தூதரகங்களின் பட்டியல், இந்தியா
From Wikipedia, the free encyclopedia
இது இந்திய தூதரகங்களின் பட்டியல். உலகின் பற்பல நாடுகளுடன், குறிப்பாக அண்டை நாடுகளுடன், உள்ள இனிய உறவை வெளிப்படுத்தும் வண்ணம் இந்தியா மிகப் பரந்த தூதரகப் பிணைப்பைக் கொண்டுள்ளது: நடு ஆசியா, மத்திய கிழக்கு நாடுகள், கிழக்கு ஆபிரிக்கா, தென்கிழக்காசியா மற்றும் இந்தியத் துணைக்கண்டம். மேலும் தொலைதூரத்தில் அமைந்துள்ள வரலாற்று சிறப்புமிக்க இந்தியப் புலம் பெயர்ந்தோர் வாழும் கரிபியன்,பசிபிக் பெருங்கடல்போன்ற இடங்களிலும் தன் தூதுக்குழுவை இருத்தியுள்ளது.
இந்தியா ஓர் பொதுநலவாய நாடாக உள்ளமையால் மற்ற பொதுநலவாய நாடுகளின் தலைநகரில் உள்ள இந்தியத் தூதரகங்கள் உயர்பேராளர் ஆணையம் ((High Commission))என வழங்கப்படுகிறது. அந்நாடுகளில் பிற நகரங்களில் உள்ள தூதரகங்கள் "துணை உயர்பேராளர் ஆணையம்" என்று அழைக்கப்படுகிறது.
காபுலில் உள்ள இந்தியத் தூதரகம் சூலை 7, 2008 அன்று தற்கொலைத் தீவிரவாதி ஒருவரால் தானுந்து ஒன்றில் இருந்து நிகழ்த்திய தாக்குதலில் 41 நபர்கள் இறந்தனர்.2008ஆம் ஆண்டு இந்தியா அமெரிக்க ஐக்கிய நாட்டில் அட்லான்டா மற்றும் சியாட்டில் நகரங்களில் துணை தூதரகங்கள் அமைக்கப்படும் என்று அறிவித்துள்ளது.[1]