Cupresoideas

A das cupresoideas (Cupressoideae) é unha das sete subfamilias en que se divide a familia das cupresáceas (Cupressaceae).

Cupresoideas
Dous cipreses (Cupressus sempervirens)
Clasificación científica
Reino: Plantae División: Pinophyta Clase: Pinopsida Orde: Pinales Familia: Cupressaceae Subfamilia: Cupressoideae Sweet, 1826
Xéneros
Véxase o texto

Comprende once xéneros con numerosas especies, case todas nativas do hemisferio norte.

Distribución

A subfamilia comprende once xéneros con numerosas especies propias do hemisferio norte, agás Juniperus procera, árbore que, aínda que orixinaria da península Arábiga (Arabia Saudita e o Iemen), a súa área de dispersión comprende o nordeste, leste, centro-oeste e sur da África tropical, encontrándose na República Democrática do Congo, Djibuti, Eritrea, Etiopía, Kenya, Malaui, Mozambique, Somalia, Sudán, Tanzania, Uganda, Zambia e Zimbabue.^[1] sendo o único repesentante da subfamilia que se se encontra ao sur da liña ecuatorial.^{[2] [3] [4]}

Taxonomía

Descrición

A subfamilia foi descrita en 1826 polo botánico inglés Robert Sweet, na páxina 372 da súa obra Sweet’s Hortus Britannicus: or a catalogue of plants cultivated in the gardens of Great Britain, arranged in natural orders..., como Subordo Cupressinae (suborde das cupresinas), que posteriormente foi raclasificado como subfamilia.^[5]

Xéneros

A subfamilia das cupresoideas comprende once xéneros con especies actualmente viventes; destes, cinco son monotípicos (é dicir, inclúen a unha soa especie).^[3]

• Calocedrus, con catro especies, tres delas propias de Asia, e a outra, C. decurrens, de Norteamérica.^[4]
• Chamaecyparis, con seis especies, catro da Asia oriental, e dúas de Norteamérica.^[4]
• Cupressus, o xénero tipo da subfamilia. Segundo os autores, comprende de 17 s 33 especies, que se encontran en Norteamérica, Europa, norte de África e Asia.^[4]
• Fokienia, cunha única especie, Fokienia hodginsii, endémica do sueste da China, do norte e o centro-oeste de Vietnam e do norte de Laos.^{[4] [6][7]}
• Juniperus, con numerosas especies, entre 45 e 75, segundo os diferentes autores, de Norteamérica, Europa, norte de África e Asia.^[4]
• Microbiota, monotípica. A súa única especie, Microbiota decussata Komarov 1923, é orixinaria de Rusia.^{[4] [8]}
• Platycladus, monotípica. A súa sola especie, Platycladus orientalis (L.) Franco 1949 distribúese polo leste de Rusia, Corea e a China.^{[4] [9]}
• Tetraclinis, monotípica. A súa única especie, Tetraclinis articulata (Vahl) Mast., encóntrase no noroeste de África, o sueste de España e na illa de Malta.^{[4] [10]}
• Thuja, con cinco especies, dúas en Norteamérica e tres no leste de Asia.^[4]
• Thujopsis, monotípica. A súa única especie, Thujopsis dolabrata (Thunb. ex L. f.) Siebold & Zucc., 1844, é endémica do Xapón.^[4]
• Xanthocyparis, con dúas especies, unha de Norteamérica (Xanthocyparis nootkatensis), e a outra, (Xanthocyparis vietnamensis), propia do Vietnam.^{[4] [11] [12]}

Nota: Até hai pouco incluíase o xénero Callitropsis Oerst., 1864, actualmente reclasificado como Xanthocyparis Farjon & T. H. Nguyên, 2002.^[11] Véxase Callitropsis e Xanthocyparis.

Galería de imaxes

• 
  Calocedrus decurrens, no Parque Nacional de Yosemite. California.
• 
  Chamaecyparis thyoides no Byrne State Forest, New Jersey.
• 
  Fokienia hodginsii, no Xardín botánico de Kunming, Yunnan, China.
• 
  Juniperus oxycedrus, en Miranda do Douro, Portugal.
• 
  Thuja plicata, no Grünes Labor Coburg, Xardín de investigación de Coburgo, Baviera, Alemaña.
• 
  Follaxe e conos de Xanthocyparis nootkatensis.

Notas

1. Germplasm Resources Information Network (GRIN) (12 de agosto de 2010). "Juniperus procera, en Taxonomy for Plants". Beltsville, Maryland: United States Department of Agriculture (USDA), Agricultural Research Service (ARS), National Genetic Resources Program, National Germplasm Resources Laboratory. Arquivado dende o orixinal o 10 de outubro de 2014. Consultado o 12 de decembro de 2017.
2. Farjon 2005.
3. Gadek et al. 2000.
4. Jagel & Dörken 2015.
5. Taxaceae subfam. Cupressoideae Sweet no IPNI.
6. Fokienia hodginsi na Lista vermella da UICN. Versión 2017-3.
7. Fokienia hodginsii (Dunn) A. Henry & H. H. Thomas na GBIF.
8. Microbiota decussata Komarov 1923 en The Gymnosperm Database.
9. Platycladus orientalis <mall>(Linnaeus) Franco 1949</small en The Gymnosperm Database.
10. Tetraclinis articulata (Vahl) Masters 1892 en The Gymnosperm Database.
11. Farjon et al. 2002.
12. Little et al. 2004.

Véxase tamén

Wikimedia Commons ten máis contidos multimedia na categoría:  Cupresoideas

Wikispecies posúe unha páxina sobre:  Cupresoideas

Bibliografía

• Farjon, A. (1998): World Checklist and Bibliography of Conifers. Royal Botanic Gardens, Kew. 300 p. ISBN 1-900347-54-7.
• Farjon, A. (2005): Monograph of Cupressaceae and Sciadopitys. Royal Botanic Gardens, Kew. ISBN 1-84246-068-4.
• Farjon, A.; Hiep, N. T.; Harder, D. K.; Loc, P. K. & Averyanov, L. (2002): "A new genus and species in the Cupressaceae (Coniferales) from northern Vietnam, Xanthocyparis vietnamensis". Novon 12: 179–189.
• Gadek, Paul A.; Deryn L. Alpers, Margaret M. Heslewood & Christopher J. Quinn (2000): "Relationships within Cupresaceae senus lato: A combined morphological and molecular approach". American Journal of Botany 87 (7): 1044–1057.
• Jagel, Armin & Dörken, Veit Martin (2015): "Morphology and morphogenesis of the seed cones of the Cupressaceae - part II. Cupressoideae" Bulletin of the Cupressus Conservation Project nº 9 4 (2): 51–78.
• Little, Damon P.; Schwarzbach, Andrea E.; Adams, Robert P. & Hsieh, Chang-Fu (2004): "The circumscription and phylogenetic relationships of Callitropsis and the newly described genus Xanthocyparis (Cupressaceae). En: American Journal of Botany 91 (11): 1872–1881.