Eurovision Song Contest 1975

Den 20. Eurovision Song Contest war den 22. Mäerz 1975 a Schweden. Organiséiert gouf d'Eurovisioun dat Joer am Stockholmsmässan, Älvsjö zu Stockholm. Presantatrice war d'Karin Falck.

D'Grupp Teach-In, 1974

20. Eurovision Song Contest
Datum	22. Mäerz 1975
Stad	Stockholm (Schweden)
Gebai	Stockholmsmässan, Älvsjö
Gewënner	Teach-In (Holland)
Zuel vu Länner	19
Nei Participatiounen	Tierkei
Moderatioun	Karin Falck
Interval Act	The World of John Bauer
Ofstëmmungsreegel	An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

Stockholmsmässan, Älvsjö, 2009

Als neit Land ass d'Tierkei derbäikomm, wouduerch awer Griicheland wéinst de Streidereien ëm Zypern tëscht deenen zwee Länner net méi wollt derbäi sinn. Am Ganzen hunn 19 Länner matgemaach.

D'Sängerin vun Norwegen, d'Ellen Nikolaysen, war schonn 1973 a 1974 derbäi als Deel vun de Bendik Singers.

D'Reegel fir d'Ofstëmmung ass nees geännert ginn an zwar sou wéi se am Prinzip haut nach ass: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Stockholm matgedeelt ginn.

Déi éischt Plaz kruten d'Vertrieder vun Holland, d'Grupp Teach-In, mat 14 Punkte Virsprong virum Grupp The Shadows (Groussbritannien). Déi drëtt Plaz krute Wess & Dori Ghezzi, déi fir Italien ugetruede waren.

Fir Holland war et déi véiert Kéier datt et de Grand Prix gewonnen hat.

Klassement

Plaz	Land	Interpret	Titel	Punkten
1.	Holland	Teach-In	Ding-a-Dong	152
2.	Groussbritannien	The Shadows	Let Me Be the One	138
3.	Italien	Wess & Dori Ghezzi	Era	115
4.	Frankräich	Nicole Rieu	Et bonjour à toi l'artiste	91
5.	Lëtzebuerg	Geraldine	Toi	84
6.	Schwäiz	Simone Drexel	Mikado	77
7.	Finnland	Pihasoittajat	Old Man Fiddle	74
8.	Schweden	Lars Berghagen	Jennie, Jennie	72
9.	Irland	The Swarbriggs	That's what Friends Are For	68
10.	Spuenien	Sergio y Estíbaliz	Tú volverás	53
11.	Israel	Shlomo Artzi	At ve’ ani	40
12.	Malta	Renato	Singing this Song	32
13.	Jugoslawien	Pepel in Kri	Dan ljubezni	22
13.	Monaco	Sophie	Une chanson c'est une lettre	22
15.	Belsch	Ann Christy	Gelukkig zijn	17
16.	Portugal	Duarte Mendes	Madrugada	16
17.	Däitschland	Joy Fleming	Ein Lied kann eine Brücke sein	15
18.	Norwegen	Ellen Nikolaysen	Touch My Life with Summer	11
19.	Tierkei	Semiha Yanki	Seninle bir dakika	3

Um Spaweck

• Eurovision.tv
• Eurovision.de
• diggiloo.net

Brighton (Groussbritannien)		Den Haag (Holland)
ESC 1974	Eurovision Song Contest	ESC 1976