pentrefan yng Ngheredigion From Wikipedia, the free encyclopedia
Pentref bychan yng nghymuned Llandysiliogogo, Ceredigion, yw Nanternis. Gorwedd Nanternis ar lethrau Cwm Soden tua dwy filltir i'r de o dref fechan Ceinewydd. Mae Afon Soden a red drwy'r pentref yn llifo i'r môr i'r gogledd o Gwmtydu tua milltir i'r gogledd-orllewin ar lan Bae Ceredigion.
Math | pentrefan |
---|---|
Daearyddiaeth | |
Sir | Ceredigion |
Gwlad | Cymru |
Cyfesurynnau | 52.184134°N 4.380797°W |
Gwleidyddiaeth | |
AC/au | Elin Jones (Plaid Cymru) |
AS/au | Ben Lake (Plaid Cymru) |
Yn yr Oesoedd Canol roedd yn rhan o gwmwd Caerwedros. Heddiw mae'n rhan o gymuned a ward Llandysiliogogo. Ceir yno nifer o anheddau, ffermydd a chapel lle mae Eglwys Annibynnol Nanternis (1867-) yn parhau i addoli ers dros 150 o flynyddoedd. Codwyd festri'r capel yn 1925. Mae'n parhau i gael defnydd crefyddol a chymdeithasol gan drigolion yr ardal. Mae Capel Neuadd (MC) sydd gerllaw i gyfeiriad Llwyndafydd wedi ei ddatgorffori.
Mae'r pentrefi bychain cyfagos yn cynnwys Caerwedros, Llwyndafydd a Cross Inn.
Cynrychiolir yr ardal hon yn Senedd Cymru gan Elin Jones (Plaid Cymru)[1] ac yn Senedd y DU gan Ben Lake (Plaid Cymru).[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.