Pontevedra Club de Fútbol

O Pontevedra Club de Fútbol é un club de fútbol da cidade de Pontevedra. Foi fundado en 1941 e milita na Segunda División RFEF.

Pontevedra
Nome	Pontevedra Club de Fútbol, S.A.D.
Alcume(s)	Pontevedriña Ponte Granates
Fundación	16 de outubro de 1941 (83 anos)
Estadio	Pasarón, Pontevedra, Galicia
Inauguración	1965
Capacidade	12.000
Presidente	Lupe Murillo
Adestrador	Yago Iglesias
Liga	2ª RFEF – Grupo 1
2023/24	2º
Vestimenta	Joma
Patrocinador	Deputación de Pontevedra
Na rede
http://www.pontevedracf.com
Titular Alternativo

A etapa de maior éxito do club foron as 6 tempadas que o equipo xogou en Primeira División entre 1963 e 1970. Actualmente ocupa o 45º posto na clasificación histórica de Primeira. Durante estas tempadas acadou un 7º posto na tempada 1965/66 e chegou a xogar 5 tempadas consecutivas na categoría. Tamén xogou 9 tempadas en Segunda, 35 en Segunda B e 29 en Terceira.

Mantén historicamente unha gran rivalidade co Celta de Vigo, equipo da cidade veciña.

Historia

Orixes

En 1905 fundouse o Pontevedra Sporting Club. Inicialmente xogaba na Xunqueira e adestraba na praza de touros, e posteriormente trasladouse a Campolongo. Neste equipo comezou Luis Otero. Co tempo fundouse o Club Deportivo Pontevedra, no que xogou Pasarín. Os dous equipos, que compartían campo, uníronse en 1918 co nome de Pontevedra Athletic Club, mudándose ao campo de Pasarón. Catro anos despois trasladáronse a un novo campo a carón do Hospital Provincial. En 1922 fundouse o Eiriña CF, campión de Galicia de afeccionados en 1933 e 1934, e campión da Copa Galicia de 1936. O seu uniforme era camisola amarela e negra e e pantalón negro. Na década de 1920 fundouse tamén o Alfonso XIII FC.

Trala guerra civil retomáronse as actividades deportivas. O Pontevedra Club de Fútbol fundouse o 16 de outubro de 1941 trala unión dos dous clubs máis importantes daquela época da cidade, o Eiriña e o Alfonso CF^[1]. O seu primeiro presidente foi Fernando Ponte Conde. O primeiro partido foi un amigábel contra Celta de Vigo o 28 de decembro de 1941, no campo de Pasarón, que rematou con empate a tres goles. Polo Pontevedra xogaron Domínguez, Ruibal, Hermida, Calviño, Quico II, Ernesto, Pinocho, Foro, Corbacho, Besada (que marcou o primeiro gol) e Iglesias.

Competicións oficiais

O Pontevedra solicitou participar no Campionato Galego de Afeccionados. Debutou o 22 de febreiro de 1942 contra o Santiago de Compostela, perdendo por 1 a 0. O primeiro partido oficial en Pasarón tivo lugar o 1 de marzo contra o Celta B, con empate a 1. Logo de 6 partidos, o equipo granate proclámase campión do grupo sur, disputando a final contra o Galicia de Ferrol. Os pontevedreses gañaron o campionato tras vencer 3-0 en Pasarón e perder 2-1 no Inferniño. Esta vitoria deulle a posibilidade de disputar o Campionato de España de Afeccionados, perdendo en cuartos de final contra o Mediodía de Madrid.

Comezou a tempada 1942-43 na Serie A Rexional, e proclamouse de novo campión galego de afeccionados, doutra volta contra o Galicia de Ferrol. No campionato de España foi eliminado contra o Sama de Langreo.

En 1943 o equipo comezou en terceira división, e malia que quedou campión varios anos (1947 e 1948) e xogou a promoción de ascenso en varias ocasións, mantívose nesta categoría até 1957, cando descendeu á categoría rexional. Ao ano seguinte ascendeu tras quedar campión, e na tempada 1959-60, con Cuqui Bienzobas no banco, o equipo acadou o ascenso a Segunda División, tras unha promoción contra o Burgos CF e logo dun partido de desempate en León, con gol de Guillermo na prórroga.^[2]

En 1961 produciuse o debut na Copa do Xeneralísmo, perdendo na primeira eliminatoria contra o Castellón. En 1963 o equipo adestrado por Rafa Yunta resultou campión da segunda división, acadando o ascenso á máxima categoría.

O debut do equipo na Primeira división foi na tempada 1963-64. A época dourada na primeira división é coñecida como a do Hai Que Roelo, debido á dificultade que tiñan os equipos rivais para gañar ós granates no campo de Pasarón.

Equipo inicial no Trofeo Cidade de Pontevedra 2009.

Encontro de liga da segunda división B 2016/17 entre o Pontevedra CF e o Racing de Santander.

Despois do descenso da primeira división iníciase unha etapa irregular, na que chega a descender a terceira. Na tempada 1983-84 leva por primeira vez publicidade nas camisolas, estando patrocinado pola Caixa de Aforros Provincial de Pontevedra. Na tempada 1984-85 quedou subcampión da Copa da Liga de España de Segunda División B, perdendo na final contra o Sestao SC. O 5 de xuño de 1985 foi elixido presidente Luís Emilio Batallán.

Tras moitos anos en segunda B, acadou o ascenso a segunda na tempada 2003-04, adestrado por José Aurelio Gay, se ben non foi quen de manter a categoría.

O 23 de xaneiro de 2007 o club conseguiu culminar con éxito o proceso de transformación voluntaria en Sociedade Anónima Deportiva, en boa parte pola mediación do seu presidente, Nino Mirón, que se fixo co 52 % das accións do club no último momento. Nese mesmo ano gañou a Copa Federación tras impoñerse na final ao Mallorca B.

Na tempada 2010–11 sufriu unha fonda crise económica. Trala destitución a mediados de outubro de Ángel Viadero, Fernando Castro Santos ofreceuse para adestrar o equipo de balde. En decembro, os xogadores ameazaron á directiva con ir á folga logo de catro meses sen cobraren.^[3] O 5 de xaneiro de 2011 mudou a xunta directiva, quedando como presidente do club o empresario Mauricio Rodríguez Boullosa.^[4] O 5 de maio materializou o descenso matemático a Terceira División tras unha tempada moi irregular, a falta dun partido.

Na tempada 2011–12 de Terceira División acabou no cuarto posto, clasificándose para xogar a fase de ascenso a Segunda División B. Con todo, foi eliminado polo Espanyol B na primeira rolda e non conseguiu subir de categoría. Na tempada seguinte non conseguiu clasificarse para a fase de ascenso, ao rematar na 5ª posición. O 26 de xuño de 2013 Mauricio Rodríguez deixou a presidencia, ocupándoa José Manuel Fernández en funcións. O 7 de xullo de 2014 pasou a ser presidenta do equipo a empresaria Lupe Murillo^[5].

Partido disputado entre o Deportivo da Coruña e o Pontevedra.

En abril de 2018 gañaron a súa segunda Copa Federación tras vencer na final ao Ontinyent Club de Futbol^[6]

Seareiros do Pontevedra.

Trofeos de verán

Desde 1959 o equipo organiza o Trofeo Luis Otero, lembrando ao futbolista pontevedrés Luis Otero Sánchez, que chegou a ser olímpico en Anveres en 1920, e disputa dende 1967 o Trofeo Cidade de Pontevedra, organizado polo concello.

En 1984 instaurouse o Trofeo Deputación, que non tivo continuidade e entre 1993 e 2004 xogou o Trofeo Memorial Héctor Rial, en homenaxe ao histórico adestrador do club, Héctor Rial.

Escudo

O escudo oficial do club consiste nunha fusión do escudo da cidade, unha ponte ameada, e un balón. Entre estes dous elementos atópase unha banda coa palabra "Pontevedra" inscrita nela, mentres que no interior do balón pódense ler as letras C e F.

Uniforme

O uniforme histórico do Pontevedra CF é camiseta granate, pantalón azul e medias granates. Inicialmente o pantalón era branco, mudándose polo azul en 1956 por problemas de lavandería. Tamén houbo outras variacións ao longo da historia, como o uso de medias azuis ou ata dunha camiseta a raias azuis e granates.

Os uniformes para a tempada 2010/11 son:

• Uniforme titular: Camiseta granate con detalles dourados, pantalón azul e medias granates.
• Uniforme alternativo: Camiseta gris con detalles dourados, pantalón gris e medias azuis.

Actualmente, a súa marca é Bemiser e o seu patrocinador é Deputación de Pontevedra.

Himno

O himno do Pontevedra CF está na súa maior parte en lingua castelá, se ben inclúe como retrouso unha cantiga popular galega^[7]:

Pontevedra boa vila,

dá de beber a quen pasa

a fonte na Ferrería

San Bartolomé na praza.

Mascota

A mascota actual é Roelio, unha especie de óso andante vestido co uniforme titular do equipo. Esta mascota é unha homenaxe ó alcume do equipo na época en que estaba en primeira división, o Hai que Roelo.

Estadio

Estadio Municipal de Pasarón de Pontevedra.

Artigo principal: Estadio Municipal de Pasarón.

O Pontevedra xoga os seus partidos no Estadio Municipal de Pasarón, que foi inaugurado en 1965. As súas medidas son 105 x 66 metros. Albergaba a 16.500 persoas, e logo dun proceso de reformas que acabaron en maio de 2010, caben 12.000. O estadio xa fóra reformado en 1982 co gallo da Copa do Mundo.

Furgoneta propiedade do club.

Datos do club

• Tempadas en 1ª: 6
• Tempadas en 2ª: 9
• Tempadas en 2ªB: 37
• Tempadas en 3ª: 26
• Mellor posto na liga: 7º (1ª división tempada 1965-66)
• Clasificación histórica de Primeira (segundo a LFP): 45º

Datos do club en Primeira división

• Debut en liga: 1963-64
  • Primeiro partido en liga: Pontevedra 1-1 Zaragoza (15 de setembro de 1963)
  • Primeira vitoria en liga: Pontevedra 4-1 Oviedo (13 de outubro de 1963)
• Partidos xogados: 180
  • Gañados: 53
  • Empatados: 44
  • Perdidos: 83
  • Goles a favor: 165
  • Goles en contra: 221
  • Puntos: 150
• Mellor posto: 7º (tempada 1965-66)
• Peor posto: 16º (tempada 1969-70)

Historial

Tempada Categoría Posto Copa do Rei 1941/42 1942/43 Serie A    3º 1943/44 3ª 4º 2ª elim. previa 1944/45 3ª 6º 1945/46 3ª 3º 1946/47 3ª 1º 1947/48 3ª 1º 4ª rolda 1948/49 3ª 8º 3ª rolda 1949/50 3ª 9º 1950/51 3ª 9º 1951/52 3ª 5º 1952/53 3ª 12º 1953/54 3ª 12º 1954/55 3ª 2º 1955/56 3ª 6º 1956/57 3ª    15º 1957/58 Serie A    1º / 2º 1958/59 3ª 9º 1959/60 3ª    1º 1960/61 2ª 5º 1ª rolda 1961/62 2ª 9º 1/16 de final 1962/63 2ª    1º 1ª rolda 1963/64 1ª    15º 1/8 de final 1964/65 2ª    1º 1/4 de final 1965/66 1ª 7º 1/16 de final 1966/67 1ª 10º 1/4 de final 1967/68 1ª 8º 1/8 de final 1968/69 1ª 12º 1/8 de final

Tempada Categoría Posto Copa do Rei 1969/70 1ª    16º 1/8 de final 1970/71 2ª 10º 1/16 de final 1971/72 2ª 11º 1/8 de final 1972/73 2ª    18º 4ª rolda 1973/74 3ª 3º 2ª rolda 1974/75 3ª 7º 2ª rolda 1975/76 3ª    1º 2ª rolda 1976/77 2ª    17º 3ª rolda 1977/78 2ªB 7º 1ª rolda 1978/79 2ªB 16º 1ª rolda 1979/80 2ªB 13º 3ª rolda 1980/81 2ªB    18º 1981/82 3ª 1º 1982/83 3ª 1º 2ª rolda 1983/84 3ª    1º 1ª rolda 1984/85 2ªB 7º 2ª rolda 1985/86 2ªB 9º 1ª rolda 1986/87 2ªB 6º 1987/88 2ªB 5º 2ª rolda 1988/89 2ªB 6º 1ª rolda 1989/90 2ªB 10º 1990/91 2ªB 14º 3ª rolda 1991/92 2ªB 9º 2ª rolda 1992/93 2ªB 13º 2ª rolda 1993/94 2ªB 5º 2ª rolda 1994/95 2ªB 4º 1995/96 2ªB 12º 1ª rolda 1996/97 2ªB 9º

Tempada Categoría Posto Copa do Rei 1997/98 2ªB 10º 1998/99 2ªB 12º 1999/00 2ªB 7º 2000/01 2ªB 14º 2001/02 2ªB 4º 2002/03 2ªB 4º Rolda previa 2003/04 2ªB    1º 1/32 de final 2004/05 2ª    22º 1/16 de final 2005/06 2ªB 2º 2ª rolda 2006/07 2ªB 1º 1ª rolda 2007/08 2ªB 2º 1/16 de final 2008/09 2ªB 12º 1ª rolda 2009/10 2ªB 4º 2010/11 2ªB    18º 1ª rolda 2011/12 3ª 4º 2012/13 3ª 5º 2013/14 3ª 4º 2014/15 3ª    1º 2015/16 2ªB 9º 1ª rolda 2016/17 2ªB 4º 2017/18 2ªB 14º 1ª rolda 2018/19 2ªB 6º 2019/20 2ªB 9º 1ª rolda 2020/21 2ªB 7º 1/32 de final 2021/22 2ª RFEF 1º 2022/23 1ª RFEF    19º 1/16 2023/24 2ª RFEF 2º 2024/25 2ª RFEF

Xogadores históricos

Manuel Canabal Fran Rico Changui Ignacio Martín-Esperanza David Bermudo David Casablanca Pablo Pinillos Óscar Téllez Ariel Montenegro Charles Alexandre Alves

Renan de Mattos Yuri Néné Sergio Barila Stéphane Pignol Paco Bazán Sérgio Organista Edgardo Adinolfi Jonay Hernández José Manuel Rey Cortegoso

Máximos goleadores por tempada
Tempada	Xogador	P.Xogados	P.Titular	Minutos	Goles	Cos mesmos goles
1945–46	Español	23	23	2.070	23
1946–47	Español	29	29	2.610	20
1947–48	Español	23	23	2.070	22
1948–49	Larrosa	16	16	1.440	12
1949–50	Del Castillo	23	23	2.070	23
1950–51	Del Castillo	26	26	2.340	21
1951–52	Del Castillo	26	26	2.340	16
1952–53	Foro	20	20	1.800	10
1953–54	Balea I	29	29	2.610	13
1954–55	Foro	26	26	2.340	18
1955–56	Tilve	36	36	3.240	19
1956–57	Fidel	29	29	2.610	15
1957–58	Tis	8	8	720	6
1958–59	Carballinés	26	26	2.340	17
1959–60	Fidel	29	29	2.610	22
1960–61	Ribada	26	26	2.340	9
1961–62	Vallejo	34	34	3.060	18
1962–63	Ceresuela	32	32	2.880	13
1963–64	José Jorge	32	32	2.880	9
1964–65	Neme	35	35	3.150	20
1965–66	Neme	29	29	2.610	14
1966–67	José Jorge	24	24	2.160	9
1967–68	Julián Roldán	25	25	2.250	15
1968–69	Julián Roldán	25	25	2.250	5
1969–70	Julián Roldán	27	27	2.358	9
1970–71	José Carballeda	37	37	3.150	8
1971–72	Pataco	35	35	3.077	13
1972–73	Vavá	35	32	2.898	12
1973–74	Vavá	42	42	3.690	21
1974–75	Vavá	42	40	3.621	16
1975–76	Vavá	37	37	3.305	18
1976–77	José Domínguez	28	17	1.526	8	Francisco Plaza
1977–78	Rivas	27	16	1.796	8	Francisco Plaza José Emilio
1978–79	Francisco Plaza	35	33	2.887	12
1979–80	José Emilio	39	38	3.372	10	Sasiain
1980–81	Juan	33	33	2.896	3	Cabello Salvador Pedro Iglesias Bea Sasiain
1981–82
1982–83
1983–84
1984–85	Rivas	35	37	2.659	11
1985–86	Miguel Soro	33	30	2.705	13
1986–87	Fernando Núñez	39	39	3.510	8
1987–88	Miguel Soro	26	16	1.659	10	Julio Pejenaute
1988–89	Julio Pejenaute	28	22	1.949	11
1989–90	Miguel Villaverde	35	35	3.150	7	Carlos Santiago
1990–91	Herrera	38	29	2.600	7
1991–92	Miguel Soro	36	33	2.945	13
1992–93	Pablo Couto	36	33	2.875	10
1993–94	Pablo Couto	37	35	3.084	14
1994–95	Pablo Couto	22	16	1.421	9
1995–96	Carlos Padín	34	27	2.337	8
1996–97	Pazolo	29	28	2.184	12
1997–98	Pablo Couto	33	24	2.190	14
1998–99	Changui	28	24	2.194	21
1999–00	Pablo Couto	35	28	2.619	11
2000–01	Cabarcos	20	17	1.493	8
2001–02	Andrés Curiel	37	24	2.411	10
2002–03	Javier Rodríguez	46	42	3.522	24
2003–04	Javier Rodríguez	44	39	3.436	23
2004–05	Javier Rodríguez	44	42	3.777	17
2005–06	Yuri	40	39	3.446	23
2006–07	Yuri	40	39	3.453	24
2007–08	Igor de Souza	38	35	2.970	19
2008–09	Charles	26	21	1.887	9	Yuri
2009–10	Charles	38	37	3.277	15
2010–11	Daniel Pendín	30	28	2.429	8
2011–12	Manu Barreiro	35	34	3.030	13
2012–13	Santi Domínguez	33	28	2.375	14
2013–14	Pablo Carnero	37	36	3.250	18
2014–15	Pablo Carnero	37	33	2947	20
2015–16	Borjas Martín	36	36	3.151	12
2016–17	Mario Barco	25	21	1.876	12
2017–18	David Añón	34	27	2.450	12
2018–19	Javi Pazos	35	8	1.891	8	Mikel Arruabarrena
2019–20	Rufo	7	6	570	6	Álvaro Bustos
2020–21	Rufo	27	26	2.359	9
2021–22	Charles	31	26	2.375	19
2022–23	Brais Abelenda	32	30	2.488	10
2023–24	Rufo	37	22	2.122	17

Corpo técnico

Actual

• Adestrador: Yago Iglesias
• Delegado: Julio Doval

Adestradores

Categoría principal: Adestradores do Pontevedra CF.

Bienzobas Rafael Yunta Marcel Domingo Otxoa Molinuevo Héctor Rial Belló Francisco Campos Carolo Louis Hon Otxoa Biosca Juncosa Herrería Caeiro Ignacio Martín-Esperanza

Lalo Viñas Neme Fernando Castro Santos Crispi Héctor Rial Tomé Milucho Antonio Gómez Julio Díaz Baleato Milo Abelleira Roberto Robles Rafa Sáez Muñiz Ignacio Martín-Esperanza

Rafa Sáez Delfín Álvarez Rafa Sáez Delfín Álvarez Milucho Raúl González Milucho José Aurelio Gay Milucho José Aurelio Gay Alberto Argibay Javi Gracia Rafa Sáez José Aurelio Gay Roberto Aguirre Pablo Alfaro

Viadero Fernando Castro Santos Tomé Luisito Luismi Jesús Ramos Carlos Pouso Jesús Ramos Luisito Ángel Rodríguez Antonio Toni Otero Señor Yago Iglesias

Directiva

• Presidenta: Lupe Murillo
• Secretario do consello: José Pablo Galván

Presidentes ao longo da historia

1. Fernando Ponte Conde (1941–1942) 2. Manuel Fernández (1942–1943) 3. Manuel García Lastra (1943–1949) 4. Fernando Ponte Conde (1949–1951) 5. Antonio Puig Gaite (1951–1956) 6. Clemente Carrascal (1956–1957) 7. Ángel Agrasar Vidal (1957–1960) 8. Miguel Domínguez (1961–1963)

9. Miguel Otero Rodríguez (1963–1969) 10. Celso Mariño (1969–1971) 11. Ángel Agrasar Vidal (1971–1974) 12. Eulogio Vázquez (1974–1981) 13. Miguel Domínguez Vaz (1981–1985) 14. Luís Emilio Batallán (1985–1989) 15. Jesús Pérez Yáñez (1989–1990) 16. Javier Redondo Seijo (1990–1991)

17. Enrique Vidal Senra (1991–1992) 18. Eduardo Magdaleno (1992–1994) 19. Pedro Rivas Fontenla (1993–1994) 20. Ramón Crespo (1994–1997) 21. Gerardo Lorenzo Torres (1997–2001) 22. Nino Mirón (2001–2011) 23. Mauricio Rodríguez Boullosa (2011–2013) 24. José Manuel Fernández (2013–2014) 25. Lupe Murillo (2014-)

Palmarés

Torneos nacionais

• Copa Galicia (1): 1964/65.
• Campionato Galego de Afeccionados (2): 1941/42, 1942/43.
• Fase Autonómica Galega da Copa RFEF (1): 2000/01.

Torneos estatais

• Segunda División (2): 1962–63, 1964–65.
• Segunda División B / Segunda RFEF (3): 2003–04, 2006–07, 2021–22.
• Terceira División (8): 1946–47, 1947–48, 1959–60, 1975–76, 1981–82, 1982–83, 1983–84, 2014–15.
• Copa RFEF (2): 2007, 2018.
• Subcampión da Segunda División B (2): 2005–06, 2007–08.
• Subcampión da Terceira División (1): 1954–55.
• Subcampión da Copa da Liga de Segunda B (1): 1984-85.

Outros premios

• Trofeo Luis Otero (23): 1966, 1968, 1972, 1974, 1975, 1977, 1979, 1980, 1981, 1984, 1989, 1991, 1992, 1994, 1997, 1998, 1999, 2000, 2001, 2006, 2015, 2018, 2019.
• Trofeo Memorial Héctor Rial (4): 1995, 1996, 2001, 2002
• Trofeo Amberes (1): 1966.
• Trofeo Emma Cuervo (1): 1970.

Filial

Artigo principal: Pontevedra B.

O Pontevedra Club de Fútbol B é o equipo filial do Pontevedra. Fundouse en 1965 e actualmente xoga na Terceira División RFEF.

Notas

1. "Tal día como hoxe, hai 71 anos, nacía o Pontevedra C.F., en [[Pontevedra Viva]]". Arquivado dende o orixinal o 13 de setembro de 2019. Consultado o 16 de outubro de 2012.
2. López Torre, Rafael (2015): Filgueira Valverde. Crónica de una alcaldía (1959-1968), Concello de Pontevedra e Faro de Vigo, D.L.: PO 314-2015 (en castelán).
3. "Crujeiras non cumpre e os xogadores do Pontevedra C.F. irán á folga", Diario de Pontevedra, 15 de decembro de 2010.
4. "O Pontevedra C.F. alcanza un acordo histórico", artigo de Xaime Nogueira no Diario de Pontevedra, 5 de xaneiro de 2011.
5. "Lupe Murillo releva a José Manuel Fernández no Consello e a Presidencia do Pontevedra" Arquivado 14 de xullo de 2014 en Wayback Machine., artigo en Pontevedra Viva, 8 de xullo de 2014.
6. "Campións! O Pontevedra fai valer a renda e conquista a súa segunda Copa Federación ante Ontinyent (0-0)", Pontevedra Viva, 12 de abril de 2018.
7. Himno do Pontevedra en YouTube.

Véxase tamén

Commons ten máis contidos multimedia sobre:  Pontevedra Club de Fútbol

Bibliografía

• Domínguez Vaz, M. (1995). Pontevedra Club de Fútbol. Cincuenta años de historia. Deputación de Pontevedra. ISBN 84-88363-50-8.

Ligazóns externas

• Páxina oficial do club
• Foro Pontevedra C.F. (non-oficial)
• Páxina non oficial