28 май — григориан стиле буйынса йылдың 148-се (кәбисә йылында 149-сы) көнө. Йыл аҙағына тиклем 217 көн ҡала.
Ҡыҫҡа факттар Аҙна көнө ...
Ябырға
Халыҡ-ара
Ер: Ҡатын-ҡыҙ һаулығын һаҡлау буйынса хәрәкәт көнө.
- Майонездың тыуған көнө (1756)
Милли
Һөнәри
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
тулы исемлек
- Шәфиев Фәрит Хажиғәле улы (1930), ауыл хужалығы эшмәкәре. 1960—1985 йылдарҙа Мәләүез районының Мәжит Ғафури исемендәге колхоз рәйесе. Башҡорт АССР-ының атҡаҙанған ауыл хужалығы хеҙмәткәре (1981). Ленин (1985), Октябрь Революцияһы (1971) һәм ике Хеҙмәт Ҡыҙыл Байраҡ (1973, 1976) ордены кавалеры. Сығышы менән хәҙерге Башҡортостан Республикаһының Көйөргәҙе районы Яҡшембәт ауылынан.
- Зарема Әхмәтйәнова (1945—9.10.1992), инженер, шағир, яҙыусы һәм журналист. 1968—1983 йылдарҙа Андижан һәм Өфө ҡалалары учреждениелары хеҙмәткәре; 1983 йылдан Башҡортостан Яҙыусылар союзының нәфис әҙәбиәтте пропагандалау бюроһы, 1987–1988 йылдарҙа «Башҡортостан ҡыҙы», 1990–1992 йылдарҙа «Аҡбуҙат» журналы хеҙмәткәре. 1984 йылдан СССР Яҙыусылар союзы ағзаһы.
- Курочкин Владимир Иванович (1950—2012), хужалыҡ эшмәкәре. 1991—2012 йылдарҙа Өфөләге «Уралдортранс» проект-производство үҙәге директоры. Башҡортостан Республикаһының атҡаҙанған төҙөүсеһе, Рәсәйҙең почётлы юл төҙөүсеһе.
- Дюпина Любовь Ивановна (1955), спортсы, педагог. 1981—1984 йылдарҙа биатлон буйынса СССР йыйылма командаһы ағзаһы. 2002 йылдан олимпия резервының Өфөләге биатлон буйынса балалар-үҫмерҙәр спорт мәктәбенең тренер‑уҡытыусыһы. Саңғы ярышы (1978) һәм биатлон (1983) буйынса СССР-ҙың спорт мастеры. Спринтта (1982) һәм яңғыҙ ярышта (1983) СССР чемпионы. Башҡортостан Республикаһының күренекле спортсыһы (1993).
1 һәм 6 һанына тамамланған йылдарҙа тыуғандар
2 һәм 7 һанына тамамланған йылдарҙа тыуғандар
тулы исемлек
- Товстюк Виталий Андреевич (1952), хеҙмәт ветераны. 1969—2010 йылдарҙа «Саҡмағошнефть» нефть һәм газ сығарыу идаралығы слесары, операторы, мастер ярҙамсыһы. 2-се (1986) һәм 3-сө (1981) дәрәжә Хеҙмәт Даны ордены кавалеры. Сығышы менән хәҙерге Башҡортостан Республикаһының Иглин районы Урман ауылынан.
- Усманов Ыласын Марат улы (1967), педагог. 1988 йылдан Әбйәлил районы Асҡар ауылындағы Балалар-үҫмерҙәр спорт мәктәбенең директор урынбаҫары, 1992 йылдан — директоры. Башҡортостан Республикаһының атҡаҙанған физик культура хеҙмәткәре (2012) һәм мәғариф отличнигы (1999). Сығышы менән ошо райондың Ишкилде ауылынан.
3 һәм 8 һанына тамамланған йылдарҙа тыуғандар
4 һәм 9 һанына тамамланған йылдарҙа тыуғандар
Дөйөм исемлек
- 1908: Ян Флеминг, Британияның хәрби-диңгеҙ разведкаһы офицеры, журналист һәм яҙыусы, Джеймс Бонд тураһындағы романдар авторы.
Ентеклерәк мәғлүмәт Ай һәм көндәр ...
Ябырға