From Wikipedia, the free encyclopedia
Charles Leclerc, nado en Montecarlo (Mónaco) o 16 de outubro de 1997, é un piloto de carreiras Monegasco de Fórmula 1 que pilota para Ferrari. Gañou o campionato GP3 Series en 2016 e o Campionato FIA de Fórmula 2 en 2017.[1][2]
![]() (2020) ![]() | ||||||||||||||||||||
Biografía | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|
Nacemento | (fr) Charles Marc Hervé Percival Leclerc ![]() 16 de outubro de 1997 ![]() Monte Carlo, Mónaco ![]() | |||||||||||||||||||
Datos persoais | ||||||||||||||||||||
País de nacionalidade | Mónaco ![]() | |||||||||||||||||||
Educación | Albert I Lycée (en) ![]() ![]() | |||||||||||||||||||
Altura | 179 cm ![]() | |||||||||||||||||||
Actividade | ||||||||||||||||||||
Ocupación | piloto de automobilismo , piloto de Fórmula Un ![]() | |||||||||||||||||||
Lingua | Lingua francesa, lingua inglesa e lingua italiana ![]() | |||||||||||||||||||
Instrumento | Voz e piano ![]() | |||||||||||||||||||
Deporte | Fórmula 1 (2018–) FIA Fórmula 2 (pt) ![]() automobilismo ![]() | |||||||||||||||||||
| ||||||||||||||||||||
Familia | ||||||||||||||||||||
Irmáns | Arthur Leclerc (pt) ![]() ![]() | |||||||||||||||||||
Páxina web | charles-leclerc.com ![]() | |||||||||||||||||||
![]() ![]() ![]() ![]() ![]() ![]() ![]() ![]() |
Leclerc debutou na Fórmula Un en 2018 con Sauber, un equipo afiliado a Ferrari, que formou parte da Ferrari Driver Academy. Sauber rematara último o ano anterio, Leclerc liderou a tarefa de mellorar a posición final no campionato de construtores ata oitavo posto, sendo o mellor dos dous pilotos de Sauber.[3] Leclerc firmou un contrato con Ferrari para a tempada 2019 na que pilotou xunto a Sebastian Vettel. Leclerc converteuse no segundo piloto máis novo en lograr a pole position na Fórmula Un durante a súa primeira tempada en Ferrari en Bahrain. A tempada 2019 tamén viu a Leclerc gañar a súa primeira carreira en Bélxica, seguida da vitoria no seu primeiro Gran Premio de Italia como piloto de Ferrari a semana seguinte. Gañou o Pole Trophy na tempada de 2019 converténdose no piloto máis novo en gañarlo e no primeiro piloto non Mercedes en gañalo.
Leclerc era un amigo da infancia de Jules Bianchi e comezou a practicar karting na pista administrada polo pai de Bianchi en Brignoles. Do mesmo xeito que Bianchi, Leclerc uniuse á compañía de administración ARM encabezada por Nicolas Todt.[4]
Leclerc ten dous irmáns, Lorenzo e Arthur. O seu pai, Hervé, tamén competiu en autos, pilotando na Fórmula 3 nos anos 80 e 90, e foi moi respectado no karting. Morreu, á idade de 54 anos, en 2017.[5][6]
En marzo de 2016, anunciouse que Leclerc sería un dos dous pilotos da Ferrari Driver Academy e que actuaría como piloto de desenvolvemento para Haas F1 Team e Scuderia Ferrari.[7] Como parte do seu papel como piloto de desenvolvemento, Leclerc participou na primeira sesión de práctica do Gran Premio do Reino Unido de 2016 pilotando para Haas. Críase que se Leclerc ganaba o campionato de GP3 Series, seguiría a Daniil Kvyat e Valtteri Bottas directamente desde a GP3 á F1 con Haas.
En decembro de 2017, anunciouse o seu debut na Fórmula Un, uníndose a Sauber como piloto habitual en 2018.
Despois do final da tempada 2017 de Fórmula 1, anunciouse a asociación da compañía italiana Alfa Romeo co equipo Sauber, e poucos días despois presentou o coche de 2018, xunto cos seus dous seguintes pilotos: Marcus Ericsson e Leclerc, este substituíndo a Pascal Wehrlein.
Nun gran comezo de tempada, Charles logrou en só 8 carreiras igualar a puntos ao seu compañeiro de equipo Marcus Ericsson (tendo en conta que levaba 83 carreiras, mentres que Leclerc só levaba 8). Debido a isto e entre outras cousas (como alcanzar a Q3 e cualificarse como oitavo en Francia ou o seu 6º posto en Acerbaixán), os rumores apuntan a unha chegada á Scuderia Ferrari.[8][9]
Volveu a sumar en Red Bull Ring, nun 9-10 de Sauber, que non tiña puntuado cos seus dous pilotos á vez desde principios de 2015.[10]
Charles foi o compañeiro de Sebastian Vettel e substituto de Kimi Räikkönen na Scuderia Ferrari a partir de 2019.[11][12] É o segundo piloto máis novo da historia en competir con Ferrari, só por detrás de Ricardo Rodríguez, que o fixo con menos de 20 anos en 1961.[13]
O 30 de marzo, e despois de dominar os adestramentos libres 1 e 3, Leclerc logrou a pole position no Gran Premio de Bahrain cun tempo de 1'27 ”866, a 294 milésimas do seu compañeiro de equipo Sebastian Vettel e batendo o récord. Na carreira, tivo un problema de motor e terminou terceiro, subindo así ao seu primeiro podio na categoría.[14] Despois de tres carreiras consecutivas sendo quinto, no seu Gran Premio de casa tivo un choque intentando remontar desde os últimos lugares, obrigándoo a abandonar. En Canadá e Francia, Leclerc terminou terceiro.[6]
En Austria volveu ocupar a pole position o sábado, pero foi derrotado na carreira por Max Verstappen. Nunha manobra de adiantamento do Red Bull a Leclerc, ambos os coches chocaron, pero a FIA, dúas horas despois do final do Gran Premio, determinou que era válido.[15]
Logrou o seu cuarto podio consecutivo en Gran Bretaña, pero en Alemaña retirouse por un erro sobre a superficie mollada.[16] Dúas carreiras despois, no GP de Bélxica, Leclerc fixo a 'pole' e finalmente gañou a súa primeira carreira na categoría e a primeira dun piloto monegasco, liderando a maior parte das voltas.[6][17] As celebracións da súa primeira vitoria víronse afectados pola morte de Anthoine Hubert o sábado na carreira de Fórmula 2.[18] Unha semana despois, logrou a súa cuarta pole da tempada no circuíto de Monza, o que lle axudaría a conseguir a vitoria ao día seguinte (a primeira de Ferrari en Italia desde 2010).[19] En Singapur volveu comezar na primeira posición, pero perdeu a carreira co seu compañeiro de equipo Vettel,[20] e en Rusia acadou a cuarta pole consecutiva, foi a primeira vez que un piloto de Ferrari conseguiu isto desde 2001 (esta vez Michael Schumacher).[21] Finalmente, quedou cuarto no campionato con 264 puntos que incluíron 7 "poles", 2 vitorias e 10 podios.
Leclerc ten contrato con Ferrari ata a tempada 2024.[22]
O piloto monegasco atopouse cun Ferrari en 2020 que era claramente menos competitivo que os anos anteriores, pero aínda así, na primeira carreira da tempada en Austria, combinando algo de fortuna cunha gran determinación nos seus adiantamentos, logrou rematar nun excelente segundo posto, beneficiándose dunha penalización a Lewis Hamilton. Durante a fin de semana do Gran Premio de Estiria, Leclerc e Ferrari foron investigados pola FIA tras supostamente incumprir o estrito protocolo de seguridade do COVID-19 do órgano reitor, despois de regresar a casa a Mónaco (con permiso do seu equipo) entre os eventos do Austria e o Gran Premio de Estiria con publicacións nas redes sociais que mostran a Leclerc socializando con fans, amigos e a súa moza. Leclerc negou inicialmente calquera feito ilícito.[23] Non obstante, Leclerc e a Scuderia Ferrari recibiron un aviso despois de que quedou claro que estivera en contacto con persoas non incluídas na súa burbulla.[24][25]
Na sesión de clasificación para o Gran Premio de Estiria de 2020, acabou 11º máis rápido nunha sesión en mollado e foi eliminado na Q2. Descendeu ao posto 14º despois de recibir unha penalización de tres postos por obstaculizar a Daniil Kvyat na sesión.[26] Na carreira, Leclerc chocou co seu compañeiro de equipo Sebastian Vettel na primeira volta, o que provocou que ambos se retiraran.[27] A pesar de que os comisarios non tomaron ningunha medida, considerando a colisión como un incidente de carreiras e non sancionaron a ningún dos pilotos: Leclerc aceptou a total responsabilidade da colisión dicindo nunha das súas entrevistas posteriores á carreira: "Fun un imbécil total, hoxe fodina".[28]
Na seguinte carreira, o Gran Premio de Hungría, Leclerc clasificouse sexto, un lugar por detrás de Vettel. Na carreira, Leclerc loitou co desgaste dos pneumáticos e a falta xeral de velocidade e terminou no 11º lugar, cinco postos por detrás do seu compañeiro de equipo Vettel.[29][30][31] Leclerc clasificouse cuarto no Gran Premio do Reino Unido e quedou terceiro, logrando o 12º podio da súa carreira na F1 e o segundo da tempada.[32][33] Para o Gran Premio do 70º aniversario Leclerc clasificouse oitavo.[34] Posteriormente, puxo en marcha unha estratexia única para pasar ao cuarto lugar da carreira.
Antes de competir no Gran Premio do 70º aniversario en 2020 en Silverstone, Leclerc reaccionou con rabia ás acusacións de que era racista e oposto ao movemento Black Lives Matter, respondendo dicindo que o racismo é "repugnante" e acusou aos titulares de intentar manipular as súas palabras.[35] As acusacións chegaron despois de que fose un dos seis pilotos que optaron por non xeonllarse durante as cerimonias previas á carreira dos eventos de apertura do Campionato Mundial de Fórmula Un de 2020 como parte da campaña deportiva contra o racismo. Afirmou que optou por non axeonllarse debido ás connotacións políticas negativas que sentía que tal xesto podía ter.[36]
No Gran Premio de Italia de 2020 clasificouse décimo terceiro pero na carreira estrelouse na Parabolica na volta 24, canrdo era cuarto, grazas a unha parada en boxes antes que outros que entraron en boxes durante un período de Safety Car. O accidente provocou unha bandeira vermella.[37]
Partindo da xornada 12 en Portimão, Leclerc pasou a conseguir tres top-5 consecutivos. No Gran Premio de Turquía, golpeado pola choiva, Leclerc estaba en terceiro lugar despois de remontar dende o 14º posto cos pneumáticos intermedios. Porén, un erro ao tentar pasar a Sergio Pérez polo segundo na última volta fixo que Leclerc patinase e perdese o podio ante o seu compañeiro de equipo Vettel. As dúas carreiras en Bahrein foron esquecibles para Leclerc, que finalizou décimo na primeira carreira e retirouse tras un choque na primeira volta con Pérez na segunda. Na rolda final en Abu Zabi, os dous Ferrari non tiveron ritmo e remataron fóra dos puntos, con Leclerc no 13º posto por diante de Vettel.[38] Leclerc fininalizou o campionato no 8º posto, logrando un total de 98 puntos.
Leclerc ten contrato con Ferrari ata finais de 2024.[39] Leclerc tivo un novo compañeiro de equipo en Ferrari para o 2021 con Carlos Sainz substituíndo a Sebastian Vettel, quen fichou por Aston Martin.[40] Leclerc comezou o Gran Premio de Bahrain cuarto por detrás de Valtteri Bottas e terminou sexto.[41] Despois comezou cuarto e tamén terminou cuarto no Gran Premio de Emilia Romagna detrás de Lando Norris despois de loitar por manter o seu ritmo despois da bandeira vermella no medio da carreira. Pasou a metade da carreira sen radio.[42] Despois, Leclerc terminou sexto no Gran Premio de Portugal que o colocou quinto na clasificación por puntos, por encima do seu compañeiro Sainz, que rematou 11º na carreira. Clasificouse na pole para o seu evento na casa, o Gran Premio de Mónaco a pesar de caer na parte final da cualificación, pero non puido comezar a carreira debido a un problema no eixe de transmisión cando se dirixía á grella.[43] Clasificouse na pole durante a clasificación para o Gran Premio de Acerbaixán de 2021,[44] quedando cuarto na carreira. No Gran Premio do Reino Unido en Silverstone, Leclerc clasificouse cuarto pero herdou o liderado da carreira na volta 1, superando a Valtteri Bottas na saída e collendo vantaxe dunha colisión entre os rivais do título Verstappen e Hamilton. Leclerc mantivo o liderado da carreira ata 2 voltas para o final cando finalmente foi atrapado e superado por Hamilton, rematando a carreira en segundo lugar e conseguindo o seu primeiro e único podio de 2021. No Gran Premio de Hungría, Leclerc foi golpeado de costado por Lance Stroll na curva 1 e non rematou. En Italia, Leclerc rematou quinto, ascendendo á cuarta posición tras a penalización de Sergio Pérez. Leclerc recibiu penalizacións na grella no Gran Premio de Rusia de 2021 e comezou desde o posto 19º. Estivo entre os 5 primeiros nalgún momento, pero caeu ata o décimo quinto ao final da carreira despois de que caese unha forte choiva e foi o último en entrar a boxes por pneumáticos intermedios. En Turquía, Leclerc clasificaríase cuarto, pero comezaría terceiro tras as penalizacións de motor para Lewis Hamilton.[45] En Abu Zabi, a decisión de entrar baixo un coche de seguridade virtual resultou ser equivocada xa que Leclerc non conseguiu recuperar a posición perdida na pista. Isto provocou que quedara só décimo. Mentres, o seu compañeiro de equipo Sainz rematou terceiro, subindo ao quinto posto na clasificación de pilotos e deixando a Leclerc ao sétimo lugar. Esta foi a primeira vez que Leclerc foi derrotado por un compañeiro de equipo na súa carreira no automobilismo.[46]
Leclerc logrou a pole na apertura da tempada o Gran Premio de Bahrain, a súa décima pole da carreira na F1.[47] Gañou o Gran Premio, a súa primeira vitoria na Fórmula 1 e a de Ferrari desde 2019, loitando estreitamente co Red Bull do piloto Max Verstappen durante toda a carreira. O seu compañeiro de equipo en Ferrari Carlos Sainz quedou segundo cun dobrete para Ferrari. Leclerc recibiu 25 puntos, máis 1 punto adicional pola volta rápida da carreira, elevando o seu total a 26. O resultado significou que el e Ferrari tomaron o liderado no Campionato de Pilotos e Construtores respectivamente.[48] Ao facelo, liderou o Campionato do Mundo de Fórmula Un por primeira vez, e tamén se converteu no primeiro piloto monegasco en liderar o Campionato do Mundo de Fórmula Un.[49] Despois dun segundo posto no Gran Premio de Arabia Saudita, Leclerc acadou a vitoria no Gran Premio de Australia, logrando o seu primeiro grand slam na Fórmula Un, e o primeiro de Ferrari desde o Gran Premio de Singapur de 2010.[50][51] No Gran Premio de España , Leclerc liderou a carreira cunha gran marxe ata que un problema de potencia forzou a súa retirada, dándolle a Max Verstappen tanto a vitoria na carreira como o liderado no Campionato do Mundo.[52] Despois de acadar a pole position na carreira da súa casa no Gran Premio de Mónaco, Leclerc rematou a carreira en 4º lugar debido a un erro estratéxico e unha pista mollada.[53] A seguinte carreira en Acerbaixán viu a Leclerc retirarse do liderado unha vez máis cunha falla na unidade de potencia, o que o situou no terceiro posto na clasificación de pilotos por detrás dos pilotos de Red Bull Max Verstappen e Sergio Pérez.[54] Leclerc comezou o Gran Premio do Canadá no posto 19 debido a unha penalización na grella por exceder a súa asignación para os compoñentes da unidade de potencia, rematou a carreira en quinto lugar.[55]
No Gran Premio do Reino Unido, Leclerc quedou cuarto tras perder a estratexia de boxes ante o seu compañeiro de equipo.[56] Leclerc obtivo o primeiro lugar no Gran Premio de Austria.[57] No Gran Premio de Francia conseguiu a pole position antes de quedarse fora da carreira na volta 18, tras cometer un erro.[58] No Gran Premio de Hungría clasificouse terceiro detrás do seu compañeiro de equipo, pero terminou a carreira sexto tras un erro estratéxico cometido por Ferrari ao montar pneumáticos de composto duro, a pesar de que outros pilotos como Fernando Alonso perderon un tempo de volta significativo con eles, Max Verstappen finalmente levou a vitoria a pesar de clasificarse décimo e ampliou a súa vantaxe no Campionato do Mundo de Fórmula Un sobre Leclerc en 80 puntos.[59]Modelo:Ncg[60] Despois do descanso estival foi o Gran Premio de Bélxica que viu como Leclerc comezaba no 15º lugar, por detrás de Verstappen, xa que ambos pilotos recibiron penalizacións na grella polo uso de elementos adicionais da unidade de potencia e caixa de cambios.[61] A pesar de remontar finalmente tivo que entrar en boxes para montar pneumáticos medios debido a unha rotura nos condutos dos seus freos. A parada en boxes custoulle a Leclerc un podio. Para gañar máis puntos no Campionato do Mundo de Fórmula Un entrou en boxes para montar pneumáticos brandos, o composto de pneumáticos máis rápido, para conseguir o punto da volta rápida, pero non puido superar o tempo de Verstappen de 1:49.354. Leclerc rematou no 5º lugar diante de Fernando Alonso pero recibíu 5 segundos de penalización por exceso de velocidade no carril de boxes, polo que finalizou no 6º lugar.[62]
No Gran Premio de Holanda, admitiu que "deixou de contar" o déficit de puntos con Verstappen.[63] Comezou segundo e terminou terceiro tras perder a súa segunda posición ante George Russell. Leclerc logrou a pole position na carreira local de Ferrari en Italia no Circuíto de Monza, pero debido á decisión do equipo de Ferrari de entrar en boxes baixo un coche de seguridade virtual, perdeu o liderado ante o Red Bull de Max Verstappen e víu a bandeira a cadros no segundo lugar debido a que a carreira rematou baixo un coche de seguridade.[64] Leclerc logrou a pole position no Gran Premio de Singapur, rematou en segundo lugar detrás de Sergio Pérez Mendoza de Red Bull que tomara o liderado na primeira curva.[65]
Na última carreira da tempada 2022, no Gran Premio de Abu Zabi, Leclerc e Sergio Pérez enfrontáronse polo segundo posto no Campionato de Pilotos empatados a 290 puntos cada un. A pesar de comezar a carreira na P3, a un posto de Pérez na P2, Leclerc superou ao seu competidor e mantivo para rematar na P2 da carreira, asegurándose tanto o 2º lugar no Campionato de Pilotos como o 2º no Campionato de Construtores para Ferrari. .
Tempada | Series | Equipo | Carreiras | Gañadas | Poles | V. rápidas | Podios | Puntos | Posición |
---|---|---|---|---|---|---|---|---|---|
2014 | Formula Renault 2.0 Alps | Fortec Motorsports | 14 | 2 | 1 | 0 | 7 | 199 | 2º |
Eurocup Formula Renault 2.0 | 6 | 0 | 0 | 0 | 3 | 0 | NC† | ||
2015 | FIA Formula 3 European Championship | Van Amersfoort Racing | 33 | 4 | 3 | 5 | 13 | 363´5 | 4º |
Macau Grand Prix | 1 | 0 | 0 | 0 | 1 | N/A | 2º | ||
2016 | Fórmula 1 | Scuderia Ferrari | Piloto de probas | ||||||
Haas F1 Team | |||||||||
GP3 Series | ART Grand Prix | 18 | 3 | 4 | 4 | 8 | 202 | 1º | |
2017 | Fórmula 1 | Scuderia Ferrari | Piloto de probas | ||||||
Sauber F1 Team | |||||||||
Campionato da FIA de Fórmula 2 | Prema Racing | 22 | 7 | 8 | 4 | 9 | 282 | 1º | |
2018 | Fórmula 1 | Alfa Romeo Sauber F1 Team | 21 | 0 | 0 | 0 | 0 | ̶39 | 13º |
2019 | Fórmula 1 | Ferrari | 21 | 2 | 7 | 4 | 10 | 264 | 4º |
2020 | Fórmula 1 | Ferrari | 17 | 0 | 0 | 0 | 2 | 98 | 8º |
2021 | Fórmula 1 | Ferrari | 22 | 0 | 2 | 0 | 1 | 159 | 7º |
2022 | Fórmula 1 | Ferrari | 22 | 3 | 9 | 3 | 11 | 308 | 2º |
2023 | Fórmula 1 | Ferrari | 22 | 0 | 5 | 0 | 6 | 206 | 5º |
2024 | Fórmula 1 | Ferrari | 14 | 1 | 2 | 2 | 6 | 177* | 3º* |
† Como Leclerc era un piloto invitado, era inelexible para puntuar.
* Tempada en progreso.
(key) (Carreiras en letra grosa indican pole position) (Carreiras en itálica indican volta rápida)
Ano | Equipo | Motor | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | Pos. | Puntos |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
2015 | Van Amersfoort Racing | Volkswagen | SIL 1 12 |
SIL 2 2 |
SIL 3 1 |
HOC 1 3 |
HOC 2 2 |
HOC 3 1 |
PAU 1 3 |
PAU 2 2 |
PAU 3 3 |
MNZ 1 5 |
MNZ 2 Ret |
MNZ 3 3 |
SPA 1 1 |
SPA 2 6 |
SPA 3 2 |
NOR 1 1 |
NOR 2 3 |
NOR 3 4 |
ZAN 1 5 |
ZAN 2 Ret |
ZAN 3 10 |
RBR 1 6 |
RBR 2 4 |
RBR 3 6 |
ALG 1 6 |
ALG 2 7 |
ALG 3 7 |
NÜR 1 4 |
NÜR 2 5 |
NÜR 3 5 |
HOC 1 8 |
HOC 2 10 |
HOC 3 21 |
4º | 363.5 |
(clave) (Carreiras en letra grosa indican pole position) (carreiras en itálica indican volta rápida)
(Chave) As carreiras en letra grosa indican pole position; as carreiras en cursiva indican volta rápida.
* Tempada en progreso.
(key) (Carreiras en letra grosa indican pole position) (Carreiras en itálica indican volta rápida)
* Tempada en progreso.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.