From Wikipedia, the free encyclopedia
Nanas (Ananas comosus (L.) Merr.) iku sajenis tetuwuhan tropis kang asalé saka Brazil, Bolivia, lan Paraguay.[1] Tetuwuhan iki kalebu ing familia nanas-nanasan (Famili Bromeliaceae).[1] Prawakan (habitus) tetandurané cendhèk, herba (taunan) mawa 30 utawa luwih godhong kang dawa, pucuké lancip, kasusun ing wangun rosèt nglilingi watang kang kandel. Wohé ing basa Inggris diarani pineapple amarga wanguné kang kaya wit pinus.[1] Jeneng 'nanas' asalé saka pangaranan wong Tupi kanggo who iki: anana, kang tegesé "woh kang becik banget".[1] Manuk pangisep madu (hummingbird) wujud panyerbuk alamiyah woh iki, sanadyan manéka gegremet uga duwé peran kang padha.[1]
| Nanas | |
|---|---|
 | |
| Woh nanas ing wité | |
| Klasifikasi ngèlmiah | |
| Karajan: | Plantae |
| Unranked: | Angiosperms |
| Unranked: | Monocots |
| Unranked: | Commelinids |
| Ordho: | Poales |
| Famili: | Bromeliaceae |
| Subfamili: | Bromelioideae |
| Génus: | Ananas |
| Spésies: | A. comosus |
| Jeneng binomial | |
| Ananas comosus (L.) Merr. | |
| Sinonim | |
|
Ananas sativus | |
.jpg)
Woh nanas kaya kang didol wong iku dudu woh sajati, nanging gabungan woh-woh sajati (tilasé katon saka saben 'sisik' ing kulit wohé) kang sajeroning perkembangané kagabung—bebarengan karo tongkol (spadix) kembang majemuk—dadi sak'woh' gedhér.[1] Nanas kang dibudidayakaké wong wis kèlangan kamampuan tangkar-tumangkar kanthi sèksual, nanging nanas ngembangaké tuwuhan enom (pérangan 'makutha' woh) kang wujud srana tangkar-tumangkar kanthi vegetatif.[1]
Ing Indonésia, provinsi Lampung wujud laladan nenandur nanas utama, kanthi sapérangan pabrik pangolahan nanas kang uga ana ing kono.[1]
Nanas ngandhut serat kang akèh, sehingga bisa nambani sembelit.[1] kandhutan nanas iki manfaat banget kanggo wong kang lagi bebelen.[1] Nanas bisa dadi obat pencahar (bebelen).[1]
Nanas uga bisa marakaké awak dadi 'langsing, nyilikaké weteng, lan ngurangi ''obésitas''.[1]
Nanas asalé saka nagari Samba, Brasil.[1] Nanas bisa nglunturaké lemak ing awak.[1] Mangan nanas bisa ndadèkaké awak langsing lan singset.[1]
Kulit nanas kang kaya sisik emas iki bisa ngundhakaké sistem pertahanan tubuh.[1] Nanas uga ngandhut vitamin A, vitamin C, kalsium, fosfor, magnesium, besi, natrium, kalium, dekstrosa, sukrosa, lan énzim bromelain.[1] Zat-zat mau bisa nambani lelara kaya ta ''tumor'', ''aterosklerosis'' (penyempitan pembuluh darah), lan béri-béri.[1] Nanas uga duwé zat antioksidan kang bisa ngundhakaké imun lan ncegah penuaan dini.[2]
Saliyané nduwé khasiat, nanas uga nduwé éfék samping.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
