From Wikipedia, the free encyclopedia
Die Olimpiese Somerspele 1936 (Duits: Olympische Sommerspiele 1936), amptelik bekend as die Spele van die XIde Olimpiade, is tussen 1 en 16 Augustus 1936 in Berlyn, Nazi-Duitsland, aangebied. In 1931 is Berlyn deur die Internasionale Olimpiese Komitee (IOK) bo Barcelona as gasheer vir die Spele verkies. Berlyn het 43 teenoor Barcelona se 16 stemme gekry. In 1936 het die destydse Nazi-Duitsland ook die Olimpiese Winterspele aangebied, in Garmisch-Partenkirchen in die Alpe. Dit was die laaste Olimpiese Somerspele voor die uitbreek van die Tweede Wêreldoorlog drie jaar later, wat met die Duitse Inval van Pole begin het.
| Spele van die XIe Olimpiade | ||||||||||||||||||||||||
| ||||||||||||||||||||||||
Toe Adolf Hitler in Januarie 1933 aan bewind kom as kanselier, klink daar stemme op om die Spele na 'n ander land te verskuif. In die Verenigde State was daar selfs 'n veldtog om die Spele te boikot. Avery Brundage, die voorsitter van die Amerikaanse Olimpiese Komitee, spreek hom teen 'n verskuiwing van die Spele uit, en hy kry ook steun van De Coubertin. Net die Sowjetunie het hierdie spele geboikot.[7] Spanje bly weg omdat dit deur 'n burgeroorlog verskeur is.
Hoewel die Spele dus aan Berlyn toegeken is voordat die Nazi's in Duitsland aan bewind gekom het, sien die owerheid die Spele as 'n geleentheid om sy fascistiese ideologie uit te dra. Leni Riefenstahl was aangestel om 'n film oor die Spele te maak. Die film Olympia kan as propaganda bestempel word, maar gebruik 'n getal ongewone tegnieke wat destyds nog nie in sportfilms aangewend is nie. Dit was ook die eerste Olimpiese Spele wat op televisie gebeeldsend is en radio-uitsendings het 41 lande bereik.
Om soveel moontlik oorwinnings te verseker, stel die Duitse owerheid anaboliese steroïde en testosteroon aan hulle atlete beskikbaar. Duitsland oorheers die Spele en het heelwat meer medaljes as enige ander land ingepalm. In 'n weerlegging van die rassistiese Nazi-filosofie, verower die Afro-Amerikaner Jesse Owens egter vier goue medaljes. Owens was gewild onder die toeskouers en Duitse publiek en is meer entoesiasties as in sy tuisland ontvang.[8] Hitler besluit egter om geen medaljes persoonlik toe te ken nie, moontlik omdat die Afro-Amerikaner Cornelius Johnson op die eerste dag van die Spele 'n goue medalje verower het.[8]
Die superioriteit van die Reich kom ook tot uiting in die oorweldigende infrastruktuur wat vir die Spele opgerig is: 'n splinternuwe stadion is gebou ten weste van die Charlottenburg-kasteel met sitplek vir honderdduisend toeskouers. Langsaan is die swembad met sitplek vir twintigduisend toeskouers opgerig.
Hitler pas die Olimpiese handves tot die letter toe en beloof om nie 'n enkele toespraak tydens die Spele te hou nie. Verder pas hy ook geen rassediskriminasie tydens die Spele toe nie. Getuie hiervan was die opname van die Joodse skermster Helena Mayer in die Duitse span. Maar buite die stadion draai die Duitse propagandamasjien volspoed voort: die swastika was oral teenwoordig en daar het meer Nazi- as Olimpiese vlae gewapper. As deel van die Nazi-propaganda is tydens die Olimpiese Somerspele 1936 vir die eerste keer 'n fakkelloop vir die Olimpiese vlam tussen Olimpia in Griekeland en Berlyn aangebied.
Berlyn is deur die Internasionale Olimpiese Komitee gekies as die gasheer vir die Olimpiese Somerspele in 1936. Ander kandidate was: Barcelona, Alexandrië, Boedapest, Buenos Aires, Keulen, Dublin, Frankfurt am Main, Helsinki, Lausanne, Neurenberg, Rio de Janeiro en Rome.
Die stemming het as volg verloop:
| Stemming vir gasheer van die Olimpiese Somerspele 1936[9] | ||||||
|---|---|---|---|---|---|---|
| Stad | Land | Rondte 1 | ||||
| Berlyn |  Duitsland | 43 | ||||
| Barcelona |  Spanje | 16 | ||||
| Alexandrië | .svg){kind=small} Egipte | – | ||||
| Boedapest |  Hongarye | – | ||||
| Buenos Aires |  Argentinië | – | ||||
| Keulen | Duitsland | – | ||||
| Dublin |  Ierland | – | ||||
| Frankfurt am Main | Duitsland | – | ||||
| Helsinki |  Finland | – | ||||
| Lausanne |  Switserland | – | ||||
| Neurenberg | Duitsland | – | ||||
| Rio de Janeiro | .svg){kind=small} Brasilië | – | ||||
| Rome | .svg){kind=small} Italië | – | ||||
19 Olimpiese sportsoorte in 129 dissiplines is tydens die Spele beoefen. Tydens die Spele is 130 goue medaljes oorhandig. Daarbenewens is wedstryde in verskeie demonstrasiesporte beslis.
Atletiek (29)
Basketbal (1)
Boks (8)_pictogram.svg){kind=small}
Fietsry
Gewigoptel (5)_pictogram.svg){kind=small}
Gimnastiek (9)
Handbal (1)_pictogram.svg){kind=small}
Kanovaart (9).svg){kind=small}
Moderne vyfkamp (1)
Polo (1)
Roei (7)
Ruitersport
Seilvaart (4)
Skermsport (7)
Skyfskiet (3)
Sokker (1)
Stoei
Veldhokkie (1)
Bofbal en 
sweefvlug is as demonstrasiesporte aangebied.
22 sportplekke is tydens die Olimpiese Somerspele 1936 gebruik:
| Stadion | Sporte | Kapasiteit |
|---|---|---|
| Avus Motorpad | Atletiek (maraton, 50 km-loop), Fietsry (pad) | Nie gelys nie |
| BSV-veld | Fietsry (baan), Handbal | 1 000 |
| Dietrich Eckart Opelugteater | Gimnastiek | 20 000 |
| Döberitz | Ruitersport (dressuur), Moderne vyfkamp (perdry) | Nie gelys nie |
| Deutschlandhalle | Boks, Gewigoptel, Stoei | 8 630 |
| Berlin-Grünau Regattakursus | Kanovaart, Roei | 19 000 |
| Haus des Deutschen Sports | Skermsport, Moderne vyfkamp (skermsport) | 1 200 |
| Hertha-BSC-veld | Sokker | 35 239 |
| Hokkiestadion | Veldhokkie | 18 000 |
| Hokkiestadion #2 | Veldhokkie | 1 600 |
| Baai van Kiel | Seilvaart | Nie gelys nie |
| Meiveld | Ruitersport (dressuur), Polo | 75 000 |
| Mommsenstadion | Sokker | 15 005 |
| Olimpiese Stadion Berlyn | Atletiek, Ruitersport (spring), Sokker (eindstryd), Handbal (eindstryd) | 100 000 |
| Olimpiese Spemstadion | Sierduik, Moderne vyfkamp (swem), Swem, Waterpolo | 20 000 |
| Polisiestadion | Handbal | Nie gelys nie |
| Poststadion | Sokker | 45 000 |
| Ruhleben | Moderne vyfkamp (skietsport) | Nie gelys nie |
| Tennisbane | Basketbal, Skermsport (swaard) | 832 |
| Tennisstadion | Basketbal | Nie gelys nie |
| Wannsee Gholfbaan | Moderne vyfkamp | Nie gelys nie |
| Wannsee Skietbaan | Skyfskiet | Nie gelys nie |
Neem vir die eerste keer deel
Het reeds vantevore deelgeneem
Gasheerstad Berlyn_boycotting_countries_(red).png)
Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die aantal atlete per land in hakies aangedui:
.svg){kind=small}
Afghanistan (14) Argentinië (51)
Australië (32)
België (120).svg){kind=small}
Bermuda (5).svg){kind=small}
Bolivië (1) Brasilië (73)
Brits-Indië (27)
Bulgarye (24)
Chili (40)
Colombia (5).svg){kind=small}
Costa Rica (1)
Denemarke (116).svg){kind=small}
Duitsland (348) Egipte (54)
Estland (33).svg){kind=small}
Filippyne (28) Finland (107)
Frankryk (201).svg){kind=small}
Griekeland (40) Hongarye (209) Italië (182)
Japan (153).svg){kind=small}
Joego-Slawië (90)
Kanada (96)
Letland (24).svg){kind=small}
Liechtenstein (6)
Luxemburg (44).svg){kind=small}
Malta (11).svg){kind=small}
Meksiko (34)
Monaco (6)
Nederland (128)
Nieu-Seeland (7)
Noorweë (72)
Oostenryk (176).svg){kind=small}
Peru (40)
Pole (112)
Portugal (19)
Roemenië (53)
Republiek van China (54).svg){kind=small}
Suid-Afrika (25)
Swede (150) Switserland (174)
Tsjeggo-Slowakye (162)
Turkye (48)
Uruguay (37).svg){kind=small}
Verenigde Koninkryk (207)
Verenigde State (310).svg){kind=small}
Ysland (12)Charles Catterall wen die silwermedalje in boks in die veergewigafdeling.
Hier is die top tien lande wat medaljes by die Spele verower het: Hier is die top tien lande wat medaljes by die Spele verower het:
| Plek | Land | Deelnemers |  Goud |
 Silwer |
 Brons |
Totaal |
|---|---|---|---|---|---|---|
| 1 | Duitsland (GER) | 348 | 33 | 26 | 30 | 89 |
| 2 | Verenigde State (USA) | 310 | 24 | 20 | 12 | 56 |
| 3 | Hongarye (HUN) | 209 | 10 | 1 | 5 | 16 |
| 4 | Italië (ITA) | 182 | 8 | 9 | 5 | 22 |
| 5 | Finland (FIN) | 107 | 7 | 6 | 6 | 19 |
| Frankryk (FRA) | 201 | 7 | 6 | 6 | 19 | |
| 7 | Swede (SWE) | 150 | 6 | 5 | 9 | 20 |
| 8 | Japan (JPN) | 153 | 6 | 4 | 8 | 18 |
| 9 | Nederland (NED) | 128 | 6 | 4 | 7 | 17 |
| 10 | Verenigde Koninkryk (GBR) | 207 | 4 | 7 | 3 | 14 |
| 25 | Suid-Afrika (RSA) | 25 | 0 | 1 | 0 | 1 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
