Gunnar Nilsson

Gunnar Nilsson, nado en Helsingborg o 20 de novembro de 1948 e finado en Londres o 20 de outubro de 1978, foi un piloto Sueco.

Gunnar Nilsson

Biografía
Nacemento	20 de novembro de 1948 Helsingborg, Suecia
Morte	20 de outubro de 1978 (29 anos) Londres, Reino Unido
Causa da morte	cancro do testículo (pt)
Actividade
Campo de traballo	Carreira automobilística, carro de Fórmula 1 (pt) e Fórmula 1
Ocupación	enxeñeiro, piloto de automobilismo, piloto de Fórmula Un
Deporte	automobilismo

Traxectoria

Antes de entrar na Fórmula 1, gañou o Campionato Británico de Fórmula Tres de 1975. Nilsson participou en 32 carreiras de Fórmula Un, clasificándose para todos eles. Gañou unha carreira, o Gran Premio de Bélxica de 1977, batendo a Niki Lauda e a Peterson, pero, a partir de entón, a súa condución perdeu garra a enfermidade comezara a atenazarlle. Ao detectar as súas cefaleas, o seu compañeiro de equipo en Lotus Mario Andretti aconselloulle unha urxente revisión médica, aínda que xa era tarde. Sen resignarse a un final sen esperanza, Nilsson fichou en 1978, por Arrows, pero nunca estivo o suficientemente ben como para pilotar o coche. Competiu en tres carreiras International Race of Champions (IROC) en 1978. Acadou dous sextos lugares e un quinto posto.^[1]

Caeu en coma en outubro e morreu un mes antes de cumprir os 30 anos. Ronnie Peterson avantaxoulle en 39 días en cruzar a meta final. Nilsson quixo contribuír a portar o ataúde do seu antigo heroe, pero o seu estado xa non llo permitía e, cariñosamente, James Hunt e Emerson Fittipaldi tiveron que disuadilo.

Nos últimos meses, Nilsson perdera 30 kg de peso e todo o pelo, a causa do tratamento de quimioterapia, pero conservou o ánimo, traballou persoalmente nunha fundación contra o cancro (para a que recadou preto dun millón de dólares) e anunciou que se reintegraría ao Gran Circo da fórmula 1 en 1979. Nos seus últimos días negouse a ser drogado e afrontou o final con completa lucidez.

Morreu de cancro testicular en Londres en 1978. Logo da súa morte, a súa nai, Elisabeth Nilsson, creou o Fundación Gunnar Nilsson contra o cancro.

Gunnar Nilsson está enterrado no cemiterio Pålsjö en Helsingborg, Suecia, preto dos seus pais Arvid e Elisabeth Nilsson.

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	Pos	Puntos
1976	John Player Team Lotus	Lotus 77	Cosworth V8	BRA	RSA Ret	USW Ret	ESP 3	BEL Ret	MON Ret	SWE Ret	FRA Ret	RU Ret	ALE 5	AUT 3	NED Ret	ITA 13	CAN 12	USA Ret	XPN 6		10º	11
1977	John Player Team Lotus	Lotus 78	Cosworth V8	ARX NTS	BRA 5	RSA 12	USW 8	ESP 5	MON Ret	BEL 1	SWE 19	FRA 4	RU 3	ALE Ret	AUT Ret	NED Ret	ITA Ret	USA Ret	CAN Ret	XPN Ret	8º	20

Notas

1. "IROC results".

Ligazóns externas

Wikimedia Commons ten máis contidos multimedia na categoría:  Gunnar Nilsson

• Gunnar Nilsson article on The Speed Blog
• The Gunnar Nilsson Cancer Foundation