Malta

Ang Malta, opisyal na Republika ng Malta, ay bansang pulo sa Timog Europa. Binubuo ito ng arkipelago na matatagpuan sa Dagat Mediteraneo, timog ng Italya, hilaga ng Libya, at silangan ng Tunisya. Sa populasyong humigit-kumulang 516,000 na sinasaklaw ng lawak na 316 km², ito ang ikasampung pinakamaliit at ikalimang pinakasiksikang soberanong estado sa mundo. Ang kabisera nito ay Valletta.

Republika ng Malta Repubblika ta' Malta (Malta) Republic of Malta (Ingles)
Watawat Eskudo
Salawikain: Virtute et constantia "Lakas at pagpupursige"
Awitin: L-Innu Malti "Ang Himnong Maltes"
Kabisera	Valletta 35°54′N 14°31′E
Wikang opisyal	Maltes, Ingles
Katawagan	Maltes
Pamahalaan	Unitaryong republikang parlamentaryo
• Pangulo	Myriam Spiteri Debono
• Punong Ministro	Robert Abela
Lehislatura	Kamra tad-Deputati
Kasarinlan  mula sa Reyno Unido
• Estado	21 Setyembre 1964
• Republika	13 Disyembre 1974
Lawak
• Kabuuan	316 km2 (122 mi kuw) (ika-186)
• Katubigan (%)	0.001
Populasyon
• Senso ng 2021	519,562
• Densidad	1,649/km2 (4,270.9/mi kuw) (ika-5)
KDP (PLP)	Pagtataya sa 2023
• Kabuuan	$33.3 bilyon (ika-148)
• Bawat kapita	$63,481 (ika-24)
KDP (nominal)	Pagtataya sa 2023
• Kabuuan	$20.3 bilyon (ika-131)
• Bawat kapita	$38,715 (ika-31)
Gini (2019)	28.0 mababa
TKP (2021)	0.918 napakataas · ika-23
Salapi	Euro (€) (EUR)
Sona ng oras	UTC+1 (CET)
• Tag-init (DST)	UTC+2 (CEST)
Gilid ng pagmamaneho	kaliwa
Kodigo sa ISO 3166	MT
Internet TLD	.mt .eu

Watawat

Ang watawat ng Malta (il-bandiera ta' Malta) ay may dalawang kulay, puti sa bandang laylayan ng watawat (hoist) at pula sa kabilang dulo (fly). Mayroong anyo ng Krus ni Jorge, na iginawad kay Malta ni Jorge VI noong 1942, na nakalagay sa kanton ng puting guhit at may pulang gilid.^[1] Unang kinilala ang watawat noong Mayo 1952.^[2] Ito lamang ang pambansang watawat na may tekstong nakasulat sa Ingles (“For Gallantry” o Para sa Kabayanihan sa Krus ni Jorge).^[3] Kasama ng Belise, ang Malta ay isa lamang sa dalawang nagsasariling bansa na mayroong tao sa kanilang watawat.

Sagisag

Ang kasalukuyang eskudo de armas o sagisag ng Malat ay inilarawan sa Batas sa Sagisag at Pampublikong Selyo ng Malta ng 1988 bilang isang kalasag na nagpapakita ng heraldikong anyo ng pambansang watawat ng Malta. Sa ibabaw ng kalasag ay may gintong koronang mural na may lagusan (sally port) at limang tore na kumakatawan sa mga kuta ng Malta at nagsasaad ng pagiging lungsod-estado. Nakapalibot sa kalasag ang isang korona ng mga sanga: ang nasa kanang bahagi (dexter) ay sanga ng olibo, at ang nasa kaliwa (sinister) ay sanga ng palma, mga sagisag ng kapayapaan at kaugnay na kaugnay sa Malta. Lahat ay nasa kanilang likas na kulay at pinagtali sa ibaba ng isang puting laso na may pulang likuran, kung saan nakasulat ang mga salitang Repubblika ta’ Malta (“Republika ng Malta” sa wikang Maltes) sa malalaking titik na kulay itim.^[4]