Lenin

rusa politikisto; la 1-a estro de Sovetio From Wikiquote, the free quote compendium

Lenin
Aliaj projektoj
Biografio en Vikipedio
Plurmedioj en Komunejo
Plurmedioj en Komuneja kategorio

Lenin, naskita Vladimir Iljiĉ ULJANOV, ruse Владимир Ильич Ульянов, (naskiĝis la 22-an de aprilo, 1870, mortis la 21-an de januaro, 1924) estis rusa revoluciisto, ŝtata aganto kaj politika pensulo. Lia patrino estis edzino de instruisto, kiu fariĝis lernejestro.

Citaĵoj

Citaĵo
« La forigo de l’ŝtatregado estas la celo, kiun ĉiuj socialistoj, Marks unuavice, alcelis... »
— el [[[Vortoj de Kamarado E. Lanti]], p. 114]
Citaĵo
« Kiam vi laboras, ne hontu diri al la homoj, kiuj helpas al vi, ke ili malhelpas. »
— Lenin[1]
Citaĵo
« Pacismo, la predikado de paco abstrakte, estas unu el la rimedoj por trompi la laboristan klason. »
Citaĵo
« Ne povas esti reala kaj efika "libereco" en socio bazita sur la potenco de mono, en socio en kiu la amasoj da laboristoj vivas en malriĉeco kaj la manpleno da riĉuloj vivas kiel parazitoj. »
Citaĵo
« Sen revolucia teorio ne povas esti revolucia movado. »
Citaĵo
« Ni devas "iri inter ĉiuj klasoj de homoj" kiel teoriuloj, kiel propagandistoj, kiel agitantoj kaj kiel organizantoj. »
Citaĵo
« La homa racio malkovris multajn mirindajn aferojn en la naturo kaj malkovros ankoraŭ pli kaj tiel pliigos sian potencon super la naturo. »
Citaĵo
« Internacia unueco de la laboristoj pli gravas ol la nacia. »
— Letero al Inessa Armand (20 novembro 1916)
Citaĵo
« Ni ne atingos socialismon sen lukto. »
Citaĵo
« Ĉiaspecaj krizoj - ekonomiaj krizoj pli ofte, sed ne nur ĉi tiuj - siavice tre konsiderinde pliigas la tendencon al koncentriĝo [de kapitalo] kaj monopolo. »
Citaĵo
« Monopolo, post kiam ĝi formiĝas kaj regas milojn da milionoj, neeviteble penetras en ĉiun sferon de la publika vivo, sendepende de la formo de registaro kaj ĉiuj aliaj "detaloj". »
Citaĵo
« Dum la ŝtato ekzistas, ne povas esti libereco. Kiam estos libereco, ne estos ŝtato. »
Citaĵo
« Libereco en kapitalisma socio ĉiam restas preskaŭ same kiel en la antikvaj grekaj respublikoj: libereco por la sklavposedantoj. »
Citaĵo
« La danĝero estas granda. La malamiko estas multe pli forta ol ni ekonomie, same kiel hieraŭ ĝi estis armee multe pli forta ol ni. »
Citaĵo
« Kiam ni venkos mondskale, mi pensas ke ni uzos oron por konstrui publikajn necesejojn en la stratoj de iuj el la plej grandaj urboj de la mondo. »
Citaĵo
« Stalin estas tro malĝentila kaj ĉi tiu difekto, kvankam sufiĉe tolerebla inter ni kaj traktado inter ni komunistoj, fariĝas netolerebla ĉe ĝenerala sekretario. Tial mi sugestas ke la kamaradoj pensu pri maniero forigi Stalin de tiu posteno kaj nomumi alian homon anstataŭ li... »
— Letero al la Kongreso (4 januaro 1923)
Citaĵo
« Oni ne povas vivi en socio kaj esti libera de socio. »
Citaĵo
« Diskriminacio inter civitanoj pro ties religiaj konvinkoj estas tute netolerebla. »
Citaĵo
« Honton al Usono pro la malfacila situacio de la nigruloj! »
Citaĵo
« Historio moviĝas zigzage kaj laŭ rondiraj vojoj. »
Citaĵo
« Neniu revolucio valoras ion ajn, krom se ĝi povas defendi sin. »
Citaĵo
« Komunismo ne povas esti trudita perforte. »
Citaĵo
« Honto pro malbenita carismo, kiu torturis kaj persekutis la judojn. Honto al tiuj, kiuj instigas malamon al la judoj, kiuj instigas malamon al aliaj nacioj. »
Citaĵo
« Ĉie en la mondo, kie ajn estas kapitalistoj, gazetara libereco signifas liberecon aĉeti gazetojn, aĉeti verkistojn, subaĉeti, aĉeti kaj falsi "publikan opinion" por la avantaĝo de la burĝaro. »


Misatribuitaj

Citaĵo
« Faŝismo estas kaduka kapitalismo.
  • Laŭ barrypopik.com estas neniu pruvo ke Lenin iam diris ĉi tion. Ĝi pli probable devenas de libro de Rajani Palme Dutt Fascism and Social Revolution: A Study of the Economics and Politics of the Last Stages of Capitalism in Decay (1935). »
Citaĵo
« Ni pendigos la kapitalistojn per la ŝnuro, kiun ili vendas al ni.
  • Ofte atribuita al Lenin aŭ Stalin, malpli ofte al Marx. La frazo devenas el onidiro ke Lenin diris tion al unu el siaj proksimaj kunlaborantoj Grigori Zinoviev, post kunveno de la politburoo en la fruaj 1920-aj jaroj, sed ekzistas neniuj pruvoj ke li iam diris tion. »
Citaĵo
« Praktiko estas la kriterio de vero.
Citaĵo
« Viro kun pafilo povas regi 100 sen unu [pafilo].
  • Ne trovebla en la Kolektitaj Verkoj de Lenin. Komencis ekaperi en la interreto meze de la 1990-aj jaroj. »

Pri la aŭtoro

Citaĵo
« [pri Lenin] Malbone mi rilatas al li. Tre malbone. Kiel oni povas rilate al la homo, kiu en tioma kvanto mortigis vian popolon? La caro kaj lia ĉirkaŭantaro respondecas pri la revolucio, sed tio kion poste faris la bolŝevistoj, estis eĉ pli malbone ol la carismo. » « Плохо я к нему отношусь. Очень плохо. Как можно относиться к человеку, который в таком количестве морил твой народ? Царь и его окружение несут ответственность за революцию, но то, что потом сделали большевики, вышло еще хуже царизма. »
— Aleksej Navalnij, [Intervjuo ĉe Sobesednik.ru la 29-an de oktobro 2018][2]
Citaĵo
« Eĉ la bolŝevismo, kies radikalismo estis ekstrema, balzamis Leninon kaj el Karolo Markso faris la Savinton. La idealo de individuo estas la neelradikigebla bezono de la homa animo, kiu protektas ĝin kun fanatikeco kies grandeco kreskas kun ĝia malgracio. »
— Carl Gustav Jung, Evoluo de la individuo
Citaĵo
« Lenin kaj Trockij estis la homoj de la horo kaj sub sia sentima, nekoruptebla kaj senkompromisa gvidado, la rusa proletaro tenis la fortikaĵon kontraŭ la kombinitaj atakoj de ĉiuj regantaj klasaj potencoj de la tero. Ĝi estas grandioza spektaklo. Ĝi vekas la sangon kaj varmigas la koron de ĉiu revoluciulo kaj ĝi altiras la admiron de la tuta mondo. »
— Eugene V. Debs (1918)
Citaĵo
« Nur socialismo savos la homaron. Lenin estis nediskutebla gvidanto de la proletaro, politika gvidanto, esploristo, sciencisto, fondinto, kiu grave kontribuis al la socialisma konstruado. » « Only socialism will save humanity. Lenin was an undisputed leader of the proletariat, political leader, researcher, scientist, founder, who made important contributions to the socialist construction. »
— Miguel Diaz-Canel, Tweet (22-an de aprilo 2020)
Citaĵo
« Mi honoras Lenin kiel homo, kiu tute oferis sin kaj dediĉis sian tutan energion al realigo de socia justeco. Mi ne konsideras liajn metodojn praktikaj, sed unu afero certas: viroj de lia tipo estas la gardantoj kaj restarigantoj de la homaro. »
— Albert Einstein
Citaĵo
« Lenin, la plej granda agulo en nia jarcento kaj samtempe la plej sindonema. »
— Romain Rolland
Citaĵo
« Tra la monda historio aperis miloj da gvidantoj kaj erudiciuloj, kiuj parolis elokventajn vortojn, sed ĉi tiuj restis nur vortoj. Vi, Lenin, estis escepto. Vi ne nur parolis kaj instruis nin, sed tradukis viajn vortojn en faroj. Vi kreis novan landon. Vi montris al ni la vojon de komuna lukto.... Vi, bonega homo, vi vivos en la memoroj de la subpremataj popoloj tra la jarcentoj. »
— Sun Jatsen en respondo al la morto de Lenin de 1924

Fidel Castro

Citaĵo
« Marx kaj Lenin reprezentas ĝuste la du homajn personecojn, kiuj markos la paŝon inter antaŭhistorio kaj historio de la homaro. »
— Fidel Castro, Parolado (22 aprilo 1970)
Citaĵo
« La figuro de Lenin estas giganto en la historio kaj liaj lumaj ideoj reprezentas la komunan heredaĵon de revoluciaj batalantoj en ĉiu angulo de la Tero. »
— Fidel Castro, [http://www.cuba.cu/gobierno/discursos/1972/esp/f221272e.html Parolado (22 decembro 1972)]

Erich Fromm

Citaĵo
« Decida momento en la vidpunktoj de Lenin estis lia malkredo je spontaneaj agoj de laboristoj kaj kamparanoj, kaj ne kredis li je ili ĉar li ne kredis je la homo. »
— Erich Fromm, La sana socio [1955]
Citaĵo
« Kredo je la homaro sen kredo je la homo estas malsincera aŭ se sincera, do ĝi kondukas al la samaj rezultoj, kiujn ni vidas en tragika historio de inkvizicio, Robespierre-teroro kaj Lenin-diktaturo. »
— Erich Fromm, La sana socio [1955]

Aliaj aŭtoroj

Citaĵo
« […] min ŝokis zorgiteco pri Lenino. Mi ne diras ke li estis neinteresa homo. Sed konstante referenci al li, ne nur serĉante laŭleĝecon, sed ankaŭ kiel al politika orientilo, estas absurde. Vi mem faras vin kaptitoj de pasinteco. Ne eblas uzi Leninon kiel fundamenton por grandskalaj reformoj. Vi devos trovi instituciojn, kiuj funkcios kaj ĉesi pensi pri tio, ĉu Lenino aprobus ilin aŭ ne. »
— Zbigniew Brzeziński, dum renkontiĝo kun sovetia estraro en Moskvo [aŭtuno 1989][3]

Referencoj

  1. ↑ laŭ cito en Aforismoj greneroj de saĝeco de Eduard V. Tvarozek
  2. ↑ Intervjuo ĉe Sobesednik.ru la 29-an de oktobro 2018
  3. ↑ Citita laŭ: Marin Strmecki. Atestinto de “Granda fiasko” en Moskvo en 1989 // Zbig: La strategio kaj politiko de Zbigniew Brzeziński [2013].

Eksteraj ligiloj


Socia kaj politika filozofio
FilozofojArendt • Aristotelo • Aŭgusteno • Akvino • Badiou • Bakunin • Baudrillard • Camus • Chomsky • Cicerono • Konfuceo • De Beauvoir • Emerson • Engels • Fourier • Franklin • Gandhi • Gramsci • Hegel • Hobbes • Jefferson • Kant • Kierkegaard • Laŭzio • Leibniz • Lenin • Locke • Luxemburg • Makiavelo • Mao • Marcuse • Marx • Montesquieu • Mohamedo • Nietzsche • Ortega • Paine • Renan • Rousseau • Russell • Sad • Sartre • Smith • Sokrato • Spinozo • Strauss • Stirner • Sun • Sun Tzu • Taine • Thoreau • Tocqueville • Voltaire • Weber
KonceptojJusteco • Juro • Paco • Posedo • Revolucio • Rajto • Socio • Despotismo • Milito
RegadformojAristokratio • Burokratio • Demokratio
Loading related searches...

Wikiwand - on

Seamless Wikipedia browsing. On steroids.