![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/te/thumb/3/3e/Cricket_World_Cup_Logo_2003.svg/langte-640px-Cricket_World_Cup_Logo_2003.svg.png&w=640&q=50)
2003 క్రికెట్ ప్రపంచ కప్
From Wikipedia, the free encyclopedia
2003 ICC క్రికెట్ ప్రపంచ కప్ ఎనిమిదవ క్రికెట్ ప్రపంచ కప్, దీనిని అంతర్జాతీయ క్రికెట్ కౌన్సిల్ (ICC) నిర్వహించింది. దీనికి దక్షిణాఫ్రికా, జింబాబ్వేమ్ కెన్యాలు 2003 ఫిబ్రవరి 9 నుండి మార్చి 23 వరకు ఉమ్మడిగా నిర్వహించాయి. ప్రపంచకప్ తొలిసారిగా ఆఫ్రికాలో జరిగింది.
2003 క్రికెట్ ప్రపంచ కప్ | |
---|---|
![]() Official logo | |
తేదీలు | 2003 ఫిబ్రవరి 9 – 2003 మార్చి 23 |
నిర్వాహకులు | అంతర్జాతీయ క్రికెట్ కౌన్సిల్ |
క్రికెట్ రకం | వన్ డే ఇంటర్నేషనల్ |
టోర్నమెంటు ఫార్మాట్లు | రౌండ్ రాబిన్, నాకౌట్ |
ఆతిథ్యం ఇచ్చేవారు |
|
ఛాంపియన్లు | ![]() |
పాల్గొన్నవారు | 14 |
ఆడిన మ్యాచ్లు | 54 |
ప్రేక్షకుల సంఖ్య | 6,26,845 (11,608 ఒక్కో మ్యాచ్కు) |
మ్యాన్ ఆఫ్ ది సీరీస్ | ![]() |
అత్యధిక పరుగులు | ![]() |
అత్యధిక వికెట్లు | ![]() |
← 1999 2007 → |
ఈ టోర్నమెంట్లో 14 జట్లు పాల్గొన్నాయి. అప్పటికి ప్రపంచ కప్ చరిత్రలో అది అతిపెద్ద సంఖ్య. మొత్తం 54 మ్యాచ్లు జరిగాయి. 1999 క్రికెట్ ప్రపంచ కప్లో ప్రవేశపెట్టిన ఫార్మాట్ను అనుసరించింది, జట్లను రెండు గ్రూపులుగా విభజించారు. ప్రతి గ్రూప్లోని మొదటి మూడు సూపర్ సిక్స్ల దశకు అర్హత సాధించాయి.
టోర్నమెంట్లో దక్షిణాఫ్రికా, పాకిస్థాన్, వెస్టిండీస్, ఇంగ్లండ్లు అనేక పరాజయాలతో, గ్రూప్ దశలోనే నిష్క్రమించాయి. శ్రీలంకతో జరిగిన మ్యాచ్లో దక్షిణాఫ్రికా, డక్వర్త్-లూయిస్ పద్ధతిలో సవరించిన లక్ష్యాన్ని తప్పుగా అర్థం చేసుకోవడం వల్ల గెలవాల్సిన మ్యాచ్ని టై చేసుకుంది.[1] జింబాబ్వేలో నెలకొన్న రాజకీయ అశాంతి కారణంగా ఆ జట్టుతో జరగాల్సిన మ్యాచ్ను ఇంగ్లాండ్ ఆడకుండా వదిలేసింది. దాంతో జింబాబ్వే సూపర్ సిక్స్కు చేరుకుంది. అదే విధంగా, కెన్యాలో భద్రతా కారణాల వల్ల న్యూజిలాండ్ కెన్యాతో మ్యాచ్ను ఆడకుండా వదిలేసింది. దాంతో కెన్యా సెమీ-ఫైనల్కు చేరుకోగలిగింది. టెస్టులు ఆడని దేశం ఈ స్థాయికి చేరడం ఇదే మొదటిసారి. టోర్నమెంట్ ప్రారంభమైన రెండు రోజుల తర్వాత మరో షాక్ వచ్చింది; ఆ సమయంలో ఆటలో ప్రముఖ స్పిన్నర్లలో ఒకరైన షేన్ వార్న్, నిషేధిత పదార్థం సేవించినట్లు తేలడంతో ఆస్ట్రేలియా అతన్ని ఇంటికి పంపించేసింది.[2]
జోహన్నెస్బర్గ్లోని వాండరర్స్ స్టేడియంలో జరిగిన ఫైనల్లో ఆస్ట్రేలియా భారత్ను ఓడించి, కప్పు గెలుచుకుంది. [3] ఆస్ట్రేలియాకు ఇది మూడో ప్రపంచకప్ విజయం. ఈ ఘనత సాధించిన ఏకైక జట్టు అది. పాకిస్తానీ ఆటగాడు షోయబ్ అక్తర్ క్రికెట్ చరిత్రలో అత్యంత వేగవంతమైన బౌలర్గా రికార్డు సృష్టించాడు. అతను ఇంగ్లాండ్తో జరిగిన పూల్ మ్యాచ్లో 161.3 కిమీ/గం రికార్డు వేగంతో బౌలింగు చేసాడు.[4][5][6]
పూర్తి సభ్యులు | |
---|---|
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
అసోసియేట్ సభ్యులు | |
![]() |
![]() |
![]() |
![]() |