Javasee
From Wikipedia, the free encyclopedia
Die Javasee (Indonesies: Laut Jawa) is 'n see van die Stille Oseaan in Asië tussen Java in die suidweste, Sumatra in die weste, Borneo in die noorde, Sulawesi in die noordooste en die Klein-Soenda-eilande in die suidooste net suid van die ewenaar. Die Javasee grens aan die Floressee in die ooste. Die Javasee word in die suidweste deur die Soenda-straat met die Indiese Oseaan, in die noordweste deur die Karimata-straat met die Suid-Chinese See en in die noordooste deur die Makassar-straat met die Celebessee verbind. Die see het 'n oppervlakte van sowat 433 000 km² en 'n gemiddelde diepte van 46 m.[1]
| Javasee | |
|---|---|
 Kus van die Javasee by Anyer, Indonesië | |
 Kaart van die Javasee | |
| Koördinate: | 5°S 110°O |
| Ligging: | Indonesië |
| Soort: | See van die Stille Oseaan |
| Oppervlakte: | 433 000 km² (167 000 myl²) |
| Gemiddelde diepte: | 46 m (151 vt) |
| Lengte: | 420 km (260 myl) |
| Breedte: | 1 450 km (900 myl) |
| Eiland/e: | Borneo, Java, Sulawesi, Sumatra, Klein-Soenda-eilande |
| Nedersettings: | Banjarmasin, Djakarta, Makassar, Surabaya |
Die belangrikste nedersettings aan die see is Banjarmasin, Djakarta, die hoofstad van Indonesië, Makassar en Surabaya. Die hele kus van die Javasee behoort tot die eilandnasie Indonesië.
Tydens die Tweede Wêreldoorlog het hier vanaf 27 tot 28 Februarie 1942 die Slag in die Javasee tussen Japan en die Geallieerde vloot van Australië, Nederland, die Verenigde Koninkryk en die Verenigde State plaasgevind. Die Japanners het byna die hele Geallieerde vloot vernietig en kon aansluitend die hulpbronryke eiland Java beset.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
