Движењето на неврзаните е меѓународна организација во која членуваат 121 земји членки главно земји во развој. Движењето на неврзаните се занимава со прашањето на националните борби за независност, надминувањето на сиромаштијата, економскиот развој на земјите и се противи на колонијализмот, империјализмот и нео-колонијализмот. Земјите членки на Движењето на неврзаните претставуваат 55% од населението на Земјата и речиси 2/3 од членките на Обединетите нации[1][2].
СФР Југославија до својот распад беше една од основачите и предводниците на Движењето. Нејзините земји наследнички по стекнувањето на независност го изгубија интересот за членување во движењето, но некои, Босна и Херцеговина и Србија, имаат статус на набљудувачи.
Самитите на Движењето на неврзаните обично се одржуваат на секои три години.
Првиот самит на Движењето се одржува во Белград од 1 до 6 септември1961 година. На самитот учествуваат 25 држави: 11 од Африка и Азија и Југославија, Куба и Кипар.
Вториот самит се одржува во Каиро од 5 до 10 октомври1964 година. Учествуваат 46 држави, при што најголем дел од новите членки се новите независни земји од Африка. Главни теми за дискусија се Израелско-арапскиот конфликт и Индиско-пакистанскиот конфликт.
Шестиот самит се одржува во Хавана од 3 до 9 септември1979 година. Главната тема на самитот е односот на Движењето кон СССР и се дискутира околу формирањето антиимперијалистички сојуз со СССР.
Четиринаесеттиот самит се одржува по вторпат во Хавана од 11 до 16 септември2006 година. На самитот е усвоена декларација со која се осудува употребата на прекумерна сила од страна на Израел во текот на Израелско-либанската војна, повикани се Обединетите Нации да бидат порепрезентативни за помалите земји членки, поддржана е иранската програма за јадрена технологија (за мирољубиви цели) и е осудена надворешната политика на САД.
Петнаесеттиот самит е одржан во Шарм ел-Шеик во Египет од 15 до 16 септември 2009.
Моментални членки
Следниве земји се членки на Движењето на неврзаните, по континент, по годината на прием:[1]
Африка
Моментално секоја африканска земја (освен Јужен Судан) е членка на Движењето на неврзаните.
Indira Gandhi (6 September 1973). Address of Prime Minister Indira Gandhi(PDF). New Delhi: Ministry of External Affairs (India). Архивирано од изворникот(PDF) на 7 February 2022. Посетено на 17 April 2022.