A Casa da Moeda de Singapur (en inglés: The Singapore Mint; en chinés simplificado: 新加坡造币厂) é unha sociedade anónima de capital público de Singapur fundada en 1968, á que a Autoridade Monetaria de Singapur lle ten encomendada a produción da moeda circulante e conmemorativa do país.[1]
| Casa da Moeda de Singapur –The Singapore Mint– –新加坡造币厂– | |
|---|---|
 Morea de moedas cuñadas na Casa da Moeda de Singapur | |
| Tipo | Sociedade anónima de capital público. |
| Fundación | 1968 |
| Matriz | Sembcorp Industries. |
| Localización |  Singapur Singapur. |
| Industria | Cuñaxe. |
| Produtos | Moedas e medallas. |
| Na rede | |
| http://www.singaporemint.com | |
  | |
| [ editar datos en Wikidata ] | |
Ademais, a Casa da Moeda de Singapur encárgase da cuñaxe de moedas conmemorativas e de investimento para outros países, así como da produción de medallas, condecoracións, agasallos e outros obxectos.[2]
A Casa de Moeda de Singapur é unha filial da compañía pública Sembcorp Industries.[3]
Historia
Logo da declaración de independencia de Singapur o 9 de agosto de 1965, a nova república precisaba un novo sistema monetario e un novo circulante, xa que ata ese momento utilizaba o dólar de Malaia e Borneo, unha moeda común emitida desde 1953 para a Federación Malaia e o Borneo británico.[4] Neste contexto, en 1967 aprobouse a Lei da moeda, que creou un organismo (Board of Commissioners of Currency) encargado da emisión das novas moedas e dos novos billetes de Singapur.[5]
Para tal efecto, en 1968 o ministro de Finanzas, Goh Keng Swe, creou a Casa da Moeda de Singapur, como un departamento da compañía Chartered Industries of Singapore, que se encargou da cuñaxe do novo circulante. En 1969, con motivo do 150 aniversario da fundación de Singapur, a nova ceca realizou a cuñaxe da súa primeira moeda conmemorativa.[5]
Na década de 1970, a Casa da Moeda de Singapur constituíuse como unha sociedade anónima propiedade doutras compañías vinculadas ao Goberno. Neses anos comezou a compaxinar a produción do seu propio circulante coas cuñaxes para outros países, logo da primeira contratación, en 1972, para a fabricación de moedas de 50 centavos para Filipinas. Cara ao final da década, a ceca recibiu tamén encargas doutros países, como Samoa ou Nepal.[5]
Nas décadas seguintes, a Casa da Moeda de Singapur converteuse nunha das cecas asiáticas máis avanzadas e acadou recoñecemento internacional non só na cuñaxe de moeda circulante senón na de moedas conmemorativas e de investimento en metais preciosos para diversos países, ademais de medallas, condecoracións militares, agasallos de prestixio e outros produtos. Neste período produciuse un gran pulo na internacionalización, con contratos para cuñaxe de Andorra, Bermudas, Brunei, as illas Cook, os EEUU, Fidxi, Israel, Macau, Malaisia, as illas Salomón, Suíza, Tokelau, Tonga e Uganda.[5]
Premios acadados
Estes son algúns dos premios máis significativos dos acadados por moedas cuñadas pola Casa da Moeda de Singapur:[6]
- 2000: Mellor moeda de ouro. 250 dólares (AU) de 1998. Singapur. Ano do tigre.[7]
- 2000: Moeda máis anovadora. 2 dólares / 2 dólares / 2 tala (AG) de 1998. Illas Cook, Fidxi e Samoa. Convención Tripartita de 1899.[7]
- 1988: Moeda máis artística. 25 tala (AG) de 1986. Samoa. Viaxe do Kon-Tiki.[7]
- 2001: Premio honorífico especial ás técnicas numismáticas anovadoras.
Premio da Conferencia de Directores de Ceca
- 2016: Moeda conmemorativa de ouro máis fermosa. 250 patacas (AU) de 2016. Macau. Ano do tigre.
- 2012: Moeda circulante máis avanzada tecnoloxicamente. 5 dólares (CuNi-Ae) de 2012. Singapur.
- 2002: Moeda circulante máis avanzada tecnoloxicamente. 10.000 rieis (Ag-Au) de 2002. Camboxa. Marabillas do mundo: Angkor Wat.
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
