Joma

Joma é unha empresa española de roupa deportiva e material deportivo situada en Portillo de Toledo, na provincia de Toledo.

Joma
Respeto por el deporte Alta tecnología deportiva (anterior)
Tipo	Sociedade Anónima
Fundación	1964
Matriz	Joma Sport SA
Localización	Portillo de Toledo, Castela-A Mancha, España
Fundador	Fructuoso López
Industria	Material deportivo
Beneficio	133 millóns de euros (en 2016)[1]
Número de empregados	161 (en 2016)
Na rede
joma-sport.com
[ editar datos en Wikidata ]

Joma fundouse en 1965 e comezou fabricando e distribuíndo calzado en xeral. Non foi ata 1968 cando a marca decidiu enmarcarse dentro do sector do calzado deportivo e de tempo libre. Tras uns anos de éxito relativo, Joma lanzouse ao fútbol, e nos anos 1992, 1994 e 1998 foi a líder en vendas de fútbol do mercado español. En 1999 foi considerada a terceira marca en España logo de Nike e Adidas do sector deportes e a primeira en fútbol. Nos anos 1990 entrou no mercado do calzado para baloncesto competindo cas marcas internacionais do sector. Entón a empresa só fabricaba en España, na súa publicidade mencionaba este feito e que non empregaba man de obra barata. Parte da súa produción faise agora na China.^{[Cómpre referencia]}

Actualmente, a súa actividade principal é a fabricación e comercialización de calzado e téxtil deportivo, especializada en produtos técnicos para o fútbol, atletismo, fútbol sala e tenis. En Portillo de Toledo conta cuns 15.000 m² de nave e outros 70.000 m² anexos.

Joma é a primeira española na clasificación mundial de marcas deportivas. En España está á cabeza en vendas e valoración no mercado do fútbol sala e dentro das cinco mellores marcas de deporte.^{[Cómpre referencia]}

Posúe filiais propias nos Estados Unidos de América, México, Panamá, Hong Kong, Italia, Alemaña e o Reino Unido, e unha rede de distribución que a fai estar presente en máis de 70 países dos cinco continentes.