From Wikipedia, the free encyclopedia
Ang Miss Universe 1992 ay ang ika-41 edisyon ng Miss Universe pageant, na ginanap sa Queen Sirikit National Convention Center in Bangkok, Taylandiya noong 9 Mayo 1992.
Miss Universe 1992 | |
---|---|
Petsa | Mayo 9, 1992 |
Presenters |
|
Pinagdausan | Queen Sirikit National Convention Center, Bangkok, Taylandiya |
Brodkaster | Internasyonal: Opisyal:
|
Lumahok | 78 |
Placements | 10 |
Bagong sali |
|
Hindi sumali | |
Bumalik | |
Nanalo | Michelle McLean Namibya |
Congeniality | Barbara Johnson Kapuluang Turks at Caicos |
Pinakamahusay na Pambansang Kasuotan | Pamela Zarza Paragway |
Photogenic | Soledad Diab Ekwador |
Pagkatapos ng kompetisyon, kinoronahan ni Lupita Jones ng Mehiko si Michelle McLean ng Namibya bilang Miss Universe 1992.[1][2] Ito ang kauna-unahang tagumpay ng Namibya sa kasaysayan ng kompetisyon.[3] Nagtapos bilang first runner-up si Paola Turbay ng Kolombya, habang nagtapos bilang second runner-up si Madhushree Sapre ng Indiya.[4][5]
Mga kandidata mula sa 78 bansa at teritoryo ang lumahok sa kompetisyong ito. Pinangunahan ni Dick Clark ang kompetisyon, samantalang sina Leeza Gibbons at Miss Universe 1989 Angela Visser ang nagbigay ng komentaryo sa buong kompetisyon.[6][7]
Simula noong Agosto 1991, inaasahan ng Taylandiya na magaganap sa bansa ang kompetisyon, nang pinaalis ang libu-libong mga naninirahan sa kaiskwateran upang mapabuti ang imahe ng lungsod ng Bangkok bago ang kumperensya ng World Bank na ginanap sa lungsod noong Oktubre 1991 at ang inaasahang Miss Universe pageant na gaganapin sa susunod na taon.[8][9]
Noong Disyembre 1991, opisyal na inanunsyo ng isang public relations official ng Thai Sky TV na gaganapin ang Miss Universe 1992 sa Queen Sirikit National Convention Center sa Bangkok, Taylandiya sa 16 Mayo 1992.[10] Gayunpaman, inusog ang petsa ng kompetisyon sa 9 Mayo noong Marso 1992 upang hindi sumalungat sa Wisakha Bucha Day, isang holiday ng mga Budista.[11][12]
Ginanap ang kompetisyon sa gitna ng isang politikal na krisis sa Taylandiya na siyang nagtapos noong 17 Mayo sa isang serye ng protesta na kung tawagin ay ang Black May protests,[13] laban sa pamahalaan ni Hen. Suchinda Kraprayoon. Isang araw bago ang kompetisyon, naghayag ang public relations director ng pangangamba ukol sa posibilidad na makansela ang kaganapan kung lumala ang sitwasyon sa Bangkok. Binalewala ng ibang opisyales ng kompetisyon ang banta, at nagpatuloy ang kompetisyon gaya ng nakatakda.[14]
Ang mga kalahok mula sa 73 bansa at teritoryo ay napili upang lumahok sa kompetisyon. Limang kandidata ang nailuklok matapos ang pag-urong ng orihinal na kalahok.
Iniluklok ang first runner-up ng Miss España 1991 na si Virginia García upang kumatawan sa kanyang bansa dahil hindi umabot sa age requirement ang orihinal na nagwagi na si Sofia Mazagatos.[15] Iniluklok ang first runner-up ng Miss CIS 1992 na si Lydia Kuborskaya dahil hindi umabot sa age requirement ang orihinal na nagwagi na si Yuliya Yetina.[16][17][18] Iniluklok ang first runner-up ng Miss Israel 1992 na si Eynat Zmora matapos bumitiw ang orihinal na nagwagi na si Ravit Asaf dahil hindi ito nakaabot sa age requirement.[19] Iniluklok ang second runner-up ng Miss Taiwan 1992 na si Vivian Shih matapos bumitiw ang orihinal na nagwagi na si Wu Pei Jun dahil hindi ito nakaabot sa age requirement.[20]
Unang sumali sa edisyong ito ang Commonwealth of Independent States, at ang bansang Unggarya.[21] Bumalik sa edisyong ito ang mga bansang Kenya at Tsipre na huling sumali noong 1987, Nuweba Selandiya na huling sumali noong 1989, at Aruba, Australya, Dinamarka, Ehipto, Honduras, Portugal, at Suwisa na huling sumali noong 1990.[22] Hindi sumali si Amy Kwok ng Hong Kong dahil sa problema sa pagkamamamayan.[23] Hindi sumali si Miss Italia 1992 Gloria Zanin upang ipagpatuloy ang karera sa pagiging isang aktres at modelo sa Italya. Hindi sumali si Miss USSR 1991 Ilmira Shamsutdinova matapos mabuwag ang Unyong Sobyetiko sa labinlimang bansa.[24] Ang labinlimang bansa ay kinakatawan ng Commonwealth of Independent States. Kalaunan, sumali si Shamsutdinova noong 1996 bilang kinatawan ng Rusya. Hindi sumali si Rachel Charles ng Trinidad at Tobago dahil hindi ito nakaabot sa age requirement. Hindi sumali ang Yugoslavia matapos mabuwag ang bansa sa limang bansa.[25] Muling lumahok ang bansa noong 1998. Hindi sumali ang mga bansang Belis, Gana, at San Vicente at ang Granadinas matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.
Pagkakalagay | Kandidata |
---|---|
Miss Universe 1992 | |
1st runner-up | |
2nd runner-up | |
Top 6 | |
Top 10 |
|
Nagwagi | |
1st runner-up | |
2nd runner-up | |
Top 6 | |
Top 10 |
Bansa/Teritoryo | Interbyu | Swimsuit | Evening Gown | Katampatan | Top 6 Question |
---|---|---|---|---|---|
Namibya | 9.529 (3) | 9.243 (4) | 9.614 (3) | 9.462 (4) | 9.643 (2) |
Kolombya | 9.643 (1) | 9.221 (5) | 9.607 (4) | 9.490 (2) | 9.514 (3) |
Indiya | 9.508 (5) | 9.321 (2) | 9.629 (2) | 9.486 (3) | 9.771 (1) |
Beneswela | 9.586 (2) | 9.357 (1) | 9.679 (1) | 9.541 (1) | 9.486 (4) |
Olanda | 9.229 (9) | 9.280 (3) | 9.421 (5) | 9.310 (5) | 9.417 (5) |
Belhika | 9.526 (4) | 8.986 (6) | 9.361 (6) | 9.291 (6) | 9.257 (6) |
Australya | 9.242 (8) | 8.857 (7) | 9.327 (7) | 9.142 (7) | |
Estados Unidos | 9.350 (6) | 8.721 (9) | 9.250 (8) | 9.107 (8) | |
Nuweba Selandiya | 9.350 (6) | 8.743 (8) | 9.043 (9) | 9.045 (9) | |
Suwesya | 8.786 (10) | 8.686 (10) | 8.971 (10) | 8.814 (10) |
Parangal | Kandidata |
---|---|
Miss Photogenic | |
Miss Congeniality |
|
Tulad noong 1990, 10 semi-finalist ang napili sa pamamagitan ng paunang kompetisyon at ang mga closed-door interview. Lumahok sa swimsuit competition at evening gown competition ang 10 mga semi-finalist, at kalaunan ay napili ang anim na pinalista. Anim na pinalista ang sasabak sa paunang question-and-answer round, at tatlong pinalista naman ang sumabak sa final question at final walk.
78 kandidata ang kumalahok para sa titulo.[30]
Bansa/Teritoryo | Kandidata | Edad[lower-alpha 1] | Bayan |
---|---|---|---|
Alemanya | Monika Resch[31] | 25 | Turingia |
Arhentina | Laura Rafael | 19 | Buenos Aires |
Aruba | Yerusha Rasmijn[32] | 23 | Oranjestad |
Australya | Georgina Denahy[33] | 20 | Gold Coast |
Austrya | Katrin Friedl | 19 | Graz |
Bahamas | Fontella Chipman[34] | 24 | Nassau |
Belhika | Anke Van dermeersch[35] | 19 | Amberes |
Bermuda | Colita Joseph | 20 | Devonshire |
Beneswela | Carolina Izsak[36] | 20 | Caracas |
Brasil | Maria Carolina Otto[37] | 18 | Curitiba |
Bulgarya | Michaella Nikolova[38] | 19 | Sopiya |
Bulibya | Natasha Gabriel Arana[39] | 21 | Tarija |
Commonwealth of Independent States | Lidia Kuborskaya[17] | 19 | Mosku |
Curaçao | Mijanou de Paula[40] | 19 | Willemstad |
Czechoslovakia | Michaela Maláčová[41] | 20 | Brno |
Dinamarka | Anne Mette Voss | 20 | Copenhague |
Ehipto | Lamia Noshi | 21 | Cairo |
Ekwador | Soledad Diab[42] | 19 | Guayaquil |
El Salvador | Melissa Salazar | 19 | San Salvador |
Espanya | Virginia García[43] | 22 | Madrid |
Estados Unidos | Shannon Marketic[44] | 21 | Los Angeles |
Gran Britanya | Tiffany Stanford | 22 | Birmingham |
Gresya | Marina Tsintikidou[45] | 21 | Tesalonica |
Guam | Cheryl Debra Payne | 24 | Agana |
Guwatemala | Nancy Perez | 19 | Chiquimula |
Hamayka | Bridgette Rhoden[46] | 19 | Kingston |
Hapon | Akiko Ando | 19 | Ichinomiya |
Hilagang Kapuluang Mariana | Imelda Antonio | 18 | Saipan |
Honduras | Monica Rapalo[47] | 18 | La Ceiba |
Indiya | Madhushree Sapre[48] | 20 | Bombay |
Irlanda | Jane Thompson[49] | 20 | Dublin |
Israel | Eynat Zmora[50] | 20 | Haifa |
Kanada | Nicole Dunsdon[51] | 21 | Summerland |
Kapuluang Birheng Britaniko | Alicia Burke[52] | 21 | Tortola |
Kapuluang Birhen ng Estados Unidos | Cathy-Mae Sitaram | 22 | Saint Croix |
Kapuluang Cook | Jeannine Tuavera | 18 | Rarotonga |
Kapuluang Kayman | Yvette Jordison | 19 | Grand Cayman |
Kapuluang Turks at Caicos | Barbara Johnson | 21 | Blue Hills |
Kenya | Aisha Lieberg | 20 | Nairobi |
Kolombya | Paola Turbay[53] | 21 | Bogotá |
Kosta Rika | Jessica Manley[54] | 24 | San José |
Libano | Abir El Sharrouf | 18 | Beirut |
Luksemburgo | Carole Reding | 20 | Lungsod ng Luksemburgo |
Lupangyelo | Svava Haraldsdóttir[55] | 19 | Reikiavik |
Malaysia | Crystal Yong | 20 | Kuala Lumpur |
Malta | Julienne Camilleri | 21 | Città Victoria |
Mawrisyo | Stéphanie Raymond[56] | 18 | Port Louis |
Mehiko | Monica Zuñiga[57] | 20 | Pachuca |
Namibya | Michelle McLean[58] | 19 | Windhoek |
Niherya | Sandra Petgrave[59] | 19 | Lagos |
Nikaragwa | Ida Patricia Delaney[60] | 19 | Managua |
Noruwega | Sofie Galåen[61] | 21 | Hedmark |
Nuweba Selandiya | Lisa de Montalk[62] | 21 | Auckland |
Olanda | Vivian Jansen[63] | 19 | Hilagang Brabant |
Panama | Ana Cecilia Orillac[64] | 21 | Lungsod ng Panama |
Paragway | Pamela Zarza[65] | 22 | Asuncion |
Peru | Aline Arce[66] | 20 | Arequipa |
Pilipinas | Elizabeth Berroya[67] | 18 | Lungsod Quezon |
Pinlandiya | Kirsi Syrjänen[68] | 22 | Helsinki |
Polonya | Izabela Filipowska[69] | 22 | Lublin |
Porto Riko | Daisy Garcia[43] | 21 | Bayamón |
Portugal | Maria Fernanda Silva | 18 | Lisboa |
Pransiya | Linda Hardy[70] | 18 | Nantes |
Republikang Dominikano | Ana Eliza González[71] | 21 | Santiago |
Republika ng Tsina | Vivian Shih | 24 | Taipei |
Rumanya | Corina Corduneanu[72] | 22 | Bucharest |
Singapura | Cori Teo[73] | 22 | Singapura |
Sri Lanka | Hiranthi Divapriya[61] | 20 | Colombo |
Suriname | Nancy Kasanngaloewar | 19 | Paramaribo |
Suwesya | Monica Brodd[74] | 18 | Täby |
Suwisa | Sandra Aegerter[75] | 20 | Aargau |
Taylandiya | Orn-anong Panyawong[76] | 19 | Chiang Mai |
Timog Korea | Lee Young-hyun | 20 | Seoul |
Tsile | Marcela Vacarezza[77] | 21 | Santiago |
Tsipre | Militsa Papadopolou | 22 | Nicosia |
Turkiya | Elif Ilgaz | 21 | Istanbul |
Unggarya | Dora Patko[78] | 19 | Eger |
Urugway | Gabriela Escobar | 21 | Montevideo |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.