Бахреин

Кралството Бахреин (арапски: مملكة البحرين, Mamlakat al-Baḥrayn, буквално: „Кралство на двете мориња“) или само Бахреин е мала островска држава во Персискиот Залив која е управувана од кралското семејство Ал Халифа. Бахреин е опколен со водите на заливот, но на запад се наоѓа Саудиска Арабија, Катар на југоисток со кој е одделен со Бахреинскиот Залив. Бахреин е поврзан со Саудиска Арабија со автопатот Крал Фахд кој бил отворен на 25 ноември 1986 година. Покрај тоа, се планира автопат со кој Бахреин би се поврзал со Катар. Државата е позната по својата нафта и бисери. Главен град на државата е Манама и службен јазик е арапскиот јазик. Вкупното население на Бахреин е 791.000 жители од кои најголем број се Арапи. Бахреин е една од најмалите држави во Азија со само 750 км², но доста позната во светот по природните ресурси и формула трките.

Кралство Бахреин مملكة البحرين Mamlakat al-Baḥrayn
Знаме Coat of arms
Химна: بحريننا Bahrainona Наш Бахреин
Местоположба на Бахреин
Главен град		Манама 26°13′N 50°35′E
Најголем град		главниот град
Службен јазик		арапски[1]
Демоним		Бахреинец
Уредување		Уставна монархија
•	Крал	Хамад Иса ал Халифа
•	Кралица	Сабика бинт Ибрахим
•	Премиер	Халифах ибн Сулман ал Халифа
Независност1
•	од Португалија	1602
•	од Персија	1783[2][3]
•	од Обединетото Кралство	16 декември 1971[3]
Површина
•	Вкупна	665 км2 (189-та)
•	Вода (%)	0
Население
•	проценка за 2008 г.	708,573[4] (154-та)
•	Густина	1454 жит/км2 (7-ма)
БДП (ПКМ)		проценка за 2008 г.
•	Вкупен	$26.970 милијарди[5] (118-та)
•	По жител	$34,605[5] (32-ра)
БДП (номинален)		проценка за 2008 г.
•	Вкупно	$21.236 милијарди[5]
•	По жител	$27,247[5]
ИЧР (2013)		▬ 0.815[6] многу висок · 44та
Валута		Бахреински динар (BHD)
Часовен појас		(UTC+3)
Се вози на		десно
НДД		.bh
Повик. бр.		973
1.	Includes 235,108 [7] non-nationals (September 2007 estimate).

Манама, главен град на Бахреин

Потекло на поимот

Името на државата доаѓа од истоимениот арапски збор што значи „две мориња“. Тоа се однесува на изворите на свежа вода кои можат да се најдат на островите во пространството на морската солена вода.

Историја

Главна статија: Историја на Бахреин

Географија и клима

Главна статија: Географија на Бахреин

Карта на Бахреин.

Општо гледано, Бахреин е рамна и слабо обработлива држава, со пустински предели. Највисоката точка во државата изнесува 134 метри и се нарекува Џабал ад Духан. Вкупната површина на Бахреин изнесува 665 км² што е малку поголем од островот Ман во Велика Британија, а помал од најголемиот аеродром во Саудиска Арабија. Бахреин е островска држава со околу 33 островчиња и има брег од околу 161 километар. Најголеми острови во архипелагот се островот Бахреин, островот Мухарак, Ум ан Насан и Ситрах.

Бахреин има благи зими и многу топли лета. Од природните ресурси, Бахреин располага со нафта и природен гас, но исто така и со риболовен потенцијал. Обработливата површина на државата изнесува 2.82% од вкупната површина, додека пустината зазема 92% од државата. Бахреин се соочува со претворање на земјата во пустина и со уништување на коралниот гребен и брегот.

Политички систем

Главна статија: Политики на Бахреин

Административна поделба

Главна статија: Административна поделба на Бахреин

Карта на областите во Бахреин

Бахреин административно се дели на 5 области („мухафази“). Секоја од нив има свој општински совет, кој се бира на посебни избори.

Областите се следниве:

1. Престолнинска
2. Централна
3. Мухарак
4. Северна
5. Јужна

Стопанство

Главна статија: Економија на Бахреин

Демографија

Главна статија: Демографија на Бахреин

Во 2010 година Бахреин имаше околу 1.234.000 жители од кои повеќе од 666.172 (54%) беа странци. Главнината од населението се Арапи, а најголемата имигрантска група се Индијците, чиј број во 2008 година изнесуваше околу 290.000.

Официјална религија во Бахреин е исламот. Според пописот во 2001, 81,2% од населението се муслимани, 9% христијани и 9,8% хиндуси и други. Нема официјални податоци за бројот на шиитите и сунитите, но според проценките на Британската канцеларија за странство и Комонвелтот, околу 33% се сунити, а 66% шиити.

Култура

Главна статија: Бахреинска култура

Наводи

1. Bahrain Constitution, Article 2 (The official language is Arabic.)
2. „CIA World Factbook, "Bahrain"“. Архивирано од изворникот на 2010-12-29. Посетено на 2009-05-15.
3. " Bahrain ." Encyclopædia Britannica. 2008. Encyclopædia Britannica Online. 16 2008
4. „Bahrain | Culture, Facts & Travel | - CountryReports“.
5. „Bahrain“. International Monetary Fund. Посетено на 2009-04-22.
6. „Human Development Report 2011“ (PDF). United Nations. 2011. Посетено на 19 јануари 2012.
7. „архивски примерок“. Архивирано од изворникот на 2010-12-29. Посетено на 2009-05-15.

Поврзано

• Манама
• Персиски Залив
• Арапски Полуостров

Надворешни врски

• Портал за Бахреин Архивирано на 7 август 2018 г.
• Кралство Бахреин - владин портал
• Шеф на држава и кабинет на министри Архивирано на 26 октомври 2009 г.
• Профил на BBC
• „Светска книга на факти“ на ЦИА — запис за „Bahrein“ (англиски)
• Бахреин на UCB Архивирано на 11 јуни 2010 г.
• ChooseBahrain.com Архивирано на 13 ноември 2009 г. карта на Бахреин