Nangka iku jinisé wit saha wohé. Wit nangka kalebu suku Moraceae; jeneng ngèlmiahé yaiku Artocarpus heterophyllus. Sajeroning basa Inggris, nangka kondhang minangka jackfruit.
| Nangka | |
|---|---|
 | |
| Buah nangka | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Rosales |
| Famili: | Moraceae |
| Génus: | Artocarpus |
| Spésies: | A. heterophyllus |
| Jeneng binomial | |
| Artocarpus heterophyllus Lamk. | |
Katrangan
Wit nangka lumrahé duwé ukuran sedheng, nganti watara 20 m dhuwuré, sanadyan ana sing nganti 30 m. Wité bunder silindris, nganti watara 1 m garis tengahé. Tajuk wit nangka padhet lan ketel, bunder lan amba yèn uripé ing panggonan sing kabuka. Kabèh pérangan tuwuhan iki ngetokaké dhadhak putih kenthel yèn dikeret.
Godhong tunggal, nyebar, mawa gagang 1–4 cm, lembaré godhong rada kandel kaya kulit, kaku, pinggiré rata, lonjong kuwalik nganti jorong (dawa), 3,5-12 × 5–25 cm, kanthi pangkal nyiut mbaka sethithik, lan pucuké mèh lancip utawa rada lancip. Godhong mligi bunder endhog lancip, dawa nganti 8 cm, gampang rogol lan ninggal tilas kaya ali-ali.
Asal-usul lan sumebaré
Nangka dipitayani asalé saka India, yaiku wewengkon Ghats pérangan kulon, jinis-jinis liaré isih tuwuh ing alas udan (hutan hujan) ing tlatah iki. Saiki nangka wis nyebar ing laladan-laladan tropis, mligi ing Asia Kidul-wétan.
Deleng uga
Wacan
- Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.
Pranala njaba
 |
Wikimedia Commons duwé médhia ngenani Artocarpus heterophylla. |
- Harian Kompas: Nangkadak, Persilangan Nangka-Cempedak[pranala mati permanèn]
- Harian Republika: Mengawinkan Nangka Cepedak di Halaman Anda[pranala mati permanèn]
- Nangka x Cempedak = Nangkadak Archived 2008-12-08 at the Wayback Machine.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
