A estación de Zaragoza–Delicias é unha estación intermodal de ferrocarril e autobuses situada no barrio de Las Delicias da cidade aragonesa de Zaragoza.
| Zaragoza–Delicias | |
|---|---|
 Vista exterior da estación | |
| Situación | Zaragoza |
| Servizos |  .svg){kind=small} .svg){kind=small}  |
| Liñas | |
| Alta velocidade | AVE, Avant |
| Longa Distancia | Alvia, Trenhotel |
| Media distancia | MD, TRD, Rexional, Intercity, Rexional Exprés |
| Cercanías |  (Proximidades Zaragoza) |
| Intermodalidade | |
| Outros | Estación Central de Autobuses, biZi, TUZSA 34 51 Ci1 Ci2 |
É un edificio de grande envergadura, inaugurado o 7 de maio de 2003 e que ademais, dende o 5 de maio de 2007 alberga ademais a Estación Central de Autobuses. Desde o 11 de xuño de 2008, tres días antes da inauguración da Exposición Internacional de 2008, opera o servizo de proximidades nas vías 7 e 8.
Situación ferroviaria
A estación forma parte dos trazados das seguintes liñas férreas:
- Liña férrea de ancho ibérico que une Madrid con Barcelona vía Zaragoza, punto quilométrico 339,4.[1]
- Liña férrea de alta velocidade e ancho internacional Madrid-Zaragoza-Barcelona-Fronteira Francesa, punto quilométrico 306,700.[2]
Ademais, formaba parte tamén dun pequeno ramal de vía estreita que unía Zaragoza-Delicias con Zaragoza-Cariñena hoxe desmantelado.[2]
Historia
A estación foi inaugurada o día 7 de maio de 2003, data na cal empezaron a operar na estación os primeiros trens de alta velocidade. O 11 de xuño de 2008, tres días antes do inicio da Exposición Internacional de Zaragoza, as vías 7 e 8 empezaron a recibir os primeiros trens de proximidade da recentemente creada liña C-1 de proximidades Zaragoza. Tras cumprirse dez anos desde a súa inauguración fíxose público que preto de 19 millóns de pasaxeiros.[3]
A estación
Foi proxectada polos arquitectos Carlos Ferrater, José María Valero e Félix Arranz, o enxeñeiro de camiños Juan Calvo e o enxeñeiro de instalacións Juan Broseta, de Enxeñería Proxectos Civís e Tecnolóxicos SA, de Valencia. É unha estación cun grande espazo interior de máis de seiscentos metros de longo por cento oitenta de ancho, configurado por tres vestíbulos que organizan as circulacións dos viaxeiros a través dunha zona de saídas e outra de chegadas e o "transfer", a través dun acceso central subterráneo.
Dispón de 18,8 ha repartidas entre os servizos destinados a visitantes en xeral e os espazos ocupados directamente para funcións de transporte. Só para o transporte ferroviario conta con oito plataformas cunha lonxitude de 400 metros cada unha.
Un dos elementos máis novos deste proxecto é a súa cuberta, que desde a distancia ofrece un perfil insólito cos seus grandes arcos en diagonal sobre o corpo do edificio, unha cuberta de tetraedros que captan a luz e a súa gran dimensión, rememorando unha catenaria investida.
A cuberta principal ten unha superficie de 40.000 m² e está composta por unha malla triangular a modo de taboleiro de xadrez, de triángulos alternos de luz e de sombra, que dotan á estación de luz natural. Na zona central de plataformas a altura do teito chega a ser de 30 metros, nunha zona onde non existe nin un só alicerce que sustente as 4 hectáreas de teito infestado de lucernarios dispostos en forma de malla triangular.
Obtivo o Premio FAD de arquitectura en 2004 e o Premio Brunel no ano 2005 no seu 22ª edición.
Servizos ferroviarios
Longa distancia
Actualizado a 8 de xullo de 2016.
Media distancia
Actualizado a 8 de xullo de 2016.
| Liña | Trens | Orixe/Destino | Destino/Orixe | |
|---|---|---|---|---|
| Avant | Calatayud | Zaragoza-Delicias | ||
| 22 | Rexional Exprés | Logroño Castejón de Ebro |
Miraflores | |
| 34 | Rexional Exprés | Zaragoza-Delicias | Móra la Nova Barcelona-Estació de França | |
| 38 | Rexional | Zaragoza-Delicias | Lleida-Pirineus | |
| 49 | MD | Valencia-Estació del Nord Teruel |
Zaragoza-Portillo | |
| 55 | Rexional | Calatayud Arcos de Jalón |
Zaragoza-Delicias Miraflores | |
| 56 | Rexional | Canfranc Tardienta Jaca |
Zaragoza-Delicias |
Proximidades
A estación de Delicias forma parte da liña C-1 da rede de proximidades Zaragoza operada por Renfe.
Galería de imaxes
Vista interior da estación.
Trens estacionados en Zaragoza-Delicias.
Alvia.
.jpg)
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
