სამტრედიის მუნიციპალიტეტი — თვითმმართველი ერთეული იმერეთის მხარეში. ადმინისტრაციული ცენტრია ქალაქი სამტრედია.
| ადმინისტრაციული ერთეული | |||||
|---|---|---|---|---|---|
|
სამტრედიის მუნიციპალიტეტი | |||||
 | |||||
| |||||
| ქვეყანა |
 საქართველო | ||||
| მხარე | იმერეთის მხარე | ||||
| ადმ. ცენტრი | სამტრედია | ||||
| კოორდინატები | 42°09′45″ ჩ. გ. 42°20′30″ ა. გ. | ||||
| გამგებელი | დავით ბახტაძე | ||||
| ფართობი | 364.1 კმ² | ||||
| ოფიციალური ენა | ქართული ენა | ||||
| მოსახლეობა |
 48 562 კაცი (2014) | ||||
| სიმჭიდროვე | 133,38 კაცი/კმ² | ||||
| ეროვნული შემადგენლობა |
ქართველები 98,4 % სომხები 0,8 % რუსები 0,4 % უკრაინელები 0,1 %[1] | ||||
| სარწმუნოებრივი შემადგენლობა | მართლმადიდებლები 98,5 %[2] | ||||
| სასაათო სარტყელი | UTC+04:00 | ||||
| ოფიციალური საიტი | https://samtredia.gov.ge/ | ||||
| |||||
.svg)
ბუნება
სამტრედიის მუნიციპალიტეტის ძირითადი ნაწილი კოლხეთის დაბლობზე მდებარეობს, ხოლო მცირე ნაწილი საჯავახოს ზეგანზეა შეფენილი. მუნიციპალიტეტის ტერიტორიას შუაზე კვეთს მდინარე რიონი, სხვა მნიშვნელოვანი მდინარეა გუბისწყალი.
ტემპერატურა მერყეობს +5 °C–დან (იანვარი) +25 °C გრადუსამდე (ივლისი). ნალექების მაქსიმალური რაოდენოაბა ოქტომბერ-დეკემბერში ფიქსირდება (160 მმ.), მინიმალური კი - მაისში (20 მმ.).
მოსახლეობა
აღწერის მონაცემები
| აღწერის წელი | მოსახლეობა |
|---|---|
| 1989 | 64 504 |
| 2002 | 60 429 |
| 2014 | 48 563 |
| 2021[3] | 43 400 |
ადგილობრივი თვითმმართველობა
ადმინისტრაციული ერთეულები
სამტრედიის მუნიციპალიტეტში არის შემდეგი ადმინისტრაციულ-ტერიტორიული ერთეულები:
- 1 ქალაქი - სამტრედია
- 1 დაბა - კულაში
- 8 თემი - გომი, ეწერი, მელაური, ნაბაკევი, ოფეთი, საჯავახო, ტოლები, ღანირი
- 5 სოფელი - ბაში, გამოჩინებული, გორმაღალი, დიდი ჯიხაიში, იანეთი.
სამტრედიის მუნიციპალიტეტს გააჩნია საკუთარი სიმბოლიკა: სამტრედიის დროშა და სამტრედიის გერბი.
საკრებულო
| პარტია | 2017[4] | 2021[5] | ამჟამინდელი საკრებულო | |||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ქართული ოცნება | 26 | 24 | ||||||||||||||||||||||||||||||||||||||||||||||
| ნაციონალური მოძრაობა | 4 | 7 | ||||||||||||||||||||||||||||||||||||||||||||||
| საქართველოსთვის | 1 | |||||||||||||||||||||||||||||||||||||||||||||||
| ლელო | 1 | |||||||||||||||||||||||||||||||||||||||||||||||
| ევროპული საქართველო | 2 | |||||||||||||||||||||||||||||||||||||||||||||||
| პატრიოტთა ალიანსი | 1 | |||||||||||||||||||||||||||||||||||||||||||||||
| სულ | 33 | 33 | ||||||||||||||||||||||||||||||||||||||||||||||
საზოგადოებრივი სფერო
ჯანდაცვა
მუნიციპალიტეტში ოთხი საავადმყოფო მოქმედებს: რაიონული (გათვლილია 50 საწოლზე), ბავშვთა და ბავშვთა და დედათა (გათვლილია 40 საწოლზე) საავადმყოფოები და მოზრდილთა პოლიკლინიკა. ოთხივე საავადმყოფო არსებობს შპს-ს ფორმით. ყველა მათგანი განთავსებულია ქალაქ სამტრედიაში. მუნიციპალიტეტის ტერიტორიაზე მოქმედებს 7 სადაზღვევო კომპანია.
განათლება
სამტრედიაში სკოლამდელ დაწესებულებებს ხელმძღვანელობს ააიპ მუნიციპალიტეტის სკოლამდელი აღზრდის დაწესებულებათა გაერთიანება, რომლის შემადგენლობაში შედის 20 ბაგა-ბაღი, ამათგან 11 ქალაქში, ხოლო 9 - სოფლებში. ბაღებს ემსახურება 50 პედაგოგი. სულ სკოლამდელი აღზრდის დაწესებულებათა გაერთიანება ემსახურება 1005 აღსაზრდელს და უზრუნველყოფს მათ უფასო კვებას, აღზრდა-მომზადებას სასკოლოდ.
სამტრედიაში 16 საჯარო სკოლაა, აქედან 7 ქალაქ სამტრედიაში, ხოლო 9 - სხვადასხვა სოფელში.
კულტურა
სამტრედიის მუნიციპალიტეტში არის ერთი მუზეუმი — ნიკო ნიკოლაძის სახლ-მუზეუმი სოფელ დიდ ჯიხაიშში, ორი სამუსიკო სკოლა (დიდ ჯიხაიშსა და სამტრედიაში), მოსწავლე-ახალგაზრდობის სახლი, ბიბლიოთეკა, კულტურის სახლი და სამხატვრო გალერეა ქალაქ სამტრედიაში.
მედია
მუნიციპალიტეტის ტერიტორიაზე ვრცელდება ერთი ადგილობრივი გაზეთი „სამტრედიის მაცნე“.
ტრანსპორტი
მუნიციპალიტეტის ტერიტორიაზე გადის საქართველოს საავტომობილო მაგისტრალი ს1 და საქართველოს საავტომობილო მაგისტრალი ს12.
ღირსშესანიშნაობები
სამტრედიის მუნიციპალიტეტის ტერიტორიაზე არსებული ისტორიული ძეგლებიდან აღსანიშნავია:
- ტელეფისი - XI-XII საუკუნეების ციხის ნანგრევები სოფელ ტოლებში
- გამოჩინებული - წმიდა გიორგის სახელობის 1519 წლის ტაძარი საჯავახოში
- დაბლაგომის ნამოსახლარი - ანტიკური ხანის ნამოსახლარი დაბლაგომში
აგრეთვე:
- შუა ბაშის წმინდა ნიკოლოზისა და ღვთისმშობლის XIX საუკუნის ტაძრები
- ჭაგნის მთავარანგელოზისა და ღვთისმშობლის XVIII-XIX საუკუნეების ტაძრები
- ვაზისუბნის ღვთისმშობლის სახელობის XII საუკუნის ტაძარი
- ნაბაკევის ჯვარცმის სახელობის XV საუკუნის ტაძარი
- ჯიქთუბნის XV საუკუნის ტაძარი
- ჩხენიშის წმინდა გიორგის სახელობის შუა საუკუნეების ტაძარი
- ხუნჯულაურის მაცხოვრის შობის სახელობის XVII საუკუნის ტაძარი
- ნიგორზღვის წმინდა გიორგის სახელობის XVIII საუკუნის ტაძარი
- მტერჩვეულის მთავარანგელოზის სახელობის XIX საუკუნის ტაძარი
- გომმუხაყრუას XIX საუკუნის ტაძარი
- ნოღის წმინდა გიორგის სახელობის XIX საუკუნის დასასრულის ტაძარი
- კულაშის XVIII საუკუნის სინაგოგა
ლიტერატურა
- ჯაყელი ქ., კვერენჩხილაძე რ., ქართული საბჭოთა ენციკლოპედია, ტ. 9, თბ., 1985. — გვ. 35-36.
რესურსები ინტერნეტში
სქოლიო
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
