Eurovision Song Contest

Den Eurovision Song Contest (ofgekierzt: ESC, fréier besser bekannt als Grand Prix Eurovision de la Chanson) ass en internationale Museksconcours fir Komponisten a Lidderschreiwer, deen zanter 1956 all Joer vun der European Broadcasting Union organiséiert gëtt. D'Ureegung dofir war vum Festival vu Sanremo (Italien) beaflosst, dee schonn 1951 an d'Liewe geruff gouf. Bei deem Concours kënne grondsätzlech all Memberlänner vun der EBU, zu där och e puer asiatesch an afrikanesch Staate wéi Israel, Libanon a Marokko, an och Australien gehéieren, matmaachen. Sou kann all Land wat deelhëlt e Lidd an d'Course schécken, am Hoffes dofir déi meescht Stëmmen ze kréien a sou ze gewannen.

1958: D'Solange Berry séngt fir Lëtzebuerg "Un grand amour" a kritt dofir e ganze Punkt.

Obwuel et eigentlech e Concours fir Komponisten a Lidderschreiwer ass, gëtt an de Medien an an der Ëffentlechkeet méi Wäert op d'Interprete vum Lidd geluecht an aus wat fir engem Land se kommen. Dofir gëtt de Concours zimmlech kontrovers diskutéiert an d'Meenungen dozou si staark polariséiert.

De Concours gëtt normalerweis an deem Land organiséiert, dat de Grand Prix am Joer virdru gewonnen huet. Et ass awer schonn e puermol virkomm dat e Gewënnerland, dat z. B. zweemol hannerenee gewonnen hat, de Concours net méi selwer wollt organiséieren, meeschtens aus finanzielle Grënn, an dann un en anert Land iwwerginn huet.

Zanter 2004 gëtt de Concours mat enger Halleffinall an enger Finall ausgedroen an zanter 2008 ginn zwou Halleffinallen an eng Finall ausgedroen. Den Oflaf vun de Sendungen ass zimmlech standardiséiert. Am éischten Deel presentéieren d'Interpreten hir Lidder. Duerno kënnt eng Paus wou d'Ofstëmmunge kënne gemaach an ausgewäert ginn. Déi Paus gët duerch e Showprogramm gefëllt, dee sougenannten Interval act. Duerno gëtt dann d'Punkteverdeelung vun alle bedeelegte Länner bekannt ginn. Zum Schluss däerf de Gewënner säi Lidd eng zweet Kéier presentéieren.

Déi lescht, 67. Editioun vun der Finall vum Concours war den 13. Mee 2023 zu Liverpool (Groussbritannien). Gewonne gouf se vum Loreen mam Lidd Tattoo (Schweden). Déi nächsten Ausgab ass fir den x. Mee 2024 zu Stockholm virgesinn.

Lëtzebuergesch Erfolleger

Lëtzebuerg huet de Grand Prix am Ganze fënnefmol gewonnen a läit domat op der drëtter Plaz am Gesamtranking, hanner Irland (7 Victoiren) a Schweden (6 Victoiren), a gläichop mat Frankräich a Groussbritannien.

• 1961 zu Cannes de Jean-Claude Pascal mat Nous les amoureux
• 1965 zu Neapel d'France Gall mat Poupée de cire, poupée de son
• 1972 zu Edinburgh d'Vicky Leandros mat Après toi
• 1973 zu Lëtzebuerg d'Anne-Marie David mat Tu te reconnaîtras
• 1983 zu München d'Corinne Hermès mat Si la vie est cadeau

Déi lescht Kéier huet Lëtzebuerg 1993 um Concours deelgeholl. Dat war mam Jimmy Martin an der Simone Weis als Duo Modern Times. Offiziell hunn zanterhier d'Sue gefeelt fir matzemaachen, mä et war virun allem esou, datt RTL keen Intressi méi hat, fir beim gréisste Museksconcours iwwerhaapt matzemaachen.

Den 12. Mee 2023 huet de Regierungsrot decidéiert, vun 2024 un nees matzemaachen. Dës Decisioun vu Lëtzebuerg gouf den Dag duerno och an der Finall vum ESC zu Liverpool dem Publikum matgedeelt.^[1]

 Méi Informatioun doriwwer am Artikel: Lëscht vun de lëtzebuergesche Bäiträg beim Eurovision Song Contest.

Lëscht vun de Gewënner

	Joer	Bezeechnung & Plaz	Participanten	Gewënnernatioun	Titel	Interpret/en	Zweet- an Drëttplacéiert
1.	1956	Gran Premio Eurovisione della Canzone Europea (Lugano, Schwäiz)	7 [2]	CHE Schwäiz	Refrain	Lys Assia	ass net bekannt ginn
2.	1957	Grand Prix Eurovision (Frankfurt um Main, Däitschland)	10	Holland	Net als toen	Corry Brokken	2. La belle amour, Frankräich 3. Skibet skal sejle i nat, Dänemark
3.	1958	Grand Prix Eurovision de la Chanson Européenne (Hilversum, Holland)	10	Frankräich	Dors mon amour	André Claveau	2. Giorgio, Schwäiz 3. Nel blu, dipinto del blu, Italien
4.	1959	Grand Prix Eurovision de la Chanson Européenne (Cannes, Frankräich)	11	Holland	Een beetje	Teddy Scholten	2. Sing Little Birdie, Groussbritannien 3. Oui, oui, oui, oui, Frankräich
5.	1960	Eurovision Song Contest (London, Groussbritannien)	13	Frankräich	Tom Pillibi	Jacqueline Boyer	2. Looking High, High, High, Groussbritannien 3. Ce soir-là, Monaco
6.	1961	Grand Prix Eurovision de la Chanson Européenne (Cannes, Frankräich)	16	Lëtzebuerg	Nous les amoureux	Jean-Claude Pascal	2. Are You Sure, Groussbritannien 3. Nous aurons demain, Schwäiz
7.	1962	Grand Prix Eurovision de la Chanson Européenne (Lëtzebuerg, Lëtzebuerg)	16	Frankräich	Un premier amour	Isabelle Aubret	2. Dis rien, Monaco 3. Petit bonhomme, Lëtzebuerg
8.	1963	Eurovision Song Contest (London, Groussbritannien)	16	Dänemark	Dansevise	Grethe & Jørgen Ingmann	2. T'en va pas, Schwäiz 3. Uno per tutte, Italien
9.	1964	Grand Prix Eurovision (Kopenhagen, Dänemark)	16	Italien	Non ho l'età	Gigliola Cinquetti	2. I Love The Little Things, Groussbritannien 3. Où sont-elles passées, Monaco
10.	1965	Gran Premio Eurovisione della Canzone (Neapel, Italien)	18	Lëtzebuerg	Poupée de cire, poupée de son	France Gall	2. I Belong, Groussbritannien 3. N'avoue jamais, Frankräich
11.	1966	Grand Prix Eurovision de la Chanson Européenne (Lëtzebuerg, Lëtzebuerg)	18	Éisträich	Merci Chérie	Udo Jürgens	2. Nygammal vals eller hip man svinaherde, Schweden 3. Intet er nytt under solen, Norwegen
12.	1967	Grand Prix de la Chanson (Wien, Éisträich)	17	Groussbritannien	Puppet On A String	Sandie Shaw	2. If I Could Choose, Irland 3. Il doit faire beau là-bas, Frankräich
13.	1968	Eurovision Song Contest (London, Groussbritannien)	17	Spuenien	La, la, la …	Massiel	2. Congratulations, Groussbritannien 3. La source, Frankräich
14.	1969[3]	Gran Premio de la Canción de Eurovision (Madrid, Spuenien)	16	Spuenien Frankräich Holland Vereenegt Kinnekräich	Vivo cantando Un jour, un enfant De troubadour Boom bang a bang	Salomé Frida Boccara Lenny Kuhr Lulu	(entfält, well véier Éischtplacéierter)
15.	1970	Eurovisie Songfestival (Amsterdam, Holland)	12	Irland	All Kinds Of Everything	Dana	2. Knock, Knock, Who's There, Groussbritannien 3. Wunder gibt es immer wieder, Däitschland
16.	1971	Eurovision Song Contest (Dublin, Irland)	18	Monaco	Un banc, un arbre, une rue	Séverine	2. En un mundo nuevo, Spuenien 3. Diese Welt, Däitschland
17.	1972	Eurovision Song Contest (Edinburgh, Groussbritannien)	18	Lëtzebuerg	Après toi	Vicky Leandros	2. Beg, Steal Or Borrow, Groussbritannien 3. Nur die Liebe lässt uns leben, Däitschland
18.	1973	Concours Eurovision de la Chanson (Lëtzebuerg, Lëtzebuerg)	17	Lëtzebuerg	Tu te reconnaîtras	Anne-Marie David	2. Eres tú, Spuenien 3. Power To All Our Friends, Groussbritannien
19.	1974	Eurovision Song Contest (Brighton, Groussbritannien)	17	Schweden	Waterloo	ABBA	2. Si, Italien 3. I See A Star, Holland
20.	1975	Eurovision Song Contest (Stockholm, Schweden)	19	Holland	Ding-a-dong	Teach-In	2. Let Me Be The One, Groussbritannien 3. Era, Italien
21.	1976	Eurovisie Songfestival (Den Haag, Holland)	18	Groussbritannien	Save Your Kisses For Me	Brotherhood of Man	2. Un, Deux, Trois, Frankräich 3. Toi, la musique et moi, Monaco
22.	1977	Eurovision Song Contest (London, Groussbritannien)	18	Frankräich	L'oiseau et l'enfant	Marie Myriam	2. Rock Bottom, Groussbritannien 3. It's Nice To Be In Love Again, Irland
23.	1978	Concours Eurovision de la Chanson (Paräis, Frankräich)	20	Israel	A-Ba-Ni-Bi	Yizhar Cohen & Alpha Beta	2. L'amour ca fait chanter la vie, Belsch 3. Il y aura toujours des violons, Frankräich
24.	1979	Eurovision Song Contest (Jerusalem, Israel)	19	Israel	Hallelujah	Gali Atari & Milk and Honey	2. Su canción, Spuenien 3. Je suis l'enfant-soleil, Frankräich
25.	1980	Eurovisie Songfestival (Den Haag, Holland)	19	Irland	What's Another Year	Johnny Logan	2. Theater, Däitschland 3. Love Enough For Two, Groussbritannien
26.	1981	Eurovision Song Contest (Dublin, Irland)	20	Groussbritannien	Making Your Mind Up	Bucks Fizz	2. Johnny Blue, Däitschland 3. Humanahum, Frankräich
27.	1982	Eurovision Song Contest (Harrogate, Groussbritannien)	18	Däitschland	Ein bißchen Frieden	Nicole	2. Hora, Israel 3. Amour on t'aime, Schwäiz
28.	1983	Eurovision Song Contest (München, Däitschland)	20	Lëtzebuerg	Si la vie est cadeau	Corinne Hermès	2. Chai, Israel 3. Främling, Schweden
29.	1984	Concours Eurovision de la Chanson (Lëtzebuerg, Lëtzebuerg)	19	Schweden	Diggi-loo diggi-ley	Herreys	2. Terminal 3, Irland 3. Lady Lady, Spuenien
30.	1985	Eurovision Song Contest (Göteborg, Schweden)	19	Norwegen	La det swinge	Bobbysocks	2. Für alle, Däitschland 3. Bra vibrationer, Schweden
31.	1986	Eurovision Song Contest (Bergen, Norwegen)	20	Belsch	J'aime la vie	Sandra Kim	2. Pas pour moi, Schwäiz 3. L'amour de ma vie, Lëtzebuerg
32.	1987	Concours Eurovision de la Chanson (Bréissel, Belsch)	22	Irland	Hold Me Now	Johnny Logan	2. Lass' die Sonne in Dein Herz, Däitschland 3. Gente di mare, Italien
33.	1988	Eurovision Song Contest (Dublin, Irland)	21	CHE Schwäiz	Ne partez pas sans moi	Céline Dion	2. Go, Groussbritannien 3. Ka' du se hva' jeg sa', Dänemark
34.	1989	Concours Eurovision de la Chanson (Lausanne, Schwäiz)	22	Jugoslawien	Rock Me	Riva	2. Why Do I Always Get It Wrong, Groussbritannien 3. Vi maler byen rod, Dänemark
35.	1990	Eurovision Song Contest (Zagreb, Jugoslawien)	22	Italien	Insieme 1992	Toto Cutugno	2. White & Black Blues, Frankräich 2. Somewhere In Europe, Irland
36.	1991	Concorso Eurovisione della Canzone (Roum, Italien)	22	Schweden	Fångad av en stormvind	Carola	2. Le dernier qui a parlé, Frankräich 3. Kan, Israel
37.	1992	Eurovision Song Contest (Malmö, Schweden)	23	Irland	Why Me	Linda Martin	2. One Step Out Of Time, Groussbritannien 3. Little Child, Malta
38.	1993	Eurovision Song Contest (Millstreet, Irland)	25	Irland	In your eyes	Niamh Kavanagh	2. Better The Devil You Know, Groussbritannien 3. Moi tout simplement, Schwäiz
39.	1994	Eurovision Song Contest (Dublin, Irland)	25	Irland	Rock'n Roll kids	Paul Harrington / Charlie McGettigan	2. To nie ja, Polen 3. Wir geben 'ne Party, Däitschland
40.	1995	Eurovision Song Contest (Dublin, Irland)	23	Norwegen	Nocturne	Secret Garden	2. Vuelve conmigo, Spuenien 3. Se pa mig, Schweden
41.	1996	Eurovision Song Contest (Oslo, Norwegen)	23	Irland	The Voice	Eimear Quinn	2. I evighet, Norwegen 3. Den Vilda, Schweden
42.	1997	Eurovision Song Contest (Dublin, Irland)	25	Groussbritannien	Love shine a light	Katrina and the Waves	2. Mysterious Woman, Irland 3. Dinle, Tierkei
43.	1998	Eurovision Song Contest (Birmingham, Groussbritannien)	25	Israel	Diva	Dana International	2. Where Are You, Groussbritannien 3. The One That I Love, Malta
44.	1999	Eurovision Song Contest (Jerusalem, Israel)	23	Schweden	Take Me To Your Heaven	Charlotte Nilsson	2. All Out Of Luck, Island 3. Reise nach Jerusalem / Kudüs'e seyahat, Däitschland
45.	2000	Eurovision Song Contest (Stockholm, Schweden)	24	Dänemark	Fly On The Wings Of Love	Olsen Brothers	2. Solo, Russland 3. My Star, Lettland
46.	2001	Eurovision Song Contest (Kopenhagen, Dänemark)	23	Estland	Everybody	Tanel Padar & Dave Benton	2. Never Ever Let You Go, Dänemark 3. Die For You, Griicheland
47.	2002	Eurovision Song Contest (Tallinn, Estland)	24	Lettland	I Wanna	Marie N	2. 7th Wonder, Malta 3. Runaway, Estland 3. Come Back, Groussbritannien
48.	2003	Eurovision Song Contest (Riga, Lettland)	26	Tierkei	Everyway That I Can	Sertab Erener	2. Sanomi, Belsch 3. Ne ver, ne boisja, Russland
49.	2004	Eurovision Song Contest (Istanbul, Tierkei)	24 (+12)	Ukrain	Wild Dances	Ruslana	2. Lane Moje, Serbien & Montenegro 3. Shake It, Griicheland
50.	2005	Eurovision Song Contest (Kiew, Ukrain)	24 (+15)	Griicheland	My Number One	Elena Paparizou	2. Angel, Malta 3. Let Me Try, Rumänien
51.	2006	Eurovision Song Contest (Athen, Griicheland)	24 (+13)	Finnland	Hard Rock Hallelujah	Lordi	2. Never let You Go, Russland 3. Lejla, Bosnien an Herzegowina
52.	2007	Eurovision Song Contest (Helsinki, Finnland)	24 (+18)	Serbien	Molitva	Marija Šerifović	2. Dancing Lasha Tumbai, Ukrain 3. Song Number One, Russland
53.	2008	Eurovision Song Contest (Belgrad, Serbien)	25 (+18)	Russland	Believe	Dima Bilan	2. Shady Lady, Ukrain 3. Secret Combination, Griicheland
54.	2009	Eurovision Song Contest (Moskau, Russland)	25 (+17)	Norwegen	Fairytale	Alexander Rybak	2. Is it true?, Island 3. Always, Aserbaidjan
55.	2010	Eurovision Song Contest (Oslo, Norwegen)	25 (+14)	Däitschland	Satellite	Lena	2. We Could Be the Same, Tierkei 3. Playing with Fire, Rumänien
56.	2011	Eurovision Song Contest (Düsseldorf, Däitschland)	25 (+18)	Aserbaidjan	Running Scared	Ell & Nikki	2. Madness of Love, Italien 3. Popular, Schweden
57.	2012	Eurovision Song Contest (Baku, Aserbaidjan)	26 (+16)	Schweden	Euphoria	Loreen	2. Party for Everybody, Russland 3. Nije ljubav stvar, Serbien
58.	2013	Eurovision Song Contest (Malmö, Schweden)	26 (+13)	Dänemark	Only Teardrops	Emmelie de Forest	2. Hold Me, Aserbaidjan 3. Gravity, Ukrain
59.	2014	Eurovision Song Contest (Kopenhagen, Dänemark)	26 (+11)	Éisträich	Rise Like a Phoenix	Conchita Wurst	2. Calm After the Storm, Holland 3. Undo, Schweden
60.	2015	Eurovision Song Contest (Wien, Éisträich)	27 (+13)	Schweden	Heroes	Måns Zelmerlöw	2. A Million Voices, Russland 3. Grande amore, Italien
61.	2016	Eurovision Song Contest (Stockholm, Schweden)	26 (+16)	Ukrain	1944	Jamala	2. Sound of Silence, Australien 3. You Are the Only One, Russland
62.	2017	Eurovision Song Contest (Kiew, Ukrain)	26 (+16)	Portugal	Amar Pelos Dois	Salvador Sobral	2. Beautiful Mess, Bulgarien 3. Hey Mamma, Moldawien
63.	2018	Eurovision Song Contest (Lissabon, Portugal)	26 (+17)	Israel	Toy	Netta	2. Fuego, Zypern 3. Nobody but You, Éisträich
64.	2019	Eurovision Song Contest (Tel Aviv, Israel)	26 (+15)	Holland	Arcade	Duncan Laurence	2. Soldi, Italien 3. Scream, Russland
	2020	Eurovision Song Contest (Rotterdam, Holland)	26 (+15)	Wéinst der COVID-19-Pandemie ofgeblosen[4]
65.	2021	Eurovision Song Contest (Rotterdam, Holland)	26 (+13)	Italien	Zitti e buoni	Måneskin	2. Voilà, Frankräich 3. Tout l'Univers, Schwäiz
66.	2022	Eurovision Song Contest (Turin, Italien)	25 (+15)	Ukrain	Stefania	Kalush Orchestra	2. De Diepte, Holland 3. Die Together, Griicheland
67.	2023	Eurovision Song Contest (Liverpool, Groussbritannien)	26 (+11)	Schweden	Tattoo	Loreen	2. Cha Cha Cha, Finnland 3. Unicorn, Israel
68.	2024	Eurovision Song Contest (Malmö, Schweden)	26 (+11)	CHE Schwäiz	The Code	Nemo	2. Rim Tim Tagi Dim, Kroatien 3. Teresa & Maria, Ukrain
69.	2025	Eurovision Song Contest (Schwäiz)	26

Datum vum Bäitrëtt

Bis elo hunn 52 Länner op d'mannst 1-mol beim ESC matgemaach. An der Tabell hei drënner steet fir all Land d'Joer wou et fir d'éischt matgemaach huet.

Joer	Land dat säin Debut hat
1956	Belsch, Frankräich, Däitschlanda, Italien, Lëtzebuerg, Holland, Schwäiz
1957	Éisträich, Dänemark, Groussbritannien
1958	Schweden
1959	Monaco
1960	Norwegen
1961	Finnland, Spuenien, Jugoslawienb
1964	Portugal
1965	Irland
1971	Malta
1973	Israel
1974	Griicheland
1975	Tierkei
1980	Marokko
1981	Zypern
1986	Island
1993	Bosnien an Herzegowina, Kroatien, Slowenien
1994	Estland, Ungarn, Litauen, Polen, Rumänien, Russland, Slowakei
1998	Nordmazedonien
2000	Lettland
2003	Ukrain
2004	Albanien, Andorra, Wäissrussland, Serbien-Montenegro
2005	Bulgarien, Moldawien
2006	Armenien
2007	Tschechien, Georgien, Montenegro, Serbien
2008	Aserbaidjan, San Marino
2015	Australienc

a) Virun 1990 huet Däitschland nëmme West-Däitschland vertrueden (d'Bundesrepublik)

b) Mat "Jugoslawien" ass déi sozialistesch Bundesrepublik Jugoslawie gemengt mat Ausnam vun 1992 wou d'Bundesrepublik Jugoslawie gemengt ass. Dës Natioun huet sech am Laf vun 1991/1992 a fënnef onofhängeg Staaten opgeléist: Slowenien, Kroatien, Nordmazedonien, Bosnien an Herzegowina an d'Bundesrepublik Jugoslawien, déi sech dunn 2003 als Serbien-Montenegro konstituéiert huet an 2004 dem ESC bäigetratt ass. 2006 huet et sech opgeléist fir déi zwéi Staaten, Serbien a Montenegro ze ginn, déi 2007 allen zwéin dem ESC bäigetratt sinn.

c) Australien huet 2015 ausnamsweis dierfe matmaachen, obwuel et net Member vun der EBU ass. Am Fall vun engem Gewënn wier den ESC net an Australie gewiescht, mä a Kollaboratioun mat engem anere Land an Europa. Och 2016 krut Australien d'Méiglechkeet matzemaachen.

Gewënner pro Land

D'Zuel vun de Gewënner fir all Land.

Gewonnen	Land	Joer
7 x	Irland	1970, 1980, 1987, 1992, 1993, 1994, 1996
	Schweden	1974, 1984, 1991, 1999, 2012, 2015, 2023
5 x	Vereenegt Kinnekräich	1967, 1969, 1976, 1981, 1997
	Frankräich	1958, 1960, 1962, 1969, 1977
	Holland	1957, 1959, 1969, 1975, 2019
	Lëtzebuerg	1961, 1965, 1972, 1973, 1983
4 x	Israel	1978, 1979, 1998, 2018
3 x	Italien	1964, 1990, 2021
	Norwegen	1985, 1995, 2009
	Dänemark	1963, 2000, 2013
	Ukrain	2004, 2016, 2022
	CHE Schwäiz	1956, 1988, 2024
2 x	Däitschland	1982[5], 2010
	Spuenien	1968, 1969
	Éisträich	1966, 2014
1 x	Russland	2008
	Belsch	1986
	Monaco	1971
	Tierkei	2003
	Aserbaidjan	2011
	Griicheland	2005
	Estland	2001
	Lettland	2002
	Serbien	2007
	Jugoslawien	1989
	Finnland	2006
	Portugal	2017

D'Joer a Schréischrëft ass d'Zeeche fir eng gedeelt Gewënnerplaz

Gewënner pro Sprooch

Tëscht 1966 an 1973, an nees tëscht 1977 an 1998, war et de Länner nëmmen erlaabt den Optrëtt an enger vun hiren offizielle Sproochen auszeféieren.

Der Marija Šerifović hiert "Molitva" war dat éischt Lidd dat de Grand Prix a serbescher Sprooch gewonnen huet, an déi éischt Gewënnerin zanter 1998 déi komplett an enger anerer Sprooch wéi Englesch séngt.

Gewonnen	Sprooch	Joer	Länner
34 x	Englesch	1967, 1969, 1970, 1974, 1975, 1976, 1980, 1981, 1987, 1992, 1993, 1994, 1996, 1997, 1999, 2000, 2001, 2002, 2003, 2004, 2005, 2006, 2008, 2009, 2010, 2011, 2012, 2013, 2014, 2015, 2016, 2018, 2019, 2023	Groussbritannien, Irland, Schweden, Holland, Dänemark, Estland, Lettland, Tierkei, Ukrain, Griicheland, Finnland, Russland, Norwegen, Däitschland, Aserbaidjan, Éisträich, Israel
14 x	Franséisch	1956, 1958, 1960, 1961, 1962, 1965, 1969, 1971, 1972, 1973, 1977, 1983, 1986, 1988	Schwäiz, Frankräich, Lëtzebuerg, Monaco, Belsch
3 x	Hollännesch	1957, 1959, 1969	Holland
	Hebräesch	1978, 1979, 1998	Israel
	Italieenesch	1964, 1990, 2021	Italien
2 x	Däitsch	1966, 1982	Éisträich, Däitschland
	Norwegesch	1985, 1995	Norwegen
	Schweedesch	1984, 1991	Schweden
	Spuenesch	1968, 1969	Spuenien
1 x	Dänesch	1963	Dänemark
	Kroatesch	1989	Jugoslawien
	Serbesch	2007	Serbien
	Portugisesch	2017	Portugal
	Ukrainesch	2022	Ukrain

a) "Wild Dances": Dëst Lidd war deelweis op Ukrainesch gesongen.

b) "1944": Dëst Lidd war deelweis op Krimtataresch gesongen.

50-Joer-Jubiläum

Den 22. Oktober 2005 war zu Kopenhagen eng Jubiläumsshow mam Titel Congratulations. Domat gouf de 50-Joer-Jubiläum vum Eurovision Song Contest gefeiert. D'Zil vun der Show war et, dat bescht Lidd vum Grand Prix ënner allen Titelen z'ermëttelen, déi jeemools deelgeholl hunn. Op der offizieller Internetsäit eurovision.tv konnt jiddweree seng Stëmm fir säi Favorit beim ESC ofginn. Déi zéng Lidder mat de meeschte Stëmme koumen an d'Halleffinall. Zousätzlech huet eng Jury vun der EBU véier weider Titelen an d'Halleffinall gewielt, soudatt am Ganze 14 Titelen zur Wiel stoungen.

An der Halleffinall goufen iwwer Telefonvoting déi fënnef bescht Lidder gewielt. Am zweeten Duerchgang, also an der Finall, gouf duerch e weideren Telefonvoting d'Plaz vun dëse fënnef Lidder festgeluecht.

D'Show gouf vun der brittescher ESC-Gewënnerin Katrina Leskanich (Katrina & The Waves, ESC-Gewënner 1997) an dem letteschen ESC-Drëttplacéierte vun 2000, Renars Kaupers (Brainstorm) moderéiert.

Et koum dobäi zu follgende Resultater:

Plaz	Joer	Land	Interpret	Titel
1.	1974	Schweden	ABBA	Waterloo
2.	1958	Italien	Domenico Modugno	Nel blu dipinto di blu (Volare)
3.	1987	Irland	Johnny Logan	Hold Me Now
4.	2005	Griicheland	Elena Paparizou	My Number One
5.	1976	Vereenegt Kinnekräich	Brotherhood of Man	Save Your Kisses for Me
6.	2000	Dänemark	Olsen Brothers	Fly on the Wings of Love
7.	1982	Däitschland	Nicole	Ein bißchen Frieden
8.	1968	Vereenegt Kinnekräich	Cliff Richard	Congratulations
9.	2003	Tierkei	Sertab Erener	Everyway that I Can
10.	1988	CHE Schwäiz	Céline Dion	Ne partez pas sans moi
11.	1973	Spuenien	Mocedades	Eres tú
12.	1980	Irland	Johnny Logan	What's Another Year
13.	1998	Israel	Dana International	Diva
14.	1965	Lëtzebuerg	France Gall	Poupée de cire, poupée de son

Literatur

• Jan Feddersen: Ein Lied kann eine Brücke sein. Hoffmann und Campe Verlag 2002, ISBN 3-455-09350-7
• John Kennedy O'Connor: Eurovision Song Contest – Das offizielle Buch zu 50 Jahren europäescher Popgeschichte, Gondrom Verlag 2005, ISBN 978-3811225367
• Tim Moore: Null Punkte - Ein bisschen Scheitern beim Eurovision Song Contest, Covadonga Verlag 2007, ISBN 978-3936973280
• Jan Feddersen: Wunder gibt es immer wieder: Das große Buch zum Eurovision Song Contest, Aufbau Taschenbuch 2010, ISBN 978-3746670744

Um Spaweck

Commons: Eurovision – Biller, Videoen oder Audiodateien

• Offiziell ESC Websäit
• Eurovisioun Lëtzebuerg - Déi lëtzebuergesch Bäiträg
• Bäiträg an national Finallen

Referenzen

1. Sandy Schmit: "And the winner is: Luxembourg 12 Points." rtl.lu, 12. Mee 2023.
2. jiddwer Land huet zwee Lidder geschéckt
3. 1969 sinn et véier Gewënner ginn
4. Eurovision 2020 in Rotterdam is cancelled. Eurovision.tv (2020-03-18). Gekuckt de(n) 2021-05-23.
5. Gewonnen als West-Däitschland