From Wikipedia, the free encyclopedia
Аврил Рамона Лавињ (англиски: Avril Ramona Lavigne; родена на 27 септември 1984) е канадска пејачка, текстописец, актерка, моден творец и филантроп. Родена е во Белвил, Онтарио, но го поминала детството во Напани. Кога имала 15 години за првпат се појавила на сцена со Шанаја Твејн, а на 16 години потпишала договор за издавање на два албуми со издавачката куќа Arista (сега RCA Records) вреден повеќе од 2 милиони долари. Кога имала 17 години, Лавињ навлегла во музичката сцена, со својот прв албум Let Go, издаден во 2002 година. Let Go е најпродаван албум во 21-виот век од канадски музичар.
| Аврил Лавињ Avril Lavigne | |
|---|---|
 Лавињ во 2013 | |
| Животописни податоци | |
| Родено име | Аврил Рамона Лавињ |
| Роден(а) | 27 септември 1984 Белвил, Онтарио, Канада |
| Потекло | Напани, Онтарио, Канада |
| Жанрови | Поп рок, power pop, поп панк |
| Занимања | Пејач-текстописец, продуцент, глумица, моден творец, филантропист |
| Инструменти | Вокали, гитара, пијано, тапани |
| Период на активност | 1998–сега |
| Издавачи | Arista, RCA |
| Соработници | Еван Тобенфелд, Дерик Вабли |
| Мреж. место | avrillavigne.com |
| Значајни инструменти | |
| Squier Signature Telecaster model | |
Let Go ја направил Лавињ најмладата солистка која се искачила на #1 во Обединетото Кралство, и албумот четири пати добил платинска сертификација од Снимачката Индустриска Асоцијација од Америка. До 2009 од овој албум биле продадени преку 16 милиони копии ширум светот. Нејзиниот сингл, „Complicated“, се искачил на #1 во многу земји ширум светот, исто како и албумот Let Go. Нејзиниот втор албум, Under My Skin, е издаден ви 2004 и е нејзиниот прв албум кој се искачил на #1 на Билборд 200 во САД со повеќе од 10 милиони продадени копии ширум светот. The Best Damn Thing, третиот албум на Лавињ, е издаден во 2007, станувајќи нејзиниот трет албум кој се искачил како #1 албум на ОК Албум Табели и вклучувајќи го нејзиниот прв САД Билборд Хот 100 #1 сингл, „Girlfriend“. Лавињ има пет синглови ширум светот кои се искачиле на првото место, вклучувајќи ги и „Complicated“, „Sk8er Boi“, „I'm With You“, „My Happy Ending“ и „Girlfriend“. Со повеќе од 30 милиони продадени копии од нејзините албуми ширум светот, Лавињ е моментално една од топ-продавачките артисти кои издавале албуми во САД, со повеќе од 10.25 милиони копии со сертификација од RIAA. Нејзиниот четврт студиски албум, Goodbye Lullaby, е издаден на 8 март 2011. Goodbye Lullaby бил четвртиот албум на Лавињ кој влегол во првите десет места на Билборд 200 во САД и на англиската табела за албуми како и на првото место во Јапонија и Австралија. Три месеци по издавањето на Goodbye Lullaby, Лавињ почнала да работи на нејзиниот петти студиски албум.
Освен со снимањето на музика, таа исто така, и глуми во филмови, дизајнира алишта и парфеми. Таа го позајмила гласот за карактер за анимираниот филм, Over the Hedge, во 2006. Истата година за првпат, во живо, се појавила во филмот Fast Food Nation. Во 2008, Лавињ ја прикажала нејзината линија на облекa, Abbey Dawn, а во 2009 го издала својот прв парфем Black Star, по кој следел нејзиниот втор парфем, Forbidden Rose, во 2010. Во јули 2006 година, Лавињ се омажила со својот дечко со кој била во врска две години, Дерик Вабли, главниот пејач и гитарист на Sum 41. Бракот траел три години, а потоа во октомври 2009 година, тие двајца се развеле. Вабли и Лавињ продолжиле да работат заеднo на нејзиниот четврти албум, а исто така и на синглот на Лавињ, „Alice“, напишана за филмот на Тим Бартон, Алиса во земјата на чудата.
Аврил Рамона Лавињ е родена во Белвил, Онтарио,[1] како ќерка на работничка фамилија.[2] Нејзиниот татко, Џин-Клод Лавињ кој по потекло е француски канаѓанец[1] и го дал нејзиното име по зборот „Avril“ што во превод од француски го означува месецот април.[2] Кога имала две години, Лавињ почнала да пее црковни песни зедно со нејзината мајка,[3] Џудит-Росан „Џуди“ (момачко презиме Лошав).[1] Џуди го препознала талентот на својата двегодишна ќерка откако ја слушнала како ја пее песната „Jesus Loves Me“ во црква.[4] Лавињ има постар брат, Метју, и помлада сестра, Мишел,[5] кои ги нервирала Лавињ кога пеела, „Мојот брат чукаше по ѕидовите бидејќи јас самата си пеев приспивни песни, а него тоа го нервираше“.[4]
Кога Лавињ имала пет години нејзиното семејство се преселило во Напани, Онтарио,[3] град со популација од 5000 жители.[6][7][8] Иако таа пробувала да привлече внимание во училиштето во кое учела, некогаш дури била и бркана од часови поради своето однесување, нејзините родители ја поддржувале во нејзината намерата да пее. Нејзиниот татко ѝ донел микрофон, тапани, клавијатури, неколку гитари и го направил подрумот во нивната куќа како студио. Кога Лавињ имала 14 години, нејзините родители ја носеле на караоке сесии.[9] Лавињ исто така изведувала на локални места, пеејќи песни од Гарт Брукс, The Dixie Chicks и Шанија Твејн. Таа исто така почнала да пишува и свои песни. Нејзината прва песна се викала „Can't Stop Thinking About You“ и во неа се работело за тинејџерска љубов.[10]
| “ | Јас целиот свој живот знаев дека треба да го правам ова.... Да визуелизирам како би било да бидеш познат музичар. И секогаш само сонував, сонував будна. | ” |
—Аврил Лавињ, NBC News[9] | ||
Во 1998,[8] Лавињ освоила радио награда да изведува заедно со канадската пејачка Шанија Твејн во Corel Centre (сега Scotiabank Place) во Отава, пред публика од 20 000 луѓе.[3][6] Твејн и Лавињ ја пееле песната „What Made You Say That“,[3] и Лавињ ѝ кажала на Твејн дека таа ќе биде „позната пејачка“.[6]
За време на изведба во Lennox Community Theatre, Лавињ ја забележал локалниот фолк пејач Стифен Мед. Тој ја повикал да пее заедно со него на неговата песна, „Touch the Sky“, за неговиот албум од 1999 година, Quinte Spirit. Таа подоцна исто така пеела и на песните „Temple of Life“ и „Two Rivers“ за неговиот следен албум, My Window to You, во 2000 година. Во декември 1999, Лавињ била откриена од првиот професионален менаџер, Клиф Фабри, додека пеела кантри песни во продавница за книги во Кингстон, Онтарио.[3][6] Фабри пратил VHS касети од домашните изведби од Лавињ на голем број луѓе кои се занимавале со музичката индустрија.[11] Марк Џоуует, еден од пронаоѓачите на канадската менаџментска фирма Nettwerk, добил копија од караоке изведбите во живо од Аврил Лавињ кои биле снимани во подрумот на куќата на нејзините родители,[12] и ѝ договорил на Лавињ да работи со Петер Зицо во Њујорк за време на летото во 2000 година, каде ја напишала песната „Why?“. За време на патување на Лавињ во Њујорк била забележана од Arista Records.[11]
Лавињ продала повеќе од 30 милиони копии од нејзините албуми ширум светот,[13] со што станала една од артистите со топ-продавани албуми во САД, со повеќе од 10.25 милиони копии сертифицирани од RIAA.[14] Во 2009, Билборд ја сместил Лавињ на 10 место на поп артисти во табелата „Најдоброто од 2000-те“, а исто така таа се нашла и на 28-мо место на најдобар акт на годината заснован на продавани албуми и успеси на табелите во САД.[15][16]
Во ноември 2000,[7] Кен Кронгард, A&R репрезентативец, го поканил Антонио „Л.А.“ Рид, тогашен член на Arista Records, во студиото во Менхетн на продуцентот Петер Зицо да ја слушне Лавињ како пее. Нејзината 15-минутна аудиција толку го „импресионирала“ Рид, што тој веднаш потпишал договор со Arista вреден 1.25 милиони долари за два албуми и екстра 900,000 долари за рекламирање.[3][8] За тоа време Лавињ открила дека ѝ одговара училиштето за скејтери кое се наоѓало во нејзиниот град, но иако таа сакала да вози на скејтборд, училиштето ја правело несигурна. Со договорот кој го имала, таа се посветила повеќе на нејзината музичка кариера,[7] но сè уште морала да ги информира нејзините родители за таа одлука. „Јас немаше да го откажам [договорот]. Тоа беше мојот сон целиот мој живот. Тие знаеја колку јас го сакав тоа и колку вложив во него“.[10][17]
Лавињ го издала својот прв албум Let Go на 4 јуни 2002 година во САД, каде се искачил на #2 на Билборд 200. Албумот се искачил на #1 на австралиските, канадските и англиските табели. Оваа ја направило Лавињ најмладата солистка со 17 години која имала #1 албум во Обединетото Кралство тоа време.[18] Кон крајот на 2002, албумот добил четири пати платинска сертификација од RIAA, со што ја направил Лавињ најдобро продаваната женска артистка и Let Go топ-продаван деби албум на годиината.[19] До мај 2003 година, Let Go имал повеќе од 1 000 000 продажби во Канада со што добил дијамантска сертификација од Канадската Индустриска Асоцијација.[20] До 2009, албумот продал повеќе од 16 милиони копии ширум светот,[21] а RIAA му дала шест-пати платинска сертификација.[22]
| “ | Целиот мој живот ова е тоа што го сакав, за што сонував и знаев дека ќе се случи. Јас пеев уште откако бев многу мала и го сакав ова толку многу и си кажав себеси дека ќе го направам. | ” |
—Аврил Лавињ за нејзиниот успех, MTV[7] | ||
Првиот и водечкиот сингл на Лавињ од албумот е „Complicated“, кој се искачил на #1 во Австралија и на #2 во САД. „Complicated“ бил еден од најпродаваните канадски синглови од 2002 година, а исто така се наоѓал и на телевизиското шоу за тинејџери, Dawson's Creek. „Complicated“ подоцна се искачил на #83 на Хот 100 Синглови на Декадата.[23]
Двата последователни синглови, „Sk8er Boi“ и „I'm With You“ се искачиле во топ десет во САД.[24] Благодарение на успехот на првите три синглови, Лавињ била вториот артист во историјата кој имал три број-еден песни од деби албум на Билборд Мејнстрим Топ 40.[25] За музичкото видео на „Complicated“, Лавињ била именувана како Најдобар Нов Артист на MTV Видео Музички Награди во 2002.[26] Таа освоила четири Џуно Награди во 2003 од шест номинации,[27] освоила Светски Музички Награди за „Светски Најдобро продаван канаски Пејач“, и била номинирана за осум Греми Награди, вклучувајќи ги номинациите за Најдобар Нов Артист и Песна на Годината за „Complicated“ (2003).[28]
Во 2002, Лавињ направила камео појава во музичкото видео за песната „Hundred Million“ од поп панк бендот, Treble Charger.[29] Во март 2003, Лавињ позирала за насловната на Rolling Stone магазинот[30] и подоцна во мај,[31] ја изведувала „Fuel“ за време на MTV трибут за Metallica.[32] За време на нејзината прва турнеја, Try To Shut Me Up, Лавињ ја преработила песната од Green Day, „Basket Case“.[33]
Лавињ се наоѓа во играта од 2003, The Sims: Superstar.[34]
Лавињ помогнала во пишувањето на „Breakaway“ со Метју Жерард, која била снимена од Кели Кларксон за саундтракот на филмот од 2004 The Princess Diaries 2: Royal Engagement.[35] „Breakaway“ подоцна се нашла на вториот албум на Кларксон и била издадена како водечки сингл на албумот. Лавињ ја препеала песната од Goo Goo Dolls, „Iris“, заедно со водечкиот пејач на бендот Џон Рзезник на Fashion Rocks,[36] и позирала за насловната на Maxim во октомври 2004.[37] Таа исто така ја снимила темската песна за The SpongeBob SquarePants Movie. „Ја направив песната малку поостра,“ рекла Лавињ. „Има многу гласни гитари, го забрзавме темпото и ја испеавме со поголем став.“ Лавињ ја преуредила песната со помош од продуцентот Бач Валкер.[38]
Вториот студиски албум на Лавињ, Under My Skin, е издаден на 25 мај 2004 искачувајќи се на #1 во повеќе земји, вклучувајќи ги Австралија, Мексико, Канада, Јапонија, Обединетото Кралство и САД.[39] Албумот продал повеќе од 10 милиони копии. Лавињ ги напишала повеќето од песните на албумот заедно со канадската пејачка-текстописец Чантал Кревиазук. Мажот на Кревиазук, водечкиот пејач на Our Lady Peace, Рајне Маида, бил ко-продуцент на албумот, заедно со Бач Валкер и Дон Гилмор. Лавињ заминала на турнејата Live and By Surprise во САД и Канада за да го промовира албумот заедно со нејзиниот гитарист, Еван Тобенфилс. Секоја изведба се состоела од кратка акустична изведба на песните од новиот албум во живо. Кон крајот на 2004, Лавињ заминала на нејзината прва светска турнеја, Bonez, која траела речиси цела 2005 година низ сите континенти.
| “ | Овој албум дефинитивно докажува дека јас сум текстописец и дека луѓето не можат да го негираат тоа, бидејќи секоја песна од албумот доаѓа од лично искуство и има многу емоции во тие песни. | ” |
—Аврил Лавињ, The Ledger[40] | ||
„Don't Tell Me“, првиот сингл од албумот, се искачил на #1 во Аргентина и Мексико и се искачил меѓу топ пет во Обединетото Кралство и Канада, а меѓу топ десет во Австралија и Бразил. „My Happy Ending“, водечкиот сингл на албумот, се искачил на #1 во Мексико и во топ пет во Обединетото Кралство и Австралија. Во САД, се искачил меѓу првите топ десет на Билборд Хот 100 и на #1 во Мејнстрим Топ 40, со што станал четвртиот најголем хит таму. Третиот сингл, „Nobody's Home“, не се искалил во топ 40 во САД, а се искачил на #1 само во Мексико и Аргенрина. Четвртиот сингл од албумот, „He Wasn't“, се искачил меѓу топ 40 во Обединетото Кралство и Австралија, но не бил издаден во САД.[41]
Лавињ освоила две Светски Музички Награди во 2004 за „Најдобар Светски Поп/Рок Артист“ и „Најдобропродаван Сцетски канадски Артист“. Таа освоила пет номинации за Џуно Наградите во 2005 и освоила три од нив, вклучувајќи ја и „Артист на Годината“. Таа ја освоила наградата за „Омилен Женски Пејач“ на осумнаесеттите Nickelodeon Kids' Choice Awards[42] и била номинирана во секое MTV Награди шоу ширум светот.
На 26 февруари 2006 година, Лавињ ја презентирала Канада на затворачката церемонија на олимписките игти во Торино, изведувајќи ја својата песна "Who Knows" за време на осмата минута во Ванкувер.[43]
Додека Лавињ била во студиото за да го сними нејзиниот трет студиски албум, Fox Entertainment Group ѝ рекле да напише песна за саундтракот на филмот од 2006, Ерагон. Таа напишала две балади, но само „Keep Holding On“ била искористена во филмот.[44] Лавињ признала дека пишувањето на песните било предизвик за неа бидејќи сакала да биде сигурна дека музиката ќе се совпадне со филмот. Таа кажала дека „Keep Holding On“, кој подоцна се појавил на албумот, не бил сличен на песните во наредниот албум.[45][46]
Третиот албум на Лавињ, The Best Damn Thing, е издаден на 17 април 2007, а таа веднаш го поддржала со мала турнеја. Водечкиот сингл на албумот, „Girlfriend“, се искачил меѓу првите синглови на Билборд Хот 100 истата недела кога The Best Damn Thing се искачил на #1 на Билборд 200 табелата. „Girlfriend“ бил првиот сингл на Лавињ кој се искачил на #1 позиција.[47] „Girlfriend“ беше хит ширум светот; се искачи на #1 во Австралија, Канада, Јапонија, и Италија, а на #2 во Обединетото Кралство и Франција. „Girlfriend“ е снимена на повеќе јазици; шпански, француски, италијански, португалски, германски, јапонски, и мандарински. IFPI ја ранкирала „Girlfriend“ како најспуштана песна ширум светот во 2007, продавајќи 7,3 милиони копии, вклучувајќи ги и верзиите во осум различни јазици.[13][48] "Girlfriend" е ранкиран на #94 на списокот Хот 100 Синглови на Декадата.[49]
„When You're Gone“, вториот сингл на албумот, се искачил на #3 во Обединетото Кралство, во топ пет во Австралија и Италија и топ десет во Канада, а бил многу блиску да се искачу меѓу топ десетте во САД. Во декември 2007 година, Лавињ, со заработка од 12 милиони долари, е ранкирана на списокот на списанието Форбс, „Топ 20 Заработувачи Под 25“.[50] „Hot“ бил третиот сингл на Лавињ и воедно нејзиниот најнеуспешен сингл во САД, искачувајќи се само на #95. Во Канада, „Hot“ се искачил во топ 10, а во Австралија, во топ 20. The Best Damn Thing продал повеќе од 5 милиони копии ширум светот.
За време на оваа ера, Лавињ ги освоила речиси сите награди во кои била номинирана, вклучувајќи ги и двете Светски Музички Награди за „Најдобропродаван Светски канадски Артист“ и „Најдобар Светски Поп/Рок Женски Артист“. Таа ги освоила нејзините две први MTV Европски Музички Награди, освоила Награди по Тин Избор за „Летен Сингл“, и била номинирана за пет Џуно Награди.
Во средината на 2007, Лавињ се нашла на манга стрип од два дела наречен Avril Lavigne's Make 5 Wishes. Таа соработувала со артистот Камила Д’Ерико и авторот Џошуа Дизарт за стрипот, во кој се работи за срамежливо девојче, Хана која ги совладува своите стравови по сретнувањето со нејзиниот херој, Аврил Лавињ. Лавињ рекла: „Знам дека многу од моите обожаватели читаат стрипови и јас сум навистина возбудена што сум вклучена во приказна за која знам дека ќе уживаат.“ Деловите биле издадени на 10 април (една недела пред издавањето на The Best Damn Thing) и во јули. Публикацијата Young Adult Library Services ги номинирала дериите за „Добри Графички Новели за Тинејџери“.[51]
Во март 2008, Лавињ почнала нова The Best Damn Турнеја за да го поддржи албумот. Истиот месец, таа се појавила на насловната од Maxim за вторпат во нејзината кариера.[52] Во средината на август, партијата од Малезија, Pan-Malaysian Islamic Party, пробале да го банираат шоуто на Лавињ во Куала Лумпур, велејќи дека нејзините движења на сцената се „многу секси“. Нејзиниот концерт на 29 август бил сметан како лошо време на промовирање, бидејќи денот на независност на Малезија бил на 31 август.[53] На 21 август 2008, MTV изјавиле дека концертот бил одобрен од владата во Малезија.[54]
.jpg)
После еден месец откако ја завршила The Best Damn Турнејата, Лавињ почнала да го снима нејзиниот четврт студиски албум во нејзиното домашно студио во ноември 2008 со песната „Black Star“,[55] која ја напишала за да го промовира истоимениот парфем.[56] До јули 2009, девет песни биле напишани за новиот албум,[55] вклучувајќи ги песните „Fine“, „Everybody Hurts“ и „Darlin“. Неколку од песните биле напишани уште кога Лавињ била млада. „Darlin“ била втората песна која Лавињ ја напишала како 15-годишно девојче додека живеела во Напани, Онтарио. Лавињ рекла дека во албумот се работи за „живот“. Таа рекла, „Мене ми е многу лесно да направам некоја лесна поп песна, но да седнам и искрено да напишам нешто што ми е блиску, нешто низ што сум поминала е многу поразлична работа.“[56] Албумот е враќање на Лавињ кон нејзиниот постар стил и во него преовладува акустична музика.[57] Со исклучок на водечкиот сингл на албумот, „What the Hell“, Лавињ ги опишала песните како поразлични од нејзиниот постар материјал: „Јас сум постара сега и мислам дека тоа што доаѓа од мене не е само поп-рок“.[58]
Во јануари 2010, додека го пишувала новиот албум, Лавињ работела со Дизни на Алиса во Земјата на Чудата - правела модни дизајни, инспирирана од очекуваниот филмот на Тим Бартон, Алиса во Земјата на Чудата. Таа ги прашала надлежните за филмот дали ќе ѝ дозволат да напише песна за филмот. Резултатот бил песната „Alice“,[59] која може да се сретне на крајот на филмот[60] и се наоѓа на саундтракот, Almost Alice.[61]
На 28 февруари, Лавињ изведувала на концерт во Ванкувер на затворачката церемонија на Зимските Олимписки Награди во 2010 година, изведувајќи ги песните, „My Happy Ending“ и „Girlfriend“.[62] Лавињ била почестена што изведувала на церемониите, но ѝ било жал што не можела да учествува на хокеј мечот меѓу Канада и САД. „Тие нè имаа заклучено. Не можевме да ги напуштаме своите места поради нашата сигурност.“[63]
Во септември, третиот сингл на Лавињ од нејзиниот прв албум, „I'm With You“, бил употребен на песната од Ријана, „Cheers (Drink to That)“, која се наоѓа на петтиот студиски албум на Ријана, Loud.[64][65] Во декември 2010, американската пејачка Миранда Косгров ја издала песната „Dancing Crazy“, песна напишана од Лавињ, Макс Мартин и Шилбек. Исто така продуцирана е од Мартин.[66]
Датумите на издавање за Goodbye Lullaby и неговиот водечки сингл биле одложувани неколкупати. За одговор на овие одлагања, Лавињ рекла, „Јас ја пишувам својата музика и затоа ми треба повеќе време за да ставам [лични] песни, бидејќи морам да го живеам мојот живот за да добијам инспирација“,[67] а потоа кажала дека има доволно материјал за два албуми.[67] Во ноември, Лавињ се појавила во магазинот Maxim, каде кажала дека ѝ требало две години за да го заврши Goodbye Lullaby,[68] а како причина за одложувањето на албумот ја навела нејзината издавачка куќа, кажувајќи дека ако не била таа, албумот ќе бил готов за една година.[69]. Goodbye Lullaby бил издаден на 8 март.[58][70] Водечкиот сингл, „What the Hell“, бил премиерно изведен на 31 декември на емисијата Dick Clark's New Year's Rockin' Eve.[70] Вториот сингл од албумот е песната „Smile“.
Три месеци по издавањето на Goodbye Lullaby, Лавињ изјавила дека започнала да работи на нејзиниот петти студиски албум и дополнила дека имала напишано осум песни. Новиот албум музички ќе биде спротивен од Goodbye Lullaby. Лавињ објаснила, „[Goodbye Lullaby] е позрел, [но] следниот ќе биде повеќе поп-ориентиран и позабавен. Веќе имам песна која ќе ја издадам како сингл, само мора повторно да ја снимам!“[71][72][73]
| “ | Знам дека моите обожаватели ме гледаат и затоа јас ги правам моите песни толку лични; во нив се работи за сите работи кои ги имам искусено и работи кои ги сакам или мразам. Јас пишувам за себеси и се надевам дека моите обожавателиI го сакаат тоа што имам да го кажам. | ” |
—Аврил Лавињ, Girl.com.au[74] | ||
Темите во музиката на Лавињ вклучуваат пораки за подобрување на самите себеси од женска или адолесцентна гледна точка.[75] Лавињ верува дека нејзините „песни се да се биде самиот себеси без разлика на сè и да се остваруваат своите соништа иако тие се луди и дури луѓето ви велат дека никогаш нема да ви се остварат.“[74] На својот прв албум, Let Go, Лавињ претпочитала помалку мејнстрим песни, како „Losing Grip“, наместо песни како „Complicated“, велејќи дека „песните кои ги пишував со the Matrix... беа добри за мојот прв албум, но не сакам да бидам поп повеќе“.[76] Вториот албум на Лавињ, Under My Skin, имал повеќе лични теми во секоја од песните. Лавињ објаснува, "Јас поминав низ толку многу работи, па тоа е она за што зборувам.... Како момчиња, како излегување на состаноци или за врски“.[77] Третиот албум, The Best Damn Thing, не бил толку личен за неа. „Неколку од песните што ги напишав, не ми значеа толку многу. Во нив не се работи за некои лични работи низ кои јас поминувам“.[78] Нејзината причина за пишување на албумот била за да го „направи интересен“.[79] Goodbye Lullaby, четвртиот албум на Лавињ, е многу поличен од нејзините претходни албуми,[55] а таа го опишала како "подлабок. Сите песни се многу емоционални".[80]
Гласот на Лавињ е алт.[75] Растејќи, Лавињ ги слушала Blink-182, Goo Goo Dolls, Matchbox Twenty и Шанаја Твејн,[76] а музички влијанија на неа имале Куртни Лав и Џенис Џоплин.[77] Поради овие влијанија, музичкиот жанр и нејзиниот стил, медиумите го дефинирале нејзиниот стил како панк, нешто што таа го одрекувала уште од почетокот. Најблискиот пријател и гитарист на Лавињ, Еван Тобенфилд, рекол, „Тоа е тема на многу луѓе, но Лавињ не е панк. Таа имаше поп панк музика и медиумите го направиле своето“.[81] Лавињ исто така на тоа коментирала: „Јас бев прогласена за лута... панк девојка а јас не сум една од таквите“.[40]
Додека Лавињ негирала дека е лута, нејзините интервјуа биле сè уште за тоа што медиумите не го ценат нејзиното пишување на песни. „Јас сум текстописец и нема да прифатам луѓето да пробат да го одземат тоа од мене“, додавајќи дека таа пишува „целосни песни“ уште од кога имала 14 години.[40] Покрај оваа изјава, пишувањето на Лавињ било дискутирано за време на нејзината кариера. Музичкиот продукциски тим, The Matrix, со кои Лавињ ги пишувала песните за нејзиниот прв албум, тврделе дека тие биле главните текстописци на сингловите, „Complicated“, „Sk8er Boi“ и „I'm With You“. Лавињ го негирала тоа, велејќи дека таа била главниот текстописец на секоја од песните во албумот. „[Ни]една од тие песни не е од мене“.[76] Во 2007, Чантал Кревиазук, која пишувала со Лавињ на нејзиниот втор албум, ја обвинила Лавињ за плагијат[82] и го критикувала нејзиното пишување. „Аврил не седи и не ги пишува песните самата“.[83] Лавињ исто така го негирала ова и презела легални акции против Кревиазук.[83] Кревиазук подоцна се извинила: „Аврил е добар текстописец и беше моја привилегија да работам со неа“.[82] Кратко по тој настан, Томи Дунбар, пронаоѓачот на бендот од 1970-тите, Rubinoos, ја тужел Лавињ и нејзината рекламирачка компанија и Луказ "Dr. Luke" Готвалд за крадење на делови од „I Wanna Be Your Boyfriend“ за нејзината песна „Girlfriend“.[84] Готвалд ја бранел Лавињ, велејќи, „јас и Аврил ги напишавме песните заедно“. Во јануари 2008, тужбата била затворена.[85]
Лавињ се заинтереситала во појавување на телевизија и во идни филмови. Таа рекла дека таа одлука била нејзина. Иако искуството од правењето на музичките видеа било предностќ Лавињ рекла дека всушност пеењето било тоа што го тргнало нејзиниот страв од камерата. Таа рекла дека видеото за песната "Nobody's Home" имало најмногу „глумење“ во него.[74] Нејзината прва појава на телевизија била во епизодата од Сабрина, Тинејџерската Вештерка,[86] изведувајќи ја песната "Sk8er Boy"[87] со нејзиниот бенд во ноќен клуб.[88] Подоцна таа направила камео појава во филмот од 2004, Going the Distance. Главните личности влегуваат зад сцената после нејзиниот настап на „Losing Grip“[89] на MuchMusic Видео Наградите.[90]
Таа ја започнала филмската кариера избирајќи мали улоги. Во ноември 2005, после аудиција за да добие улога, Лавињ отпатувала во Ново Мексико[91] за да сними сцена во филмот од 2007, The Flock.[92] Таа ја глумела Беатрис Бел, девојка на осомничен криминалец, појавувајќи се заедно со Клаир Данес и Ричард Гир. Гир ѝ давал инструкции за глумење на Лавињ за време на паузите.[92] За нејзината улога во The Flock, Лавињ рекла, „Јас го направив тоа само за да видам како е и да не влегувам пребрзо во мејнстрим глумењето“.[74] The Flock не бил издаден во американските театри ниту во странство до крајот на 2007 и не бил сметан како прва појава на Лавињ. Филмот заработил 7 милиони долари во странство.[93]
Лавињ се појавила во идниот филм од 2006, Преку Оградата, давајќи глас за анимиран лик, заснован на истоимениот комичен стрип. Таа го позајмува гласот на ликот Хедер кој е американски опосум. Процесот на снимањето на гласовите бил заедно со други глумци. Лавињ рекла, „Сите глумци работат поединечно и [режисерот] Тим и Кери и другите режисери беа со мене цело време и го правеа снимањето да оди лесно; ме правеа да се чувстувувам удобно.... Тоа беше интересниот дел.“[94] Лавињ рекла дека снимачкиот процес бил „лесен“ и „природен“, но додека глумела зборувајќи, таа постојано го удирала микрофонот. „Јас постојано ги користев моите раце и го удирав микрофонот правејќи звуци, па Тим и Кери мораа да ми кажат дека треба да седам мирна.... Тешко е да се трча или да се паѓа по скалите и да излегуваат тие звуци од вашата уста, а да го држите телото мирно.“ Лавињ мислела дека нејзе ѝ е даден ликот на Хедер поради нејзиниот рок статус. „[Режисерот] мислеше дека ќе му дадам на мојот лик... малку карактер“.[74] Филмот бил прикажан на 19 мај 2006, со што заработил 38 милиони долари само во првата недела. Подоцна заработил 336 милиони долари ширум светот.[95]
Во декември 2005, Лавињ потпишала договор за да се појави во филмот Fast Food Nation, заснован на книгата Fast Food Nation: The Dark Side of the All-American Meal.[96] Раскажувачката адаптација, режирана од Ричард Линклатер, бара хамбургеру загадени од измет од крави во кланиците.[97] Тоа било првиот филм во кој Лавињ се појавилва во живо,[98] како средношколка која планира да ги ослободи кравите.[99] Филмот бил прикажан на 17 ноември 2006 и останал во театрите 11 недели, заработувајќи 2 милиони долари ширум светот.[100]
И двата филма, Преку Оградата и Fast Food Nation биле прикажани на Филмскиот Фестивал Канес од 2006, на кои Лавињ присуствувала. Лавињ била почестена што можела да присуствува и била горда на својата работа. Кога била прашана дали ќе продолжи да ја проширува својата филмска кариера, таа рекла дека ќе почека малку за да стигнат „вистинските делови во вистинските филмови“. Лавињ била свесна за улогите кои ги избрала. „Сакав да започнам со мали улоги и да научам [дека] нема сами да се фрлам во голем дел“.[74] Во август 2006 година, магазинот Канадски Бизнис ја рангира како седмата канадска глумица на врвот во Холивуд на нивната двегодишна ранг-список наречена Моќни Познати Личности. Резултатите се утврдени со споредување на платите, интернет хитовите и ТВ споменувањата.[101]
Во јули 2008 година, Лавињ ја пуштила линијата на облеки, Abbey Dawn, на која се наоѓала училишна колекција.[13] Продуцирана е од Kohl's. Линијата е наречена од прекарот на Лавињ од нејзинотот детство, Аби Давн и е дизајнирана од Лавињ.[102][103] Kohl's ја опишува Abbey Dawn како „детски животен бренд“,[13] кој вклучува черепи, зебра и ѕвезедени обрасци, виолетова боја и „жешки розови и црни бои“. Лавињ, која носела неколку од алиштата и накитот од нејзината линија на неколку концерти пред да биде официјално пуштена, кажала дека тоа не е само за лиценцирање на нејзиното име во колекцијата. „Јас сум дизајнерот. Нешто што навистина ми е важно е тоа дека сè е добро направено и јас го пробувам и одобрувам“.[104]
| “ | Јас ги сакам боите и обрасците. Многу сум визуелна. | ” |
Дизјните исто така се нашле на интернет играта, Stardoll,каде фигурите можат да се облекуваат како Аврил Лавињ.[106] На 14 септември 2009, Лавињ ја зела најдоцната колекција за нејзината линија на облеки да биде дел од Модната Недела во Њујорк.[107] „Интересно е да се биде девојка и да се дизајнира работи и облеки за мене. Јас дизајнирам нешта што [не можам] да ги најдам“.[63] Во декември 2010, линијата на облеки била овозможена во 50 држави преку официјалната страница на линијата.[80][108] Кон крајот на 2008, Лавињ потпишала договор со Canon во Канада за да се појави во кампањи и реклами за најдоцните линии на камери, заедно со други додатоци.[109]
Лавињ го издала нејзиниот прв парфем, Black Star, создаден од Procter & Gamble Prestige Products. Парфемот бил најавен преку официјалната страница на Лавињ на 7 март 2009 година. Black Star, кој содржи мириси на розов хибискус, црна слива и темна чоколада бил издаден летото во 2009 година во Европа, а подоцна во САД и Канада.[110] Кога ја прашале што значи името, Лавињ рекла, „Јас сакав [шишенцето] да биде ѕвезда и моите бои се розова и црна и Black Star личи за да се биде различен, да се седи пред публикаи да се достигнуваат ѕвездите; целата порака е само да се следат твоите соништа и во ред е да се биде уникатен и таков како што си“.[111] Black Star ја освоил наградата од 2010 „Women's Scent Mass“ од CEW.[112] По Black Star следел и втор парфем во јули 2010,[113] наречен Forbidden Rose, на кого му требале две години за да се развие.[114] Содржи мириси на црвено јаболко, јаболко, црн бибер, вино од праска, лотос. хелиотроп, сандаловина и ванила.[113] Неговата порака е продолжение на пораката од Black Star, „Следи ги Твоите Соништа“,[115] иако новата порака „Осмели се да Откриваш“.[116] Рекламата зазема место во готичка градина,[115] каде Лавињ, откако ќе влезе ќе најде една виолетова роза.,[116] Лавињ ќе издаде и трет парфем во август 2011, а ја нимила рекламата за тој парфем кон крајот на 2010.[80]
Во јануари 2010, Лавињ почнала да дизајнира облеки инспирирана од филмот на Дизни за Алиса во Земјата на Чудата.[59] Нејзините дизајни биле изложени на Fashion Institute of Design & Merchandising во Калифорнија, почнувајќи од мај до септември заедно со костимите од Colleen Atwood за филмот од 2010.[117]
Лавињ е вклучена во многу добротворни активности, како Make Some Noise, Amnesty International, Erase MS, AmericanCPR.org, Camp Will-a-Way, Music Clearing Minefields, Кампања на Сад за Бурма, Make-a-Wish Foundation и War Child. Таа исто така се појавила во кампањата на ALDO со YouthAIDS за да собере пари за да се образоваат луѓе низ целиот свет во врска со ХИВ / СИДА. Лавињ настапувала на концерт на Unite Against Aids презентиран од ALDO за да го поддржат УНИЦЕФ на 28 ноември 2007 во Монтреал, Квебек, Канада.[118] Во ноември 2010, Лавињ присуствѕвала на Глобалната Иницијација на Клинтон.[119]
Лавињ работела со Reverb, непрофитна еколошката организација, за нејзината источна турнеја во 2005.[120] Таа ја препеала песната „Knockin' on Heaven's Door“ за Peace Songs компилацијата на War Child и исто така ја препеала песната од Џон Ленон, „Imagine“ како нејзин придонес за компилацискиот албум, Instant Karma: The Amnesty International Campaign to Save Darfur. Издаден на 12 јуни 2007, албумот бил произведен во корист на кампањата на Amnesty International за кризата во Дарфур.[121]
На 5 декември 2009, Лавињ се вратила на сцената во Град Мексико за најголемата добротворна случка во Латинска Америка, „Teleton“. Таа изведувала акустични верзии на нејзините хитови „Complicated“ и „Girlfriend“ со Еван Тобенфелд и членот на нејзиниот бенд, Џим Мекгорман.[122] Во 2010, Лавињ била една од неколкуте артисти кои придонеле вокали за песната на К'наан, „Wavin' Flag“ која била издадена како сингл со цел да се соберат пари за добротворни организации за помош на земјотресот од Хаити во 2010 година.[123]
На 14 септември 2010, Лавињ ја претставила својата добротворна организација, „The Avril Lavigne Foundation“. Наредниот ден, официјалното мрежно место на фондацијата била пуштена на интернет. Фондацијата е со цел да им помогне на млади луѓе со сериозни болести и хендикеп[119][124] и работи со водечките добротворни организации;[108] Партнерите на фондацијата со Easter Seals, Make-A-Wish фондацијата и Erase MS,[125] последните добротворни организации со кои Лавињ претходно работела. Нејзината работа со фондацијата Make-A-Wish била инспирација за самостојната организација. Лавињ за неа рекла, „Јас навистина сакав да правам повеќе“.[124] Лавињ на мрежната страница на фондацијата рекла, „Јас секогаш барав начини за да вратам назад бидејќи мислам дека тоа е одговорност и сите го делиме тоа“.[126] Фирмата на филантропот Тревор Нилсон, „Global Philanthropy Group“, ѝ дава совети на Лавињ за нејзината фондација, а исто така им дава совети и на голем број други познати личности вклучувајќи го и музичарот Џон Леџенд.[119]
| “ | Јас морам да се борам за да ја зачувам мојата слика да биде навистина јас.... Одбив неколку прекрасни фотосесии бидејќи тие не личеа на мене. Нема да носам тесни алишта за да го покажам моето тело, задник или гради. Јас имам добро тело. | ” |
—Аврил Лавињ, MTV[7] | ||
Кога Лавињ за првпат добила публицитет, таа била позната по тоа што се облекувала како машко,[127] обично по нејзината вратоврска.[128][129] Таа повеќе сакала пошироки алишта, скејтер патики или Конверс патики,[63] ракавици, а понекогаш и врвки околу нејзините прсти.[9] За време на фотосесии, наместо да носи „нови облеки“, таа претпочитала „стари, згужвани маици“.[7] Поради нејзините модни и музички влијанија, медиумите честопати ја нарекувале „поп панк принцеза“.[83][130] Новините и обожавателите ја гледале како „анти-Бритни“, поради нејзината помалку комерцијална и „вистинска“ слика, но исто така бидејќи била забележително тврдоглава. „Јас не сум измислена и никој не ми кажува што да речам или што да направам, па затоа тие мораат да ме викаат анти-Бритни, што јас не сум.“[9] До ноември 2002, Лавињ престанала да носи вратоврски, тврдејќи дека се почувствувала како „да носи костум“.[8] Лавињ направила свесен напор за да ја задржи нејзината музика, а не нејзината слика на чело на нејзината кариера. „Јас само велам дека не сакам да продавам секс. Мислам дека тоа е ниско и мизерно. Имам да кажам многу повеќе од тоа.“[131]
Лавињ почнала да употребува поготски стил за време на нејзиниот втор албум, Under My Skin, заменувајќи ги нејзините скејтерски алишта со црно балетанско здолниште [130][132]. За време на годините на The Best Damn Thing, Лавињ сосема го променила својот стил, боејќи ја русата коса со розови прамени и носејќи поженствени алишта,[133] вклучувајќи „тесни фармерки и потпетици,“[63] и појавувајќи се како модел за списанија како Harper's Bazaar.[127] Лавињ го одбранила својот стил: „Јас не жалам за ништо. Знаете, вратоврските и сè друго... имаше свое време и место. И сега јас растам, и продолжив понатаму“.[133] Сега таа пробува да јаде здрава храна и да учествува во атлетски вежби, како јога, уличен хокеј, фудбал, сурфање и возење ролерки.[63]
Само неколку тетоважи ѝ се уникатни на Лавињ; другите се совпаѓаат со оние на нејзините пријатели.[63] Лавињ истетовирала ѕвезда на нејзиниот лев зглоб која е многу слична со онаа која била искористена на нејзиниот прв албум. Била направeна во исто време со нејзиниот пријател, музичарот Бен Муди кој има идентична тетоважа.[134] Кон крајот на 2004, таа имала мало розово срце околу буквата "D" на нејзиниот десен зглоб, што било кратенка од нејзиното тогашно момче, Дерик Вабли.[63][135] Лавињ и Вабли повторно направиле тетоважи во март 2010 година, за прославата на 30-от роденден на Вабли.[63] Во април, Лавињ додала уште една тетоважа на нејзиниот зглоб, грмотевица и бројот 30 и нејзиниот дечко, Броди Џенер, исто така истетовирал грмотевица под неговото уво.[136]
| “ | Сè е секогаш поттикнато од моментот. [За] сите мои тетоважи одлучувам во секундата и ги правам. | ” |
—Аврил Лавињ, Inked[63] | ||
Нејзината љубов кон тетоважите, го привлекла вниманието на медиумите во мај 2010 година, откако Лавињ и Џенер направиле исти тетоважи од зборот „fuck“ на нивните ребра.[137][138] Лавињ се појавила на насловната на приказната од јуни/јули за магазинот Inked, каде таа дискутирала и ги покажувала своите тетоважи, вклучувајќи и тетоважата на која пишувало „Abbey Dawn“ на нејзината лева подлактица, како и „XXV“ и ѕвезда на нејзината десна подлактица. Иако таа вербално ја потврдила тетоважата „fuck“ во интервјуто, нарекувајќи го „омилен збор“,[63] таа и го изговорила после фотосесиите од магазинот.[139] Во јули 2010 Лавињ го истетовирала името "Brody" под нејзината десна града.[140]
Лавињ и Дерик Вабли, водечкиот пејач и гитарист од бендот Sum 41, почнале да излегуваат уште откако таа имала 19 години, а се познавале 17 години.[141] Само неколку недели пред да се запознаат, Лавињ кажала дека има проблем со запознавањето на момчиња, бидејќи нејзините телохранители ги плашеле. Во јуни 2005, Вабли ја изненадил Лавињ со патување во Венеција, каде тие се возеле со гондола и на 27 јуни, тој ја запросил.[142]
Таа веднаш сакала да има „рокенрол, готска свадба“, но признала дека се двоумела дали треба да ја одржи вистинската традиција. „Јас сонував за мојата венчавка уште откако бев малечко девојче. Морам да го носам белиот фустан.... Луѓето мислеа дека ќе носам црн венчален фустан, а јас така и ќе се облечев. Но во истото време, јас мислев и на свадбените слики и сакав тие да бидат убави. Не сакав 20 години подоцна да мислам, 'Зошто ја носев мојата коса така?“[143]
Венчавката била одржана на 15 јули 2006. Околу 110 гости се појавиле на свадбата, која била одржава во приватна зграда во Монтесито, Калифорнија.[144] Песната „Iris“, од Гугу Долс била свирена за време на првиот танц на Лавињ и Вабли на венчавката.[145]
Седум месеци откако се венчали, Лавињ рекла дека таа е „најдоброто нешто што му се случило нему“ и кажала дека му помогнала на Вабли да се оттргне од дрогата откако почнале да излегуваат заедно. „Тој не се дрогира. Отпорано се дрогираше, бидејќи зборуваше за тоа, но јас никогаш не би била со некој кој го правел тоа и тоа му го дадов на знаење уште откако почнавме да излегуваме заедно. Јас никогаш не сум земала кокаин во мојот живот и горда сум на тоа. 100 проценти сум против дрогата.“[143] Нивниот брак траел помалку од 3 години. На 17 септември 2009 година било изјавено дека Лавињ и Дабли се разделиле е дека документите за нивниот развод ќе пристигнат наскоро.[146] На 9 октомври 2009 Лавињ ги пополнила докуметитет за развод, кажувајќи, „Јас сум задоволна од нашето заедничко време и сум задоволна и за нашето сегашно пријателство.“[141] Разводот бил завршен на 16 ноември 2010 со официјално завршување на бракот.[147]
|
|
| Година | Наслов | Улога | Забелешки |
|---|---|---|---|
| 2002 | Сабрина, Тинејџерската Вештерка | Самата | Камео; ја изведувала "Sk8er Boi" |
| 2004 | [[Going the Distance (филм од 2004)|Going the Distance | Самата | Камео; ја изведувала "Losing Grip" |
| 2006 | Fast Food Nation | Алис | Средношколска активистка |
| [[Преку Оградата (филм)|Преку Оградата | Хедер | Само глас | |
| 2007 | [[The Flock (филм)|The Flock | Беатрис Бел | Девојка на осомничениот |
| 2010 | Американски Идол | Самата | Една од судиите (аудиции во Л.А.) |
| 2011 | Majors & Minors | Самата | Гостин ментор |
| 2018 | Принцовата страна на приказната (анг: Charming) | Снежана | Глас |
| 2022 | Good Mourning | Самата |
 |
Книга:Аврил Лавињ |
| Книги се колекција на статии кои можат да бидат спуштени или нарачани за принтање. | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
