From Wikipedia, the free encyclopedia
Pius VI (nobili genere natus, Angelus Onofrius Melchior Natalis Ioannes Antonius Braschi 25 Decembris 1717 Caesenae - obiit captivus Valentiae in Francia die 29 Augusti 1799) fuit Papa catholicus, episcopus Romanus a die 15 Februarii 1775.
Pontificatus
Braschi apud Iesuitas Caesenae et postea in universitate Ferrariensi studuit. Ibi scriba a secretis cardinalis Fabricius Ruffus in illo tempore legatus papae fit, in diocesis Ostiae ac Velitrarum Braschi auditor factus est.
Braschi collegit existimationem papae Benedicti XIV missione eius in Neapoli. Scriba a secretis papae et canonicus Basilica Sancti Petri factus est. Anno Domini 1758 Braschi promovebatur ad gradum honorarium Capellani et anno 1766 custodi thesauri camerae apostolicae.
Die 26 Aprilis 1773 Braschi Cardinalis Sanctae Romanae Ecclesiae a Papa Clemente XIV creatus est.
Anno 1782 Pius VI Vindobonam iit. Nam papa imperatori Iosepho II, qui multis legibus et praescriptis iura et cultum Ecclesiae Catholicae minuit, persuadere volebat ut politicam mutaret; sed frustra. Papa Vindobonae a Carolo Theodoro electore Bavariae invitatus Romam rediens iter per Monachium fecit, ubi aliquos dies mansit magna pompa a Carolo Theodoro ornatus populoque acceptissimus.[1]
Cum mense Iulio 1790 Francia inter eversionem disciplinam civilem pro clericis (Francogallice Constitution civile du clergé) adscivit et postea clericos ad iusiurandum supra nova Magna Charta adegit, papa Pius VI (mense Martio 1791) hanc disciplinam condemnavit. Clerici et Francici omnes in duas partes discesserunt. Aliqui Rerum Francicarum eversionem acceperunt, alii fidem Ecclesiae catholicae servaverunt. Hi clerici dicti sunt ecclésiastiques réfractaires, quia ad iusiurandum supra novam Magnam Chartam recusaverunt.
Die 14 Septembris 1791 urbs Avenio, quae ad domania sub dicione pontificia erat Franciae iuncta est.
Die 15 Februarii Francici ipsam urbem Romam ceperunt et Pius comprehensus et quamquam senex fuisset postea in Franciam translatus est. Die 29 Augusti 1799 Pius captivus Valentiae in Francia obiit.