Korea Kusini

Korea Kusini, rasmi kama Jamhuri ya Korea, ni nchi katika Asia ya Mashariki, inapakana na Korea Kaskazini kaskazini, Bahari ya Njano magharibi, Bahari ya Japani mashariki, na Mlango wa Korea kusini. Ina idadi ya watu takriban milioni 52, ikiwa ya 28 duniani. Jiji lake kubwa zaidi ni Seoul, ambalo pia ni mji mkuu. Korea Kusini inajulikana kwa maendeleo ya teknolojia.

대한민국 Daehan Minguk
Jamhuri ya Korea

Bendera Nembo
Kaulimbiu ya taifa: 널리 인간을 이롭게 하라 "Lete faida kwa watu wote"
Wimbo wa taifa: Aegukga (Wimbo la Taifa)
Mji mkuu	Seoul 37°35′ N 127°0′ E
Mji mkubwa nchini	Seoul
Lugha rasmi	Kikorea
Serikali Rais Waziri Mkuu	Jamhuri Moon Jae-in (문재인 , 文在寅) Kim Boo-kyum (김부겸 , 金富謙)
Kuundwa kwa Ufalme wa Gojoseon Tangazo la uhuru bado chini ya Japani Ukombozi kutoka utawala wa Japani Jamhuri ya kwanza ilitambuliwa na Umoja wa Mataifa	3 Oktoba 2333 KKa 1 Machi 1919 15 Agosti 1945 15 Agosti1948 12 Desemba 1948
Eneo  - Jumla  - Maji (%)	100,210 km² (ya 108) 0.3
Idadi ya watu  - Julay 2014 kadirio  - Msongamano wa watu	50,617,045 (ya 26) 505.1/km² (ya 13)
Fedha	Won ya Korea Kusini (KRW)
Saa za eneo  - Kiangazi (DST)	Wakati sanifu wa Korea (UTC+9) -- (UTC+9)
Intaneti TLD	.kr
Kodi ya simu	+82 -

Ramani ya Korea ya Kusini

Ina jumla ya eneo la takriban kilomita za mraba 100,210, ni nchi ndogo lakini yenye maendeleo makubwa.

Mji mkuu, pia mji mkubwa, ni Seoul ambako karibu nusu ya wakazi wote huishi ama mjini ama katika mazingira yake. Seoul ni kati ya miji muhimu ya biashara na uchumi kimataifa na kituo cha kitamaduni, kiuchumi, na kisiasa cha taifa hilo.

Historia

Utamaduni wa Korea ni kati ya zile za kale zaidi duniani.

Tangu maungano ya kitaifa ya Korea yote mwaka 668 KK ilikuwa nchi moja hadi mwaka 1910 ilipofanywa koloni la Japani.

Uhuru baada ya mwaka 1945 ulifuatwa na mgawanyiko wa nchi na kuundwa kwa Korea Kusini.

Awali ilikuwa nchi maskini yenye uchumi wa kilimo, lakini iliendelea kuwa nchi ya viwanda iliyofaulu kusogea mbele na kujenga demokrasia imara.

Siku hizi imekuwa moja ya nchi tajiri ya Asiaː ina nafasi ya 13 duniani kati ya mataifa matajiri. Iko kati ya nchi kumi duniani zinazouza bidhaa nyingi nje.

Hali ya maisha ni ya juu na viwanda vyake vinatengeneza bidhaa za kisasa kabisa kama motokaa, meli, mashine, vifaa vya kompyuta na nyinginezo.

Miji

Makala kuu: Orodha ya miji ya Korea Kusini

Mikoa

Kuna mikoa tisa nchini Korea Kusini, zikiwemo:

• Chungcheongbuk-do
• Chungcheongnam-do
• Gangwon-do
• Gyeonggi-do
• Gyeongsangbuk-do
• Gyeongsangnam-do
• Jeju-do
• Jeollabuk-do
• Jeollanam-do

Watu

Wakazi karibu wote (99 %) ni Wakorea asili. Wachina ni 1.8 %, lakini wengi wao wana asili ya Korea.

Idadi ya watu inaelekea kupungua kutokana na uzazi kuwa wa nadra mno (watoto 9 kwa watu 1,000ǃ).

Lugha rasmi na ya kawaida ni Kikorea.

Dini

Kiasili watu wa Korea walifuata dini ya jadi iliyoheshimu mapepo mbalimbali na kutoa sadaka kama njia za kuyapatanisha.

Tangu karne ya 4 Ubuddha uliingia kutoka China ukawa dini rasmi.

Ukonfusio ulifuata tangu karne ya 13.

Ukristo ulingia pia kutoka China ukaanza kukua zaidi tangu karne ya 19.

Siku hizi takriban nusu ya Wakorea wa kusini wasema hawana dini. Sehemu kubwa wanakadiriwa kuwa wafuasi wa Konfusio lakini hawajiiti "wanadini".

Ukristo ni kundi kubwa la kidini ukiwa na 29 % za Wakorea wa Kusini, wakiwemo Waprotestanti (18.3 %) na Wakatoliki (10.9 %). Wabuddha ni kama 22.8 %. Kuna pia wafuasi wachache wa dini nyingine mbalimbali.

Tazama pia

• Orodha ya nchi kufuatana na wakazi

Viungo vya nje

WikiMedia Commons

Wikimedia Commons ina media kuhusu:

South Korea

• (Kiingereza) Korea.net: Gateway to Korea portal from the KOIS government agency; tovuti rasmi
• Discover Korea and its cuisine Ilihifadhiwa 24 Julai 2010 kwenye Wayback Machine.
• Information about Working and Living in South Korea Ilihifadhiwa 3 Julai 2007 kwenye Wayback Machine.
• South Korean Military Pictures Ilihifadhiwa 27 Septemba 2007 kwenye Wayback Machine. DefenceTalk
• BBC News - Country Profile: South Korea
• Encyclopaedia Britannica, South Korea - Country Page
• CIA World Factbook - South Korea Ilihifadhiwa 3 Julai 2015 kwenye Wayback Machine.
• Guardian Unlimited - Special Report: North and South Korea
• Korea National Statistical Office
• Korea Peace Network Ilihifadhiwa 9 Desemba 2006 kwenye Wayback Machine. summary of past/current American policy towards Korea
• Library of Congress - Country Study: South Korea data as of Juni 1990
• National Assembly official site
• Open Directory Project - South Korea Ilihifadhiwa 18 Desemba 2006 kwenye Wayback Machine. directory category
• Tour2Korea operated by Korea National Tourism Organization
• South Korea travel guide kutoka Wikisafiri
• Yahoo! - South Korea Ilihifadhiwa 17 Desemba 2006 kwenye Wayback Machine. directory category
• Yahoo! News - Full Coverage: South Korea
• Galbijim Wiki for expats in Korea
• South Korea main cities satellite views and latitude and longitude coordinates Ilihifadhiwa 4 Februari 2010 kwenye Wayback Machine.

Nchi na maeneo ya Asia

Afghanistan | Armenia2 | Azerbaijan | Bahrain | Bangladesh | Bhutan | Brunei | China | Falme za Kiarabu | Georgia2 | Hong Kong3 | Indonesia | Iraq | Israel | Jamhuri ya China (Taiwan) | Japani | Kamboja | Kazakhstan | Kirgizia | Korea Kaskazini | Korea Kusini | Kupro2 | Kuwait | Laos | Lebanoni | Macau3 | Malaysia | Maldivi | Mongolia | Myanmar | Nepal | Omani | Pakistan | Palestina | Qatar | Saudia | Singapuri | Sri Lanka | Syria | Tajikistan | Timor ya Mashariki | Turkmenistan | Uajemi | Ufilipino | Uhindi | Urusi1 | Uthai | Uturuki1 | Uzbekistan | Vietnam | Yemen | Yordani

1. Nchi ina maeneo katika Asia na Ulaya. 2. Nchi iko Asia lakini inahesabiwa pia kati ya nchi za Ulaya kwa sababu za historia au utamaduni. 3. Eneo la pekee la China.