Trofeo Teresa Herrera 2023

O Trofeo Teresa Herrera de 2023 foi a 78ª edición do torneo. Celebrouse na Coruña o 5 de agosto de 2023 a partido único. O campión foi o Deportivo da Coruña, que logrou o seu 25º título ao derrotar por 4-0 ao Red Bull Bragantino II do Brasil.^[1]

Trofeo Teresa Herrera 2023

Tipo	torneo amistoso de fútbol
Organizador	Deportivo da Coruña Concello da Coruña
Parte de	Trofeo Teresa Herrera
Número de participantes	2
Participantes	Deportivo da Coruña e Red Bull Bragantino II
Localización  e  Datas
Localización	estadio de Riazor (A Coruña) 43°22′07″N 8°25′03″O
País	España
Número de edición	78  (2023)
Competición
Árbitro	Daniel Pastoriza Iglesias
Primeiro posto	Deportivo da Coruña
Datos estatísticos
Máis goles marcados	Iván Barbero↔ Deportivo da Coruña (2)
Número de espectadores	16.127
← 2022 2024 →

Participantes

Deportivo da Coruña	Club anfitrión. 4º na Primeira División RFEF 2022/23
Red Bull Bragantino II	2º no Campionato Brasileiro Sub-23 de 2022 e 10º no Campionato Paulista Serie A3 de 2022

Homenaxes

Nos momentos previos ao partido foron homenaxeados os exfutbolistas brasileiros Bebeto e Mauro Silva, dous dos mellores xogadores da historia do Deportivo da Coruña e os únicos que gañaron a Copa do Mundo mentres militaban no club.^[1] Mauro Silva xogara ademais dous anos e medio no Bragantino, antes de ser traspasado en 1992 ao Deportivo.^[2] Gardouse ademais un minuto de silencio polo falecemento de Luis Suárez, antigo xogador e adestrador do equipo coruñés e único Balón de Ouro nacido na Península Ibérica.^[3] Durante o partido rendéuselle tamén unha homenaxe ao capitán Álex Bergantiños, que vestiu por última vez a camiseta do Deportivo despois de 21 anos ao servizo do club. Ingresou ao campo como titular e foi substituído no minuto 21, acompañado polos seus fillos e sendo ovacionado por todo o estadio.^[4][5]

Partidos

Final

Deportivo da Coruña	4–0	Red Bull Bragantino II	5 de agosto de 2023 – Riazor, A Coruña Asistencia: 16.127 Árbitro: Pastoriza Iglesias
Barbero  36'  63' Davo  59' José Ángel  79' (p.)	Informe	Caetano 78'

Titulares: Parreño 46' Paris Adot 71' Jaime 71' Pablo Martinez 60' Balenziaga 71' Villares 60' Bergantiños 21' Yeremay 60' Davo 71' Lucas 71' Barbero 71' Substitucións: José Ángel 21' 82' Mackay 46' Isi 60' Barcia 60' Narro 60' Retu 60' Somolinos 71' Ochoa 71' Kuki Zalazar 71' Kevin Sánchez 71' Brais Val 82' Adestrador: Imanol Idiakez

Titulares: Gustavo Reis 46' Jhonny 80' Kauan Gustavo Henrique 80' Felipe Motta 46' Caetano 80' Wesley 61' Vitinho 46' Marcelinho 46' Yuri 73' Everton 80' Substitucións: Fernando Costa 46' Douglas 46' Diogo 46' 89' Vinicius Pereira 46' Chumbinho Santos 61' Mineiro 73' Vinicius Lago 80' Kauan Martins 80' Riquelme 80' Kauã Alves 80' Gabriel Moysés 89' Adestrador: Pedro Caixinha

Notas

1. "O Teresa Herrera queda na Coruña por 25ª vez (4-0)". 5 de agosto de 2023. Consultado o 6 de agosto de 2023.
2. "¡Vaya gangas!". El País (en castelán). 12 de marzo de 1995. Consultado o 6 de agosto de 2023.
3. "Así fue el minuto a minuto del Teresa Herrera: RC Deportivo-Bragantino". DxT Campeón (en castelán). 5 de agosto de 2023. Consultado o 6 de agosto de 2023.
4. "El Depor honra a Bebeto y Mauro con su 25º Teresa Herrera". As (en castelán). 6 de agosto de 2023. Consultado o 6 de agosto de 2023.
5. "La despedida de Álex Bergantiños del Deportivo en Riazor: entre lágrimas y con beso final al césped" (en castelán). 5 de agosto de 2023. Consultado o 6 de agosto de 2023.

Véxase tamén

Outros artigos

• Trofeo Teresa Herrera Feminino 2023