15. Eurovision Song Contest From Wikipedia, the free encyclopedia
De 15. Eurovision Song Contest (ofiziell den Eurovisie Songfestival) war den 21. Mäerz 1970 an Holland. Organiséiert gouf d'Eurovisioun dat Joer am RAI Congrescentrum zu Amsterdam. Presantateur war de Willy Dobbe. Well et dat Joer virdrun 4 Gewënner gouf ass duerch d'Lous gewielt ginn, wou deen nächste Grand Prix sollt ausgedroe ginn.
| 15. Eurovision Song Contest | |
|---|---|
| Datum | 21. Mäerz 1970 |
| Stad | Amsterdam (Holland) |
| Gebai | RAI Congrescentrum |
| Gewënner | Dana, (Irland) |
| Zuel vu Länner | 12 |
| Nei Participatiounen | Keng |
| Moderatioun | Willy Dobbe |
| Interval Act | Don de Lurio Dancers |
| Ofstëmmungsreegel | A jiddwer Land souzen zéng Jurymemberen. Jiddwer Member huet mat engem Punkt fir een Titel ofgestëmmt. |
D'Zuel vun de Länner ass op 12 erofgaangen, well Finnland, Norwegen, Portugal, Schweden an Éisträich net matgemaach hunn. Si waren onzefridde mat der Ofstëmmung am Joer virdrun wou et 4 Gewënner gouf.
D'Reegel fir d'Ofstëmmung war d'selwecht wéi dat Joer virdrun. An all Land souzen 10 Jurysmemberen, déi jiddwereen eng Stëmm ze verginn haten. D'Jury konnt sou am Ganze maximal 10 Punkte verginn fir dat bescht Lidd. D'Resultater goufen telefonesch an ëffentlech op Amsterdam iwwermëttelt. Et ass awer zousätzlech eng nei Reegel ageféiert ginn, fir ze vermeiden dat et nach eng Kéier méi wéi ee Gewënner sollt ginn. An zwar sollt an deem Fall, wou et op der éischter Plaz e Gläichstand géif ginn, eng zweet Ofstëmmung gemaach ginn vun alle Länner ausser deenen, déi vum Gläichstand betraff sinn.
Déi éischt Plaz krut d'Vertriederin vun Irland, d'Dana mat 6 Punkte Virsprong virum Mary Hopkin (Groussbritannien). Déi drëtt Plaz krut d'Katja Ebstein, déi fir Däitschland ugetruede war.
Fir Irland war et déi éischt Kéier dat et de Grand Prix gewonnen hat. D'Lidd ass e groussen Erfolleg ginn.
| Plaz | Land | Interpret | Titel | Punkten |
|---|---|---|---|---|
| 1. | Irland | Dana | All Kinds of Everything | 32 |
| 2. | Groussbritannien | Mary Hopkin | Knock, Knock, Who's There? | 26 |
| 3. | Däitschland | Katja Ebstein | Wunder gibt es immer wieder | 12 |
| 4. | Schwäiz | Henri Dès | Retour | 8 |
| 4. | Frankräich | Guy Bonnet | Marie-Blanche | 8 |
| 4. | Spuenien | Julio Iglesias | Gwendolyne | 8 |
| 7. | Holland | Hearts of Soul | Waterman | 7 |
| 8. | Italien | Gianni Morandi | Occhi di ragazza | 5 |
| 8. | Belsch | Jean Vallée | Viens l'oublier | 5 |
| 8. | Monaco | Dominique Dussault | Marlène | 5 |
| 11. | Jugoslawien | Eva Sršen | Pridi, dala ti bom cvet | 4 |
| 12. | Lëtzebuerg | David Alexandre Winter | Je suis tombé du ciel | 0 |
| London (Groussbritannien) |  |
Amsterdam (Holland) |
|---|---|---|
| ESC 1969 | Eurovision Song Contest | ESC 1971 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
