Eurovision Song Contest 2006

Den 51. Eurovision Song Contest war den 18. an 20. Mee 2006 a Griicheland. Organiséiert gouf d'Eurovisioun dat Joer an der Olympic Indoor Hall zu Athen. Presentateure waren d'Maria Menounos an de Sakis Rouvas. Den Televoting an der Finall gouf vun der griichescher Sängerin Nana Mouskouri gestart, déi 1963 bei der Eurovisioun fir Lëtzebuerg dobäi war.

51. Eurovision Song Contest
Motto	Feel the Rhythm
Datum	18. Mee an 20. Mee 2006
Stad	Athen (Griicheland)
Gebai	Olympic Indoor Hall
Gewënner	Lordi (Finnland)
Zuel vu Länner	37, dovu 24 an der Finall
Nei Participatiounen	Armenien
Moderatioun	Maria Menounos a Sakis Rouvas
Interval Act	Elena Paparizou, Sakis Rouvas, Foteini Darra a Griichesch Dänzer
Ofstëmmungsreegel	All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

Mr. Lordi vun der Gewënnerband Lordi

Armenien ass nei derbäikomm. Lëtzebuerg huet scho wéi déi 12 Joer virdru fräiwëlleg drop verzicht fir matzemaachen. Och Italien, d'Slowakei, Éisträich, Ungarn a Serbien-Montenegro hu fräiwëlleg net matgemaach. Am Ganzen hu 37 Länner matgemaach.

Verschidden Interprete ware scho virdrun emol eng Kéier dobäi, d'Anna Vissi fir Griicheland 1980 an 1982 (fir Zypern), den Eddie Butler fir Israel 1999 (Deel vum Grupp Eden), de Viktoras Diawara (Deel vun LT United) fir Litauen 2001 (Deel vum Grupp SKAMP), de Fabrizio Faniello fir Malta 2001, den Ich Troje fir Polen 2003 an d'Carola Häggkvist fir Schweden 1983 an 1991.

Zanter 2004 gëtt et zwee, resp. dräi Deeg virun der Finall eng Qualifikatiounsronn, aus där déi zéng Éischtplacéiert d'Finall erreechen. Véierzéng weider Länner si scho fir d'Ennronn qualifizéiert gewiescht: déi Beschtplacéiert vum Virjoer souwéi déi Grouss Véier (Big-4) vun der European Broadcasting Union (Däitschland, Frankräich, Groussbritannien a Spuenien.

D'Reegel fir d'Ofstëmmung ass d'selwecht bliwwe wéi déi Jore virdrun. Och dëst Joer ass den Televoting duerch d'Spectateure vun alle Länner benotzt gi fir ofzestëmmen. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Athen matgedeelt ginn. D'Länner hunn alleguer, souwuel an der Halleffinall, wéi och an der Finall däerfen ofstëmmen. D'Punktevergab gouf awer gekierzt, sou wéi dat schonn zanter 2005 beim Junior Eurovision Song Contest gehandhabt ginn ass. De jeeweilegen nationale Spriecher gëtt nëmmen déi dräi héchst Wäertungen (12, 10 an 8) duerch, déi éischt siwe Wäertungen erschéngen direkt op der Punktentafel.

Déi éischt Plaz kruten d'Vertrieder vu Finnland, d'Grupp Lordi mat 44 Punkte Virsprong virum Dima Bilan (Russland). Déi drëtt Plaz krut d'Grupp Hari Mata Hari, déi fir Bosnien an Herzegowina ugetruede war.

Fir Finnland war et déi éischt Kéier datt et de Grand Prix gewonnen hat.

D'Show gouf vu knapps 110 Millioune Leit um Fernsee gekuckt; dovun eleng 10,5 Milliounen an Däitschland.

National Qualifikatioun

Finall

Follgend véierzéng Länner waren direkt fir d'Finall qualifizéiert:

Déi bescht zéng vum Joer virdrun

• Dänemark: Den 11. Februar hat d'dänescht Publikum beim Melodi Grand Prix zu Aalborg d'Geleeenheet, aus zéng Titelen hir Landesvertrieder fir Athen ze wielen. Iwwerraschend huet eng 17 Joer al Debütantin gewonnen, d'Sidsel Ben Semmane mam Lidd Twist of love.
• Griicheland: De griichesche Televisiounssender ERT huet de 24. Januar bekannt ginn, datt d'Anna Vissi fir d'Gaaschtgeberland un de Start geet; aus véier Titele gouf de 14. Mäerz d'Lidd ausgewielt, mat deem et utriede sollt. D'Vissi huet Griicheland schonn eng Kéier 1980 mam Titel Autostop vertrueden (13. Plaz). 1982 ass et mat Mono i agapi fir Zypern ugetrueden (5. Plaz).
• Israel: Israel huet säi Vertrieder aus eelef Bewerber de 15. Mäerz zu Jerusalem ausgewielt.
• Lettland: D'lettesch Virentscheedung war den 11. Mäerz zu Ventspils. Gewënner war d'A-capella-Band Cosmos mam Lidd I Hear Your Heart.
• Malta: De malteesesche Bäitrag gouf de 4. Februar zu Valletta ausgewielt. Beim Malta Song for Europe Festival huet de Fabrizio Faniello mam Song I do gewonnen. Hien hat Malta schonn 2001 vertrueden.
• Moldawien: De Vertrieder vum Land sollt aus 13 Bewerber bei enger Virentscheedung de 25. Februar zu Chişinău ausgewielt ginn. Well bei enger Wäertung, zesummegesat aus 50 % Nokuckertenuriff a 50 % Juryvoten, dräi Interpreten de selwechte Punktestand erreecht hunn an d'Jury dovun, dem Reegelwierk entspriechend, kee Gewënner bestëmme wollt, ass déi éischt Ofstëmmung ouni Gewënner op en Enn gaangen. Als Grond gouf déi kleng Kompetitivitéit vun de Bäiträg genannt. D'Entscheedung ass dann awer de 15. Mäerz an enger zweeter Virentscheedung, an där ee Bäitrag aus der éischter Virentscheedung a véier nei Bäiträg presentéiert goufen, gefall. Gewënner war Arsenium & Natalia Gordienko mam Titel Loca.
• Norwegen: Den norwegesche Bäitrag gouf de 4. Februar an der Finall vun der Melodi Grand Prix 2006 zu Oslo ausgewielt. Gewonnen huet d'Christine Guldbrandsen mam Titel Alvedansen.
• Rumänien: De 26. Februar, gouf no zwou Semifinallen, e Virentscheed am rumänesche Fernsee TVR de Mihai Trăistariu mam Titel Tornerò ausgewielt. Beim Virentscheed huet d'Jury an d'Nokuckerten de Gewënner aus zwielef Participanten ausgesicht.
• Schwäiz: D'Schweizer Fernsehen huet an engem interne Virentscheed e Song vun den däitsche Komponisten Ralph Siegel a Bernd Meinunger ausgewielt. D'Lidd If we all give a little gouf den 18. Mäerz virgestallt. Als Interpret huet de Ralph Siegel déi sechskäppeg Grupp six4one duerch e Casting zesummegestallt.
• Serbien a Montenegro: Den 11. Mäerz sollt Serbien a Montenegro säi Bäitrag mat der Televisiounsshow Evropesma 2006 auswielen. Virun der Finall gouf et zwou Semifinallen (Beovizija a Montevizija) an de béide Landesdeeler. Dobäi hu sech zwielef Lidder aus Serbien a weider zwielef aus Montenegro fir d'Finall qualifizéiert. Do huet d'Grupp No Name mam Titel Moja Ljubavi gewonnen, d'Gewënner vum Televoting, d'Grupp Flamingosi feat. Luis, krut vun de Jurymemberen aus Montenegro keng Punkten. Well ugeholl gouf, datt et bei der Ofstëmmung zu Onreegelméissegkeete komm wier, gouf d'Resultat annuléiert a fir den 19. Mäerz en zweete Virentscheed ugesat, bei deem een och zu kengem konkreete Resultat komm ass. De montenegrineschen Televisiounssender RTCG huet sech géint eng nei Televoting-Ofstëmmung gewiert an huet drop bestanen, datt d'Grupp No Name als Gewënner gezielt gëtt. Den 20. Mäerz deelt RTS der EBU den definitive Réckzuch aus der Eurovisioun mat. D'Land huet de Grand Prix awer Live iwwerdroen an huet och um Televoting deelgeholl.
  • Nogerutscht: Kroatien: Déi kroatesch Televisiounsnokuckerten an d'Jury vun der HRT hunn hire Bäitrag duerch d'Virentscheedung Dora ermëttelt. Gewonnen huet do d'Sängerin Severina mam Titel Moja štikla. Komponéiert gouf de Song vum Boris Novković.

Déi Grouss Véier (Big-4)

Däitschland, Frankräich, Groussbritannien a Spuenie leeschten de finanziell gréisste Bäitrag fir d'EBU. Ausserdeem kommen aus dëse Länner, gemooss un den Nokuckertenzuelen, déi gréisst Membersender vun der EBU, déi zesumme bal eng Véirelsmilliard Mënsche versuergen. Fir ze verhënneren, datt bei schlechte Plazen am Virjoer e Groussdeel vum europäeschen Nokuckertepotenzial ewechbrieche kéint, ginn dës Länner grondsätzlech an der Finall placéiert.

• Däitschland: Wéinst dem schlechten Ofschneiden am Virjoer, gouf d'Kandidatenauswiel 2006 geännert. Eng Jury vun den ARD-Cheffen huet aus Virschléi vun der däitscher Musekindustrie dräi Kandidate fir d'Virentscheedung ausgewielt. Zu den Auswalkriteren hu virun allem eng héich Showakzeptanz an e gudde musekalesche Standard gezielt. Den 9. Mäerz huet d'Band Texas Lightning géint den Thomas Anders an d'Vicky Leandros déi däitsch Virentscheedung gewonnen.
• Frankräich: D'franséischt Publikum huet de 14. Mäerz an engem Virentscheed mat 21 Kënschtler seng Vertrieder fir Athen ausgewielt. D'Kandidate fir de Virentscheed goufen duerch verschidden Auswalverfahren, ënner anerem duerch Webvoting, d'Castingshow Entrée des artistes an d'Dokumentatioun Dom Tom Folies, bestëmmt. D'Gewënnerin war d'Virginie Pouchain. De Bäitrag Nous, c'est vous, deen et um Enn vun der Virentscheedung virgestallt huet, gouf awer als "net geeegnet" fir d'international Finall agestuuft, sou datt et mam Titel Il était temps zu Athen ugetrueden ass.
• Groussbritannien: Bis zum 31. Dezember konnt ee bei der BBC Bäiträg aschécken. De 4. Mäerz gouf de Gewënner an der Televisiounsshow Making your mind up bestëmmt. De Gewënner vun dëser Virentscheedung war den Daz Sampson mam Titel Teenage Life.
• Spuenien: Beim spuenesche Sender TVE konnte bis zum 31. Januar Lidder agereecht ginn. Bäiträg mat friemsproochege Liddertexter waren net zougelooss. Interpret an Titel goufen intern ausgewielt. De 27. Februar huet TVE bekannt ginn, datt d'Grupp Las Ketchup (bekannt duerch de Summerhit Aserejé) Spuenien mam Lidd Bloody Mary vertriede sollt.

Participatiounen

Halleffinall

Follgend Länner hunn un der Halleffinall deelgeholl (d'Plaze goufe mat de Punkten eréischt nom Enn vun der Finall bekanntginn). D'Plazen 1 bis 10 hu sech fir d'Finall qualifizéiert.

Plaz	Startnr.	Land	Interpret	Titel	Punkten
1	16	Finnland	Lordi	Hard Rock Hallelujah	292
2	22	Bosnien an Herzegowina	Hari Mata Hari	Lejla	267
3	13	Russland	Dima Bilan	Never let you go	217
4	20	Schweden	Carola	Invincible	214
5	18	Litauen	LT United	We Are the Winners	163
6	1	Armenien	André	Without Your Love	150
7	15	Ukrain	Tina Karol	Show Me Your Love	146
8	14	Tierkei	Sibel Tüzün	Süper star	91
9	8	Irland	Brian Kennedy	Every Song Is a Cry for Love	79
10	11	Mazedonien	Elena Ristevska	Ninanajna	76
11	12	Polen	Ich Troje	Follow My Heart	70
12	7	Belsch	Kate Ryan	Je t'adore	69
13	23	Island	Silvía Night	Congratulations	62
14	6	Albanien	Luiz Ejlli	Zjarr e ftohtė	58
15	9	Zypern	Annette Artani	Why Angels Cry	57
16	3	Slowenien	Anžej Dežan	Mr. Nobody (Plan B)	49
17	2	Bulgarien	Mariana Popova	Let Me Cry	36
18	21	Estland	Sandra Oxenryd	Through My Window	28
19	19	Portugal	Nonstop	Coisas de nada	26
20	17	Holland	Treble	Amanbanda	22
21	10	Monaco	Séverine Ferrer	La coco-dance	14
22	5	Wäissrussland	Polina Smolova	Mama	10
23	4	Andorra	Jenny	Sense tu	8

Finall

Plaz	Startnr.	Land	Interpret	Titel	Punkten
1	17	Finnland	Lordi	Hard Rock Hallelujah	292
2	10	Russland	Dima Bilan	Never Let You Go	248
3	13	Bosnien an Herzegowina	Hari Mata Hari	Lejla	229
4	12	Rumänien	Mihai Trăistariu	Tornero	172
5	22	Schweden	Carola	Invincible	170
6	14	Litauen	LT United	We Are the Winners	162
7	18	Ukrain	Tina Karol	Show Me Your Love	145
8	24	Armenien	André	Without Your Love	129
9	16	Griicheland	Anna Vissi	Everything	128
10	21	Irland	Brian Kennedy	Every Song Is a Cry for Love	93
11	23	Tierkei	Sibel Tüzün	Süper star	91
12	11	Mazedonien	Elena Ristevska	Ninanajna	56
13	20	Kroatien	Severina	Moja štikla	56
14	5	Norwegen	Christine Guldbrandsen	Alvedansen	36
15	8	Däitschland	Texas Lightning	No No Never	36
16	4	Lettland	Cosmos	I Hear Your Heart	30
17	1	Schwäiz	six4one	If We All Give a Little	30
18	9	Dänemark	Sidsel Ben Semmane	Twist of Love	26
19	15	Groussbritannien	Daz Sampson	Teenage life	25
20	2	Moldawien	Arsenium & Natalia Gordienko	Loca	22
21	6	Spuenien	Las Ketchup	Bloody Mary	18
22	19	Frankräich	Virginie Pouchain	Il était temps	5
23	3	Israel	Eddie Butler	Together we are one	4
24	7	Malta	Fabrizio Faniello	I Do	1

De Gewënner an déi gréng markéiert Länner waren am Joer drop (2007) automatesch fir d'Finall qualifizéiert. Bemierkenswäert ass, datt sech ënner den éischten Zwielef all déi zéng Bäiträg erëmfannen, déi sech an der Halleffinall qualifizéiert haten.

Punkteverdeelung an der Finall

Plaz	Land	AL	AD	BY	BE	BA	HR	CY	DK	EE	MK	FI	FR	DE	GR	IS	IE	IL	LV	LT	MT	MC	NL	NO	PL	PT	RO	RU	CS	SL	ES	SE	CH	TR	UA	GB	BG	MD	AM	Punkte
1.	Finnland		10	7	8	7	10	5	12	12	6	X	8	10	12	12	10	7	8	10	7		7	12	12	6	4	8	7	8	10	12	8	7	7	12	5	6		292
2.	Russland	4	6	12	3	6	7	8	2	10	8	12	2	6	8	5	5	12	12	12	5		2	3	10	7	8	X	5	4	7	7		5	12	1	10	10	12	248
3.	Bosnien- Herzegowina	12		4	6	X	12	2	8		12	10	6	7	6	3	2	2		4		12	8	8	4	2	7	6	12	12	1	10	12	12	10		7	5	5	229
4.	Rumänien	2	3	3	2	2	5	10	6	4	2	6	7	5	7	2	6	10	2	1	10			4	3	10	X	4	4	5	12	6	1	3	1	6	2	12	4	172
5.	Schweden	10	8	5	5	3	3		10	7	1	7	3			7	7	5	7	5	6	5		10	7	8	5	2	1	7	6	X	2		6	4		2	6	170
6.	Litauen		7	6	4		6	4	7	8	3	8		1	4	10	12	3	10	X	1	7	6	5	8	4		5	3	3	4	3			5	10	1	4		162
7.	Ukrain		5	10		5	4	6		5	5	2			5	6	1	6	5	7	2	2	1		6	12	3	10	2	2	3	1		8	X		3	8	10	145
8.	Armenien			8	12			7					10	3	10			8		2			10		5		1	12			8			10	8		8	7	X	129
9.	Griicheland	8	1	2	10	1		12			7	1	5	8	X					3	8		5				10		6			4	5	4		7	12	1	8	128
10.	Irland		4				2		5	6		4	1	4		1	X		4	6	4	10	4	7	2	5	2			1		5	3		2	8			3	93
11.	Tierkei	7			7	10					4		12	12	3			1					12				6						10	X		3	4			91
12.	Mazedonien	3				8	8				X																		8	6			4	6			6		7	56
13.	Kroatien					12	X				10			2								4							10	10			6	2						56
14.	Norwegen			1					1			5			2	4			6			1		X				7				2			3			3	1	36
15.	Däitschland	5			1				3					X			3		3				3	1							5		7			5				36
16.	Lettland									3							4		X	8		8						1							4	2				30
17.	Schwäiz					4		3										4			12	6				1							X							30
18.	Dänemark								X	1		3				8								6								8								26
19.	Groussbritannien		2				1	1	4	2							8		1		3			2	1											X				25
20.	Moldawien														1											3	12	3			2			1				X		22
21.	Spuenien	6	12																												X									18
22.	Frankräich												X									3																	2	5
23.	Israel												4					X																						4
24.	Malta	1																			X																			1

Déi faarweg ënnerluechte Länner si fir d'Finall vum Eurovision Song Contest 2007 qualifizéiert (donkelgréng: duerch d'Plaz qualifizéiert; hellgréng: déi Grouss Véier).

Legend

AD: Andorra, AL: Albanien, AM: Armenien, BA: Bosnien an Herzegowina, BE: Belsch, BG: Bulgarien, BY: Wäissrussland, CH: Schwäiz, CS: Serbien-Montenegro, CY: Zypern, DE: Däitschland, DK: Dänemark, EE: Estland, ES: Spuenien, FI: Finnland, FR: Frankräich, GB: Groussbritannien, GR: Griicheland, HR: Kroatien, IE: Irland, IL: Israel, IS: Island, LT: Litauen, LV: Lettland, MC: Monaco, MD: Moldawien, MK: Mazedonien, MT: Malta, NL: Niederlande, NO: Norwegen, PL: Polen, PT: Portugal, RO: Rumänien, RU: Russland, SE: Schweden, SL: Slowenien, TR: Tierkei, UA: Ukrain

Trivia

• D'Startnummer 8 vun der Halleffinall vum 18. Mee, Brian Kennedy fir Irland, war den 1000. Song, deen am Ganze beim Eurovision Song Contest presentéiert gouf.
• Finnland war dat éischt Land an der Geschicht vum Song Contest, dat d'Halleffinall an d'Finall zesumme gewonnen huet (béid Kéiere mat 292 Punkten, wat en neie Rekord war).
• Den Željko Joksimović krut no 2004 fir déi zweet Kéier d'Auszeechnung fir déi bescht Kompositioun (2004 ass hie mat Lane moje 2. ginn, 2006 huet en de bosnesch-herzegowinesche Bäitrag Lejla komponéiert.
• An der Halleffinall sinn et Buh-Ruffer fir d'Islännerin Silvía Nótt ginn. Si hat virun der Halleffinall an hirer Roll als Fantasifigur, Journalisten a Griiche beleidegt.
• D'Publikum an der Finall war vun der Grupp LT United net begeeschtert. Virun allem hire Liddtext, an deem se sech zum Gewënner vun der Eurovisioun proklaméiert hunn, war doru Schold.
• Déi finnesch Band Lordi war déi éischt Metal- resp. Hard Rock-Band an der Geschicht vum Grand Prix.
• Déi lettesch Band Cosmos war déi éischt A-cappella-Band an der Geschicht vum Grand Prix.
• Déi zéng Halleffinalliste kruten an der Finall méi wéi 50 Punkten a waren doduerch ënner den éischten zwielef Natiounen.
• D'Big-4 Däitschland, Frankräich, Groussbritannien a Spuenien hunn dës Kéier nees schlecht ofgeschnidden. Beschte vun de Grousse Véier war Däitschland mat 36 Punkten op der 15. Plaz.
• De Ralph Siegel huet och 2006 nees um ESC deelgeholl, dës Kéier awer fir d'Schwäiz, net fir Däitschland. Dëst war seng 18. Participatioun als Komponist bei der Eurovisioun.

Um Spaweck

Commons: Eurovision Song Contest 2006 – Biller, Videoen oder Audiodateien

• Offiziell Säite vum ESC
• Offiziell Säit vum NDR zum Contest
• Inoffiziell däitsch Noriichtesäit
• Eurovision Club Germany e. V.: Däitsche Fanclub
• OGAE Eurovision Fanclub Netzwierk
• Studie und Artikel zum ESC 2006

Kiew (Ukrain)		Helsinki (Finnland)
ESC 2005	Eurovision Song Contest	ESC 2007