![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/te/thumb/5/59/Southafrica_cricket_logo.svg/langte-640px-Southafrica_cricket_logo.svg.png&w=640&q=50)
దక్షిణాఫ్రికా క్రికెట్ జట్టు
From Wikipedia, the free encyclopedia
దక్షిణాఫ్రికా పురుషుల జాతీయ క్రికెట్ జట్టు, పురుషుల అంతర్జాతీయ క్రికెట్లో దక్షిణాఫ్రికాకు ప్రాతినిధ్యం వహిస్తుంది. ఇది క్రికెట్ సౌత్ ఆఫ్రికా (CSA) నిర్వహణలో ఉంటుంది. దక్షిణాఫ్రికా అంతర్జాతీయ క్రికెట్ కౌన్సిల్ (ICC)లో పూర్తి స్థాయి సభ్యురాలు. ఈ జట్టును ప్రోటీస్ అని కూడా పిలుస్తారు. దక్షిణాఫ్రికా జాతీయ పుష్పం, ప్రొటీయా సైనరాయిడ్స్ నుండి ఈ పేరు వచ్చింది.
![]() దక్షిణాఫ్రికా క్రికెట్ కోట్ ఆఫ్ ఆర్మ్స్ | |||||||||||||
మారుపేరు | ప్రొటీస్ | ||||||||||||
---|---|---|---|---|---|---|---|---|---|---|---|---|---|
అసోసియేషన్ | క్రికెట్ దక్షిణాఫ్రికా | ||||||||||||
వ్యక్తిగత సమాచారం | |||||||||||||
టెస్టు కెప్టెన్ | టెంబా బావుమా | ||||||||||||
ఒన్ డే కెప్టెన్ | టెంబా బావుమా | ||||||||||||
Tట్వంటీ I కెప్టెన్ | ఐడెన్ మార్క్రమ్ | ||||||||||||
కోచ్ | శుక్రి కాన్రాడ్ (టెస్ట్) రాబ్ వాల్టర్ (పరిమిత ఓవర్లు) | ||||||||||||
అంతర్జాతీయ క్రికెట్ కౌన్సిల్ | |||||||||||||
ICC హోదా | పూర్తి సభ్యత్వం (1909) | ||||||||||||
ICC ప్రాంతం | ఆఫ్రికా క్రికెట్ అసోసియేషన్ | ||||||||||||
| |||||||||||||
టెస్టులు | |||||||||||||
మొదటి టెస్టు | v ![]() | ||||||||||||
చివరి టెస్టు | v ![]() | ||||||||||||
| |||||||||||||
ప్రపంచ టెస్ట్ ఛాంపియన్షిప్ లో పోటీ | 2 (first in 2019–2021) | ||||||||||||
అత్యుత్తమ ఫలితం | 3వ స్థానం (2021–2023) | ||||||||||||
వన్డేలు | |||||||||||||
తొలి వన్డే | v ![]() | ||||||||||||
చివరి వన్డే | v ![]() | ||||||||||||
| |||||||||||||
పాల్గొన్న ప్రపంచ కప్లు | 8 (first in 1992) | ||||||||||||
అత్యుత్తమ ఫలితం | సెమీ-ఫైనలిస్ట్ (1992, 1999, 2007, 2015, 2023) | ||||||||||||
ట్వంటీ20లు | |||||||||||||
తొలి టి20ఐ | v ![]() | ||||||||||||
చివరి టి20ఐ | v ![]() | ||||||||||||
| |||||||||||||
ఐసిసి టి20 ప్రపంచ కప్ లో పోటీ | 8 (first in 2007) | ||||||||||||
అత్యుత్తమ ఫలితం | సెమీ-ఫైనలిస్ట్ (2009, 2014) | ||||||||||||
అధికార వెబ్ సైట్ | https://cricket.co.za/ | ||||||||||||
| |||||||||||||
As of 16 November 2023 |
దక్షిణాఫ్రికా, 1888-89 సీజన్లో ఇంగ్లాండ్ క్రికెట్ జట్టుకు ఆతిథ్యం ఇచ్చిన సమయంలోనే ఫస్ట్-క్లాస్, అంతర్జాతీయ క్రికెట్లోకి ప్రవేశించింది. ప్రారంభంలో, జట్టు ఆస్ట్రేలియా లేదా ఇంగ్లండ్తో సరిపోలలేదు కానీ, అనుభవం, నైపుణ్యాలను సంపాదించి, 20వ శతాబ్దం మొదటి దశాబ్దం నాటికి వారు గట్టి పోటీ ఇవ్వగల జట్టును రంగంలోకి దించగలిగారు. 1960ల వరకు క్రమం తప్పకుండా ఆస్ట్రేలియా, ఇంగ్లాండ్, న్యూజిలాండ్లతో ఆడుతూ వచ్చింది. ఆ సమయంలో దేశం ఆచర్రిస్తున్న వర్ణవివక్ష విధానానికి ప్రపంచదేశాల్లో గణనీయమైన వ్యతిరేకత ఉండేది. ఇతర ప్రపంచ క్రీడా సంస్థలు తీసుకున్న చర్యలకు అనుగుణంగా ICC కూడా దక్షిఉణాఫ్రికా జట్టుపై అంతర్జాతీయ నిషేధం విధించింది. నిషేధం విధించబడినప్పుడు దక్షిణాఫ్రికా జట్టు, ప్రపంచంలోనే అత్యుత్తమ స్థాయికి, ఆస్ట్రేలియాను కూడా ఓడించేంత స్థాయికి అభివృద్ధి చెందింది.
నిషేధం 1991 వరకు కొనసాగింది, ఆ తర్వాత దక్షిణాఫ్రికా మొదటిసారిగా భారత్, పాకిస్థాన్, శ్రీలంక, వెస్టిండీస్లతో ఆడింది. జట్టు పునఃస్థాపన నుండి బలంగా ఉంది. అనేక సార్లు అంతర్జాతీయ ర్యాంకింగ్స్లో నంబర్-వన్ స్థానాలను పొందింది. వన్డే క్రికెట్లో అత్యంత విజయవంతమైన జట్లలో దక్షిణాఫ్రికా కూడా ఒకటి. ఆడిన మ్యాచ్లలో 60 శాతానికి పైగా విజయం సాధించింది.[8] అయినప్పటికీ, ICC-నిర్వహించిన టోర్నమెంట్లలో అది గెలుచుకున్న టోర్నమెంటు, 1998 ఛాంపియన్స్ ట్రోఫీ ఒక్కటే. 1998 కామన్వెల్త్ క్రీడల్లో దక్షిణాఫ్రికా స్వర్ణ పతకాన్ని గెలుచుకుంది.[9]
2022 అక్టోబరు నాటికి, జట్టు ప్రస్తుతం వన్డేలలో 6వ స్థానంలో, T20Iలలో 4వ స్థానంలో, టెస్టుల్లో 4వ స్థానంలో ఉంది.[10]