From Wikipedia, the free encyclopedia
Sawo (Manilkara zapota) iku woh-wohan ijo langgeng sing umuré dawa. Sawo uga bisa diarani neesbery|neesbery utawa sapodilas|sapodilas[1]. Wit sawo akèh ditandur ing Nagara India, Sri Lanka, Filipina, Meksiko, Venezuela, Guatemala, lan Amérika Tengah. Ing Indonésia, lumrahé sawo didadékaké tuwuhan pekarangan kang bisa didhahar wohé, mligi ing laladan Sumatra Kulon,Jakarta,Jawa Kulon, Jawa Tengah,Jawa Wétan, lan Nusa Tenggara Kulon[2]. Wiji sawo dhapuré ireng utawa soklat semu ireng, gepeng tur gedhé. Jaman biyèn wiji sawo bisa kanggo dolanan dakon.[2] Wiji sawo ngandhut saponin, kuersetin, lenga 23 persèn.[2] 100 gram sawo ngandhut ènergi 120 kkal, magnesium 12 mg, selenium 0,6 mg, protéin 0,5 gram, kalsium 25 mg, fosfor 12 mg, besi 1 mg, retinol 18 mg lan asem askrobat 21 mg.[2][3]
Sawo | |
---|---|
![]() | |
Sawo | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Magnoliopsida |
Ordho: | Ericales |
Famili: | Sapotaceae |
Génus: | Manilkara |
Spésies: | M. zapota |
Jeneng binomial | |
Manilkara zapota (L.) P. Royen | |
Sinonim | |
Achras zapota L., 1753 (jeneng invalid) |
Jenengé ing manéka basa antaran liya sauh utawa sauh manila, utawa ciku (Mly.), chico (Filipina), chikoo utawa sapota (India), sofeda (Bangladesh), xa pô chê utawa hồng xiêm (Vietnam), rata-mi (Sri Lanka), lamoot (ละมุด) ing Thailand, Laos lan Kamboja, níspero (Venezuela), sugardilly (Kep. Bahama), naseberry (Hindia Kulon), sapote (Nicaragua), sapoti (Brazil), sapotillier (basa Prancis) lan sapodilla (basa Inggris).
![]() |
Wikimedia Commons duwé médhia ngenani Manilkara zapota. |
Wit sawo duwé manpangat yaiku kanggo bahan pangan olahan kaya ta ès krim, selai, sirup utawa difermentasi dadi anggur lan cuka.[1] Saliyané iku wit sawo uga bisa kanggo:
Sawo duwé kasiyat akèh kaya ta getih lan godhongé bisa kanggo obat diaré, lara panas, obat borok, ramuan rempah kanggo wong wadon sing lagi nglairké.[3][4]