Maruchi Fresno

María de Lourdes Gómez-Pamo López del Fresno, coñecida artisticamente como Maruchi Fresno, nada en Madrid o 14 de febreiro de 1916 e finada no Escorial o 19 de xullo de 2003^{[1] [2]}, foi unha actriz española.

Maruchi Fresno

Biografía
Nacemento	14 de febreiro de 1916 Madrid, España
Morte	19 de xullo de 2003 (87 anos) O Escorial, España
Causa da morte	infarto agudo de miocardio
Lugar de sepultura	cemiterio de San Justo de Madrid
Actividade
Ocupación	actriz, actriz de cinema, actriz de teatro
Período de actividade	1934 -
Familia
Pai	Fernando Gómez-Pamo del Fresno

Traxectoria

Filla do actor e caricaturista Fernando Fresno, os seus primeiros contactos co mundo da escena producíronse cando aínda non finalizara os seus estudos elementais, debutando no cine á idade de 18 anos coa película El agua en el suelo, de Eusebio Fernández Ardavín.

Licenciouse en Ciencias químicas, e ao comezo da Guerra Civil emigrou á Arxentina, onde continuou a súa carreira teatral.

Unha vez finalizada a contenda regresou a España e converteuse nunha das figuras máis sólidas do panorama artístico do momento, tanto en cine como en teatro. Na pantalla grande participou en películas como Nostalgia, (1942), de Juan de Orduña, Altar mayor (1943), de Gonzalo Delgrás, Reina santa (1946), de Rafael Gil, Serenata española (1947), de Juan de Orduña, Brigada criminal (1950), de Ignacio Iquino, Balarrasa (1950) ou Catalina de Inglaterra (1951), estas dúas últimas de José Antonio Nieves Conde. En teatro cultivou numerosos éxitos, por exemplo con María Estuardo e O soño dunha noite de verán (1950).

En 1953 contraeu matrimonio co director de teatro e escritor Juan Guerrero Zamora, co que tivo un fillo. Separouse de Guerrero Zamora anos máis tarde.

A partir dos anos 60, a súa presenza cinematográfica foise reducindo progresivamente. Interveu en Algo amargo en la boca (Eloy de la Iglesia, 1969) ou La regenta (Gonzalo Suárez, 1974), pero seguiu mantendo a súa actividade tanto a nivel teatral como televisivo.

Durante anos, interpretou sobre as táboas El milagro de Anna Sullivan (1961), no papel de "Kate Keller", El zapato de raso (1965), de Paul Claudel, Águila de blasón, de Valle-Inclán (1966), Fedra (1973), de Miguel de Unamuno, Tauromaquia (1975), de Juan Antonio Castro, Medea (1979), de Eurípides, Mariana Pineda (1982), de Federico García Lorca, Perico Andrónico (1983), de William Shakespeare, ¡Oh Penélope! (1986), de Gonzalo Torrente Ballester e La importancia de llamarse Wilde (1992). Tamén interveu asiduamente nos espazos dramáticos de Televisión Española: Estudio 1 e Novela, así como na serie Clase media, protagonizada por Antonio Ferrandis.

Filmografía

Cine

Ano	Título	Papel	Comentario
1934	El agua en el suelo	Marucha Vilaredo
1935	Vidas rotas	Irene
1940	Leyenda rota	Mari-Luz
1940	La última falla	Enriqueta
1940	El famoso Carballeira
1941	Tierra y cielo	Clara
1941	Una conquista difícil
1942	Nostalgia		Curtametraxe
1943	Mi adorable secretaria	Marta
1943	Dora la espía
1944	Altar mayor	Teresa
1946	La pródiga	María
1946	Mar abierto	Carmiña
1947	Reina santa	Sabela de Aragón
1947	Serenata española	Laura Salcedo
1947	Noche sin cielo	Rosa
1949	El capitán de Loyola	Reina Juana
1950	La familia Vila	Carmen
1950	Historia de una escalera	Trini
1950	Brigada criminal	Isabel
1950	Verónica
1951	Balarrasa	Elena
1951	Catalina de Inglaterra	Catarina de Aragón
1952	La laguna negra	Candela
1953	Vuelo 971	Carmen Valverde de Galván
1954	Pasaporte para un ángel (Órdenes secretas)
1955	La lupa	María
1958	Los joyeros del claro de luna	Conchita
1959	Un hombre tiene que morir	Virxe María
1959	Solomon and Sheba	Batxeba
1963	El camino	La Guindilla menor
1965	Diálogos de la paz	Muller histérica
1965	I grandi condottieri	Muller de Xedeón
1965	The Desperate Ones
1969	Hora cero: Operación Rommel	Señora Rommel
1969	Algo amargo en la boca	Aurelia
1969	Casi jugando
1971	La novicia rebelde
1975	La trastienda	Sagrario
1975	La regenta	Marquesa
1987	Laura, del cielo llega la noche
1994	Continuum	Voz
1998	Pecata minuta	Sor Aurora

Televisión

• ¡Ay, Señor, Señor!
  • Vejez, divino tesoro! (1 de xaneiro de 1995)
• Clase media (1987)
• Teatro Estudio
  • La marquesa Rosalinda (26 de marzo de 1981)
• Noche de teatro
  • Águila de blasón (17 de maio de 1974)
• Las Tentaciones
  • El inverno que viene (2 de novembro de 1970)
• Hora once
  • La bella del bosque (13 de abril de 1969)
  • Horatio Sparkins (8 de xullo de 1972)
• El Premio
  • Palabras en el aire (25 de novembro de 1968)
• Teatro de siempre
  • El placer de la honradez (28 de febreiro de 1968)
• Estudo 1
  • Don Juan Tenorio (2 de novembro de 1966)
  • El teatrito de Don Ramón (1 de xullo de 1969)
  • Ocho mujeres (29 de xuño de 1973)
  • Una mujer sin importancia (6 de xullo de 1980)
  • En Flandes se ha puesto el sol (10 de abril de 1981)
  • Mariana Pineda (22 de agosto de 1983)
• Novela
  • El hombre herido (8 de agosto de 1965)
  • El fin de un largo viaje (4 de abril de 1966)
  • Felipe Derblay (27 de novembro de 1967)
  • Raffles (11 de marzo de 1968)
  • El invernadero (5 de xaneiro de 1976)
  • Pequeñeces (8 de marzo de 1976)
  • El hombre de los aplausos (10 de xaneiro de 1977)
  • Las cerezas del cementerio (11 de abril de 1977)
• Primera fila
  • Un marido de ida y vuelta (15 de xaneiro de 1964)
• Gran teatro
  • Don Juan Tenorio (27 de outubro de 1963)
• Teatro de familia
  • La gran mentira (3 de xullo de 1963)
  • Café para dos (14 de xaneiro de 1965)
  • La profesora de declamación (25 de febreiro de 1965)

Premios

• Medalla do Círculo de Escritores Cinematográficos á mellor actriz principal (1951), por Catalina de Inglaterra.^[3]
• Fotogramas de Prata: Mellor intérprete de cine español (1952), por Catalina de Inglaterra.
• Premio da Unión de Actores (1994) a Toda unha vida.
• Medalla ao Mérito Artístico do Concello de Madrid