisdréier Ernest Hemingway hëlt sech d'Liewen. 1963: Den Elysée-Traité, en däitsch-franséische Frëndschaftstraité, trëtt a Kraaft. 1977: Doud vum russesche Schrëftsteller Vladimir Nabokov. 1997: Den US-amerikanesche Filmschauspiller James Stewart stierft.
3. Juli 0987: Mat der Kréinung vum Hugo Capet zum Kinnek vu Frankräich kënnt d'Herrschaft vun de Karolenger op en Enn an déi vun de Kapetenger fänkt un. De Jean-Baptiste Nothomb. 1805: De lëtzebuergesch-belschen Affekot, Politiker an Diplomat Jean-Baptiste Nothomb gëtt gebuer. 1854: Gebuert vum tschechesche Komponist Leoš Janáček. 1863: An der Schluecht vu Gettysburg gewannen d'Nordstaaten den Amerikanesche Biergerkrich. 1883: Gebuert vum tschechesche Schrëftsteller Franz Kafka. 1901: De lëtzebuergesche Cartoonist a Karikaturist Albert Simon kënnt op d'Welt. 1944: De franséische Sänger a Lidderauteur Michel Polnareff gëtt gebuer. 1951: D'Regierung Dupong-Bodson gëtt vereedegt.	4. Juli Déi amerikanesch Onofhängegkeetserklärung. 1776: Den US-amerikanesche Kongress proklaméiert d' Onofhängegkeetserklärung vun de Vereenegte Staate vun Amerika. 1788: Gebuert vum lëtzebuergesche Sprooch-Pionéier Jean-François Gangler. 1807: Den Giuseppe Garibaldi, Kämpfer fir d'italienesch Vereenegung, gëtt gebuer. 1880: Déi lëtzebuergesch Autorin Anne Beffort kënnt op d'Welt. 1896: Doud vum lëtzebuergesche Forstingenieur an Zoolog Alphonse de la Fontaine. 1927: Gebuert vun der italieenescher Schauspillerin Gina Lollobrigida. 1946: D'Philippinnen ginn onofhängeg. 1953: Den Imre Nagy gëtt zum ungaresche Ministerpresident gewielt.
5. Juli Jean Cocteau 1687: Dem Isaac Newton seng Philosophiae Naturalis Principia Mathematica gëtt publizéiert. 1804: Gebuert vum apostolesche Vikar vu Lëtzebuerg Jean-Théodore Laurent. 1833: Doud vum Fotografie-Pionéier Joseph Nicéphore Niépce. 1889: De franséische Schrëftsteller, Regisseur, Moler a Choreograph Jean Cocteau kënnt op d'Welt. 1932: De lëtzebuergesche Schauspiller Tun Deutsch gëtt gebuer. 1962: Algerien erkläert sech vu Frankräich onofhängeg. 1975: Cap Vert gëtt vu Portugal onofhängeg. 1996: D'Schof Dolly, dat éischt gekloont Déier, gëtt a Schottland gebuer.	6. Juli 1415: De béimesche Reformateur Jan Hus gëtt verbrannt. 1785: Den US-Dollar gëtt d'Währung vun de Vereenegte Staaten. 1893: Doud vum franséische Schrëftsteller an Dichter Guy de Maupassant. 1907: Gebuert vun der mexikanescher Molerin Frida Kahlo. D'Janet Leigh 1925: Den US-amerikanesche Rockmuseker Bill Haley kënnt op d'Welt. 1927: Déi US-amerikanesch Schauspillerin Janet Leigh gëtt gebuer. 1946: Gebuert vum US-amerikanesche Politiker an 43. President vun den USA George W. Bush. 1948: Déi franséisch Schauspillerin Nathalie Baye kënnt op d'Welt.
7. Juli De Victor de Tornaco 1805: De lëtzebuergesche Politiker Victor de Tornaco gëtt gebuer. 1833: Gebuert vum belsche Moler Félicien Rops. 1860: Den éisträicheschen Dirigent a Komponist Gustav Mahler kënnt op d'Welt. 1887: Gebuert vum franséisch-russesche Moler Marc Chagall. 1899: Den amerikanesche Regisseur George Cukor gëtt gebuer. 1930: Doud vum britteschen Dokter a Schrëftsteller Arthur Conan Doyle. 1978: D'Salomonen-Insele gi vu Groussbritannien onofhängeg. 2005: 56 Doudeger an iwwer 700 Blesséierter bei Bommenattentater op 3 Metroszich an e Bus zu London.	8. Juli 1583: Doud vum portugiseschen Entdeckungsreesenden an Auteur Fernão Mendes Pinto. 1621: Gebuert vum franséische Schrëftsteller an Dichter Jean de La Fontaine. 1695: Den hollänneschen Astronom, Mathematiker a Physiker Christiaan Huygens stierft. 1810: Den Napoleon annektéiert d'Kinnekräich Holland. Käthe Kollwitz 1810: Gebuert vum lëtzebuergesche Jurist an Historiker François Laurent. 1867: Déi däitsch Graphikerin, Sculptrice a Molerin Käthe Kollwitz kënnt op d'Welt 1884: De lëtzebuergesche Schrëftsteller Jean-Pierre Erpelding gëtt gebuer. 1904: Gebuert vum lëtzebuergesche Politiker Arthur Useldinger.
9. Juli 1441: Doud vum flämesche Moler Jan van Eyck. 1816: Argentinien gëtt onofhängeg. 1848: Lëtzebuerg kritt seng éischt eege Constitutioun. 1886: De lëtzebuergesche Politiker Pierre Prüm gëtt gebuer. 1901: Déi brittesch Schrëftstellerin Barbara Cartland kënnt op d'Welt. Mercedes Sosa 1928: Gebuert vum spuenesche Vëlossportler an Tour-de-France-Gewënner Federico Bahamontes. 1935: Déi argentinesch Sängerin Mercedes Sosa gëtt gebuer. 1956: Den US-amerikanesche Schauspiller Tom Hanks kënnt op d'Welt.	10. Juli Jean-Baptiste Fresez 1509: Gebuert vum franséisch-Schwäizer Kierche-Reformateur Jean Calvin. 1800: De lëtzebuergesche Moler Jean-Baptiste Fresez gëtt gebuer. 1830: De franséische Moler Camille Pissarro kënnt op d'Welt. 1871: Gebuert vum franséische Schrëftsteller Marcel Proust. 1943: Den italieeneschen Diktator Benito Mussolini gëtt ofgesat a gefaange geholl. 1962: Telstar, den éischte Kommunikatiounssatellit, gëtt op Orbit geschoss. 1973: D'Bahamas gi vu Groussbritannien onofhängeg. 2005: Lëtzebuerg hëlt an engem Referendum mat 56.52% vun de Stëmmen d'Europäesch Verfassung un.
11. Juli 1346: De Karel IV. vu Lëtzebuerg gëtt zu Rhens zum réimesch-däitsche Kinnek gewielt. 1593: Doud vum italieenesche Moler Giuseppe Arcimboldo. 1732: Gebuert vum franséischen Astronom a Mathematiker Joseph Jérôme Lefrançois de Lalande. 1913: De lëtzebuergeschen Diplomat, Historiker an Ekonomist Christian Calmes gëtt gebuer. 1920: Gebuert vum US-amerikanesche Schauspiller Yul Brynner. 1960: Dahomey (haut Benin), Uewervolta (haut Burkina Faso) an Niger ginn onofhängeg. Memorial Srebrenica 1978: Zu San Carlos de la Rapita op der Costa Dorada explodéiert en Tankcamion op engem Camping, 216 Mënsche stierwen an iwwer 300 ginn zum Deel schwéier blesséiert. 1995: Massaker vu Srebrenica.	12. Juli Edmond Klein 1536: Doud vum hollänneschen Humanist Erasmus vu Rotterdam. 1843: Gebuert vum lëtzebuergesche Politiker Mathias Mongenast. 1866: De lëtzebuergeschen Naturwëssenschaftler an Auteur Edmond Joseph Klein gëtt gebuer. 1884: Den italieenesche Moler a Sculpteur Amedeo Modigliani kënnt op d'Welt. 1904: Gebuert vum chileeneschen Dichter an Literaturnobelpräisdréier Pablo Neruda. 1906: Den Alfred Dreyfus (Affär Dreyfus) gëtt offiziell rehabilitéiert. 1975: São Tomé e Príncipe gëtt onofhängeg vu Portugal. 1979: Kiribati gëtt onofhängeg vu Groussbritannien.
13. Juli 100 v. Chr.: Gebuert vum réimesche Keeser Gaius Julius Caesar. 1817: De belsche Jurist a Politiker Alphonse Nothomb kënnt op d'Welt. 1861: D'Maria Ana vu Bragança, Fra vum Wëllem IV. vu Lëtzebuerg, gëtt gebuer. 1863: De lëtzebuergesche Geeschtlechen a Philosoph Joseph Gredt kënnt op d'Welt. Simone Veil (1984) 1870: Emser Depesche. 1921: Doud vum franséische Physiker an Nobelpräisdréier Gabriel Lippmann. 1927: Gebuert vun der franséischer Politikerin Simone Veil. 1942: Den US-amerikanesche Schauspiller Harrison Ford gëtt gebuer.	14. Juli Stuerm op d'Bastille 1789: Stuerm op d'Bastille, Ufank vun der Franséischer Revolutioun. 1820: Gebuert vum lëtzebuergesche Jurist a Politiker Paul de Scherff. 1862: Den éisträichesche Kënschtler Gustav Klimt kënnt op d'Welt. 1900: De Groussherzog Adolphe vu Lëtzebuerg leet de Grondstee fir déi no him genannt Nei Bréck. 1910: De lëtzebuergesche Politiker an Historiker Joseph Herr gëtt gebuer. 1913: Gebuert vum US-amerikanesche Politiker a President Gerald Ford. 1918: De schweedesche Regisseur Ingmar Bergman kënnt op d'Welt. 1998: Doud vum amerikaneschen Industriellen, Financier a Philanthrop Henry J. Leir.
15. Juli Stee vu Rosetta 1606: Gebuert vum hollännesche Moler Rembrandt van Rijn. 1799: De Stee vu Rosetta gëtt vun engem Offizéier vum Napoleon entdeckt. 1830: Um Knuedler gëtt de Grondstee fir d'Stadhaus vun der Stad Lëtzebuerg geluecht. 1928: De Lëtzebuerger Nicolas Frantz gewënnt säin zweeten Tour de France. 1939: De portugisesche Politiker Aníbal Cavaco Silva kënnt op d'Welt. 1962: Algerien gëtt onofhängeg. 1965: Doud vum lëtzebuergesche Gewerkschaftler a Politiker Nic Biever. 1974: Militärputsch op Zypern.	16. Juli 1911: Gebuert vun der US-amerikanescher Dänzerin a Schauspillerin Ginger Rogers. 1927: Déi lëtzebuergesch Juristin Annette Schwall-Lacroix kënnt op d'Welt. 1942: Iwwer 13.000 Judde ginn zu Paräis vun der franséischer Police am Vel d'hiv' zesummegedriwwen a vun do aus a Konzentratiouns- a Vernichtungslager deportéiert. Apollo 11 1945: Déi éischt Atombomm explodéiert fir en Test an New Mexico (USA). 1965: De Mont-Blanc-Tunnel tëscht Frankräich an Italie geet op. 1969: Start vun Apollo 11. 1973: D'Regierung ënnerschreift e Memorandum of Understanding mat der RWE Essen, fir de Bau vun enger Atomzentral zu Remerschen ze plangen an dann duerchzeféieren. 2005: De lëtzebuergesche Sänger, Radios- an Tëleesanimatuer, Schlagertextschreiwer a Schauspiller Camille Felgen stierft.
17. Juli Nic Frantz * 1790: Doud vum brittesche Philosoph an Ekonomist Adam Smith. 1899: Gebuert vum amerikanesche Schauspiller James Cagney. 1927: Den Nicolas Frantz gewënnt als zweete Lëtzebuerger den Tour de France. 1935: De kanadesche Schauspiller Donald Sutherland gëtt gebuer. 1936: Mat engem Militärputsch vum Generol Franco fänkt de Spuenesche Biergerkrich un. 1951: De Baudouin gëtt Kinnek vun de Belsch. 1954: Déi däitsch Politikerin Angela Merkel kënnt op d'Welt. 1959: Déi US-amerikanesch Jazzsängerin Billie Holiday stierft.	18. Juli 1100: Doud vum Godefroy vu Bouillon, engem vun de Cheffe vum éischte Kräizzuch. 1658: De Leopold I. gëtt zum Keeser vum Hellege Réimesche Räich gewielt. 1817: Déi englesch Schrëftstellerin Jane Austen stierft. Nelson Mandela 1917: Gebuert vum franséische Sänger Henri Salvador. 1918: De südafrikanesche Fräiheetskämpfer, Politiker a President Nelson Mandela gëtt gebuer. 1921: Den US-amerikaneschen Astronaut a Politiker John Glenn kënnt op d'Welt. 1922: Gebuert vum US-amerikanesche Museker, Sänger, Komponist, Auteur Georg Kreisler. 2004: Doud vun der däitscher Schauspillerin Inge Meysel.
19. Juli 1743: De märesche Moler Ignatius Millim gëtt gebuer. 1834: Gebuert vum franséische Moler a Sculpteur Edgar Degas. 1870: Ufank vum Franséisch-Däitsche Krich Aristides de Sousa Mendes 1885: De portugiseschen Diplomat Aristides de Sousa Mendes kënnt op d'Welt. 1886: De Franz Liszt spillt am Biergercasino an der Ënneschtgaass säi leschte Concert. 1898: Den däitsch-US-amerikanesche Philosoph Herbert Marcuse gëtt gebuer. 1958: De Lëtzebuerger Charly Gaul gewënnt den Tour de France. 1979: Den Diktator Somoza vun Nicaragua gëtt gestierzt an d'Sandiniste kommen un d'Muecht.	20. Juli 1810: Kolumbien gëtt onofhängeg. 1857: De Lëtzebuerger Fotograf Camille Aschman gëtt gebuer. Natalie Wood 1919: Den neiséilänneschen Alpinist an Diplomat Edmund Hillary kënnt op d'Welt. 1938: Gebuert vun der US-amerikanescher Schauspillerin Natalie Wood. 1944: Attentatsversuch op den Adolf Hitler. 1947: Gebuert vum US-amerikanesche Museker Carlos Santana. 1974: D'Tierkei besetzt den Norde vun Zypern. 1984: D'Regierung Santer-Poos I gëtt vereedegt.
21. Juli 1831: De Leopold I. leet den Eed op d'Verfassung of a gëtt éischte Kinnek vun de Belsch. 1899: Gebuert vum US-amerikanesche Schrëftsteller Ernest Hemingway. 1906: De lëtzebuergesche Fotograf a Journalist Tony Krier kënnt op d'Welt. 1944: Den däitschen Offizéier Claus Schenk von Stauffenberg gëtt nom mëssgléckten Attentat op den Hitler exekutéiert. Foussofdrock um Mound 1945: Fënneffache Muerd um Wandhaff bei Ettelbréck. 1954: Op der Genfer Konferenz gëtt nom Indochinakrich d'Deelung vum Vietnam decidéiert. 1969: Den Neil Armstrong betrëtt um 3 Auer 56 MEZ als éischte Mënsch de Mound. 2013: De Philippe gëtt Kinnek vun de Belsch.	22. Juli 1478: Gebuert vum Felipe I. vu Kastilien ("Philipp de Schéinen"). 1634: Doud vum Johann Grof vun Aldringen, däitsche Feldhär am Drëssegjärege Krich. Charles Bernhoeft 1859: De lëtzebuergesche Fotograf Charles Bernhoeft kënnt op d'Welt. 1878 oder 1879: De polneschen Dokter, Pedagog a Kannerbuchauteur Janusz Korczak gëtt gebuer. 1882: Gebuert vum US-amerikanesche Moler Edward Hopper. 1946: Déi franséisch Sängerin Mireille Mathieu kënnt op d'Welt. 1954: Laos gëtt onofhängeg. 1974: Déi däitsch Schauspillerin Franka Potente gëtt gebuer.
23. Juli Haile Selassie 1851: Gebuert vum lëtzebuergeschen Historiker Nicolas van Werveke. 1892: Den Haile Selassie I. vun Ethiopie kënnt op d'Welt. 1899: Den däitsche Politiker a Bundespresident Gustav Heinemann gëtt gebuer. 1914: Éisträich-Ungarn setzt Serbien en Ultimatum (Aleedung vum Éischte Weltkrich) 1951: Doud vum Philippe Pétain, franséische Generol a President vum Vichy-Regime. 1989: Gebuert vum englesche Schauspiller Daniel Radcliffe. 2009: D'Regierung Juncker-Asselborn II gëtt vereedegt. 2011: Déi brittesch Sängerin Amy Winehouse stierft.	24. Juli 1783: De südamerikanesche Politiker a President Simón Bolívar gëtt gebuer. 1802: Gebuert vum franséische Schrëftsteller Alexandre Dumas (Papp). 1817: Den Adolphe vun Nassau, spéidere Groussherzog vu Lëtzebuerg, kënnt op d'Welt. 1823. De lëtzebuergeschen Auteur Edmond de la Fontaine, genannt Dicks, gëtt gebuer. 1877: Gebuert vum lëtzebuergesche Fotograf Batty Fischer. Nei Bréck 1903 1903: D'Adolphe-Bréck ("Nei Bréck") gëtt an der Stad dem Verkéier fräiginn. 1983: Ufank vum Biergerkrich op Sri Lanka tëscht den Tamilen an de Singhalesen. 2003: D'Saarautobunn gëtt opgemaach.
25. Juli 1824: Gebuert vum lëtzebuergesche Moler Peter (oder Pierre) Brandebourg(er). 1834: Doud vum engleschen Dichter a Philosoph Samuel Taylor Coleridge.. 1905: Den däitschsproochege Schrëftsteller an Nobelpräisdréier Elias Canetti gëtt gebuer. 1909: De Louis Blériot flitt als éischte Mënsch vu Calais op Dover iwwer den Äermelkanal. 1921: Ënnerschrëft vun der Convetioun iwwer d'Union économique belgo-luxembourgeoise (UEBL). Concorde 1969: Den däitsche Moler Otto Dix stierft. 1978: Gebuert vum Louise Brown, dem éischte Kand, dat duerch eng kënschtlech Befruchtung op d'Welt kënnt. 2000: Eng Concorde fält bei Paräis erof, all 109 Leit déi dra waren, a 4 um Buedem, kommen em d'Liewen.	26. Juli 1581: D'Republik vun de Siwe Vereenegte Provënzen erkläert hir Onofhängegkeet vu Spuenien. 1856: Gebuert vum ireschen Theaterschrëftsteller a Literatur-Nobelpräisdréier George Bernard Shaw. 1893: Den däitsche Moler George Grosz kënnt op d'Welt. 1908: De chileenesche Politiker Salvador Allende an de lëtzebuergesche Sculpteur Lucien Wercollier gi gebuer. Sandra Bullock 1928: Den US-amerikanesche Regisseur Stanley Kubrick an den italieenesche Politiker Francesco Cossiga kommen op d'Welt. 1948: Déi lëtzebuergesch Foussballnationalekipp gewënnt mat 6:0 géint Afghanistan déi bis ewell héchste Victoire an engem Lännermatch. 1952: De Josy Barthel gewënnt d'Goldmedail iwwer 1500 m Lafen op den Olympesche Spiller zu Helsinki. 1964: Gebuert vun der US-amerikanescher Schauspillerin Sandra Bullock.
27. Juli 1824: Gebuert vum franséische Schrëftsteller Alexandre Dumas (Jong). Rieflaus 1881: Den däitsche Cheemiker an Nobelpräisdréier Hans Fischer gëtt gebuer. 1907: Zu Lëtzebuerg gëtt d'Rieflaus op der Musel festgestallt. 1908: De lëtzebuergeschen Historiker a Bibliothecaire Joseph Goedert kënnt op d'Welt. 1914: Russland mécht mobil. 1917: Gebuert vum franséische Schauspiller Bourvil. 1953: Enn vum Koreakrich mat engem Waffestëllstand. 1970: Doud vum portugiseschen Diktator António de Oliveira Salazar.	28. Juli Antonio Vivaldi 1741: Doud vum italieenesche Komponist Antonio Vivaldi. 1794: Déi franséisch Revolutionären Antoine de Saint-Just a Maximilien de Robespierre gi gekäppt. 1803: Gebuert vum lëtzebuergesche Philolog Pierre Burggraff. 1887: De franséische Moler a Kënschtler Marcel Duchamp kënnt op d'Welt. 1914: Éisträich-Ungarn erkläert Serbien de Krich: Ufank vum Éischte Weltkrich. 1937: Japanesch Fligere bombardéieren dräi chineesesch Stied, a japanesch Buedemtruppe gräife Peking un; Ufank vum Pazifikkrich. 1976: Äerdbiewen zu Tangshan a China; ongeféier 655.000 Doudeger. 1997: Déi lescht Fouer Minett aus der Minière St. Michel (Frankräich) kënnt zu Esch-Uelzecht um Heenzebierg aus der Galerie.
29. Juli 1833: Gebuert vum lëtzebuergesche Jurist a Politiker Henri Vannérus. 1890: Doud vum hollännesche Moler Vincent van Gogh. 1900: Den italieenesche Kinnek Umberto I. kënnt bei engem Attentat ëm d'Liewen. 1905: De schweedesche Politiker an UNO-Generalsekretär Dag Hammarskjöld gëtt gebuer. Mikis Theodorakis 1907: De Robert Baden-Powell grënnt d'Scoutsbewegung. 1925: De griichesche Komponist a Politiker Mikis Theodorakis kënnt op d'Welt. 1957: D'obligatoresch Krankekees fir Handwierker, Händler an Industrieller gëtt duerch e Gesetz zu Lëtzebuerg agefouert. 1958: Grënnung vun der US-amerikanescher Weltraumagence NASA.	30. Juli 1419: Éischt Prager Defenestratioun, Ufank vun den Hussitekricher. Emily Brontë 1818: Gebuert vun der brittescher Schrëftstellerin Emily Brontë. 1863: Den US-amerikaneschen Entreprener Henry Ford, kënnt op d'Welt. 1898: Den englesche Sculpteur a Moler Henry Moore gëtt gebuer. 1906: De Gabriel Lippmann presentéiert e Procedé fir faarweg Fotoen ze reproduzéieren. 1927: Gebuert vum lëtzebuergesche Liichtathleet, Sportfonctionnaire a Jurist Gérard Rasquin. 1980: Vanuatu gëtt vu Frankräich a Groussbritannien onofhängeg. 1989: Doud vum lëtzebuergesche Cinéast a Journalist Evy Friedrich.
31. Juli 1396: Gebuert vum Philippe III., "dem Gudden", Herzog vun der Bourgogne. 1527: De Maximilian II., Keeser vum Hellege Réimesche Räich kënnt op d'Welt. 1784: Doud vum franséische Schrëftsteller, Philosoph an Enzyklopedist Denis Diderot. 1901: De franséische Moler Jean Dubuffet gëtt gebuer. Diddelenger Mast nom Fligeraccident 1914: Gebuert vum franséische Schauspiller Louis de Funès. 1965: Déi brittesch Schrëftstellerin Joanne K. Rowling kënnt op d'Welt. 1981: En Düsenjet vun der belscher Arméi knuppt an den RTL-Televisiounspotto zu Diddeleng; de Pilot an eng Koppel am Haus niewendru kommen ëm d'Liewen. 2004: D'Regierung Juncker-Asselborn I gëtt vereedegt.