Шарлат (Паўночная Караліна)

Шарлат^[1] (англ.: Charlotte) — горад у ЗША. Самы буйны горад у штаце Паўночная Караліна, па колькасці насельніцтва Шарлат займае сямнаццатае месца сярод найбуйнейшых гарадоў ЗША. Горад размешчаны на мяжы з Паўднёвай Каралінай у акрузе Мекленбург, адміністрацыйным цэнтрам якога ён і з’яўляецца.

Горад Шарлат англ.: Charlotte Сцяг[d] Краіна  ЗША Штат Паўночная Караліна Акруга Мекленбург Каардынаты 35°13′37″ пн. ш. 80°50′36″ з. д.HGЯO Мэр Патрык Кэнан Заснаваны 1768 Плошча 771 км² Вышыня цэнтра 229 м Афіцыйная мова англійская Насельніцтва 792862 чалавекі (2013) Шчыльнасць 948,67 чал./км² Агламерацыя 2335358 чалавек Нацыянальны склад белыя — 45,1%, лацінаамерыканцы — 13,1%, афраамерыканцы — 35,0%, азіяты — 5,0%, карэнныя амерыканцы — 0,5%, гавайцы — 0,1%, змяшаныя росы — 1,2%, Часавы пояс EDT[d] Тэлефонны код 704 Паштовыя індэксы 28201–28237, 28240–28247, 28250, 28253–28256, 28258, 28260–28262, 28265–28266, 28269–28275, 28277–28278, 28280–28290, 28296–28297, 28299, 28201, 28203, 28207, 28208, 28212, 28214, 28216, 28219, 28220, 28223, 28226, 28227, 28232, 28234, 28240, 28243, 28246, 28253, 28260, 28266, 28271, 28272, 28273, 28274, 28277, 28280, 28282, 28284, 28287, 28289 і 28296 Афіцыйны сайт charmeck.org (англ.) Шарлат на карце ЗША

Медыяфайлы на Вікісховішчы

Шарлат, дзе знаходзіцца штаб-кватэра самага буйнога банка ЗША — Bank of America, з’яўляецца другой па значэнні банкаўскай і фінансавай пляцоўкай ЗША і дзякуючы сваёй геаграфічнай блізкасці да паўднёвай і цэнтральнай часткі Атлантычнага акіяна ў апошнія гады ператварыўся ў важны авіятранспартны вузел на шляху ў Еўропу.

У Шарлат знаходзіцца адно з падраздзяленняў Універсітэта Паўночнай Караліны.

Клімат

Шарлат, як і большая частка паўднёвага ўсходу ЗША, мае вільготны субтрапічны клімат (Cfa паводле класіфікацыі клімату Кёпена) з чатырма выражанымі сезонамі. Зімы ў горадзе кароткія і пераважна халаднаватыя, з сярэдняй тэмпературай студзеня 4,5 °C. У сярэднім каля 58 начэй у годзе тэмпература паветра падае да нулявой адзнакі або ніжэй яе і толькі два дні, калі дзённая тэмпература не перавышае 0 °C. Самы сухі месяц — красавік. Лета ў Шарлаце гарачае і вільготнае з сярэдняй тэмпературай ліпеня 25,8 °C. Дзённая тэмпература, якая перавышае 32 °C трымаецца ў сярэднім 40 дзён у годзе. Восень, галоўным чынам, больш сухая пара года, чым вясна^[2].

• Сярэднегадавая тэмпература — +15,4 °C
• Сярэднегадавая хуткасць ветру — 2,8 м/с
• Сярэднегадавая вільготнасць паветра — 67 %

Клімат Шарлат
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	27,8	27,8	32,8	35,6	36,7	39,4	39,4	40,0	40,0	36,7	30,0	27,8	40,0
Сярэдні максімум, °C	10,4	12,8	17,3	22,2	26,1	30,0	31,7	30,8	27,4	22,1	16,9	11,6	21,6
Сярэдняя тэмпература, °C	4,5	6,6	10,7	15,2	19,7	24,1	25,8	25,2	21,6	15,7	10,4	5,8	15,4
Сярэдні мінімум, °C	−1,3	0,4	4,1	8,3	13,2	18,1	20,1	19,6	15,8	9,3	4,0	−0,1	9,3
Абсалютны мінімум, °C	−20,6	−20,6	−15,6	−6,1	0,0	7,2	11,7	10,0	3,3	−4,4	−11,7	−20,6	−20,6
Норма ападкаў, мм	87	84	102	77	81	95	94	107	82	86	80	83	1 058
Крыніца: Надвор'е і клімат

Дэмаграфія

Паводле перапісу насельніцтва ЗША ў 2010 годзе, расавы склад горада Шарлат:

• Белыя — 45,1 %
• Афраамерыканцы — 35,0 %
• Лацінаамерыканцы — 13,1 %
• Азіяты — 5,0 %
• Карэнныя амерыканцы — 0,5 %
• Гавайцы — 0,1 %
• Дзве або больш расы — 1,2 %

Сярэдні даход на хатнюю гаспадарку ў горадзе складае $48,670, а сярэдні даход на сям’ю $59,452.

Гарады-пабрацімы

• Арэкіпа, Перу
• Крэфельд, Германія
• Баадзін, Кітай
• Варонеж, Расія (1991)^[3]
• Лімож, Францыя
• Уроцлаў, Польшча
• Кумасі, Гана
• Хадэра, Ізраіль

Зноскі

1. Напісанне Шарлат у адпаведнасці з пералікам буйных гарадоў у артыкуле Паўночная Караліна Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12)., С.225
2. Station: Charlotte Dglas Intl AP, NC (нявызн.)(недаступная спасылка). Climatography of the United States No. 20 1971-2000. National Oceanic & Atmospheric Administration (1 лютага 2004). Архівавана з першакрыніцы 25 жніўня 2013. Праверана November 10, 2011.
3. Гарады-пабрацімы

Спасылкі

• На Вікісховішчы ёсць медыяфайлы па тэме Шарлат (Паўночная Караліна)