2 июль — григориан стиле буйынса йылдың 183-сө көнө (кәбисә йылында 184-се). Йыл аҙағына тиклем 182 көн ҡала.
Ҡыҫҡа факттар Аҙна көнө ...
Ябырға
Төбәк байрамдары
- Һөнәри
тулы исемлек
- 1865: Рәсәй императоры Александр II «Башҡортостанда идара итеүҙең кантон системаһын ғәмәлдән сығарыу, башҡорттарҙы хәрби сословиенан граждандар сословиеһына күсереү тураһында положение»ға ҡул ҡуя.
- 1900: Беренсе дирижабль осорола.
- 1900: Парижда 2-се Олимпия уйындары башлана.
- 1910: Мәскәү футбол лигаһының ойоштороу йыйылышы була.
- 1924: Спорт прессаһының халыҡ-ара ассоциацияһы ((AIPS) ойошторола.
- 1970: КПСС-тың сираттағы Пленумы эш башлай, ул «Ауыл хужалығы өлкәһендә партияның сираттағы бурыстары» тигән ҡарар ҡабул итә.
- 1976: Төньяҡ һәм Көньяҡ Вьетнамдың ҡайтанан берләшә.
- 1990: КПСС-тың XXVIII съезы үҙ эшен башлай, партия тарихында ул һуңғыһы була.
- 1990: Кушнаренко педагогия училищеһы (2000 йылдан колледж) эш башлай.
- 1994: Йәш экологтарҙың 1-се республика слёты асыла.
- 2010: Баҡалы районында республика «Шәжәрә байрамы» уҙғарыла.
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
1 һәм 6 һанына тамамланған йылдарҙа тыуғандар
- Сабин Александр Иванович (1926—1.10.2017), комсомол, партия һәм дәүләт органдары хеҙмәткәре. 1962 йылдан КПСС-тың Хәйбулла район комитетының икенсе секретары, 1969 йылдан — хеҙмәтсәндәр депутаттарының район Советы башҡарма комитеты рәйесе, 1978—1984 йылдарҙа ауыл хужалығы хеҙмәтсәндәре профсоюзының район комитеты рәйесе. Ике Хеҙмәт Ҡыҙыл Байраҡ (1957, 1971) һәм Почёт Билдәһе (1967) ордендары кавалеры. Сығышы менән ошо райондың Яңы Ергән ауылынан.
- Сәғәҙиев Нәзиф Миңлеғәли улы (1936), урман жужалығы алдынғыһы, хеҙмәт ветераны. 1966—1996 йылдарҙа Талбазы урман хужалығы мастеры. Башҡортостан Республикаһының атҡаҙанған урмансыһы (1995), Ауырғазы районының почётлы гражданы (2020). Сығышы менән ошо райондың Яңы Ҡарамалы ауылынан.
2 һәм 7 һанына тамамланған йылдарҙа тыуғандар
тулы исемлек
- Линник Виктор Николаевич (1942), педагог-методист. 1987—2001 йылдарҙа Өфө сәнғәт училищеһы директоры. Рәсәй Федерацияһының (1993) һәм Башҡорт АССР-ының (1978) атҡаҙанған мәҙәниәт хеҙмәткәре. Сығышы менән Әлшәй районы Шафран ауылынан.
- Горбунов Михаил Афанасьевич (1947), хеҙмәт ветераны. 1965—2000 йылдарҙа Салауат нефть химияһы комбинаты һәм «Салауатнефтеоргсинтез» берекмәһе аппаратсыһы. Башҡортостан Республикаһының атҡаҙанған химигы (1996). Сығышы менән хәҙерге Башҡортостан Республикаһының Мәләүез районы Дарьино ауылынан.
- Ҡасимов Рафаил Ғәбделхәй улы (1947), композитор, педагог. 1972—1978 йылдарҙа хәҙерге Хөсәйен Әхмәтов исемендәге Башҡорт дәүләт филармонияһының музыкаль-әҙәби лекторийының художество етәксеһе, 1988 йылдан — филармонияның баш режиссёры; 1979—2010 йылдарҙа Нариман Сабитов исемендәге 1-се балалар музыка мәктәбе уҡытыусыһы һәм концертмейстеры, бер үк ваҡытта 2000—2009 йылдарҙа 8-се балалар музыка мәктәбе концертмейстеры. Башҡорт музыка сәнғәтендә симфоник жанрға нигеҙ һалыусы. Башҡортостан Республикаһының атҡаҙанған сәнғәт эшмәкәре (1993) һәм Салауат Юлаев исемендәге дәүләт премияһы лауреаты (2004). Дуҫлыҡ ордены кавалеры (2010).
- Хафизов Мирсаяф Миәссәр улы (1947), СССР-ҙың хәрби хеҙмәткәре, полковник, ике Ҡыҙыл Йондоҙ, III дәрәжә «СССР Ҡораллы Көстәрендә Ватанға хеҙмәте өсөн» һәм Афғанстан Демократик Республикаһының «Афған йондоҙо» ордендары кавалеры. Сығышы менән Йәрмәкәй районы Иҫке Турай ауылынан.
- Махней Николай Иванович (1957), музыкант, педагог. Өфөләге Урта махсус музыка колледжының баян буйынса уҡытыусыһы. Рәсәй Федерацияһының (2014) һәм Башҡортостан Республикаһының атҡаҙанған мәҙәниәт хеҙмәткәре.
- Мусин Илдар Ғаяз улы (1957), ғалим-социолог, инженер-төҙөүсе, комсомол органдары һәм муниципаль хеҙмәт ветераны. 1983—1985 йылдарҙа ВЛКСМ-дың Ҡариҙел район комитетының беренсе секретары; 1985—1992 йылдарҙа халыҡ депутаттарының район Советы башҡарма комитеты рәйесе урынбаҫары; 1994 йылдан — район хакимиәте башлығының төҙөлөш буйынса урынбаҫары, 2001 йылдан — район хакимиәте башлығы; 2012—213 йылдарҙа «Башкиравтодор» йәмғиәте директоры. Социология фәндәре кандидаты (2007). Рәсәй Федерацияһының (2008) һәм Башҡортостан Республикаһының (2003) атҡаҙанған төҙөүсеһе. Сығышы менән ошо райондың Үреш-Битулла ауылынан.
- Мусин Илдус Ғаяз улы (1957), педагог, 2012—2015 йылдарҙа Ҡариҙел район хакимиәте башлығының беренсе урынбаҫары. Рәсәй Федерацияһының почётлы дөйөм белем биреү хеҙмәткәре һәм Башҡортостан Республикаһының атҡаҙанған уҡытыусыһы. Сығышы менән ошо райондың Үреш-Битулла ауылынан.
3 һәм 8 һанына тамамланған йылдарҙа тыуғандар
4 һәм 9 һанына тамамланған йылдарҙа тыуғандар
Дөйөм исемлек
тулы исемлек
- 1840: Павел Кузьминский, Рәсәй империяһы инженеры, реверслы газ турбинаһын уйлап сығарыусы.
- 1862: Уильям Генри Брэгг, Англия физигы.
- 1877: Герман Гессе, Германия яҙыусыһы.
- 1910: Моррис Коэн, СССР разведчигы, сығышы менән АҠШ-тан, Рәсәй Геройы (үлгәндән һуң).
- 1925: Патрис Лумумба, бойондороҡһоҙ Конго Республикаһының беренсе премьер-министры, илдең милли геройы.
- 1925: Ольга Олейник, СССР һәм Рәсәйҙең ғалим-математигы, академик (1991).
- 1930: Ия Арепина, СССР һәм Рәсәйҙең театр һәм кино актрисаһы.
- 1935: Сергей Хрущёв, СССР, Рәсәй һәм АҠШ ғалимы, публицист, Никита Сергеевич Хрущёвтың улы.
- 1940: Георгий Иванов, Болгарияның 1-се космонавы, Советтар Союзы һәм Болгария Халыҡ Республикаһы Геройы.
- 1985: Эшли Тисдейл, Америка актрисаһы, йырсы, продюсер.
- 1990: Марго Робби, Австралия актрисаһы.
Ентеклерәк мәғлүмәт Ай һәм көндәр ...
Ябырға