Miss World 1973
From Wikipedia, the free encyclopedia
Ang Miss World 1973 ay ang ika-23 edisyon ng Miss World pageant, na ginanap sa Royal Albert Hall sa Londres, Reyno Unido noong 23 Nobyembre 1973.[1]
Pagkatapos ng kompetisyon, kinoronahan ni Belinda Green ng Australya si Marjorie Wallace ng Estados Unidos bilang Miss World 1973.[2][3] Ito ang kauna-unahang tagumpay ng Estados Unidos sa kasaysayan ng kompetisyon. Nagtapos bilang first runner-up si Evangeline Pascual ng Pilipinas, habang nagtapos bilang second runner-up si Patsy Yuen ng Hamayka.[4][5]
Mahigit tatlong buwan pagkatapos ng kompetisyon, binaba si Wallace sa titulo matapos lumabag sa mga pangangailangan ng titulo.[6][7][8] Hindi inalok ang titulo sa sinuman sa mga runner-up, at gumanap si Patsy Yuen sa ilan sa mga tungkulin at responsibilidad ng Miss World na hindi hinahawakan ang titulo.[9] Bagama't binaba si Wallace sa kanyang titulo, siya pa rin ang kinikilala bilang opisyal na Miss World 1973.
Limampu't-apat na kandidata mula sa limampu't-tatlong bansa at teritoryo ang lumahok sa kompetisyong ito. Pinangunahan nina Michael Aspel at David Vine ang kompetisyon.[10]