Eben Etzebeth

Eben Etzebeth (gebore 29 Oktober 1991, Kaapstad) is 'n Suid-Afrikaanse rugbyspeler. Hy het vir die Stormers in Superrugby en vir Toulon in Frankryk se Top 14 gespeel, en vanaf 2022 speel hy vir die Sharks in die Verenigde Rugbykampioenskap. Hy speel op slotposisie en is bekend vir sy harde, fisiese spel. Hy was ook deel van Suid-Afrika se span tydens die rugbywêreldbekertoernooie in 2015, 2019 en 2023.

Eben Etzebeth
Volle naam	Eben Etzebeth
Geboortedatum	29 Oktober 1991 (1991-10-29) (33 jaar oud)
Geboorteplek	Kaapstad, Suid-Afrika
Lengte	203 cm
Massa	122 kg
Skool	Hoërskool Tygerberg
Universiteit	Universiteit van Kaapstad
Rugbyloopbaan
Loopbaan as speler
Posisie(s)	Slot
Springbokno.	833
Amateurspanne
Jare	Klub / span	Weds	(pte)
2011	UCT Ikey Tigers	7	(5)
korrek soos op 11 Junie 2022.
Professionele / senior klubs
Jare	Klub / span	Weds	(pte)
2015–2016 2019–2022	NTT Docomo Red Hurricanes Toulon	8 40	(5) (35)
korrek soos op 11 Junie 2022.
Provinsiale- / Staatspanne
Jare	Klub / span	Weds	(pte)
2011–2014	Westelike Provinsie	7	(0)
korrek soos op 19 Augustus 2021.
Superrugby/Verenigde Rugbykampioenskap
Jare	Klub / span	Weds	(pte)
2012–2019 2022–	Stormers Sharks	61 0	(20)
korrek soos op 11 Junie 2022.
Nasionale span(ne)
Jare	Land	Weds	(pte)
2012-	Suid-Afrika	128	(30)
korrek soos op 29 September 2024.

Uitbeelding

Etzebeth het in 2009 aan die Hoërskool Tygerberg in die Wes-Kaap gematrikuleer.

Loopbaan

Westelike Provinsie en Stormers

Hy maak sy debuut vir die Stormers op 25 Februarie 2012 teen die Hurricanes.^[1] Hy word as "Speler van die Wedstryd" aangewys tydens die Westelike Provinsie se oorwinning in die halfeindstryd om die Curriebeker in 2012. In April 2013 het hy 'n ooreenkoms onderteken wat hom tot minstens 2016 in Kaapstad sou hou.^[2]

Suid-Afrika o/20

As 'n lid van die Junior Bokke (Suid-Afrikaanse o/20 span) het hy aan die IRR Juniorwêreldkampioenskap in 2011 deelgeneem.^[3]

Springbokkleure

Etzebeth word die eerste keer opgeroep vir die Springbokoefengroep deur die nuwe hoofafrigter Heyneke Meyer, voor die reeks van drie toetse teen Engeland in Junie 2012.^[4]

Hy maak op 9 Junie 2012 sy Springbokdebuut op slot langs mede-nuweling Juandré Kruger te Kings Park-stadion in Durban. Suid-Afrika tree as 22-17 wenners uit die stryd teen Engeland, en wen ook die laaste twee toetse.^[5]

Hy lei die Springbokke op 24 Junie 2017 teen die Franse in die 3de toets en word sodoende Suid-Afrika se 59ste Springbokkaptein. Hy druk ook 'n drie in die wedstryd. Op 21 September 2024 in Argentinië ewenaar hy Victor Matfield se aantal Springboktoetse van 127.^[6]

Etzebeth het op 28 September 2024 sy 128ste wedstryd vir Suid-Afrika gespeel in 'n wedstryd teen Argentinië in Nelspruit en Victor Matfield se rekord verbeter as die Springbok met die meeste toetse. Die wedstryd was 'n sukses vir die Springbokke wat met 48-7 geseëvier het, en daarmee die 2024 Rugbykampioenskap ingepalm het.

Toetsdrieë

Drie	Teenstander	Stad	Veld	Kompetisie	Datum	Uitslag
1	Australië	Brisbane, Australië	Suncorpstadion	Rugbykampioenskap	000000002015-07-18-000018 Julie 2015	verloor 20–24
2	Argentinië	Londen, Engeland	Olimpiese Stadion	Rugbywêreldbeker 2015	000000002015-10-30-000030 Oktober 2015	wen 24–13
3	Frankryk	Johannesburg, S-Afrika	Ellispark	2017 Franse toets	000000002017-06-24-000024 Junie 2017	wen 35–12
4	Engeland	Londen, Engeland	Twickenham	2022-jaareindetoetse	000000002022-11-26-000026 November 2022	wen 27–13
5	Argentinië	Johannesburg, S-Afrika	Ellispark	Rugbykampioenskap	000000002023-07-29-000029 Julie 2023	wen 22–21
6	Frankryk	Parys, Frankryk	Stade de France	Rugbywêreldbeker 2023	000000002023-10-15-000015 Oktober 2023	wen 29–28