De Stanley Kubrick, gebuer de 26. Juli 1928 zu New York City a gestuerwen de 7. Mäerz 1999 zu Harpenden, war en US-amerikanesche Filmregisseur.
| Stanley Kubrick | |
|---|---|
_crop.jpg) | |
| Gebuer |
26. Juli 1928 Bronx |
| Gestuerwen | 7. Mäerz 1999 |
| Doudesursaach | Häerzschlag |
| Nationalitéit | USA, Vereenegt Kinnekräich |
| Educatioun | City College of New York |
| Aktivitéit | Filmregisseur, Kameramann, Fotograf, Filmproduzent, Dréibuchauteur, Filmediteur, Cadreur, Delegéierte Produzent, Zeenograph, Regisseur |
| Member vun | WGA West |
| Famill | |
| Kanner | Vivian Kubrick |
 | |
Hie gouf als en extreem intelligente Jong ugesinn, obwuel en an der Primärschoul keng gutt Punkte mat heem bruecht huet. Am Glawen, datt en anere Kader dem Jong seng Schoulleeschtunge géif verbesseren, huet säi Papp en 1940 op Passadena am Staat Kalifornien geschéckt, fir datt hien do mat sengem Monni Martin Perveler kéint liewen.
Nodeem en awer e Joer méi spéit zeréck an d'Bronx komm ass, fir do säi lescht Schouljoer ze maachen, hat et den Uschäi wéi wann hien eng ganz aner Attitüd géintiwwer vun der Schoul hätt.
An der Hoffnung eppes ze fanne wat dem Jong géif gefalen, huet säi Papp hie mat Schachspiller a Kontakt bruecht, an dat mat dem erhoffte Resultat. De jonke Kubrick huet sech fir dat Spill passionéiert a gouf mat der Zäit en talentéierte Spiller. Schach sollt a sengem spéidere Liewen e wichtege Facteur ginn, net nëmmen als Mëttel fir géint opsässeg Schauspiller unzekommen, mä och als artistescht Motif a senge Filmer.
Dem Jack Kubrick seng Decisioun, dem Stanley e Fotoapparat fir säin 13. Gebuertsdaag ze schenken, war keen onintelligente Schachzuch: Hie gouf e begeeschterte Fotograf an huet dacks Tier duerch New York City ënnerholl, fir do en ettlech Fotoen ze maachen, fir se da schlussendlech bei engem Kolleeg an der Donkelkummer z'entwéckelen. Nodeem en eng Foto un d'Look Magazine verkaaft krut, huet en ugefaange mam Personal ze kollaboréieren an am Alter vu 17 Joer krut en eng Plaz als Léierbouf offréiert.
An de Joren duerno, krut de jonke Kubrick regulär Uweisunge fir Look a sollt en obsedéierte Kinosgänger ginn. Zesumme mat sengem Kolleeg Alexander Singer, huet sech de Kubrick iwwerluecht, de Schrëtt a Richtung Film ze maachen. Am Joer 1951 huet en all seng gespuert Suen opgebraucht fir den Documentaire Day of the Fight ze dréinen. Dee gouf gefollegt vun zwéi Filmprojeten, Flying Padre an The Seafarers déi en op Commande gedréit huet. Nodeem en erfollegräich no Sponsore gesicht a bei Schachturnéiere Präisgeld gewonnen huet, war hie bereet Fear and Desire ze dréien.
D'Dréiaarbechte fir dee Film, waren net ganz erfreelech fir de Kubrick. Säi Bestietnes mat senger Schoulfrëndin Toba Metz huet de Film net iwwerlieft. Seng nächst zwéi Filmer Killer´s Kiss an The Killing hunn him d'Opmierksamkeet vun Hollywood bruecht, an 1957 huet hie bei Paths of Glory mam Kirk Douglas Regie gefouert.
Den Douglas huet hie spéider domat beoptraagt d'Produktion vum Film Spartacus z'iwwerhuelen, an dat am Glawen, datt de Kubrick vun der Gréisst vun der Produktioun géif ageschüchtert ginn, an dem Douglas dann deementspriechend géif entgéintkommen, well dee jo och als Produzent geschafft huet. Mä et sollt ganz anescht kommen. De Kubrick huet de Projet ugeholl a wollt ufänke seng Iddien a Standarden am Film z'imposéieren. En ettlech Membere vum Filmteam waren net ganz begeeschtert vu sengem Stil. De Kameramann Russell Metty z. B. huet sech bei de Produzenten doriwwer beschwéiert, datt de Kubrick seng Aarbecht als Kameramann iwwerholl hätt. Dem Kubrick seng Reaktioun dorop war datt hie sech sollt dohi setzen an einfach näischt maachen. De Metty huet gefollegt an d'Ironie vun der ganzer Saach war déi, datt hie mam Oscar fir seng Kameraaarbecht belount gouf.
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
- 1951: Day of the Fight (Kuerzfilm)
- 1951: Flying Padre (Kuerzfilm)
- 1953: The Seafarers (Kuerzfilm)
- 1953: Fear and Desire, mam Frank Silvera
- 1955: Killer's Kiss, mam Frank Silvera
- 1956: The Killing, mam Sterling Hayden a Vince Edwards
- 1957: Paths of Glory, mam Kirk Douglas a Ralph Meeker
- 1960: Spartacus, mam Kirk Douglas, Laurence Olivier, Jean Simmons an Charles Laughton
- 1962: Lolita, mam James Mason a Shelley Winters
- 1964: Dr. Strangelove or: How I Learned to Stop Worrying and Love the Bomb, mam Peter Sellers an George C. Scott
- 1968: 2001: A Space Odyssey, mam Keir Dullea a Gary Lockwood
- 1971: A Clockwork Orange, mam Malcolm McDowell a Patrick Magee
- 1975: Barry Lyndon, mam Ryan O'Neal, Marisa Berenson an Hardy Krüger
- 1980: The Shining, mam Jack Nicholson a Shelley Duvall
- 1987: Full Metal Jacket, mam Matthew Modine a Vincent D'Onofrio
- 1999: Eyes Wide Shut, mam Tom Cruise, Nicole Kidman a Sydney Pollack
| Commons: Stanley Kubrick – Biller, Videoen oder Audiodateien |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
