Sokker-Wêreldbeker

Die FIFA Sokker-Wêreldbeker (Engels: FIFA World Cup) is 'n sokkerwêreldkampioenskapstoernooi wat al om die vier jaar tussen internasionale mansspanne (wat lede van FIFA is) beslis word. Die toernooi is gereeld al om die vier jaar aangebied sedert dit vir die eerste keer in 1930 in Uruguay beslis is, met die uitsondering van 1942 en 1946 toe dit weens die Tweede Wêreldoorlog nie kon plaasvind nie. Die huidige verdedigende wêreldkampioen is Argentinië wat die 2022-toernooi in Katar gewen het.

FIFA Sokker-Wêreldbeker
FIFA Sokker-Wêreldbekertoernooi in 2026
Die FIFA Sokker-Wêreldbekertrofee waarom sedert 1974 meegeding word
Sportsoort	Sokker
Gestig	1930
Eienaar	FIFA
Inwydingseisoen	1930
Deelnemende lande	wêreldwyd
Aantal spanne	48
Mees onlangse kampioen	Argentinië (2022)

Die huidige formaat van die kampioenskap behels 32 (vanaf 2026: 48) spanne wat om die titel meeding in stadions van die gasheerland(e) oor 'n periode van ongeveer een maand. Hierdie fase word gewoonlik die Wêreldbekereindrondte of Wêreldbekerfinale genoem. Die kwalifiserende fase vind oor 'n periode van twee jaar voor die afskop plaas waartydens besluit word watter spanne kwalifiseer. Die gasheerland(e) kry sedert 1938 'n outomatiese plasing; net die gasheer van die FIFA Sokker-Wêreldbekertoernooi in 1934, Italië, moes in die destydse kwalifikasiefase meeding. Die verdedigende kampioen het vanaf 1938 tot 2006 ook die reg van outomatiese kwalifisering geniet. Interessant genoeg was die verdedigende kampioen nooit die gasheer van die volgende toernooi nie, dus was daar altyd minstens twee spanne wat outomaties gekwalifiseer het.

Oor die 22 toernooie wat tot dusver aangebied is, het agt lande al die titel ingepalm. Brasilië het 'n rekord vyf keer gewen en is ook die enigste span wat tot dusver in al die toernooie meegeding het. Duitsland en Italië het vier elk keer gewen. Die ander wenners sluit in Argentinië met drie titels, Frankryk en Uruguay met twee titels elk, en Engeland en Spanje met een titel elk. Ander lande wat gereeld meeding soos België, Meksiko en Nederland kon nog nie daarin slaag om die beker in te palm nie.

Die toernooie word as die sportbyeenkoms met die meeste kykers ter wêreld beskou met ongeveer 715,1 miljoen mense wat in 2006 na die eindwedstryd in Duitsland gekyk het.^[1] Die suksesvolste toernooi tot dusver was die FIFA Sokker-Wêreldbekertoernooi in 1994 in die Verenigde State met 'n bywoning van amper 69 000 toeskouers per wedstryd.^[2]

Die volgende wêreldbekertoernooi sal in 2026 gesamentlik in Kanada, Meksiko en die Verenigde State plaasvind. Met die FIFA Sokker-Wêreldbekertoernooi in 2030 vind die eeufeesviering nes die FIFA Sokker-Wêreldbekertoernooi in 1930 weer in Montevideo plaas, waarna die toernooi na Marokko, Portugal en Spanje verskuif.

Uitslae

Jaar	Land(e)		Finale				Derde plek
			Wenner	Telling	Tweede plek		Derde plek	Telling	Vierde plek		Deelnemende lande
1930 Oorsig	Uruguay		Uruguay	4:2	Argentinië		Verenigde State		Joego-Slawië		13
1934 Oorsig	Italië		Italië	2:1 e. T.	Tsjeggo-Slowakye		Nazi-Duitsland	3:2	Oostenryk		16
1938 Oorsig	Frankryk		Italië	4:2	Hongarye		Brasilië	4:2	Swede		16
1950 Oorsig	Brasilië		Uruguay	2:1	Brasilië		Swede	3:1	Spanje		13/16
1954 Oorsig	Switserland		Wes-Duitsland	3:2	Hongarye		Oostenryk	3:1	Uruguay		16
1958 Oorsig	Swede		Brasilië	5:2	Swede		Frankryk	6:3	Wes-Duitsland		16
1962 Oorsig	Chili		Brasilië	3:1	Tsjeggo-Slowakye		Chili	1:0	Joego-Slawië		16
1966 Oorsig	Engeland		Engeland	4:2 e. T.	Wes-Duitsland		Portugal	2:1	Sowjetunie		16
1970 Oorsig	Meksiko		Brasilië	4:1	Italië		Wes-Duitsland	1:0	Uruguay		16
1974 Oorsig	Wes-Duitsland		Wes-Duitsland	2:1	Nederland		Pole	1:0	Brasilië		16
1978 Oorsig	Argentinië		Argentinië	3:1 e. T.	Nederland		Brasilië	2:1	Italië		16
1982 Oorsig	Spanje		Italië	3:1	Wes-Duitsland		Pole	3:2	Frankryk		24
1986 Oorsig	Meksiko		Argentinië	3:2	Wes-Duitsland		Frankryk	4:2 e. T.	België		24
1990 Oorsig	Italië		Wes-Duitsland	1:0	Argentinië		Italië	2:1	Engeland		24
1994 Oorsig	Verenigde State		Brasilië	0:0 e. T. 3:2 n. S.	Italië		Swede	4:0	Bulgarye		24
1998 Oorsig	Frankryk		Frankryk	3:0	Brasilië		Kroasië	2:1	Nederland		32
2002 Oorsig	Suid-Korea  Japan		Brasilië	2:0	Duitsland		Turkye	3:2	Suid-Korea		32
2006 Oorsig	Duitsland		Italië	1:1 e. T. 5:3 n. S.	Frankryk		Duitsland	3:1	Portugal		32
2010 Oorsig	Suid-Afrika		Spanje	1:0 e. T.	Nederland		Duitsland	3:2	Uruguay		32
2014 Oorsig	Brasilië		Duitsland	1:0 e. T.	Argentinië		Nederland	3:0	Brasilië		32
2018 Oorsig	Rusland		Frankryk	4:2	Kroasië		België	2:0	Engeland		32
2022 Oorsig	Katar		Argentinië	3:3 e. T. 4:2 n. S.	Frankryk		Kroasië	2:1	Marokko		32
2026 Oorsig	Kanada  Meksiko  Verenigde State										48
2030 Oorsig	Marokko  Portugal  Spanje Gashere vir die drie openingswedstryde:  Argentinië  Paraguay  Uruguay										48
2034 Oorsig	n.v.t.										48

Statistiek

Beste uitslae van deelnemende lande en gashere

Plek	Land	Titel	Wêreldbeker
1	Brasilië	5	1958, 1962, 1970, 1994, 2002
2	Duitsland	4	1954, 1974, 1990, 2014
	Italië	4	1934, 1938, 1982, 2006
4	Argentinië	3	1978, 1986, 2022
5	Frankryk	2	1998, 2018
	Uruguay	2	1930, 1950
7	Engeland	1	1966
	Spanje	1	2010

Eerste deelnames

1930	Argentinië	België	Bolivië	Brasilië
	Chili	Frankryk	Joego-Slawië	Meksiko
	Paraguay	Peru	Roemenië	Uruguay
	Verenigde State
1934	Egipte	Hongarye	Italië	Nazi-Duitsland
	Nederland	Oostenryk	Spanje	Swede
	Switserland	Tsjeggo-Slowakye
1938	Kuba	Indonesië	Noorweë	Pole
1950	Engeland
1954	Skotland	Suid-Korea	Turkye	Wes-Duitsland
1958	Noord-Ierland	Sowjetunie	Wallis
1962	Bulgarye	Colombia
1966	Noord-Korea	Portugal
1970	El Salvador	Israel	Marokko
1974	Australië	Haïti	Oos-Duitsland	Zaïre
1978	Iran	Tunisië
1982	Algerië	Honduras	Kameroen	Koeweit
	Nieu-Seeland
1986	Denemarke	Irak	Kanada
1990	Costa Rica	Ierland	Verenigde Arabiese Emirate
1994	Griekeland	Nigerië	Rusland	Saoedi-Arabië
1998	Jamaika	Japan	Joego-Slawië	Kroasië
	Suid-Afrika
2002	Ecuador	Senegal	Slowenië	Volksrepubliek China
2006	Angola	Ghana	Ivoorkus	Oekraïne
	Serwië en Montenegro	Togo	Trinidad en Tobago	Tsjeggië
2010	Serwië	Slowakye
2014	Bosnië en Herzegowina
2018	Panama	Ysland
2022	Katar

Trivia

Stelling	Speler	Span	Periode
Meeste deelnames		Brasilië	1930 – hede (het aan al die toernooie deelgeneem)
Meeste doelpunte aangeteken	Miroslav Klose (16 doele)	Duitsland	2002–2014
Meeste doelpunte aangeteken tydens 'n Wêreldbeker	Just Fontaine (13 doele)	Frankryk	1958

Sien ook

• Sokker-Konfederasiebeker

Verwysings

1. (en) "2006 FIFA World Cup broadcast wider, longer and farther than ever before". FIFA. 6 Februarie 2007. Geargiveer vanaf die oorspronklike op 23 Maart 2015. Besoek op 13 Junie 2018.
2. (en) "FIFA World Cup competition records" (PDF). FIFA. p. 2. Geargiveer (PDF) vanaf die oorspronklike op 12 April 2019. Besoek op 17 Junie 2018.

Bron

• (en) Brian Glanville (2005). The Story of the World Cup. Faber. p. 44. ISBN 0-571-22944-1.

Eksterne skakels

Wikimedia Commons bevat media in verband met Sokker-Wêreldbeker.

• (en) Amptelike webwerf
• (en) Geskiedenis van die FIFA Sokker-Wêreldbeker

	Sokker-Wêreldbekertoernooie
Uruguay 1930 • Italië 1934 • Frankryk 1938 • 1942 • Brasilië 1950 • Switserland 1954 • Swede 1958 • Chili 1962 • Engeland 1966 • Meksiko 1970 • Wes-Duitsland 1974 • Argentinië 1978 • Spanje 1982 • Meksiko 1986 • Italië 1990 • Verenigde State 1994 • Frankryk 1998 • Suid-Korea/Japan 2002 • Duitsland 2006 • Suid-Afrika 2010 • Brasilië 2014 • Rusland 2018 • Katar 2022 • Kanada/Meksiko/Verenigde State 2026 • 2030 • 2034