Registaro

registaro
registaro
Aliaj projektoj
registaro en Vikipedio
registaro en Komuneja kategorio
registaro en Vikinovaĵoj

Registaro (de la latina: regere; gvidi, konduki) estas organizo, kiu havas eblon krei kaj altrudi leĝojn (kaj ties plenumadon) en difinita teritorio.

Citaĵoj

« …la sperto montras ke la plej danĝera momento por malbona registaro venas kutime kiam ĝi komencas reformi sin. Nur geniulo povas savi reganton, kiu entreprenis provon plibonigi staton de siaj regatoj post longa subpremado. Malbono, kiun oni longe toleradis kiel neeviteblan, iĝas neeltenebla pro unusola penso ke oni povas ĝin eviti. Kaj ŝajnas ke forigataj malbonaĵoj nur pli forte substrekas tiujn restintajn kaj faras ilin eĉ pli dolorigaj: malbono efektive malkreskas, sed senteblas pli. » — Alexis de Tocqueville, La malnova reĝimo kaj revolucio [1856]

	« Kio estas la plej bona registaro? Tiu, kiu instruas nin regi nin mem. » — Goethe

	« Kiam politikistoj ne havas la kapablon regi, ili kreas komisionojn. » — Konrad Adenauer

	« Ekde la krepusko de la homo, ĉiuj nacioj havas registaron, kaj ĉiuj hontas pri siaj registaroj. » — Chesterton

	« Eduki estas trejni homojn kapablajn regi sin, kaj ne esti regataj de aliaj. » — Herbert Spencer

	« La plej granda puno por tiuj, kiuj ne interesiĝas pri politiko, estas, ke interesataj homoj regos ilin. » — Arnold Joseph Toynbee

	« La plej bona registaro estas tiu, kiu volas feliĉigi la homojn kaj scias kiel fari tion. » — Thomas Macaulay

	« La poŝoj de la regantoj devas esti el vitro. » — Enrique Tierno Galván

	« Registaroj estas veloj, homoj, vento; la Ŝtato estas la ŝipo, la tempo kaj la maro. » — Ludwig Börne

	« Ne ekzistas populara registaro. Regi estas krei malkontenton. » — Anatole France

	« Bona registaro similas al bona digesto; dum ĝi funkcias, ni apenaŭ perceptas ĝin. » — Erskine Caldwell

	« Neniu viro estas tro bona por regi alian sen sia konsento. » — Abraham Lincoln

	« Dum ĉiuj aliaj sciencoj progresis, tiu de registaro staras; iom pli bone komprenata; iom pli bone praktikata nun ol antaŭ tri aŭ kvar mil jaroj. » — John Adams

	« Kie homoj timas la registaron, vi havas tiranecon. Kie la registaro timas la homojn, vi havas liberecon. » — John Basil Barnhill

	« La celo de registaro en paco kaj milito ne estas la gloro de regantoj aŭ de rasoj, sed la feliĉo de la simpla homo. » — William Beveridge

	« La registaro bonas por enspezi impostojn, forigi viajn liberecojn kaj mortigi homojn. Ĝi ne taŭgas por multe alia. » — Tom Clancy

	« Registaroj en kapitalisma socio estas nur komitatoj de riĉuloj por administri la aferojn de la kapitalisma klaso. » — James Connolly

	« La klaso, kiu havas la povon ŝteli grandskale, havas ankaŭ la povon regi la registaron kaj leĝigi ilian rabon. » — Eugene Debs

	« Nenio pli detruas respekton por la registaro kaj la leĝo de la lando ol aprobi leĝojn ne aplikeblajn. » — Albert Einstein

	« La laboro de demokratioj estas maksimumigi la inkluzivon de multaj por krei prosperon, ne por ebligi al malmultaj amasigi monon. » — Nick Hanauer

	« La tuta rega arto konsistas en la arto esti honesta. » — Thomas Jefferson

	« Se nia registaro ne estas reprezenta registaro, ĝi estas nenio. » — Edward de Veaux Morrell

	« Registaro, kiu ne povas protekti siajn plej humilajn civitanojn kontraŭ indigno kaj vundo, estas malinda je la nomo kaj ne devas komandi la subtenon de libera popolo. » — Charles E. Nash

	« Ĉu iu povas respekti registaron, kiu donas rajtojn nur al la privilegiitaj klasoj, kaj neniu al la laboristoj? » — August Spies

	« Burokratio kaj socia harmonio estas inverse proporciaj inter si. » — Leon Trockij

	« Niaj devoj kaj lojaleco ne devas esti al registaro, kiu pruvis ree, ke ĝi estas la malamiko de la popolo, krom se la homoj estas riĉaj je dolaroj. » — John Trudell

	« Homoj ne timu sian registaron. Registaroj devas timi siajn homojn. » — V en V por Vendetta (2006)

	« Mi luktas por subteni la registaron, ne por faligi ĝin. Mi luktas precipe por malebligi, ke aliaj renversu ĝin. » — Abraham Lincoln

	« Ĉiu lando havas la registaron, kiun ĝi meritas. » — Joseph de Maistre

	« La vera rega arto konsistas en ne regi tro multe. » — Jonathan Shipley

	« Ŝtatoj estas bonegaj motoroj malrapide moviĝantaj. » — Francis Bacon

	« Anglujo estas la patrino de parlamentoj. » — John Bright

	« Kiu registaro estas la plej bona? Tiu, kiu instruas nin regi nin mem. » — Johann Wolfgang von Goethe

	« La sekureco de la ŝtato estas la plej alta leĝo. » — Justiniano

	« Mi esperas nenion de eksterlandaj registaroj. Ili neniam vere pretos helpi vin, ĝis vi montros, ke vi estas sufiĉe forta por konkeri sen ili. » — Giuseppe Mazzini

	« Lernu, mia filo, kiom malmulte da saĝo regas la mondo. » — Atribuita al Axel von Oxenstierna

	« Malamata registaro ne daŭras longe. » — Seneko

	« Ne estas lertaĵo esti humuristo kiam vi havas la tutan registaron laboranta por vi. »   « (angle) There's no trick to being a humorist when you have the whole government working for you. » — Will Rogers

	« Registaro estas tro granda kaj tro grava por esti lasita al la politikistoj. »   « (angle) Government is too big and too important to be left to the politicians. » — Chester Bowles

« Mi reagas praktike. Kie funkcias la merkato, mi estas por ĝi. Kie la registaro estas necesa, mi estas por ĝi. Mi profunde suspektas iun, kiu diras: "Mi favoras privatigon" aŭ "Mi profunde favoras publikan posedon." Mi estas favora al kio ajn funkcias en la aparta kazo. »   « (angle) I react pragmatically. Where the market works, I'm for that. Where the government is necessary, I'm for that. I'm deeply suspicious of somebody who says, "I'm in favor of privatization," or, "I'm deeply in favor of public ownership." I'm in favor of whatever works in the particular case. » — John Kenneth Galbraith

	« Multaj homoj konsideras tion, kion la registaro faras por ili, estas socia progreso, sed ili konsideras tion, kion la registaro faras por aliaj, kiel socialismo. »   « (angle) Many people consider the things government does for them to be social progress but they regard the things government does for others as socialism. » — Earl Warren

« Historio juĝos sociojn kaj registarojn - kaj iliajn instituciojn - ne laŭ tio, kiom grandaj ili estas aŭ kiel bone ili servas riĉulojn kaj potenculojn, sed laŭ kiom efike ili respondis al la bezonoj de malriĉuloj kaj senhelpuloj. »   « (angle) History will judge societies and governments — and their institutions — not by how big they are or how well they serve the rich and the powerful, but by how effectively they respond to the needs of the poor and the helpless. » — César Chávez

	« Libereco nur por la registaraj membroj, nur por la membroj de la partio - kvankam ili estas sufiĉe multaj - entute ne estas libereco. Libereco estas ĉiam la libereco de disidentoj. » — Roza Luksemburg

	« La celo de registaro en paco kaj milito ne estas la gloro de regantoj aŭ de rasoj, sed la feliĉo de la simpla homo. »   « (angle) The object of government in peace and in war is not the glory of rulers or of races, but the happiness of the common man. » — William Beveridge

« Populara registaro sen popularaj informoj, aŭ la rimedoj por akiri ilin, estas nur Prologo al Farso aŭ Tragedio, aŭ eble ambaŭ. Scio eterne regos nescion: Kaj popolo, kiu volas esti sia propra Reganto, devas armi sin per la potenco, kiun donas scio. »   « (angle) A popular Government without popular information, or the means of acquiring it, is but a Prologue to a Farce or a Tragedy, or perhaps both. Knowledge will forever govern ignorance: And a people who mean to be their own Governors, must arm themselves with the power which knowledge gives. » — James Madison

	« Historio instruas ke militoj komenciĝas kiam registaroj kredas, ke la prezo de agreso estas malmultekosta. »   « (angle) History teaches that wars begin when governments believe the price of aggression is cheap. » — Ronald Reagan

	« La plej bona defendo kontraŭ uzurpa registaro estas memcerta civitanaro. »   « (angle) The best defense against usurpatory government is an assertive citizenry. » — William F. Buckley, Jr.

	« La homoj de nacio estas sklavigita kiam... ili servas al la registaro pli ol la registaro servas ilin. »   « (angle) The people of a nation are enslaved when, together, they are helpless to institute effective change, when the people serve the government more than the government serves them. » — Gerry Spence

	« Por arigi homojn, registaroj bezonas malamikojn. Ili volas, ke ni timu, malamu, do ni amasiĝos malantaŭ ili. Kaj se ili ne havas veran malamikon, ili inventos unu por mobilizi nin. » — Thích Nhất Hạnh

John C. Calhoun

	« La esenco mem de libera registaro konsistas en konsideri oficejojn kiel publikan fidon, donitaj por la bono de la lando, kaj ne por la avantaĝo de individuo aŭ partio. »   « (angle) The very essence of a free government consists in considering offices as public trusts, bestowed for the good of the country, and not for the benefit of an individual or a party. » — John C. Calhoun

« La Registaro de la absoluta plimulto anstataŭ la Registaro de la popolo estas nur la Registaro de la plej fortaj interesoj; kaj kiam ne efike kontrolita, ĝi estas la plej tirana kaj subprema, kiun oni povus elpensebli. »   « (angle) The Government of the absolute majority instead of the Government of the people is but the Government of the strongest interests; and when not efficiently checked, it is the most tyrannical and oppressive that can be devised. » — John C. Calhoun

Benjamin Disraeli]

	« Konservativa Registaro estas organizita hipokriteco. » — Benjamin Disraeli

	« Individuoj povas formi komunumojn, sed nur institucioj povas krei nacion. » — Benjamin Disraeli

Vidu ankaŭ

• Burokratio
• Leĝo
• Politiko
• Ŝtato