ikertzailea From Wikipedia, the free encyclopedia
Itziar Aduriz Agirre (Errenteria, 1965ko otsailaren 10a) hizkuntzalaria eta irakaslea da Bartzelonako Unibertsitatean.[1] Kidea da Ixa Taldean eta Hitz Zentroan.[2][3]
| Itziar Aduriz | |
|---|---|
| Bizitza | |
| Jaiotza | Errenteria, 1965eko otsailaren 10a (59 urte) |
| Herrialdea |  Gipuzkoa, Euskal Herria |
| Hezkuntza | |
| Heziketa | Euskal Herriko Unibertsitatea |
| Tesi zuzendaria | Arantza Diaz de Ilarraza Sanchez Patxi Goenaga |
| Doktorego ikaslea(k) | Uxoa Inurrieta Josep del Rio Rodríguez |
| Hizkuntzak | euskara gaztelania |
| Jarduerak | |
| Jarduerak | hizkuntzalari konputazionala eta unibertsitateko irakaslea |
| Enplegatzailea(k) | Bartzelonako Unibertsitatea UZEI |
| Lan nabarmenak | |
| Kidetza | Ixa taldea Udako Euskal Unibertsitatea |
 | |
Deustuko Unibertsitateko EUTG Eskolan Euskal Filologian lizentziatu zen 1988an. Besteak beste Miren Azkarate eta Patxi Altuna izan zituen irakasle. Euskal Filologiako doktorea da, eta lexikografia, corpusgintza, sintaxi konputazionala dira haren lan esparruak. UZEIn hasi zen lanean 1984an. Eta ia hasieratik da kidea Ixa Taldean.
Eskolak eta ikastaroak ematen ditu BartzelonakoUnibertsitatean. Filologia Fakultatean bi igai irakasten ditu: Euskara hizkuntzarako sarrera (Introducció a la Llengua Basca) eta Hizkuntzalaritzarako sarrera (Introducció a la Lingüística).[1]
Udako Euskal Unibertsitatean, eta Euskal Herriko Unibertsitatean ere hainbat ikastaro eman ditu.
Euskal Filologian doktorea da, Patxi Goenagaren zuzendaritzapean euskarazko sintaxi konputazionala lantzen aitzindari izan zen "EUSMG: morfologiatik sintaxira murriztapen gramatika erabiliz" izeneko tesiarekin (Euskal Herriko Unibertsitatea, 2001).[4] Lehenago ere hasia zen Ixa taldean ikertzen eta Xuxen zuzentzaile ortografikoa eta Euskararen Datu-base Lexikala garatu zituen lantaldean ere parte hartu zuen.[5]
Ikerlaria izan zen Ixa taldean eta aditua da euskararen corpusgintzan, lexikografian eta sintaxi konputazionalean.[6]
Hainbat aldizkari eta egunkaritan idatzi ditu artikuluak, besteak beste hauetan: ASJU, Elhuyar: Zientzia eta teknika, Literary and Linguistic Computing, Senez. Euskal komunitate zientifikoaren Inguma datu-basean, berak sorturiko lanak 30 baino gehiago dira.[6][7]
2015, 2017, 2019 eta 2021ean Ikergazte kongresuko batzorde akademikoko kide izan da giza zientziak eta artea arloan.[8]
Udako Euskal Unibertsitateko Hizkuntzalaritza Sailean ere aritu izan da irakasle gisa hainbat urtez. UEUko informatikako sailburua izan da hainbat urtez, baita Hizkuntzalari Euskaldunen Bilkuren antolatzaileetako bat. Liburu hauek argitaratu zituzten:
Euskal komunitate zientifikoaren Inguma datu-basean, berak idatzitako 34 lan baino gehiago agertzen dira.[7]
Hainbat sari lortu ditu Itziar Adurizek Ixa Taldeko kide moduan; besteak beste hauek:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
