From Wikipedia, the free encyclopedia
Den 8. Eurovision Song Contest (offiziell den Eurovision Song Contest Grand Prix), war den 23. Mäerz 1963 zu London. Organiséiert gouf d'Eurovisioun dat Joer am BBC TV Centre zu London. Presantatrice war fir déi zweet Kéier d'Katie Boyle. Eigentlich wier Frankräich un der Rei gewiescht mat der Organisatioun, awer si haten de Grand Prix eréischt 1959 an 1961 zu Cannes organiséiert an dofir hu se un d'Britten ofginn.
| 8. Eurovision Song Contest | |
|---|---|
| Datum | 23. Mäerz 1963 |
| Stad | London (Groussbritannien) |
| Gebai | BBC Television Centre |
| Gewënner | Grethe & Jørgen Ingmann (Dänemark) |
| Zuel vu Länner | 16 |
| Nei Participatiounen | Keng |
| Moderatioun | Katie Boyle |
| Interval Act | Ola a Barbro |
| Ofstëmmungsreegel | A jiddwer Land souzen 20 Jurymemberen. Jiddwer Member huet mat 5, 4, 3, 2 an 1 Punkt fir déi 5 bescht Lidder ofgestëmmt. |
Et si keng Ännerunge gi bei de Länner déi matgemaach hunn. Dofir ass d'Zuel vun de Länner bei 16 bliwwen.
Et sinn nees Ännerunge gi bei der Ofstëmmung: An all Land souzen 20 Jurysmemberen, déi jeeweils 5, 4, 3, 2 an 1 Stëmm ze verginn haten. D'Resultater goufen telefonesch an ëffentlech op London iwwermëttelt.
Beim Iwwermëttele vun de Punkte sinn et e puer Problemer ginn, well Norwegen beim Opruffen nach net ganz fäerdeg mam Ausrechne vun de Punkte war. Se hunn dofir gefrot fir als Lescht nach eng Kéier un d'Rei ze kommen. De Spriecher huet awer an der Panik en Tëscheresultat ginn, dat hie séier zesummegerechent hat aus de Punkten déi schonn do waren. Zum Schluss vun der Sendung goufen dunn déi definitiv Punkte virgelies an et ass opgefall, datt et Ännerunge gi sinn géintiwwer deem wat virdru scho gesot gouf. Duerch déi Ännerungen huet dunn Dänemark gewonnen an d'Schwäiz koum ganz knapps op déi zweet Plaz.
Déi éischt Plaz kruten d'Vertrieder vu Dänemark, d'Grethe & Jørgen Ingmann mat 2 Punkte Virsprong virum Esther Ofarim (Schwäiz). Déi drëtt Plaz krut den Emilio Pericoli, dee fir Italien ugetruede war.
| Plaz | Land | Interpret | Titel | Punkten |
|---|---|---|---|---|
| 1. | Dänemark | Grethe & Jørgen Ingmann | Dansevise | 42 |
| 2. | Schwäiz | Esther Ofarim | T'en va pas | 40 |
| 3. | Italien | Emilio Pericoli | Uno per tutte | 37 |
| 4. | Groussbritannien | Ronnie Carroll | Say Wonderful Things | 28 |
| 5. | Frankräich | Alain Barrière | Elle était si jolie | 25 |
| 5. | Monaco | Françoise Hardy | L'amour s'en va | 25 |
| 7. | Éisträich | Carmela Corren | Vielleicht geschieht ein Wunder | 16 |
| 8. | Lëtzebuerg | Nana Mouskouri | À force de prier | 13 |
| 9. | Däitschland | Heidi Brühl | Marcel | 5 |
| 10. | Belsch | Jacques Raymond | Waarom? | 4 |
| 11. | Jugoslawien | Vice Vukov | Brodovi | 3 |
| 12. | Spuenien | José Guardiola | Algo prodigioso | 2 |
| 13. | Holland | Annie Palmen | Een speeldoos | 0 |
| 13. | Norwegen | Anita Thallaug | Solhverv | 0 |
| 13. | Finnland | Laila Halme | Muistojeni laulu | 0 |
| 13. | Schweden | Monica Zetterlund | En gång i Stockholm | 0 |
| Lëtzebuerg (Lëtzebuerg) |  |
Kopenhagen (Dänemark) |
|---|---|---|
| ESC 1962 | Eurovision Song Contest | ESC 1964 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
